الحلقةة الثآلثةة والثلآثون 3⃣3⃣
من روآية --> #قرارات_صعبة ❤️
الاء قآعده في دآرها دق عليهـآ البآب
نطت من مكآنها
حطت يدها على فمهـآ وجت صبت ورى البآب :- من ؟
سمعت صوت
سمعت صوت فؤآد :- انآ يآ الاء تقدري تفتحي لو سمحتي ؟
الاء حطت يدها على قلبهـآ وتريحت ، فتحت البآب
فؤآد ابتسم :- صبآح الورد
الاء :- صبآح الخير ، هـآ طمني شن دآيره ماما ؟؟
فؤآد خش معاها جوآ للدآر :- ماما كويسه اتسلم عليكي
الاء عيونها دمعن :- اكيده كويسه ؟
فؤآد قرب منها وحضنها :- والله بخير ماما غير لازم تقعد تحت الملاحظه كم يوم بس
الاء خانقتها العبره :- بآهي نبي انعديلها شيلني انشوفها
فؤآد حس انها تبي تبكي ؛- في حد مزعلك ؟؟
الاء تمسح في دموعها :- مرايفه على اصيل واجد وماما مش قآعده
فؤآد :- اهو سفيآن زي اصيل تقدري تحكي معاه تلعبي معاه حتى لو تبي
الاء سكتت وقعدت اتبحت من الروشن
فؤآد بحت في السرير وضحك :- غريييبه ضميتي السرير بروحك ماشاءالله كبرناا وانضمو
الاء ارتبكت :- لا سما ضماته
فؤاد :- كيف وسما قالتلي انك ماطلعتيش. من دارك ومانزلتيش
الاء ارتبكت :- هي ضامته من امس بس انا رقدت بلا مانتغطى بالورغان ابتاع السرير هذا عليش مش حايس
فؤآد مسكها من يدها ويبي يطلع من الدار :- هيا عشان تفطري
الاء هز راسها بمعنى لالا :- لالا مش جعانه
فؤآد :- هيا عشان خاطري حتى انا مش فاطر مازلت
____________________
انآ قآعده انتفرج ع التلفزيون في دآر المعيشه
وانقلب في المحطآت وحاسه عقلي مش معايا
زعمك تآمي عرفت ؟ تي اووووف عليك قصة
عادي يعني و حتى لو عرفت خليها تعرف ..
اصلا كان هايجي يوم وتعرف ..
تليفوني حاطته في الشحن ع المكتبه
سمعته يهـز
حطيت يدي على قلبي
صبيت بسرعه بحتت لقيته بوبكر ..
كرعيا سقعن وجسمي رجف
حي على امك يآهديل وووووه عليكي
نهارك اسود خلاص هايقتلك ..
خذيت التليفون ومشيت نجري للصآلون وسكرت
رديت وصوتي يرجف :- اأآيوه
بوبكر :- مبروك يآمدام
انآ عضيت فمي وقعمزت ع الكنبه معش قدرت انصبي وقلبي يرجف
بوبكر متعصب :- صاح الي سمعته ؟
انا ساكته وحاطه يدي على فمي
بوبكر تعصب اكثر وعلا صوته :- ردي عليآ نعن ...... نحكي معاك ازف
انا بديت نبكي :- نعم
بوبكر ؛- فكيني من الدراما توا واحكي زي الناس
انا نبكي :- صاارت غصبن عني انت خليتني اندير هكي
بوبكر يحكي ومسكر سنونه :- والله جاييييك بنغازي توا نعرف شن انديرلك وانديرله ال .... الي فضلتيه عليآ
انا نبكي بالعبره وحاطه يدي على فمي :- والله مانبيه انا
بوبكر :- فكيني من الكذب ازف فكييييينيييييييي ، بس والله ياهديل رصآصه في راسه اتحز موضوعك ، اوكي توا
وسكر في وجهي
عزقت التليفون و قعدت انخبط على وجهي
حي عليك يآهديل بعدك مجنون وايديرها
وبوبكر ديما عند كلمته الي يقولها ينذفها
ووووه عليآ انااا حي عليااااا
فكرت بوبكر كيف عرف !!!
تامي :)))
مش هانسكت ! مش هانمشيها لها زي كل مره
مسحت دموعي وحطيت على اسم تامي ورنيت
أنت تقرأ
روآية -->#قرارات_صعبة❤ (واقعية)بقلم الشاعرة شهرزاد (كاتبة رواية غاليتي)
Storie d'amore(مكتملة)💚
