روآية -->#قرارات_صعبة❤ (واقعية)بقلم الشاعرة شهرزاد (كاتبة رواية غاليتي)

الحلقةة التآسعةة عشر

الحلقةة التآسعةة عشر 1⃣9⃣
من روآية --> #قرارات_صعبة  ❤️

مر اسبوع الامتحآنآت واليوم آخر يوم وآخر امتحآن
نضت في الصبح القيت مگآلمه فآئته من الاء
رديت عليهـآ :- ايوه
الاء :- ان شاء الله رآقده
انآ :- لا نلبس قاعده
الاء :- هـيآ هديل نبيك تشرحيلي حاجه قبل مانخشو للقاعده حآيسه كلي في بعضي
انآ :- بعدك اصعب ماده حطوها اخر يوم ، خلاص اني جايا مش هآنطول

~~

عبدالرحمن قآعد في العلوم يرجآ في ابرار اتجي
مصبي قدآم قسم النبآت ويبرم
لجين كيف حطينأها في كليتهـآ
وهي خاشه شافاته :- هيييي الحقيير شن جآي ايدير هـذآ هـنا
عبدالرحمن يحت فيها وحركلها حواجبه
لجين برمت وجها ع الجيهة الاخرى :- خزي عليك شكل

~~

وليد نزل من سيآرته
مآشي شور القسم  شآف الاء مصبيه
شآيرلها بيده
الاء بحتتت فيه  ابتسمتله 

وليد خش جوا و يمشي في المآمر
جآته سندس وقفآته :- معليش دقيقه من فضلك
وليد استغرب  :- تفضلي اي خدمه ؟
سندس ابتسمت  :- انت وليد صح ؟
وليد :- ان شاء الله
سندس :- بآهي انا نبي نحكي معاك في موضوع شخصي خآرج إطآر القرآيآ

الاء خشت شآفتهم مصبيين ويحكو
انصدمت :- هييييييي سندس شن تبي منه الحقيره
رن تليفونها طلعت وردت :- ايوه
انا :- تي وينك مش قلتي عند الكرآسي
الاء مرتبكه :- لا انآ في القسم
انآ :- تم آني جايتك ، .. وسكرت
الاء  :- لالا ماتجيش ،، الووو الوو ،
ونزلت التليفون :- عليك قصة ازف كيف اندير توا

~

وليد :- باهي فهمنا انك اختها شن تبي مني توا ؟
سندس :- مآنبيش منك حاجه انا بس موقفي كان شين هذي اختي وهذي صاحبتي وانت ليش تلعب بيهن
وليد ضحك :- تي اين نلعب بيهـن وين مآشيآ اتزري انتي !!
سندس : باهي فهمني شن الي قاعد ايصير
وليد بحت فيها وابتسم : اختك ماوعدتهـش بشي وحكيت معاها تقريباً شهر على اسآس اصدقآء وهكي دزتلي صور واتلمحلي كنك ماعطيتني رقمك لعند توا ، عطيته لها قلتلها هذا رقمي ورني عليا !
سندس :- بس البنت حبآتك ؟
وليد :- انآ قلتلها حبيني ؟ انا وعدتها بحاجه ؟

~~

انآ ماشيا شور الباب :- تي هـيآآ خشي
الاء اتكر فيآ من يدي :- لا يآهديل فكينا من الغمه ابتاع القسم
انآ دفيت يدها :- تي حووولي مانحبش نقرا برا ، وخشيت
الاء  تمشي ورايا:- تعااالي
فجأة ..!
وقفت مكاني
شفت وليد مصبي مع سندس ويضحك بصوت عاالي وهي مبتسمه
قعدت مصبيه في مكاني وانبحت فيهـم

~

وليد يضحك بصوت عالي :- والله ضحكتيني اتصدقي ، نعنجد انآ نضحك عليها !! تي هذي حبيبتي
هديييييل  حبيبتي..  وعدي قوليها لأختك وقوليها للدنيا كلها
سندس مبتسمه يعني هازيه على كلامه ،
بعدها بحتت ورى وليد و ارتبكت و وجها انحمر :- هديل !
وليد :- اهااا هديل ، هديل هي حبيبتي
سندس :- هديل وراك
وليد انصدم وبرم بحت لقآني مصبيه وانبحت فيهم