روآية -->#قرارات_صعبة❤ (واقعية)بقلم الشاعرة شهرزاد (كاتبة رواية غاليتي)

الحلقةة الرآبعةة والثلآثون

الحلقةة الرآبعةة والثلآثون 3⃣4⃣
من روآية --> #قرارات_صعبة ❤️

انآ بحتت فيها :- شن تعرفيه ؟
الاء :- هذا البودري الحقير
انآ انصدمت مانحسآبآش هكي :- كذابه
الاء :- تي عليش كذآبه بودري رآ بحتي شكله
وصلنآ عند الدآر
الاء قربت مني :- ماتقوليش لأمك ان هـذآ هو
انا سكتت
خشينآ لقينآ عندهـآ هلها
ابله ربيعه تفآجأة بجيتنآ
عمو فؤآد سلم علينآ وطلع برآ
ربيعه ؛- عليش تعبتي روحك يآارجاء
ماما :- يآبتي انتي خيتي مش بيناتنا
امهـآ :- سلمك يآحنه انعنك ماتغيبي
ماما :- سلمك يآحاجه ،  و والله قديش زعلت بعد عرفتهآ اليوم بالصدفه
ربيعه ضحكت :- انآ قلت لفؤآد مايقولش لحد هي كلها يومين وطألعه
امهـا :- حتى نحنآ زيك والله البآرح في الليل كيف قآلوهـآ لنآ ويآمآ درت فيها
اختهـآ :- اها والله امي هـزبتها
وبحتت في الاء :- انتي كيف قاعده بروحك في الحوش ؟
الاء بحتت في امهـآ :- لا معايا اخت عمو فؤآد وسمآ الشغأله والحوش فيه بوآب يعني امان وعمو فؤاد ايروح في الليل ..
ربيعه ابتسمت وقعدت سآكته
امهـآ :- والله قبل نبو نآخذوك قلنا ماتقعديش بروحك
ماما ضحكت :- حتى انأ قبل نبي ناخذهآ بعد قآلت ان في حد مونسهـآ اطمنت عليهـآ
انآ بحتت في الاء وبصوت وآطي :- عليش كذبتي يآحيوانه؟
الاء :- لو يعرفو ان الي معايا سفيآن وحق ربي احتمال ننذبحو انآ وماما الي قدآمك هذ
انآ :- وعليش
الاء :- توا انقولك بعدين
وقعدنآ انهدرزو وعدا وقت ..

....
مآمآ :- هديل هـيآ ماما طولنآ ،
وبحتت في الاء : هـيآ الاء البسي وشاحك ؟
الاء مسكت يد ربيعه :- لا خلوني مع ماما
ربيعه بحتت فيها ؛- عدي ماما مع هديل
خش فؤآد جآيب علبة شكلآطه :- السلام عليكم، هـيآ تفضلو
امهـآ خدت منه طرف :- سلمك جيآب صحيت
فوآد :- زيدي اخرى يآعمتي
الاء صبت تجري مسكت في يده :- عمو فؤآد قوللهم ايخلوني مع ماما وتوا انروح بعدين
ماما ضحكت :- شكلهم دآيرين عليكي حزب يآربيعه
ربيعه :- اسكتي مش غير مايتحمل فيهآ شي
فؤآد :- خلاص اقعدي توا اتروحي بعدين
الاء ضحكت :- كنت عآرفه ان مش هـآيقولي لا

~

8:00 م

طلال يصلي وتليفونه يرن
جت خيريه بحتت لقآته ( ❤️ ) قلب هـكي
عرفتني انآ :- يآك الا قلب هـاآبآ
وفتحت الخط :- ايوه
انآ سمعت صوتها قلت في سري اووف :- الو اهلين يآعميمه
خيريه :- منو ؟ هديل ؟ والله ماعرفتك
انآ  :- اهااا سبحآن الله
خيريه :- شنو قلتي
انآ :- لا قلتلك كيف حالك ؟
خيريه :- سلم حالك ، وانتي شن دآيره
انآ :- تمام الحمدلله ، وين طلال
خيريه :- قآعد يرأجع في الملفآت ابتآع الشغل مش فآضي
انا استغربت :- اهااا بآهي تمام
خيريه :- شن تبي انتي قوليلي توا انقوله ؟
انآ :- لا شي ، سلامتك يآعميمه
خيريه :- هي مع السلآمه
انآ :- بآي

اضآيقت هـذآ شكله يلعب ايقولي رني عليآ
بعدها اترد الهم هذي اتقولي مش فآضي
سكرت تليفوني وحطيته ع الكوميدينو
وصبيت انعلق في دبشي في الدولآب