عبد الله : ليمتى راح انضل ننتظر هنا قيس 😩 مراح تطلع
قيس : روح انت ماارج اني الا اشوفها
عبد الله : مااكدر اتركك
قيس : لا تخاف مراح اسوي شي
عبد الله : ولو مااكدر اتركك
قيس : لك روح دور ع ورد الله اعلم بيا وضع هسه هيه
عبد الله : شقصدك 😓
قيس : يمكن مرتضى ما مهتم بيها يجوز مريضه ...
عبد الله : الله يلعنك خوفتني
قيس : يلا روح روح ( راح عبد الله مرعوب .... اخذت انتظر ظلال الليوم بطوله بس ما بينت كل شوي يتصل عليه واحد .... عقيل .... امي .... عبد الله .... طمنتهم عليه بس ماتراجعت .... صار الليل نمت بالسياره وعيوني ع البيت ... الصبح كعدت ع صوت الاذان ... جان عندي بطل مي ...توضيت بيه وصليت ... فتشت السياره جان بيها مكسرات اخذت اكل بيهن الى ان صارت ساعه ب7 طلعت سياره بيضه كدام بيتهم ....تقربت من السايق ) السلام عليكم اخي
السايق : وعليكم السلام
قيس : انتم من اهل هذا البيت ؟
السايق : لا سايق بتهم
قيس : ظلال ؟
السايق : اي اخي ليش اكو مشكله ؟
قيس : لا خويه بس جاي ادور شغل وصوفلي الناس هذا البيت
السايق : ها الله يوفقك
قيس : ويوفق الجميع بس سيارتي وكفت وماعرف شبيها تكدر تساعدني ؟
السايق : طبعا ع ماتطلع البنيه
قيس : ( فتح البنيد مال سيارتي جان اضربه ع راسه بقوه فقد وعيه من قوة الضربة ) ان شاء الله ما مات 😆
ظلال : ( طلعت 7 ونص من البيت .... ركبت بالسياره ) بسرعه خويه اخذنا الوقت
قيس : صار
ظلال : ( طلعت مرايتي اشوف مكياجي .... شويه وانتبه هذا مو طريق الشركه .... وكفت السياره ) شنو
قيس : اني شنو لو انتي شنو ظلال
ظلال : 😨 .... ( نزلت من السيارة مفزوعه جان ينزل وراي )
قيس : شلون تركيني هيج وتروحين لج خمس سنين لا ليلي ليل ولا نهاري نهار
ظلال : مو تركتاك رساله
قيس : من كل قلج ظلال تنفصلين عني ولج انتي كلشي بدنيتي شلون اكدر اتركج
ظلال : قيس لخاطر الله روح لا يشوفك بابا وياي والله مااتحمل بعد 😿
