ورد : ( جهزت زاهده العشا وكعدنا نتعشى شوي واجى عقيل ... قبل راس امي وكعد يمي )
عقيل : شلون صرتي ؟
ورد : اني ؟
عقيل : لعد ابوي .... اي بويه انتي
ورد : الحمد لله
عقيل : حظري نفسج باجر جاين عليج خطابه
ورد : 😳
ام عقيل : منو ذول يوم
عقيل : قيس خطبها مني الليوم
ورد : ( وكفت بغضب ) بس اني مموافقه 😡
عقيل : ( وكفت مقابيلها ) لو مرتضى جان وافقتي😠
ورد : اي لان احبه 😡
عقيل : ورد خليني محترمج
ورد : ماموافقه لا يجون ويتفشلون
عقيل : غصبا ما عليج انتي الي دجبريني ع هذا الطريق ورد
ورد : مع الاسف هيج صرنا
عقيل : كل هذا بسببج
ورد : ( تركت المكان وصعدت لغرفتي ابجي )
ام عقيل : اهدى يوممم زين سويت
عقيل : ماسويت شي فاجئني قيس من طلبها
ان عقيل : والله شريف هلولد الله يستر عليه
ورد : ( رحت لزاهده بخلسه ) زاهده
زاهده : ورد شسوين هنا
ورد : اريد تلفونج
زاهده : ليش
ورد : معليج محتاجته ضروري
زاهده : تردين تتصلين ع مرتضى
ورد : مو كلتي راح ساعديني
زاهده : بس هيج اني جاي اذيج مو ااساعدج
ورد : دخيل الله بس انطيني تلفونج
زاهده : اعتذر منج
ورد : 😡 سهله كولكم صرتوا ضدي ( الصبح الساعه ب7 الكل نايم اهلي يكعدون ب8 لو ب9 وع الاساس اهل عقيل يجونا العصر .... فطلعت من البيت ب7 واخذت اسال الناس عن بيت الشيخ قدوس الى ان وصلوني لبيته طرقت الباب ... طلعلي رجال ) السلام عليكم اخي هذا بيت قدوس
محمود : اي وصلتي
ورد : مرتضى موجود
محمود : بس لحظه اتاكد منه
ورد : ( دخل اتصل خمس دقايق ورجعلي )
محمود : تفضلي
ورد : ( دخلني لبيتهم جان قبل البيت حديقه وراها بيتهم كووولش فخم ... فوتني لغرفه جان بيها مرة كبيره )
