الحلقةة الثآمنةة عشر 1⃣8⃣
من روآية --> #قرارات_صعبة ❤️
كل حد في حآله وليد معش رن عليآآ
وانآ معش نبيه الي صآر بينآتنا انتهـى 💔
ونادمه يآريتني ماعرفته
(( عند الوصول للنهـآيآت ، سنندم على كل مآبدأنآه ))
~~
لجين نآضت في الصبح لقت مروآن رآن عليها
رنت عليه ..
رد واحدآه صوت هرجة :- ايوه السلام عليكم
لجين بصوت نعسان :- صباح الخير حبي
مروان :- ااه صباح النور
لجين تضحك :- عليك أدب بعد تقعد في الشغل
مروآن ضحك و وطآ صوته :- نعنشكلك معش اتضحكيني قاعد مع الجماعه
لجين تحكيله بدلع :- باهي انحبك انا
مروان :- اااه به
لجين :- لااااا لااااا رد عليآا توااا
مروان يضحك :- شكلك رآيقه احذااايااا نااس
لجين تضحك :- را نزعل ؟
مروان وطآ صوته :- انحبك انحبك انحبك
لجين تضحك :- ايوه هكي الواحد ينوض مصحصح ، وخشت عليهـا ابرار انتظآر
لجين :- خلاص حبيبي عدي توا بعدين نحكو
مروان :- تم باي
لجين فتحت الخط على ابرآر :- اهليييين ياحبي
ابرآر تضحك :- مصحصحه اليوم ؟
لجين :- تي كنك حتى انتي زي مروان
ابرار :- باهي هاكي البشآره
لجين :- هااااا قووولي فرحيني ليا واجد مافرحت
انآ خشيت فتحت الدآر على لجين نسمع فيها تحكي :- كذاااااابه ..... لولولولولولولولولولولي ماشاءالله
انا انشآيرلها بيدي بمعنى من ؟؟؟
لجين تحكي :- باهي ياحبي هذي اول خطوه خذيتيها والله فرحتيييييني .......... خلاص توا انطبقو الدرجات السمسمتر هذا ...... ههههههههههههـ ..... خلاص تم ..... بآي توا ، وسكرت منها
لجين بحتت فيا :- ابرآر وآفقت على خليل
انآ فرحت :- ياخيااااا ماشاءالله لنقااانها راجله
لجين تضحك :- مش غير راجله
انا رقدت على سريرها :- ماعنديش نيه نقرى
لجين اتلم في شعرها :- طح سعدك الامتحانات بكرى را
انآ :- عارفه بس نيتي متسكره ع القرآيآ
لجين صبت وادف فيا ؛- صبي صبي اطلعي واقري يافاااشله فكينا من لسان ماما
انآ صبيت :- تي باهي اني مآشيآ
___________
وليد بآيت في حوش ايهـاب عشان يقرو
ايهـآب خآش بالسفره
ويخبط فيهـم بكرعيه :- صبي صبي يامخمج انت وياه
وليد يآدوب فاتح عيونه ويضحك :- صبح يافتاح
ايهـآب حط السفره ع الارض وقعمز :- هيا فطور من ايدين الحاجه ،
ومسك مخده عزقها في الكوري :- صبي يآ نفسيه
الكوري قعمز و يهـزب :- تي اتزيد عليا توا انروح ياايهاب توا انوض بروحي ازف
عبدالرحمن يضحك :- الكوري عند النوم مايعرف حد ، وقرب قعمز عند السفره :- هيا بسم الله
وليد بحت في السفره مسك براد الشاهي :- ماحد ايجي شور الشآهي ااه ، كله شوووري
عبدالرحمن :- نعنجد الشاهي الي ذاهب شيرتك
وليد يضحك :- ياراجل يقعّد الرآس
ايهاب يحكي وفمه مليآن :- رايح كيف الشيآب
وليد ضربه على ظهره :- غير ازمط الي في فمك قبل
