عقيل : خررررب ساعه ب11 ووووورد ليش مكعتيني
ورد : غير تأجلت سفرتك لباجر 😞
عقيل : اوووف منج واذا تاجلت 😧
ام عقيل :ديلا شصار هسه
عقيل : مصار شي 😑 ورد فدوه رحتلج صبيلي شي ازقنبه خل اطلع
ورد : زعلت مني ؟
عقيل : بربج سالين هيج سؤال ليش يمتى زعلت منج بس هيج لازم اتنوحس اول مااكعد 😆
ورد : هههه اوك خل اجهزلك شي تاكله قبل لا تطلع
عقيل: ( بسرعه بسرعه سبحت واكلت .... رحت للمحل شفت قيس كاعد يرتب بيه ) كواك الله
قيس : هلا والله مو مسافر الليوم ؟
عقيل : اجلتها لباجر
قيس : اكو مشكله ؟
عقيل : لا والله. هيج طخ بالي فأجلتها
قيس : والتاجر شكلتله ؟
عقيل : كتله ع باجر
قيس : لك شبيك لا تخرب ع نفسك
عقيل : لا تخاف الرجال مكال شي وهم هوه عنده ظرف فكيف من اجلتها
قيس : ها هنا الحجي علمود ظرفه
عقيل : ( واحنا نحجي دخل بسام للمحل .... متعرفون منو بسام ... احسن يولي مو مهم 😅 اشاقه حتتعرفون عليه بعد شوي )
بسام : صباح الخير
قيس : شجابه هذا 😑
عقيل : صباح النور
بسام : معقوله عقيل .... يموت والدي وماترفع تلفون تعزيني
عقيل : شنوو 😳 يمتى توفى محد كالي
بسام : بلغت قيس شعجب مبلغك
عقيل : 😒
قيس : ( خزرني عقيل عود ليش مكلتله ... يابه هذا بسام ماارتاحله احسه استغلالي اخاف ع عقيل منه بسام يعتبره غيره ...كل مااكله يكلي انت تغار منه ... هوه يمكن اغار لان احسه يسرق عقيل مني بس هم احسه استغلالي ....مااحبه كووووه 😑 )
عقيل : صح قيس كالي بس اني نسيت ... اعتذر منك فوت ليش واكف بالباب
قيس : يجوز عنده شغل
بسام : لا معندي شي 😊
قيس : (بهمس ) قصدك معندك كرامه
عقيل : شش قيس ... الله يرحمه والدك مكلتلي شلون مات اعرفه مابيه شي
بسام : فجاه هيج ارتفع السكر عنده و .... الحمد لله ع كل حال 😔
عقيل : الله يرحمه ... ويصبرك .... نفس والدي هم سكري لاحول ولا قوه الا بالله 😧
بسام : الله يرحم امواتنا وامواتك .... بس مو هذا موضوعنا اجيت اريد افتح وياك مشروع
