ظلال : صباح الخير
ادم : صباح الظهر 😆
ظلال : اسف تعطلت السيارة بالطريق
ادم : شبيها ؟
ظلال : اندري ماافتهم بالسيارات ... وين حيدر ؟
ادم : محمد لو حيدر ؟
ظلال : ممداومين اثنينهم ؟
ادم : بلي محمد صارله ظرف بالبيت وراح وحيدر ابوج سحبه يمهم
ظلال : يعني قبل يداوم يم بابا
ادم : بيني وبينج ابوج راح يتقاعد هلسنه ومحتاح واحد مثل حيدر يدير الشركه
ظلال : وحيدر قبل ؟
ادم : طبعا يقبل
ظلال : خل اروح اشوفهم ... انت اخذ مكاني ادم الى ان اجي ( رحت لمكتب بابا جان يبعد عن بنايتي مسافه ربع ساعه مشي ) صباح الخير
ابو ظلال : صباح النور حبيبتي فوتي
حيدر : صباح النور
ظلال : شكرا بابا بس مستعجله ممكن تجي حيدر اريد احجي وياك
ابو ظلال : تعالوا احجوا جوه اني طالع عندي اجتماع
ظلال : ( قبلني بابا ع راسي وطلع ) قبلت يعني
حيدر : ردت اسويلج مفاجه بس خربتي كولشي
ظلال : مو اني ادم كالي
حيدر : عابتله ادم هوه دوم يخرب عليه
ظلال : ( سحبني لحضنه ) شدسوي هنا مكان عام
حيدر : محد يفوت لغرفه المدير الا يطك الباب لا تخافين
ظلال : اتركني حيدر استحي والله يفوت احد ويشوفنا هيج
حيدر : ثانيا تعاي شنو هذا لبسج ليش كل تلبسين فساتين قصار
ظلال : مو قصار
حيدر : رجلج طالعه
ظلال : شويه منها طالع شسالفه
حيدر : ولو مااقبل
ظلال : لا تقبل 😏
حيدر : لج 😡
ظلال : 😆
حيدر : وحمرتج مطوختها هواي ممقبوله
ظلال : اوووف حيدر لا تعقدني
حيدر : زوجتي وبكيفي
ظلال : هسه شتريد ماجايبه ملابس وياي مااكدر اغيرهن ولا عندي غير حمره
حيدر : بالنسبه الملابس هسه اجيبلج جواريب طوال يغطن رجلينج والحمره اعرف شلون اخففها
