الحلقةة الثلآثون 3⃣0⃣
من روآية --> #قرارات_صعبة ❤️
_______
بوبكر :- هاندور على باب القراج من اي جيهة ونفتحلك وخش بالسياره ، انا توا ننزل وتعال اقعد مكاني
اكرم كره من يده :- را يمسكوك يآراجل
بوبكر :- معايا ربي ، ادعي بس ،،
وفتح الباب ونزل
_______________
عائشة قاعده تبكي :- يانا عيااالي الي مانندري عليهم
يوسف يسمع فيها وساكت وقاعد على اعصابه :- وحدي الله ان شاء الله خير
وفاء ماسكه يد عائشة :- ان شاء الله ربي يحفظهم ياعمتي غير ارجي نين نعرفو عليهم شي حاجه اطمنا
ورن تليفون مصطفى ، ..
كلهم سكتو و وطو التلفزيون
مصطفى لقاه رقم غريب رد وفتح المايك :- ايوه
صوت واحد داهش :- الو مصطفى تسمع فيا
مصطفى :- نسمع فيك من
شريف داهش :- شريف ياراجل
عائشة صبت و تبكي :- ياناعليا وليدي حبيبي عطيه ليا
مصطفى :- شن صاار فيكم كيف طلعت ؟؟
شريف :- انا طلعت لحقت روحي وطلعت ، مافيش خبر من بوبكر ؟
مصطفى ارتبك :- عليش كنه مش معاك هو ؟
شريف :- سيبته غادي
مصطفى يهزب فيه :- كيف اتسيبه غادي ياشريف ؟؟
شريف يادوب ياخد في نفسه :- انقوله اركب بسرعه ايلم في جثث اصحابه في السياره يامصطفى والي كان ايسوق بينا ولع وعدا نبي انطلعه بالسيف يعني
عائشة بدت اتخبط في وجها :- حي عليك ياعيشه لا ولدك ماتت خلاص اطلع انصب الخيمه يا يوسف ووووووه
مروه و لماار يبكن ..
وفاء تمسك فيها : ياعمتي معش اديري هكي بس تفاولي خير
__
انآ بديت ننعس بس مانبيش نرقد
ومعش قدرت انتحمل
خايفه يقعد صارت لبوبكر حاجه
وقلبي مش مريحني ..
مسكت تليفوني ورنيت عليه
( الرقم المطلوب مقفل ) ..
ومن هنا قلبي انقبض
مقفل معناها في حاجه ..!
يآربي طمني عليه مانبيش شي ايصيرله 💔
..
ولعت الضي و صبيت خذيت المصحف
وقعمزت نقرا فيه
___________
اكرم خش بالسياره في القراج
بعد مابوبكر زقب من السور وفتحله من جوا
..
فتح الباب ونزل قعمز جنب السياره
بوبكر عدآ عند الفيلا يشوف مكان ايخشو منه
لقى روشن واحد قزاز ومافيش حديد
الباقي كلهن فيهن حديد
بحت منه طلع روشن المطبخ
حاول يفتحه بلا مايكسره ،
طلع الموس ابتاعه و حاول من هنا ومن هنا
لعند ماقدر يفتحه ..
وبحت في اكرم من بعيد :- بسسس اكرررم
اكرم صبا وجا يجري :- را نلقو حد جوا بس
بوبكر يشعبط :- سمي وخش ، باين ان الحوش شكله فاضي
خشو وبحتو في الحوش وفعلاً كان فاضي ..
بوبكر طلع تليفونه لقاه طافي :- لازم انحصل شحن
اكرم قعمز ع الكنبه وحط رآسه ع المخده :- جسمي يرجف كله وصقعان ازف استغفر الله ياربي الطف بينا
بوبكر يفتح في الأدراج يبي شحن لقى شحن نوكيآ :- ازززف مايركبش على تليفوني
وبحت في اكرم اذكر ان تليفونه نوكيا :- تليفونك النوكيا معاك ؟
اكرم طلعه من جيبه :- هاك هاه ، بس مش مخزن في رقم حد انت عارفني نستعمل في المدار
بوبكر هز راسه بمعنى به
وخذاه منه علقه في الشحن وفتحه :- ماعندكش ولا رقم ؟
اكرم :- ماعنديش حد ، انت مش حافظ ارقام هلك ؟
بوبكر مش حافظ رقم حد الا رقمي ..
