لين : ( بعد فترة من الزمن رحنا للمحكمه حتى ندلي بشهادتنا .... كولنا عدنا نفس الحجي ... بيومها ابد مكدرت احط عيني بعين عقيل بس صوت امه لهسه يدوي باذني وهيه تتحسب علينا ... ع اثر هذي المحاكم انحكم عقيل بالسجن 6 سنوات .... بيومها طلعت ابجي من المحكمه .... ظالمه ؟ اي اني ظالمه ؟ كولنا ظلمه من اكبرنا لاصغرنا .... الليوم بعد مارجعت من الدوام شفت محل عقيل مغلق انقمتت ... بدلت وطلعت للحديقه اتنفس شويه واجالي بسام )
بسام : بشنو يفكر الحلو
لين : مختنكه بسام اتركني الله يخليك
بسام : الله يساعدنا .... اني ماعرف مرتضى هواي وهيج انقهرت عليه
لين : خايفه 😿 خايفه تروح صورته من بالي ( طلعتله صوره لمرتضى من جيبي ) ضميت هذي الصوره حتى لا انساه 😿
بسام : ( كعدت يمها ) ما تنسينه لا تخافين ... كولنا مراح ننساه
لين : واذا احتاجيته .... وين الكى صوته 😢
بسام : لابد يسير عليج بيوم ... مراح يتركج
لين : البصرة موتت احلامي يا بسام .... ما مات مرتضى .... كولنا متنا وياه ( سكت ماحجى شي اكتفى بالجلوس جانبي ... مسحت دموعي ) انت شلون صرت
بسام : الحمد لله احسن
لين : دتعالج ؟
بسام : اي انور مامقصر وياي
لين : ( واحنا كاعدين رجعوا حيدر وادم من الدوام )
حيدر : السلام عليكم
بسام : وعليكم السلام
لين : من رخصتكم ( ردت افوت للبيت جان يلزمني حيدر ) نعم
حيدر : لتاذبنا اكثر ترا البينا مكفينا
لين : مكافي ذبيتلكم عقيل بالسجن ؟ شتردون بعد
حيدر : عقيل قاتل يا لين ..... حتى عمامه الليوم اقتنعوا وراح يفصلونا
لين : ( باوعت لادم ) ان شاء الله ارتاحيت .... ياويانا من الله ( عفتهم و دخلت للبيت جان اشوف جدتي ...حاولت اتجنبها مااريد اناقش اي احد بهلبيت )
الجده : حذرتج ..... كتلج تركيه ترا يصير المايعجبج مصدكتيني
لين : ( مارديت عليها ... صعدت لغرفتي ... لهسه ممستوعبه شلون جدتي عرفت بعلاقتنا اني وعقيل سنعت صياح جوه بيتنا ... نزلت ركض ياربي سترك والله كلبي ميتحمل شي بعد .... شفت خالتي لازمه غدير وتضرب بيها .... لزمت غدير احاول ابعدها ماكدرت الى ان ادخلوا ياسين وحيدر )
ياسين : شنو شصاير شبيج خاله
ام ادم : وخر ياسين خل اكتلها .... اتركني خل اموتها هلحقيره كتلت ابني .... بسببها ابني مات بسببها 😭😭
