الحلقةة الثآمنةة والعشرون 2⃣8⃣
من روآية --> #قرارات_صعبة ❤️
لجين قربت مني وضمتني :- ناعليااا اختي انخطبت يآنآس ، كبرت وقعدت عروس
انا حضنتها بالقوه كنت محتاجه حد يضمني
لجين ضحكت ؛- خلاص وانتي عشتي الدور بلا طروح وانتي ماصدقتي هيا انزلي
قعدت نضحك. :- هياا هي
طلعت لجين من الدار ونزلت وراها ..
ننزل وانبحت في الدروج درجة درجة ...
و ماسكه في الحديد
خشيت للمطبخ القيت لجين بس
لجين مدتلي السفره :- هاكي وانا توا انجيب الشكلاطه
انا مسكتها منها :- من جا ؟
لجين :- عميمه خيريه وعميمه بريكة وموده وتسنيم وطلال
انا مسكت السفرة وخشيت للصالون القيتهم مقعمزين
ابتسمت
خيريه :- ماشااااء الله ع السماحه
بريكة :- نجك لياااا ياربي
نعطي فيهم في العصير ولجين ورايا بالشكلاطه
تسنيم :- فرخه رايحه. اتهبلي
جيت نعطي في موده مدت يدها :- اصبري انسقملك شعرك من هنا ،،،، وداراته ليا
حطيت السفره وسلمت عليهم
وجيت نبي نطلع
خيريه :- لا نحنا مش برانيه اقعدي تعالي
ابتسمت وقعمزت جنب تسنيم
بريكة :- قعمزي جنب خطيبك تعاالي
بحتت في طلال القيته يبحت فيا ومتحشم
مشيت وقعمزت احداه
خيريه بحتت فيه :- عطيها الهديه وينها
طلال مد يده وعطاه ليا :- هاكي حاجه بسيطه
انا خذيت الكيس :- عليش تعبت روحك
خيريه :- لا تعب لا شي انا قلتله لازم تاخد عطر و خوذه ماركه هديل اتحب الماركات
ماما ابتسمت :- والله مافي داعي للسريب هذا كله
بريكة :- يابتي ماهناك شي هن شوية حاجات
خيريه بحتت فيا :- هديل خوذي طلال وعدو للصاله عشان تحكو براحتكم
انا ابتسمت :- حتى هنا متريحين
ماما فنصت فيا :- عدي ماما صبي
صبيت و طلال صبآ معايا ..
قعمزنآ في الصآله
انا قعمزت ع الكرسي وهـو ع الكنبه الي جنبي
بحت فيآ :- كنك سمحه هكي ؟
انآ ابتسمت وقعدت سآكته
طلال ارتبك :- هديل مآفيش شروط تبيهن
انآ :- كيف يعني
طلال ضحك :- شكله مافيش حد شرحلك بكل
شن تحكي
انا فوق راسي علامة تعجب :- شن نحكي به ؟
طلال ابتسم :- بحتي مثلاً اتقوليلي نبي نسكن بروحي مانبيش فوق هلك ، او نبي انكمل قرايتي او عبايه لا
انا ضحكت :- وانت شن عرفك هذا كله
طلال :- كيف ماهو فهموني الجماعه قبل مانجي
انا ابتسمت وسكتت
طلال :- ها شن قلتي
انا :- اتخليني برآحتي ، مانحكوش واجد بالتليفون ، نطلع وانخش واندير الي نبيها ، خطبه رسمي يعني دفع وهكي مانبيش الا قبل الفرح ، الباقي ساهل
طلال استغرب :- بس يآهديل ع الأقل دفع بس
انآ ابتسمت :- دفع وفاتحه قبل الفرح بأسبوع هذا شرطي
طلال انسند وحط يده على فمه :- فأجأتيني ماتوقعتش هكي
انآ قربت منه و وطيت صوتي :- طلال لو سمحت وافق ع الحاجه هذي بس ..! لو ماتبيش نقدرو كل واحد يمشي في حاله
طلال بحت فيا :- شنو يمشي في حاله كنك انتي مستحيل اتصير هذي
انا :- خلاص انا هكي نبي
طلال سكت فتره ..........
وبحت فيا :- باهي بس تلبسي دبله بلا دفع وفاتحه
انا سكتت وقعدت انبحت في يدي :- اوكي موافقه المهم حاجه رسميه لأ
طلال :- مافهمتش تفكيرك هذا كيف بس الي اتشوفيه حاضر انا المهم راحتك
انا ابتسمت
