لين : حيدر ... حيدر ..... كوم ... دوامك ....
حيدر : روحي منا راسي يوجعني مابيه حيل اداوم
ياسين : 😩 عسوله بيش الساعه
لين : سبعه ونص
ياسين : ( كمزت من فراشي ) ليش ماكعدتوني
لين : معندك دوام الليوم 😕
ياسين : معليج .... وخري منا
لين : شبيه هذا ... يلا حيدر كوووم لا اجيب المي
حيدر : اوووف شبيج داكلج راسي يوجعني
لين : يعني مداوم ؟
حيدر : اداوم .... اف كايم 😑
لين : ( بدلت ونزلت اتريك شفت ياسين يباوع لملابسي ) شنو مو حلوه
ياسين : كصيره
ادم : ؟؟
لين : حلوه ؟
ياسين : ماعجبتني صعدي غيريها
لين : لا تعجبك اهم شي تعجبني
ياسين : ( بغضب ) صعدي غيريها 😡
لين : شدخلك ماريد اغيرها 😡
الجده : ياسين عوفها براحتها احنا نكوللها شنو تلبس
ياسين : ( عفتهم بغضب ورحت كعدت ع الطوله يم بيسان ) شلون صارت ايدج
محمد : وانت شكو بيدها
ياسين : وانت شعليك منو حجى وياك
محمد : 😡
ادم : كافي شبيكم تخبلتوا
لين : ادم صدك بدلتي مو حلوه 😯
ادم : حلوه انتي شماتلبسين يطلع حلو .... هنا مو نفس بغداد اذا شافوج تلبسبن هيج اشياء يحجون ع عيلتج لذلك عصب ياسين
لين : اوووك راح اغيرها
ياسين : ( صعدت تركض تريد تغيرها باوعت لادم بصدمه )
ادم : شنو
ياسين : شلووون
ادم : سر المهنه 😌 ( بدلنا ورحنا لدوام بسباره حيدر .... اول ماوصلنا اخذوا الموضفين يباركون لمحمد ومسويله حفله )
محمد : ( من داخلي ضايج لان مو هذا الزواج الرته ضليت جاملتهم مخفي النار البداخلي )
ظلال : مبروك محمد
محمد : اشكرج ست كلج ذوق
حيدر : لوكي 😒
محمد : ( خزرته فشلتي كدام الموضفين )
ظلال : مكال شي غلط وين اللواكه حيدر
حيدر : جنت احجي بالهيدفون مو قصدي عليه
