محمود : العفو اخي مجنت اعرف ان اكو وحده هنا اسمها غدير .... رنا ممكن توصليني الها ؟
رنا : مستعجله ارد اروح للبيت
عيسى : رجاءا اختي محتاجها ضروري
رنا : 😧 تعال محمود
محمود : ( اشرت لمروان يلزم مكاني لا يدخل عيسى .... وتبعت رنا بس فتنا للبيت لزمتها من ذراعها وايدي ع فمها رفعتها من ع الارض ودخلتها يم امي .... جانت تبجي تريد تصرخ تريد احد يساعدها عبالها راح ااذيها )
اسماء : شنو شصاير 😳
رنا : ( رماني ع امه ) سماء ساعديني ابنج اتخبل😭
محمود : يوووم عيسى بالباب يسال عن غدير ورنا كلتله موجوده هنا
اسماء : ولج شسويتي 😨
محمود : شنسوي يوووم 😯
اسماء : راح اطلع اني ع الاساس اسمي غدير
محمود : ايي عفيه
رنا : شسالفه ؟؟
اسماء : بسرعه روحي لجده بلغيها بالي صار ( طلعت وي محمود لعيسى ) السلام عليكم ابني طلبتني ؟
عيسى : انتي غدير 😫 ؟
اسماء : اي اني تفضل
عيسى : ممكن اشوف جنسيتج ؟
اسماء : ليش ؟
عيسى : حتى اتاكد من حضرتج
اسماء : بصفتك منو اذا شاك بيه انتحل شخصيه معينه بلغ الشرطه واني مستعده للقضاء
عيسى : العفو اعتذر
محمود : تكدر تروح 😡
عيسى : ( رحت عنهم بس مامقتنع بالي حجوه ... انتظرت هذي الي اسمها رنا حتى تطلع ... ضلينا نراقبها اني وعلاء .... وكفت تريد تأجر تكسي وكفنا اني وعلاء وراها سديت حلكها بكفي وخله علاء سلاح براسها ... همست بأذنها ) ولا حرف لا اطشر مخج هنا
رنا : 😢
عيسى : ( اخذت جنطتها ادور بيها ع عنوانهم ... بس مالكيت شي ) صعدها لسياره
علاء : صار .... امششي
رنا : ( صعدوني بالسيارة وكعد واحد يمي خال السلاح بخاصرتي ) شتردون مني منو انتم 😭
عيسى : وين بيتكم
رنا : شتردون مني 😭
عيسى : احجي لا نسوي بيج المايعجبج والله اشهرج شهيرها
رنا : ( من الخوف انطيته عنوانا .... سحب تلفوني فاتحه بصمة صبعي واتصل ع زوجي )
عيسى : الووو ... انت زوج رنا ..... اني .... اني صاحبها .... البنيه ماتريدك بعد .... تكول عنك ملطلط وزاحف تريد رجال مثلي فطلكها احسلك ... صدك .... شبسرعه عبالي تحبها يالله رحم الله والديك .... شنووو ... ليش الولد شعليه ... لا بويه ماريد الولد اخذه انت .... يابه شعلي بيه تريد تذبه بالشارع ذبه شعلي
