ابو ادم : اعرف اغلبكم ميريد هلشي لا اله ولا لاخوه بس لازم نسوي هيج حتى نسد حلوك الناس
ام محمد : ومو شرط الي يزوج بيسان يكون زوج فعلي الها هوه مجرد زواج ع ورق
ام ادم : القصد يكدر يزوج عليها
لين : ( الي ضوجني اكثر من الزواج هو ان الحجي صار بوجهه بيسان عبالك فد شي قذر نحاول نتخلص منه .... هيه مالها ذنب وحتى ذاك السكران ما لمسها كدرت تشرد منه .... بس خوف اهلي من كلام الناس دفعهم لهذا التصرف ...باوعت لبيسان جانت منزله راسها ودموعها بطرف عيونها )
حيدر : ومنو الي حيزوجها بينا
الجده : محمد
محمد : 😳 اني ؟؟!! 😳
حيدر : ( بس نطقت حرف اسم محمد غمضت عيوني اسحب نفس خفت اكون اني الي حزوجها )
ادم : ( صدمه محمد كانت لا توصف جنا متوقعين حيدر الي حيزوج او اني بس محمد ابدد متوقعته )
ياسين : اوووف 😥
محمد : ليش اني 😡
الجده : ليش معترض حضرتك
محمد : مو سالفه اعترض ع امرج 😯 بس ليش اني ليش اني ليش مو حيدر ... اقلها ادم .... مرتضى قريب ع عمرها ليش اني الي اختاريتوه
الجده : بعدين كولشي يتوضحلك
مرتضى : واحتمال فكرتج اكون خطا
الجده : مستحيل
محمد : اسف جدتي بس اني ارفض
الجده : اذا رفصتها ارح ازوجك وحده ع كيفي وممنوع انت تختار
محمد : ليش ليش 😡
الجده : لا تباوعلي بغضب
محمد : طيب طيب حزوجها بشرط .... ازوج عليها وحده اني اختارها
الجده : شرط يكون بعد سنه
محمد : اذا هيج بعد سنه اطلكها
الجده : اوك
محمد : ( طحت ع ايدها بستها لان حسيت حالي تجاوزت حدودي وكالعاده جدتي متزعل هواي مسحت ع راسي )
الجده : والله اني احبكم
بيسان : ( ضليت منزله راسي بس اريد اروح لغرفتي لحتى ابجي .... ليش هيج يعلملوني ... بشنو غلطت اني 😢 )
الجد : لعد الخميس الجاي العرس .... بناتي ... ام محمد .... ام ادم .... حضرها ماضل عدنا وقت اريد اسوي عرس الكل يسولف بيه حتى لحد يحجي بعرضنا مره ثانيه
ام ادم : صار
ام محمد : تعاي بنتي .... وانتي لعسوله تجين وياتا
