لين : ( فتحت عيوني بطىء ع صوت طفيف مااميز الكلام بوضوح ... كمزت من مكاني بمجرد تذكرت مرتضى ) مرتضى
ادم : اسم الله اسم الله
حيدر : لج شبيج كمزتينا
لين : مرتضى شلونه 😯 اخذوني اله 😢
حيدر : مابيه شي لتخافين
ادم : هنياله مرتضى 😅 لاكي وحده تخاف عليه هلكد .... اني لو اموت محد يكلبني
لين : اسم الله لتحجي هيج ( دك تلفوني ... عقيل ... فصلته وخليت التلفون ع الطاوله ) خل نروحله
ادم : ( لزم ايدها ) اعتذر لان خوفتج
لين : صدك تحجي اني من شفت الدم عبالي صارلك شي انوب انت كلتلي مرتضى كلت هاي هوه راح مرتضى بس الحمد لله مابيه شي لا تعتذر وضعي مجان يختلف عن وضعك
ادم : فدوة رحت للتخاف علينا ... يلا خل نروح نشوف مرتصى لا يتخبل الولد ويجيلج هنا ضل باله عليج
لين : يلا
حيدر : لحظه عسل نسيتي تلفونج ( طلعوا بدون مايسمعون ... اجيت اخذ تلفونها جان يدك ... ) 😳
لين : ( دخلنا ع مرتضى جان يرزل بيه جدي بس شفته ركضت حضنته ) مرررتضى 😢
مرتضى : لج وينج انتي كالوا متخربطه
لين : مابيه شي لا تخاف .... منو سوه بيك هيج
مرتضى : مو مهم عوفي السالفه المهم احنا بخير
ادم : شكال الدكتور نكدر انطلعه
ابو ادم : اي بس خل يخلصوله نقل الدم
لين : كل الصار بسببي مجان لازم اكولك عن سالفه عقيل 😔
مرتضى : اول وتالي راح اعرف
ادم : همزين انكتل واحنا يمه مو لوحده 😧
لين : عقيل ضربك ؟
مرتضى : خلاص عوفوا السالفه
حيدر : اي عقيل الضربه .... لزم راسه وضربه بالرصيف
لين : ( يباوعلي بغضب ويحجي ) 😳
ادم : كافي حيدر
ام ادم : الله ينتقم منه 😰
مرتضى : شبيكم اني بخير مدشوفون
ياسين : خرررب حضك مرتضى خوفتنا عليك ع الفاضي
ادم : ياسين .... شلونها ايدك
ام محمد : شبيك يمه 😰
ياسين : مابيه شي كسر بسيط عالجته لا تخافون انتهى .... عوفونا من هلسوالف التعبانه خل نرجع للبيت باجر ورانا خطبة
