الحلقةة العآشرةة 1⃣0⃣
من روآية --> #قرارات_صعبة ❤️
انا مصدومه من الي نسمع فيه ومش مصدقه ان عبدالله ايدير هكي
لجين اتعيط اتحز : خلاص يآبآبآ را يموت بين ايديك
بابا يضرب فيه :- انا نبيه يموت انا نبي انتريح منه انا يآانربيه يانقتله
انآ جيت نجري نبي ناخد من بابا العصآ وبآبآ وخر يده بالقوه جت في رآسي
انا حطيت ايديآ على رآسي وعيطت :- اااااه
بآبآ انفجع :- بسم الله سامحيني ..
وقعد يدعي على عبدالله :- كله منك ذهبت شيرتي الله ياخدك ان شاء الله وانتريح منك
انآ نبكي من قوة الخبطه
وجت عيني عالساعه القيتها 12 !!!
يعني خش عيدميلادي !!
حطيت ايديآ على وجهي ونبكي وجعتني ان بدآية السنه الجديده هكي نكد 💔
لجين جابتلي تلج :- هاكي حطيه على راسك
انا دفيت يدهـآ :- حولي مانبش
وصبيت ركبت خشيت دآري وسكرتهـآآ
القيت وليد رن عليآآ وااااجد ودآزلي مسج ردي ضروري نبيك
مسحت دموعي وقلت ان اكيده يبي ايعيد عليآآ
رنيت عليه وصوتي مبحوح لإن كنت نبكي :- ايوه
وليد :- ويييينك خوفتيني عليكي !!
انآ :- لا ماكني شي
وليد :- اصلا سكرتي بسرعه شغلتيني
انا :- لا ماتخافش مافيش شي
وليد :- كنه صوتك حبيبتي
انآآ نرجآ فيه ايقولي كل عام وانتي بخير بس معش قالها :- لا ماكنش
وليد :- باهي انخليكي ترقدي ؟؟
انا استغربت بكل واضآيقت وعيوني حسيتهن يبن ايدمعن :- اهـآآ نبي نرقد نعست
وليد :- باهي تغطي كويس وردي بالك من روحك بآهي
انا خانقتني العبره خلاااااص :- ان شاء الله بآي ... وسكرت ..
خذيت مخده و حطيت وجهي فيها عشان ماحدش يسمعني وقعدت نبكي
كيف نسى عيدميلادي ؟؟ 💔
هذا اهم يوم في حيآتي وكان ايقولي بعد ايجي عيدميلادك انديرو حفله اتهـبل ؟؟
هـو ليش يكذب عليآآ ليش مش قد وعده ليآآ ؟؟
خاطري انكسر 💔
قآعده بروحي في يوم زي هـذآآ
حتى هلي لاهـيين في عبدالله ومآحدش عيد عليآآ فيهم
_____________
آمر الكتيبة :- لالالا يابوبكر هـذآ شغل مآفيش لعب وانت توا لازم تطلع مع الجمآعه في الدوريه
بوبكر رآقيله :- يآأفندي عطيني 5 دقآيق بس يعني يقدرو يرجو 10 دقآيق اخرى جمآعة المنآوبه
الآمر تنهد :- بآهي بسرعه 5 دقآيق مش اكثر علي مالحقت انصلي ركعتين وانجي
بوبكر عدآ بعيد وطلع تليفونه ....
انا متضآيقه ونبي انسكر تليفوني
لإن مآفيش حد عبرني حتى وليد اقرب شخص ليآ نسى عيدميلاآدي
فجأة التليفون هـز في يدي
شفت الاسم القيته مكتوب ( حبيبي )
انفجعت من حبيبي ؟؟؟
انسيت ان انآآ مآزلت امخليه رقم بوبكر زي مآهـو ومآغيرتش لعند توآآ ..
مآقدرتش نمسك روحي ..
كنت محتآجه نسمع معآيدة من حد
محتآجة كوكي 💔
نبي صوته ، نبي نشكيله زي زمآن نبي نحكيله شن صآير فيآ 💔
نبي انقوله تعااال شوفني انآ تعبآنه بلآك انآ مآزلت مآتعودتش نقعد بدونك 💔
بعد الفتره هذي كلهـآآ
بس انت خنتني مع خلود وانآ مش هـآنسآمحك عليهـآآ
حاولت ننسى كل الافكآر الي جن في بآلي ..
