الحلقةة التآسعةة 9⃣
من روآية --> #قرارات_صعبة ❤️
الاء كانت مروحه لحوشهم وتفكر في موضوع امها
جتها رسأله من وليد
في البدآيه ماعرفآتش من بعد شآفت صورته عرفآته
وفتحت الرسآله :- ( السلام عليكم اسمعي انا نبي نحكي معاك ونعرف ان بآتك الله يرحمه متوفي
يعني ورحمة بآتك ماتقولي لهديل اني نحكي معاكي ؛ نبيك في مووضوع ضروري الي هـو ،.،،،.......... )
الاء قرت الرساله وضحكت
كتبتله :- اهلين شن اخبآرك
وليد فرح عشان ردت عليه :- تمام وانتي شن دآيره
الاء : شن خطر عليه الموضوع هذا
وليد : ...........
وقعدت الاء تحكي مع وليد ع الفيس ..
______________________
بعد مرور يومين 🌷
انآ وليد يرن عليآ له يومين مانردش عليه ..
لإن تعاركت معاه .. قلتله لو اتحبني احذف البنات الي عندك قالي حذفتهن
بعدها القيتهـن يعلقن يعني كذب عليااااا !!!!
والحاجه الي بدايتها كذب انا مانحبهش
و وليد مشهـور في الجآمعه والبنآت كلهن يعيطن عليه
انا نبيش حد مشهـور بين البنات نحب الراجل الرازن ..
زعمك شن اندير !!
و وليد يحبني صح زي مآقآل ولا لا ؟؟
لكن انا بديت انتعلق بيه وانفكر فيه واجد ..
بس هو كذب عليا يعني خلاص ..
( إذآ گآن في حيآتك نساء غيري فٓــ لِـيشبعوآ بِـگ ..
فٓــ أنآ على يقين أن لحظة معي تسآوي العمر مع أمثآلهـم )
~~~
11:00 ص
قاعدين في الجامعه انا والاء
انا نشكيلها وهي كل شويا تليفونها يرن وتطلع اترد
انا مشيت وراها :- سادك تحكي ع التليفون
الاء بعدت مني شويا وتحكي بصوت واطي :- باهي ياوليد دقايق وانرن عليك ...... اوكي باي
دست تليفونها وجت تحكي معايآ :- باهي شن قالك اخرى
انا :- كذب عليا يالولي انا شكلي بختي هكي مش عارفه
الاء :- باهي انا عطشانه صبي انعدو للكافتيريا
انا بحتت فيها :- ماعنديش نيه انعدي توا
الاء خبطتني على كتفي :- صبي ياحيوانه انقولك عطشانه نبي انموت قاعده
صبيت خديت شنطتي ونزلت معاها
نزلنا مادروج طلعنا من الباب الرئيسي ابتاع القسم
بحتت قدامي ونلقى وليد مصبي وسط النآس ماسك بآقة ورد حمره
انا قلبي دق ..
صبيت وقعدت مستوها مش مصدقه الي انشوف فيه قدآمي
الاء تضحك واتكر فيا من يدي :- تي امششششي هيأأآ
وليد جا قرب مني وابتسم :- انآ آسف حبيبتي حقك عليآآ
اناآ وجهي انحمر ومرتبكه مش عارفه شن اندير :- وليد الناس يبحتو فينااا را
وليد قعد ايشايرلي عالناس :- انا نبي انوري كل البنات الي اتشوفي فيهن ان انا عندي بنت انحبها وماليتلي عيني
انا فرحت بكلامه بكل والبنات كلهن يبحتن فينا
وليد بحت فيا :- سامحتيني حبيبتي ؟
انآ ابتسمت و هزيت رآسي بمعنى اهـآآ
وليد مدلي الباقه :- هاكي الورد بآهي لعند امتى نبي نقعد ماسكه انا
انا خذيته منه وشميته
ابتسمت وبحتت فيه :- شكراً
وليد :- اششش معش تشكريني ،
انا :- انا اصلا انحب الورد احمر
وليد بحت في الاء وضحك :- ماهو الاء قالتلي
انا انصدمت وبحتت فيها :- الاء ؟؟؟؟
الاء ضحكت :- حلفني برحمة بابا ماقدرتش انقولك
انا فنصت فيها :- باهي بآآه تعلمتي ادسي عليآآ
وليد :- والله ماشورها هي ؛ انا كنت نبي انفرحك بس حبيبتي
انا بحتت فيه وضحكت :- باهي امسح اللمعه الي في وجهك
وليد مسح وجه بيده لقى يده تلمع قعد يضحك :- ماهو هذي اللمعه الي حطها الرآجل فوق الورد
اناآ نضحك :- خلاص عدي هـيآآ توا بعدين نحكو
وليد :- اتلزي فيآ صآر ؟ بآهي به
انا هزيتله حواجبي عديت وسيبته
وبرمت بحتت فيه وضحكت
وهـو ايشآيرلي بيده ويحكي بالاشارات
ومشيت عند أول كرسي
قعمزت انا ولولي طلعت الكتابات الي في شنطتي
وحطيت البآقه مكانهـن وقعدت ماسكه الكتابات في يدي
