بيسان : ( الصبح ... نزلت للمطبخ لكيت وحده من الشغالات بيه .... اسماء ) صباح الخير
اسماء : صباح نور بنيتي .... الكل برا روحي كعدي وياهم
بيسان : وكأنج ماتعرفين شكد يحبوني
اسماء : راح يحبوج صدكيني .... كلبهم طيب .... بس الصار مو شويه
بيسان : واني شذنبي بالي سواه بسام
اسماء : مااحجي عن بسام احجي عنج .... شخص مثل محمد يزوج بنيه مغتصبيها ...
بيسان : شنووو 😳 منو مغتصبيها 😳
اسماء : مو اخوج باعج لذاك السكير 😕
بيسان : اي بس مالمسني 😳 شردت منه ... يعني محمد عباله اني مو شريفه لهذا السبب 😳 جنت اتوقع هيج يحجي علمود بسام
اسماء : شربي قهوتج ويصير خير
بيسان : ( اخذت منها القهوه مع العلم اني متعوده اشرب حليب الصبح بس مااكدر اشرط هنا طلعت للحديقه لكيت الشباب يلعبون تنس وياهم ابائهم والجد كاعد صفح يقرا الجريده اما النسوان فكلعدات بجانب الجد يسولفن اشرتلي الجده اجي يمها .... مارديت عليها رحت يم محمد ركض وبيدي قهوتي ) اكدر احجي وياك
محمد : شرايده
بيسان :تعال جوه اريد احجي وياك
محمد : مافارغلج روحي شوفي واحد ثاني تحجيله
ياسين : محمد 😡
حيدر : عيني بيسان ... مدشوفين دنلعب هسه اجلي موضوعج لبعدين
بيسان : طيب انتظرك من تخلص راح اكعد يم جدتي
محمد : استغفر الله ع هلمصيبه خوش خوش روحي
بيسان : ( عصب براحتك بس تعرف الحقبقه راح تعتذرلي .... رحت كعدت يم الجده جان صيح للشغال الثانيه )
الجده : بنتي رنا حضري ريوك لعروستنا
بيسان : العفو ياريت لو بس سوين حليب لان مااحب القهوه
رنا : حاضر
ام ادم : اذا متحبين الكهوه ليش صبيتيلج 😒
بيسان : مو اني هذي اسماء صبتلي
ام محمد : ( ضربت اختي برجلها لحتى تسكت ) هههه اي اسماء متعوده علينا نشرب الصبح قهوه ههههه
بيسان : من يمتى هي وياكم
ام محمد : اوو من زمان من جنا بغداد اول ماصار حيدر ماما زينه جابتهتا ( الجده )
ام ادم : وشكو سالين بيسان 😒
بيسان : ها بس سؤال
