روآية -->#قرارات_صعبة❤ (واقعية)بقلم الشاعرة شهرزاد (كاتبة رواية غاليتي)

الحلقةة الثآنيةة والثلآثون

الحلقةة الثآنيةة والثلآثون 3⃣2⃣
من روآية --> #قرارات_صعبة ❤️

(( #للمصداقيه : في احداث زياده مني في الحلقة ))

جآ قمعز ع الكنبه و حط كرعيه ع الطآوله
ويتفرج ع التلفزيون
صبت من الكرسي وركبت فوق
جت تبي اتخش دآرها
بحتت وراها وتأكدت ان مافش حد وراها
و وخرت بشويااا وفتحت دآر سفيآن
وخشت وسكرت البآب

قعدت اتفرج ع الصور في البراويز
وخصوصاً انهآ أول مره اتخش دآره واتشوفها
مسكت العطر فتحآته وقعدت اتشم فيه وبخت منه في يدها
قعدت تفتح في الأدرآج واتفرج ع الحاجات الي فيهن
بعدها جت قعمزت ع السرير
وفتحت الدرج الي في الكوميدينو
ولقت ألبوم صور
انسندت ع السرير وقعدت اتفرج عليه

______

انآ بعد تفكير طويل
و انتقلب يمين ويسآر
خذآني النوم ورقدت نومه عمييييقه

____________

السآعه 3:05 am
سفيآن رآقد ع الكنبه وهو مقمعز والتلفزيون وآلع
و الطآوله حآيسه عليها عصير وسبول و تشيبس
تليفونه يرن ..
سفيآن فتح عيونه وبحت حوآليه
وماسك رقبته توجع فيه كان رآقد عليها غلط
مسك التليفون لقآه ( Dad )
رد بصوت نعسآن :- الو
فؤآد :- اه سفيآن شن اديرو
سفيآن :- كنت انتفرج ونعست في الصآله
فؤآد :- والاء ؟
سفيآن :- مش عارف اكيده رآقده اصلا ركبت دآرها من امبدري ، شن صار في ابله ربيعه
فؤأد :- قاعده في العنآيه
سفيآن :- اووو شِتْ !!!
فؤآد :- رد بالك تحكيها قدام الاء ، رد بالك منها لعند انجي بكرى وانشوفها
سفيآن :- اوكي تمام
فؤآد :- خلاص توا عدي تريح تصبح على خير
سفيآن يحك في عيونه :- good night
مسك التليفون وصبآ ركب عالدروج
يبي يرقد في دآره
ركب صبآ قدآم دآر الاء ؛ فكر ان يشوفها كويسه ولا لا
بعدها سكر عيونه هـز رآسه وفآتها
مشى فتح بآب دآره وجا يبي يخش
قعد مصدوم امصبي في مكانه ويبحت !!!!
الاء مقعمزه ع السرير ورآقده
واحداها البوم الصور ابتاع سفيآن ومفتوح
قعدت يبحت فيها شويا لعند استوعب بعدها ضحك
قرب منها شم ريحة العطر ابتاعه مسك الشيشه وحس ان مكانها متغير
ردها مكانهـآ ..
قرب منها ومد يده جآ يبي اينوضهـآ
بعدها غير رأيه ،  مشى للدولآب طلع ورغآن
وغطآها ..
وصبآ عند البآب يبحت فيها ومبتسم
و طلع وسكر ورآه الباب ..

~
‎9:00 ص

وليد فتح عيونه
بحت حوآليه لقى الدار مزالت مظلمه
ويآدوب ضي بسييط جآي من الفتحآت ابتآع الروشن
صبآ يتكسل وفتح الروشن
يسمع في صوت وحده من البنآت قدآم الدآر
قعمز ع السرير ويضبح :- منيه منيييييه
امآني فتحت عليه الدآر :- صبآح الخير
وليد يحك في عيونه :- وين منيه
امآني :- تغسل في الدبش
وليد :- كلميها ليآ نبيها
امآني طلعت وسيبت البآب
وليد مسك التليفون وفتح النت
جت منيه :- وليد تبيني
وليد :- اهـآ خشي
منية صبت عند البآب :- كنك ؟
وليد :- كلمتي هديل امس ؟
منيه ضحكت :- اها حكيت معاها عليك بنيه عسوله بكل
وليد :- قالتلك انهـآ مخطوبه ؟؟
منيه انصدمت :- مخطوبه ؟؟؟ كيف مش تبو بعضكم انت قلتلي
وليد :- نحنا لنا فتره مسيبين بعضنآ وطلعت انها انخطبت في الفتره هذي
منية :- بس كيف ماقالتليش شي !!
وليد :- يمكن تحشمت منك ، نبي نطلب منك حاجه وحده بس
منية :- شنو كنك ؟
وليد :- خليكي قريبه منهـآ وصأحبيها ، هي كويسه وطيبه توا اتحبيها
منية استغربت وجت قربت منه :- كيف انصاحبها ؟
وليد :- يعني ديما اسألي عليها ، قوليلها خلينا اصحاب ومش شور وليد بينا
منية :- افرض البنت قالت لا
وليد ابتسم :- هي طيبه مستحيل اتقول لا ، انتي توا تحكي معاها اكثر وتعرفيها كيف طبعها
سكت وتنهـد وكمل كلامه :- ومتأكد انك هاتحبيها واجد ، لإنها تنحب
منيه اتبحت فيه كيف يحكي وعيونه مدمعآت وجعها خوها :- خلاص توا بعدين انرن عليها
وجت تبي تطلع
وليد يتكسل :- ديريلي قهوة
منية ماسكه الباب :- هيا شويا بس ،،، وطلعت وسكرت