روآية -->#قرارات_صعبة❤ (واقعية)بقلم الشاعرة شهرزاد (كاتبة رواية غاليتي)

الحلقةة السآدسةة عشر

الحلقةة السآدسةة عشر 1⃣6⃣
من روآية --> #قرارات_صعبة ❤️

وليد مسك التليفون و رن ..
تليفوني يهـز وانآ رآقده ..
تآمي فطنت ، فتحت عيونها وسمعت صوت الهـز
بحتت فيآ لقتني رآقده
صبت من مكآنها بشويااا
وجت مسكت التليفون وليد سكر ..
لقت 7 مكالمآت فآئته وتبي تعرف من من !
كتبت الرمز ابتاع تليفوني عشان تفتحه
بس للأسف ( خطأ في الرمز )
انآ امغيرته !!!
انا قعدت انتقلب وانآ رآقده
تآمي خآفت حطت التليفون مكآنه وعدت خشت في فرآشها وقعدت اتفكر ..
زعمك من الي يرن على هديل هكي !!!
اكيد بوبكر ؟؟ توا بكرى انرن عليه نسأله ..
بس ولو طلع مش بكّي معناهـآ من !!؟
اكيد في حاجه هي داستها عليآآ

~

‎11:00 ص

فتحت عيوني بحتت مآلقيتش تآمي في فرآشها
مديت يدي وخذيت تليفوني القيت مگآلمآت من وليد
ورسآله
فتحتها مكتوب فيها : ( معقوله اديري فيآآ هكي انا نبيك وماعرفتش نرقد بلا مانحكي معاكي حبيبتي ديري حل رني عليا حتى اطلعي من احداها نسمع صوتك بس وسكري )

~

وليد رآقد ويسمع في تليفونه يرن ..
فتح عيونه ويآدوب يشوف قعد ايدور في التليفون ع السرير
لقآه بحت في الاسم لقآه ( بيبي )
فتح الخط ويحكي بصوت نعسان :- آه بيبي
انآ ابتسمت :- صبآح الخير
وليد :- صبآح النور
انآ :- آسفه على ليلة امس
وليد :- معش إتأسفي انآ بس كنت نبيك هـذآ عليش
انآ :- بآهي كنك رآقد لعند توا
وليد ضحك :- وانتي كنك راقده لعند توا
انا نضحك :- بآهي يآبآرد توا اتشوف ، هيا نبي انصبي ونطلع انشوفهـم
وليد :- يييه علينآآ خليكي شويآآ معايا
انآ :- يآودو نبي نطلع
وليد بصوت هادي :- خليك معايا نبيك انآآ

~

أبرآر في الجآمعة جآيآ للمحآضره متأخر
قلبهـآ يدق دقت البآب وفتحت بحتت
خليل كان يشرح للطلبه وبعد فتحت البآب سكتو كلهم
ابرآر :- السلام عليكم
خليل :- وعليكم السلام ، تفضلي خشي
ابرآر ابتسمت :- شكراً يآمستر
خليل فرح عشان ابتسمتله هذي اول مره اتصير ..
وبرم وقعد يشرح للطلبه
في بنت في المحاضره رفعت يدهـآ :- يآاستآذ
خليل :- نعم يآطآلبه تفضلي
البنت :- انآ المحآضره الي فآتت طولت ماخليتنش انخش
ابرآر خشت وقعمزت احذا لجين واضآيقت وقعدت اتبحت ..
خليل ضحك :- تعآلي المحآضره الجآيآ متأخر وتوآ انخليك اتخشي
البنت تضحك :- لا يآاستآذ انت دآير فرق هكي بين الطلبه
لجين اتبحت في ابرار :- مش غير فرق المستر امكبد
ابرآر اضآيقت صبت و خذت شنطتها وطلعت
خليل :- تعآلي يآطآلبه
وطلع ورآهـآ بسرعه
البنت :- هييييي طلع وراها يا بنات بحتن
لجين برمت فنصت فيها :- وانتي عليش راقيلك يآشلتت

....

ابرآر تمشي بسرعه والمآمر فآضي
جآ وآحد صبآ قدآمها
بحتت فيه وجت تبي تمشي من احذاه قعدت ايسكر عليها في الطريق
ابرار قريب تبكي :- احترم نفسك وحول من قدآمي
الشآب :- عطيني رقمك انخليك اتعدي
جا خليل من بعيد وشآفه ويهـزب صوت عالي :- حول هكي ياقليل ادب
الشآب انحرج :- معليش يآاستآذ غير انخوف فيها
خليل بصوت عآلي :- اتخوف فيها هذي وين انصرفها معقوله اتخوفها هكي
الشآب ضحك :- معليش آسف حقك عليآآ استآذ خليل .. وعدآ بسرعه
خليل بحت في ابرار لقاها مصبيه عند السآس وخآيفه :- خلاص مآتخآفيش
ابرار هزت رآسها بمعنى به وعدت
خليل :- ارجي شويا بس عطيني فرصه نحكي معاك
ابرار صبت وبحتت فيه
خليل ؛- عليش طلعتي من المحآضره
برآر مرتبكه بكل :- شي بس اضآيقت معش قدرت نقعد
خليل :- بآهي انا مش هـآنزر عليكي خليكي برآحتك امشي هيآآ
ابرار :- وين نمشي
خليل :- انوصلك لسيآرتك ، مش اتسوقي انتي
ابرآر ابتسمت :- اهـآآ انسوق
خليل ضحك ؛- هـي به عدي ، وروحي للحوش وانآ توا انسجلك حضور ماتخافيش