الحلقةة الخآمسة والثلآثون 3⃣5⃣
من روآية --> #قرارات_صعبة ❤️
بوبكر قآعد قدآم التريلا
و يفكر كيف يبي ايجي وشن يبي ايدير
خصوصاً ان مآحصلش فرصة ايجي لبنغآزي
وماقدرش ايسيب الرجمة
عدآ خش جآب ورقة وبدآ يكتب فيها ( طلب نقل لكتيبة 204 دبآبآت )
~
1:00 م
تليفوني يرن .......
يآدوب فتحت عيوني
ونلمس ع الكوميدينو نبي نوصل في التليفون
مسكت التليفون ورديت وانا مسكره عيوني
حاسه روحي مازلت نعسآنه لقيتها اروى :- الو
اروى :- نوضي ياخميره
انا بصوت نعسان :- تي مبردك شن تبي احكي نبي انكمل نومي
اروى :- صبي صبي عشان الواحد يعرف كيف يحكي معاكي
انآ :- تي انتي الي نآيضه من الفجور
اروى :- تي اين فجور السآعه 1
انا بحتت في السآعه في التليفون :- حي عليآ رقدت واجد
اروى :- بآهي قوليلي انتي قاعده في الحوش اليوم
انآ تقلبت رقدت على ظهـري وعدلت روحي :- عليش كنك
اروى :- نعنجد عليش خزي عليك برادة وجه فيك
انآ ضحكت :- يآحيوانه مش قصدي شي وانت ضآربه النقص اشر من تسنيم
اروى :- تي اها نبي انجيك
انآ :- ييييييييه عليآآ، جآيني طلال على اسآس يبيني نطلع معاه
اروى :- اوووف مآفيكش جو ، اصلا ماما مآشيآ عند هلهآ وانا مانبيش غادي نمشي نقعد انحوس وسعدي يطيح وانروح
انآ انحك في عيوني :- بآهي اسمعي بابا قال لطلال ماتطلعوش بروحكم ، قاله توا انجيب تسنيم ، شن رأيك ناخذوك
اروى :- فكيني من امها تسنيم ، كان بروحكم راهو قلت بآهي
انا :- بآهي خلاص توا انقوله مايقولش لتسنيم وانعدو بروحنا وناخذك ، اصلا نبيك في عرم مواضيع
اروى :- بلكي طلال يضآيق يبي تاخدو راحتكم
انآ :- فكيني انا اصلا مانبش نقعد معاه بروحي يقعد يحكيلي كلام رومآنسي انحبك والجو هـذآ وانا ننقرف
اروى شهـقت :- هييييييي !! طح سعدك كيف يعني تنقرفي
انآ :- تي مانحبش نسمعه من حد مآنحبش
اروى ضحكت :- بآهي رصيدي هايكمل ياحيوانه هـن جنيهين سرقتهـن من زكريآ ونهاري اسود بعد ينوض ومايلقآهنش
انآ ضحكت :- خلاص توا انهـدرزو بعدين ،،
___
طلال قآعد في الشغل في المينآء
وشمس و حمو يحكي مع وآحد صآحبة ؛- خليها على تخليص الجمرك الي عندك
صاحبه :- يآطلال الحآويه لو نزلت للسوق توآ هـآتنبآع بخسآره
طلال :- خليهـآ شور التخليص ونزلتها للسوق شوري انآآ
صآحبة :- بأهي عطيني شويآ وانرد عليك
وعدآ ..
طلال قعد مصبي يبحت في السُفن والبضآيع
تليفونه رن بحت لقآه ( ❤️ )
ابتسم ورد :- صبآحك ورد
انآ :- صبآح الخير
طلال :- نحسآب روحي نحلم
انآ :- كيف يعني
طلال :- استغربت بعد شفتك اترني خصوصاً ان مش من عآدتك
انآ :- اهااا ، غير نبي انقولك ، عادي كان نآخذو معانآ اروى بعدين
طلال :- بآه عادي توا تقعد مع تسنيم
انآ :- اه لا انآ نحسآب نآخذو وحده بس ، لكن لو تسنيم مآشيآ خلاص توا انقوللها فوتي اروى
طلال :- غير قوليلي انتي من الي تنسجمي معاها اكثر ؟
انآ تحشمت انقوله :- عادي يعني
طلال :- غير هيا من ؟
انآ :- هن الاثنين صاحباتي بس اروى اقرب مني في العمر هذا عليش
طلال :- خلاص خلي اروى اتوتي روحها ، غير توا قاعد في الميناء ، انروح انتغدى واندير حمام بعدها انقولك وتي روحك وانعدو ناخذوها
انآ :- خلاص بآه
طلال :- يآعمري انحبك بآهي انا
انآ اضآيقت :- خلاص بعدين انتلاقو بآي ..
وسكرت
، صبيت لميت شعري و خشيت للحمآم
