ظلال : زوزو فدوه انطيني مي احس روحي مختنك
زهراء ( اخت ظلال ) : حبي شكو هيج متوترة اشو حتى حفله خطوبه مراح يسويلج 😑
ظلال : لج زوجه ابن اخوه ميته شلون تردين يسولي حفله عيب زين منه مااجل الخطبة
زهراء : وليش هيج كاتله روحج 😏 من شنو خايفه
ظلال : مخايفه من شي .... حلو مكياجي ؟
زهراء : خايفه قيس يدخل ويخرب كولشي
ظلال : زهراء 😡 لا جيبيلي طاري ذاك ... صرت اكرة اسمه
زهراء : هيج فجاه تكرهين اسمه وانتي الوكفتي بنص البيت تصيحين احبه 😏
ظلال : جنت مراهقه هسه اختلف الوضع
زهراء : هسه صرتي جبانه 😡 ( عفتها وطلعت )
ظلال : اوووف اوووف محد يفهمني ( نزعت كلاتي .... باوعت للكلادة ... جانت هديه منه .... ميفهم غبي ... الداسويه كله علمود ابعد عمامي عنه .... خايفه ياذونه 😿 والله اتخبل اذا صار بيه شي 😿 اسفه حبيبي مضطرة اكمل بهذا الطريق ..... بهاي الحياه ماكو نصيب لنا 😿 .... دخلت امي .... مسحت دموعي ) شلوني 😄
ام ظلال : تجننين وين ام الزوز
ظلال : تركتني الخاينه تولي عوفيها يمتى يجون
ام ظلال : هسه بعد شوي يلا جاهزه طلعين
ظلال : جاهزه ( دخلتني امي للغرفه الجانوا بيها الحضور ... جان عددهم قليل مادعينا هواي ناس حيدر ماقبل ميريد حفله .... بس اهلنا واهلهم حتى عمامي بس اثنين حضروا البقيه مقبلوا ينطوني بلا حفله بس بعد شنسوي هذا الموجود ... اجت يمي لين سلمت عليه .... اوووف شحللتها طالعه احلا مني )
لين : ما شاء الله تخبلين
ظلال : انتي التخبلين
لين : نعتذر منج جان لازم ...
ظلال : لا تكولين هيج عيب .... الجرح الي يصيبكم يصيبني لو اني مو منكم ؟
لين : طبه منا ..... كلج ذوق تسلميلي
الجده : ما شاء الله تبارك الرحمان الله يهنيكم
ام ادم : اجى السيد اجى السيد
ظلال : ( وكفت ورا الباب والسيد يسالني ورددي وراي .... اباوع زهراء ماكو ... بس لا اسويها وتروح لقيس 😨 )
لين : ( من خلصوا من العقد شغلوا مولود وضلوا بس يصفكون حسيت باهل ظلال ضايجين لان هيج خطبتها مشت بدون هلاهل لا ركص لا اغاني لا بطيخ المهم شويه وفات حيدر .... جانت ظلال لابسه فستان وردي يجنن ع اطرافه ورد لونهن اغمج من الفستان ومكياجها هادىء محاطه هواي مكياج هيه حلوه بدون شي .... شعرها اسود طويل اطول من شعري مصبغته ..... ولا حتى لبست عدسات بينما لبس حيدر قاط نيلي يجنن عليه ... حيدر ضخم وطويل ... وجسم متروس بس مو سمن لا من العضلات .... كولش رياضي .... شبابنا تقريبنا يشابهون بس كلمن بيه مميزه كولهم بيض عيونهم زرق طوال بس حيدر اضخم منهم )
