مرتضى : واحد جذاب متستحي ع نفسك تستغل مرض اختك
عقيل : مجذبت اني ع ورد .... خليتها بعيوني بسببك ماتت اختي
مرتضى : بسببك انت خليت الناس كلها تدور عليها وبسببك ذولاك عرفوا مكانها
عقيل : شدتهذي 😡
مرتضى : لو ماانت معترض ع زواجنا جان ورد ضلت بيتنا ومحد كدر يوصللها 😠
عقيل : وانت شكو تاخذها مني اذا مو كفو تحميها 😠 ووورررررد ماتت بسببك مرتضى انت الي تتحمل موت اختي واني راح انتقم منك 😠 مااخليك تنام مرتاح وبسببك اختي نايمه جوه التراب مكطعه .... بسببك اعتدوا عليها
مرتضى : 😳
عقيل : بسببك قتلوها وقطعوها .... بسببك انت واني راح انتقم منك قبل لا انتقم منهم الي قتلوها لانك انت الي فتحتلهم طريق الها
ادم : ( ضل مرتضى واكف وعيونه متلئله بالدموع ماعرف شيرد ع عقيل حسيته فعلا صدك كلام عقيل ) مرتضى مالك دخل انت ورد بنفسها برئتك
انور : صحيح بالفيديو كالت ان مرتضى ماله دخل
مرتضى : يا فيديو ؟
انور : المجرمين صوروها قبل لا يقتلوها الفيديو عند عقيل
مرتضى : وين الفيديو عقيل 😡
عقيل : الفيديو يخصني مالك دخل بيه
مرتضى : ذب السلاح اذا رجال 😠
عقيل : اوك 😏( رميت سلاحي ع قيس بينما هوه ذب سلاحه لحيدر .... بس دار عليه ركعته بكله ثولته بيها تراجع للخلف دايخ رادوا يدخلون جماعته بس وكفهم )
مرتضى : لاااا لحد يدخل 😡 تاخذني غدر مو ( هجمت عليه حاول يتصدى لهجماتي بس ماكدر طلعت حرة كلبي كلها بيه )
قيس : عقيل 😯
عبد الله : لا تدخل
عقيل : ( دفعته عني وجهي كوله دم .... راد يرجع يهجم عليه جان الزم راسه واضربه بالرصيف اهله من شافوا دمه فزعوله .... وعلكت بين جماعتي وجماعته )
ياسين : ( اول واحد هجم اني ... قبل لا اوصل لعقيل لزمني عيسى بوكسات ... اخر شي لزم ايدي وكيرسها ... وكعت ع الارض التوي .... الم الكسر ماينحمل .... بس هذا ماتركني راد يرجعلي جان ابتعد عنه رافسه بوجهه للخلف ... ركز ياسين مو وقت الضعف 😡 ااااخ يدي الالم مينحمل 😣 )
حيدر : ( ردت اساعد مرتضى بس قيس حال بيني وبينه .... هجم عليه عود يكدر عليه بضربه وحده رجعته الف خطوة للخلف .... رجع كام متهجم عليه وهمات ضربته ضل ينزف فمة دم .... تقدمت ع مرتضى اريد اخلصه من ادين عقيل جان يغدرني قيس بضربه ع ضهري حيل استفزني انداريت عليه وشبعته كتل )
