الحلقةة السآبعةة والعشرون 2⃣7⃣
من روآية --> #قرارات_صعبة ❤️
ماما بحتت فيها :- هديل شنو الي قآله لنآ طلال برا
انا انصدمت ليش طلال قالها بسرعه هكي :- شن ،،، شنو قال طلال
ماما :- كيف صار و وافقتي ع الخطبه ؟
انآ حسيت روحي اسرعت فلي درته امس :- ياماما اناا ..؛ انا فكرت و اقتنعت
ماما اضايقت :- عارفه ياهديل ..
خشت عميمه زكيا ماما سكتت
وقريت مني بصوت واطي :- توا نحكو في الحوش
انآ اضآيقت وطلعت برا
عميمة خيريه :- صباح الخييير على كنتي ، تعاالي تعاالي
انا ابتسمت وعديت سلمت عليها بالخد :- صباح الخير
بريكة :- كيف القرار المفاجئ هذا ؟
انآ ابتسمت :- اهو فكرت ولقيته هذا احسن شي
بريكة :- براوه عليكي زين مادرتي
زكيآ طالعه من جوا ماسكه صونية دحي :- اهو درتلك دحي ساخن ياطلال
طلال ابتسم :- سلم ايديكي تعبتك
زكيا بحتت فيا :- قبل كنت نبي انجيكم الاسبوع الجآي عشان نقعد معاكي ونقنعك لكن ماشاءالله خذيتي القرار الصآئب
امال تضحك :- خلاص وجها تما باكو الوان البنيه
طلال ضحك و وخر الكرسي الي جنبه وبحت فيا :- تعالي قعمزي
خيريه دفتني :- عدي امشي احذا خطيبك
انا اضآيقت في عقلي انقول شن درت في روحي انآآ
طلال عطآني خبزه :- كولي قبل مآيسقع الأكل
ابتسمتله ومسكت العصير ؛- مانحبش نفطر
خيريه :- هييييي هابا قاعده مجعكة لا كنتي نبيها سمينه
بريكة تضحك :- خيريه بشويا ع البنت
طلال بحت فيا :- هيآ عشان خاطري كولي حتى شويا بس
مسكت الخبزه وفشيت غلي في الاكل قعدت ناكل ناكل ناكل
طلال يبحت فيآ ومبتسم :- مش ماتحبيش تفطري
وانا مكشره وفمي مليان :- كنك
طلال مدلي العصير وضحك :- هاكي اشربي را تشرقي بس
حطيت الخبزه ع الطآوله :- الحمدلله وصبيت
طلال مسك يدي :- كنك زعلتي تعالي
انا بحتت فيه وابتسمت مانبيش حد يفطن :- معش تمسك يدي ، ومعش تحكيلي واديرلي هكي قدامهم
..
طلال سكت وبحت فيا ونزل يده
انا عديت نبي انخش شفت بابا جآي من بعيد
عبدالله مكشر وقالب وجه
انا :- صباح الخير يابابا
بابا :- صباح النور كنك بالتوته مازلتي
انا :- توا خاشه نلبس هي
________________
وليد قآعد في الشغل :- اصلا ليا واجد معش جيت
عمر :- والله حتى انا هامل شغلي ويستر الله
وليد :- وين اخرى وريني ملفات اخرى مادام قاعد فاضي
عمر :- والله يآوليد واااجداااات بكل
وليد انسند ع الكرسي :- نين حسيت جهدي عدا كله ،، وقعد يكح
عمر :- اشرب اميه
وليد :- لا مش شاررق ماهو مازلت مريض
عمر :- لا ياراجل لنقانها الكحه تهلك الصحه
وليد رفع حواجبه :- هلكتني لنقاااانها هلكتني
عمر ساكت ويبحت فيه بعدها ضحك :- تي كنك اتقول هموم الدنيا على راسك انت
وليد ضحك :- تي والله خالطه عليا ياعموره كلهاااا ، وحق الله تأكدت ان ماعنديش حظ رسسسمي
عمر :- توا ربي يفرج والله كلها هك
وليد :- انقولو ان شاء الله
~~
نحنآ روحنآ للحوش
خذينا طوول العشيه ونحنا انضفو فيه
لنا اسبوع غايبين ع الحوش
وتوا جا الليل درت دوش وحاسه جسمي تعبااااان
خشيت ورقدت على سريري
انفكر فـ الي درته انا صح ولا غلط
