الحلقةة الثآمنةة والثلآثون 3⃣8⃣
من روآية --> #قرارات_صعبة ❤️
خيريه :- سلم وليدي قولي سبب مقنع عشان نعرف كيف نحكي مع النآس
طلال :- لا مآفي شي هـذآ مافي حكيته لكي
و حط ايديه على راسه وقعد ايفكر
خيريه بحتت فيه :- لا في حااجه ولدي وعارفتك ورحمة بوك تحكيلي سلم وليدي
طلال متوتر :- الي صآر يآامي ان هي صغيره عليآ ومش متفاهمين كل واحد تفكيره في جيهة
خيريه بحتت فيه : هذا السبب
طلال تنهد : مافيش سبب خآطي هـذآ
خيريه :- هاابااا عليك تزليطه قدام خويآ ، يآريتك ماخطبتها من الأول انا من البدايه ماكنتش رآضيه
تسنيم :- مع ان والله طيبه هديل ياخساره
خيريه فنصت فيهـآ :- طيب لهـآتك ، انا مش عليها انا على خويآ كيف انوريه وجهي
~~~~
في الليل انآ مازلت في مكآني رآقده ع الكنبه
واحدآيآ ماما ولجين يهـدرزن ع العرس
ويطبقن في المنآديل
بآبآ في الصآلون يضبح :- لجييين جيبيلي طفآيه
لجين :- شنوو يابابا
بابا بصوت عالي :- طفايه
لجين صبت :- هيآ دقيقه بس
ماما بحتت فيآ :- صبي ديري معانآ ؛ شغلي ايديك وانشطي
انآ هزيت رأسي بمعنى لالا
ماما :- الدوخه الي عندك هذي من كثرة الرقده في السرير، جربي تحركي وتوا اتشوفي كيف اتحول
لجين جت قعمزة :- لااا خليها بس في عرسها خليها ادقه ليا وشم كان رفعت كبآيه ولا درت حاجه
انآ اضآيقت وبرمت ع الجيهة اللخرى وعطيتهـن بظهري
مامآ تليفونهـآ يرن بحتت فيه :- حي خيريه اكيده رآنه اتقصقص ع العرس
انا برمت بحتت فيها
وردت عليها :- خيرآت يآخويره شن دآييره
وتغيرن ملامح وجهـآ :- كنك تبكي ....... هاااا .... ؟؟ خليكي ع الخط دقيقه بس
وبحتت فيآ وصبت وطلعت
انآ قعمزت بسرعه وقلبي يدق و وجهي قعد احمر
لجين بحتت فيا :- راكي تقعدي دايره شي عملة
انا ساكته و قلبي يدق خآيفه يقعد طلال شهـدر بيآآ
_____
مآمآ خشت للصآلون الي برآ وسكرت البآب :- ايوه ياخيريه شن في كنك تبكي
خيريه :- والله يآارجاء ماعندي لكم وجه ولا كنت نبي انرن عليك والمفروض انجي جي لكن احمد ماعندي له وجه
ماما استغربت :- شن في كنك ؟
خيريه :- هديل ان شاء الله ربي يدزلها نصيبها ويقوي سعدها
ماما انصدمت :- نفهم انكم تبو تفسخو الخطبه ؟
خيريه تبكي:- كان عليآ مانلقى خير من بنت خويآ والله يآارجاء قديش منحرررجه
مآمآ اضآيقت :- ان شاء الله غير الغلط مش منهـآ ولا دايره حاجه ؟؟
خيريه :- لاااا الكذب على الله حرام حتى طلال قال ماريت منها حاجه غير مشاكل بيناتهم وماباش يقول اكثر من هكي ولا زاد حرف
ماما اضايقت :- امممم بآهي ان شاء الله خير
خيريه :- يارجيوه الله يربحك مانبيش موضوع زي هذآ يأثر على علاقتي بيكم والله انآ قاعده انشطشط من الصبح ومش عارفه شن اندير انتخبط هنا وهنك
ماما :- لا النصيب على الله وربي مش كاتب ،، مع السلامه توآ يآخيريه
خيريه :- مع السلامه
أنت تقرأ
روآية -->#قرارات_صعبة❤ (واقعية)بقلم الشاعرة شهرزاد (كاتبة رواية غاليتي)
Romantizm(مكتملة)💚
