ظلال : ( سحبت قيس لاحد الجدران خاتلين وراه )
قيس : ( حاولت اشوف خلفي شسالفه جان دور وجهي عليها ) شنو
ظلال : شسوي هنا تخبلت 😡
قيس : ( لزمتهت من خصرها حتى لا تشرد ) انتي شسوين هنا
ظلال : ( ضربت ادينه مبعدته عني ) مالك دخل بيه مية مرة كتلك اطلع من حياتي
قيس : لان اعرفج مجبورة ع هذا الكلام وحتى جابرينج ع الزواج لذلك مراح اسمحلهم
ظلال : محد جابرني اني حبيته وهوه حبني
قيس : والله لو اعرفج صادقه جان تركتج
ظلال : ليش هلكد متاكد
قيس : عيونج ماجذب عليه
ظلال : عيوني ماحجت شي بطل هلسوالف انت تسمع بس الي اتريده
قيس : ظلال انتي تحبيني لا تغشمين نفسج
ظلال : مااحبك
قيس : تحبيني
ظلال : مااحبك 😡
قيس : تحبيني 😏
ظلال : ( اتقربت منه خاله عيوني بعيونه وبكل ثقه صرخت بوجهه ) مااحبك مااحبك مااحبك
قيس : ( صرخت الى ان دمعت عيونها .... ابتسمتلها ) ودموعج شنو
ظلال : من ورا العصبيه 😠
قيس : ودقات قلبج
ظلال : قيس لا تخبلني ( ابتسم ونزل عيونه لشفتي ... كبل تراجعت للخلف )
قيس : انتي المخبلتني ظلال ماخليتي براسي عقل
ظلال : ليش مداتستوعب اني ممكن اكون فعلا حابه شخص غيرك
قيس : لان عيونج متكول هلشي .... دقات قلبج يمي ... نظراتج الي .... خوفج عليه هوه الي ديخليج تحجين هيج
ظلال : اسمع قيس ميهمني بشنو تفكر .... الي صار انك دخلت لسجن بسبب حب فاشل واني همات تاذيت من ورا هلحب ... كل هلسنوات ثبتتلي اني اكدر اعيش بدونك ... اكدر احب ... وحبيت ... خطبني وقبلت .... اني القنعت بابا بيه .... وهيه خطيبي محتاجني
قيس : ( لزمت ايدها بصعوبه حاوت تفلتها مني بس مكدرت ) وين خاتم الخطوبه مااشوفه ع ايدج
ظلال : اترررركني
قيس : ( سحبتها عليه ماسك ايدها .... خليتها كدام عيونها ) وينه ؟؟
ظلال : الخميس نلبس الحلقات
قيس : ماتلبسون
ظلال : اتررركني قيس اتركني
