روآية -->#قرارات_صعبة❤ (واقعية)بقلم الشاعرة شهرزاد (كاتبة رواية غاليتي)

الحلقةة الوآحد و العشرون

الحلقةة الوآحد و العشرون 2⃣1⃣
من روآية --> #قرارات_صعبة ❤️

انا : مادخلنش بيكن وانتن حرات
لجين حطت صبعها على فمها بمعنى اس
وردت وفتحت المآيك :- الوو
صوت شآب :- ايوه
لجين بحتت فينا واستغربت :- تفضل من معآيآ ؟
الشآب :- قولي لصآحبتك صورهـآ الي عندي توآ تلقآهن عند خطيبها قريب
نحنا بحتنا في بعضنا
لجين حطت يدها على فمهآ وانصدمت
سقمت قمعيزتها  :- من ! شن تحكي انت ؟؟
انآ قعمزت في السرير والاء  صبت قربت من لجين  ونسمعو ..
الشآب :- توآ اتشوف كيف اندير فيها وانخلي حيآتها سوده صورهـآ مش هآنحطهـن ع النت لان انا ولد نآس
بس وحده بوحده انخطبت وفآتتني خلتني نجري وراها انا هانخربلها مشوارها الي ماشيا فيه ..
لجين متعصبه :- اوكي انا توا عرفتك ؛ بعدينانت الي خنتها ياعبدالرحمن ! ماتغلطش غلطه واتخليك تندم لاقدام وخاطا البنت في حالها
عبدالرحمن :- عرفتي اني عبدالرحمن !؟ باهي كويس .. هذا رقمي الجديد ! خلي السنيوره اترن عليآآ عشان اتحآفظ على صورتها في عين المستر ههههههههههههـ ، ،،،،،، وسكر الخط

لجين ماسكه التليفون واتخبط على وجها :- الحقيييير الحقييييير حي على امك ياابرار
انآ قربت منها :- شن اديري توا رني عليها قوليلها الي صار عشان تقعد عارفه
لجين :- لا هي مش ناقصه رعآيش
الاء بحتت فيها :- احسن حل انها تعرف يالجين عشان ادير حل قبل ماالحقير هذا ايدير شي حاجه
لجين سكتت واتهز في كراعها متوتره ..

~

منيه خشت للمطبخ ؛- امي شن اديري
زينب :- كمادآت زهر عشان خيك
منيه :- عليك قصة مفروض يمشي للمستشفى
زينب متضايقه :- مايبيش وحلت معاه انا وحلت ،،،، وخذت الكآس ابتاع الميه وطلعت من المطبخ
دقت البآب وفتحت :- وليد ،،،، وليد
وليد رآقد وجسمه كله عرق ومش قادر يحكي :- امممممم
زينب خشت ولعت الضي :- تعبان واجد قيسك وريني حرارتك نزلت ،،،
حطت يدها على رآسه :-  هيييييي اسم الله عليك راسك زي النآر يآوليدي شن صآرلك بس
وليد مسكر عيونه ويئن وخلاص مش قادر يحكي شي
زينب حطت الكمادات على راسه :- انجيبلك تاكل الله يربحك كول وريحني
وليد هز رآسه بمعنى لالا

~

أبرآ حاطه يدها على قلبها وترعش :- باهي كيف اندير انآآ
لجين :- انتي توآ مآديريش أي ردة فعل وردي باااالك اترني عليه هايعرف انك خفتي
أبرآر ترعش :- الحقير يهـدد فيآآ بالصور حي عليااا ،،،،،،، وبدت تبكي
انآ كريت من لجين التليفون :- هاتي يالوجي ... الو ابرار تسمعي فيآآ
ابرار تبكي  :- اهااا نسمع ،
انآ :-  اسمعي لو رنيتي عليه هـآيعرف انك خفتي ويقعد يهـدد فيك
ابرآر تبكي :- باهي تخآيلي يعطيهن لخليل صآح ، والله يعرفوها هلي يذبحوني انآآ
انآ :- لالا هو توآ يقعد يهـدد فيك ويبي يعرف ردة فعلك
لو خفتي هايزيد
آبرآ تمسح في دموعها :- بآهي توا انفكر في حل انديره
لجين مدتلي يدها ؛- هاتيها نبيها ، .. اآه يآبيرو
ابرآر :- زعمك اندير زي ماقالت هديل ، انا قبل نبي انرن عليه
لجين :- لااااا ردي بالك اترني ، ولا اديري شي
ابرار : باهي فكرن معايا في حل
لجين : خلاص توا بعدين انكلمك خليني انفكر شن اندير من حل
أبرآر تمسح في دموعها :- خلاص باي ...