الحلقةة الأربعون 4⃣0⃣
من روآية --> #قرارات_صعبة ❤️
#الأخيــــرة ❤️
انآ اضآيقت وبحتت فيه :- باهي انخليك اتريح ، غير حبيت انشوفك واندبر معاك الواجب
وبرمت وصلت عند البآب جيت نبي نطلع
وليد :- هديل
قعدت مصبيه في مكآني ومآبيتش انرد عليه
وليد :- انآ مـسافر الاسبوع الجاي
انا انصدمت حتى وليد يبي يعدي !!
برمت وبحتت فيه : كيف ماشي ؟؟
وليد تنهد : طلعت تأشيرتي وماشي خلاص
انا سكتت
وليد ابتسم : انرشاء الله تكوني مسامحتيني
انا عيوني دمعن : وليد ماتعدش
وليد ضحك وهز راسه : بعد شنو ياهديل !!؟ كم ره اجديتك وخليت هلي يكلموكي وسكرتي راسك وكنتي اتوزعي فيا
قعدنا ساكتين
وليد تنهد وخلط ايديه في بعضهن : فات الاوان ياهديل
انا بحتت فيه ومسحت دموعي وابتسمت : خلاص معناها مافش داعي نحكو مدام فات الاوان
وليد ابتسم : انشوفك بخير ياهديل
بحتت فيه وحسيت بخيبة
حسيت ربي عاقبني لاني طمعت وخداهم مني كلهم
سامحني ياربي 😔💔
برمت وطلعت وسكرت الباب ورايا
نزلت مشيت للخيمة ونمسح في دموعي
منيه بحتت فيا : خشيتي للحمام
انا ابتسمت : اهاا
خطمت بنت شايلة سفرة اميه
بحتت فيها : عطيني كباية معلش
_______
الاء قاعده اتضم في المطبخ و وجها مرهق
وتعباانه بكل تليفونها يهز في جيبها
بحتت جيهة الباب مالقتش حد
صبت عند الدولاب و طلعت التليفون لقت رسآله
من سفيآن :$
(( حبيبتي نوعدك كل شي صار بسببي يتصلح
انا هانصلح غلطي والله ماكان في نيتي اندير معاك شي
ولا نضحك عليك زي ماقالت امك ، انا عمري ما كنت انفكر اني انحب وكنت نلعب وعمري ماكنت جدي
بس انتي غيرتي كل شي فيا
وغيرتيني حتى انا ، انحبك يآغريبة الاطوار ))
الاء تقرا فيها وحاطه يدها على فمها وتبكي
حتى انا انحبك والله ❤️
ياريت الي صار يصلح ياسفيآن يااارب ..
دق الباب الاء دست تليفونها
ومسحت دموعها و مشت تفتح
صبت ورا الباب :- من
سمعت صوت رآجل :- افتحي
الاء فرحت و فتحت الباب :- عمو فؤآد
فؤآد ابتسم :- بنتي الشيطانه
الاء اضبطآته وقعدت تبكي
فؤآد :- اششششش خلاص توا تنحل القصة ماتزعليش
ربيعه طلعت من الدار :- من الي جآ ؟؟
وصبت قدام الباب لقت فؤآد متضبط الاء
هو بحت فيها زييين ..
ربيعه بصوت عالي :- خشي جوا بلا طروح
الاء زادت تبكي اخرى
فؤآد وخر من الاء و جآ قرب منها :- كيف حالك ؟
ربيعه ماتبش اتبحت فيه :- الحمدلله في نعمه من ربي وشر من العبد
وبحتت في الاء فنصت فيها :- خشي الدار وسكري على روحك
جت امهآ من جوآ :- مرحبتيين انست ياوليدي
فؤآد ابتسم :- شن دايره ياعمتي كيف حال صحتك
امها :- في نعمه الحمدلله
فؤآد عطاها الشكاير
امها خذتهن منه :- ليش متعب روحك
فؤآد :- مافيش تعب حاجات جايبهن لأمي ولا مش حاسبتيني ولدك
امها ضحكت :- وليدي وأعز والله ؛ خش للمربوعة تريح
فؤاد خش قمعز في الصالون
و ربيعه خشت جوا للمطبخ ومعش بت تطلع عليه
امها ادير في القهوه :- عيب عليك راجلك
ربيعه :- قوليله رقدت وانا حره مش طالعه عليه
امها خذت السفره وطلعت :- ياويلك من ربك علي اديري فيه
فؤآد قاعد في الصآلون
جت ام ربيعه جآيبه سفرة قهـوة
فؤآد صبا وخذا منها السفره :- ليش تعبتي روحك يأعمتي
امها :- ماهناك تعب يآوليدي كلها شوية قهوة
وفؤآد خذآ الفنجان وشرب منه :- سلم ايديكي ، زي قهوة ربيعه سبحان الله
امها تضحك :- اكيد كله تعلماته مني
فؤآد حط الفنجان عالطاولة :- وينها هي ؟
امها ارتبكت :- خشت رقدت
فؤآد اضآيق :- رقدت !!
امها :- والله يآوليدي حالكم مش عاجبني ، شن في كنكم ؟ هي مابتش تحكيلي شي
فؤآد اضايق وصبا :- مافي الا كل خير نستآذن انا يآعمتي
امها :- بدري اقعد كمل قهـوتك
فؤآد :- من عمرك ان شاء الله ، انا انخليها تاخد راحتها كم يوم وبعدها انرد عليها ان شاء الله تكون هدت شوياآ
امها :- ان شاء الله ربي يهدي النفوس
فؤآد فتح الباب :- هيا السلام عليكم
امها :- وعليكم السلام ،،،،،، و سكرت الباب
