الحلقةة الآولى 1⃣
من رواية --> #قرارات_صعبه ❤
______________________________
لجين فتحت الدار لقتها ظلام : اففف بنتها نوم
مشت عند الروشن وفتحاته بالقوة :- نووووضي سآدك نوووم يآخميره
انا يادوب فتحت عيوني وغميت روحي بالمخدة :- اوووف يعني لازم تفتحي عليآ الروشن 😫
لجين :- اس اس اتقول انوض فيك من الفجور راهي الساعه 2 صبي وانتي شي لا شغل لا مشغله
انا تغطيت واضايقت :- صببببح يآفتاح شكلك خاطرك في عركه ، عادي را انصبيلك 😒
لجين بحتت فيها ومشت شور الباب :- ماااااماااااا تعالي شوفي بنتك الجالطه
انا قعمزت في السرير :- بدينآ في الايباري الي تعزقي فيهـن خزززي هالسوسه 😡
ماما ادير في الغداء في المطبخ
جت صبت عند الباب واتهزب :- خلاااااص وانتن طول يومكن عرايك قلبتن رآسي
تليفوني يهـز تحت المخده 📱
طلعته القيته ابوبكر 😍
انآ فتحت الخط ونحكي بصوت نعسان :- صبآح الخير حبيبي
ابوبكر :- صبآح الخير ؟؟؟ كنك مشغول يآهـآنم ؟؟؟ مع من تهـدرزي !!!!!
انآ انصدمت :- توا كيف نضت انا
ابوبكر :- هـه ! اييييوه هذينا طروح البنآت !! والنبي سكري فكيني من الكذب والجو الي اديرن فيه
انا خنقتني العبرة :- بوبكر عيب الكلام هذا ع الصبح لنا ثلاث سنين مع بعضنا رآ ؟ معقوله مازلت اتشك فيآ ؟؟
بوبكر :- تي اووووكي نفس الكلام الفاضي تحكن فيه كلكن سكري مش فاضيلك ... وسكر في وجهي
انا صبيت من سريري وانتأفئف :- استغفر الله العظيم يآربي عليك صبح شكله ... توضيت وصليت الصبح والظهـر
صبيت انشوف في روحي ع المرآيه
وجي اصفر سرحت في شكلي
:- كنك يآهديل قعدتي هكي وضعفتي
نمسك في خدودي :- ووووه شنو هذا وجهي مُرهـق وتعبآن عليك حاله خلاص
حولت من قدام المرايا بسرعه وطلعت انشوف ماما في المطبخ
نزلت مالدروج وخشيت للمطبخ :- صباح الخير
ماما ماسكه الايبآد فاتحة فيس :- صباح القايله
انا بحتت فيها :- شن اديري
ماما شايرتلي ع التلاجة :- شيلي القازوزه برا و وتي سفرة الاكل علي ما شفت الاكله هذي طريقتها
انا طلعت القازوزة مالتلاجة :- به اني مآشيآ
وانا طالعه خبطت في لجين ماشفتهـش
لجين فنصت فيا :- تي كنك زي البهـيمه تمشي بلا ماتحق
انا دفيتها بيدي :- حولي هك يامريضه مش ناقصتك
شلت السفره ومشيت القيت عبدالله يلعب في سوني برآ
خشيت للدآر ومريت من قدام التلفزيون
عبدالله عيط :- حوووووولي ياحيوانه توا ايحطو عليا چووول
انا :- ماناقص عليا الا نقعد مصبيه بالسفره لعند ماتكمل لعبتك
عبدالله :- را انصبي انصبهن لكي !!! 😒
انا بحتت فيه :- شنووو ؟؟ عاود شن قلت
عبدالله ضحك :- انصبهـن لكي يعني نضربك ابواني على وجهك
انا مشيت للمطبخ :- مااااماااا
ماما اتعيط من بعيد :- سمعتك ياقليل الادب توا اتشوف عند باتك ع الاسلوب الشوارعي الي تحكي بيه مع خواتك
انا قارنه حواجبي وطلعت من المطبخ
نبي انخش جوا سمعت صوت البآب يدق رديت ومشيت فتحت لقيته بابا جايب معاه شكاير
بابا خش يسلح في كندرته :- السلام عليكم
انا مديتله يدي :- وعليكم السلام هات هات من يدك
بابا :- لا ثقال وين خوك ايجي ايشيل
عبدالله دار روحه راقد عشان مايبيش يتعب
انا بحتت في بابا :- راهو ايمثل توا كان يلعب
بابا بصوت عالي :- صبي تعااال خود من اختك
انا :- عادي يابابا مش ثقال والله ،
وخذيتهـن وشلتهـن لماما في المطبخ ..
