ورد : مو جنت قابل 😢 ليش رفضت من صار بيها مرتضى
عقيل : ورد صدك تحجين .... مرتضى ؟😯
ورد : مو كلت تثق بيه 😢
عقيل : طبعا اثق بيج بس مااثق بمرتضى 😤
ورد : خلي ننطيه فرصه هوه كال راح يصلح الوضع ويخطبني منك 😢
عقيل : شيصلح ورد شيصلح واهله ينتظرون مني الزله
ورد : لخاطري انطيه فرصه 😢
عقيل : ( حضنتها ) خلاص لا تبجين بس ماتقابلينه تردين تحجين وياه بالتلفون احجي بس ماتشوفينه
ورد : ليش ماثق بيه
عقيل : اثق بيج لذلك كتلج حاجيه بس مقابله مااقبل لان مااثق بيه ... مو يكول يخطبج ...خل يجي ويطلبج مني
ورد : اووك مثل متريد
عقيل : ( مسحت دموعها ) لا تبجين خلاص كلشي مثل ماتردين بس اهم شي ما نضم شي ع بعض
ورد : ماشي ( قبلت ايده ) شكرا لوثوقك بيه
ياسيمن : احم .. الجاي
عقيل : تعاي ياسمين .... دربالج ع اختي شويه واجي .... قيس ثبرني بالمكالمات
ورد : مو تتاخر عليه
عقيل : ( قبلت راسها ) شعني غيرج ( طلعت بالسياره اضرب بالستيرني بغضب .... وينك يا مرتضى والله لو كدامي جان شربت من دمك ... ساقط ...نكس .... لك تستغل براءة اختي 😤 )
قيس : الووو شبيك مترد
عقيل : شنو قيس احجي ترا كلش مالي خلك
قيس : مرتضى اجى للمحل يريد يتوصل وياك لحل لكووول المشاكل
عقيل : هههههههه سبحان الله
قيس : شنو
عقيل : خل يجي للمحل .... كوله عقيل ينتظرك
قيس : متاكد ؟
عقيل : طبعا
قيس : اوووك حأتصل بيه .... لا تتاخر
عقيل : اوك
قيس : عقيل متاكد تريد تقابله
عقيل : طبعا طبعا
قيس : مامرتاحلك 😒
عقيل : قيس خابر الولد ...سوي الكلك عليه
قيس : 😧📵
عقيل : ( اتصلت ع عبدالله ابن عمي ) عبدووو تعال بسرعه للمحل محتاجك
عبد الله : جاي بس خير ان شاء الله؟
عقيل : مرتضى لاعب ع عقل اختي عباله ورد رخيصه مثل بناتهم
