بيان : شنو هذا حيدر
حيدر : ( واني منزل راسي اشوف البريد ) شنو ؟؟
بيان : ( رميت ورقه امامه ) هذي 😡
حيدر : طلب نقل
بيان : يمتى جنت ناوي تحجيلي عنه
حيدر : ( تأفأفت ورميت الاوراق من ايدي ) ماعرفت شلون افتح الموضوع وياج
بيان : مقدم ع نقل للبصره ليش ؟
حيدر : اهلي كولهم حينتقلون هناك المن ضال اني
بيان : الي 🥺
حيدر : بس نستقر هناك ادز اهلي يجون يخطبونج واخذج وياي للبصره
بيان : هم انتظر
حيدر : ( سحبتها من خصرها الي ) واني مستعجل اكثر منج يشهد الله بس شسوي مثل مشوفين وضعنا شوي صعب
بيان : اخاف تسرق قلبك وحده من البصره شسوي بروحي ذيج الساعه
حيدر : اني صح رايح للبصره بس رايح جسد بلا روح روحي هنا بغداد حضل وكلبي يمج اخليه ... مستحيل وحده تاخذ مكانج
بيان : ( جان يحجي وايده تلعب ع شعري تاره وتاره ع خدي ...احمريت خجل منزله راسي .... تقرب مني يريد يقبلني ) حيدر مو هسه
حيدر : مااكدر راح اسافر باجر انطيني بوسه اتصبر بيها
بيان : لا تزيدها عليه
حيدر : لا يضل بالج هيج سبوع ونجي عليج خطابه بلغي اهلج يجهزون نفسهم
بيان : والله
حيدر : اذا ماصار شي يعطلني
بيان : ( حضنته بفرح ع الرغم ان قلبي مجان مرتاح لسالفه البصره هاي .... لزم طرف راسي متقرب مني يريد يقبلني جان يدخل ادم اول ماشافنا ضحك من الخجل ماعرفت شسوي دفعت حيدر وشردت )
ادم : 😆
حيدر : خررره بيك
ادم : ههههه امداكم
حيدر : ولك قبله الوداع هاي تف عليك فضني شرايد
ادم : كملت نقلك
حيدر : اي كمل
ادم : عندي الامر مالتي ومال الشباب بس امر محمد مالكيته
حيدر : عندي امر محمد .... امشي روح نشوفه مدري شبيه البارحه
ادم : يلا
محمد : ( جنت كاعد انطي التقيم للمطبقين خليت الماس اخر شي الى ان وصل دورها الكل جان برا بس صديقتها موجوده واكفه بالباب بس رفعت راسي اريد احجي وياها جان يفوتون ادم وحيدر للغرفه )
