عقيل : يوووم راح اتخبل ماضل مكان مادورتها
ام عقيل : ماادري 😭 يمه بنيتي 😭😭
عقيل : ( بغضب اخذت جاكيتي وطلعت ادور عليها شوي واجالي اتصال من رقم غريب ) الووو
مرتضى : عقيل اني مرتضى
عقيل : شتريد 😡
مرتضى : ورد يمي اعتذر منك بس مااكدر اخليها ترجعلكم
عقيل : لك اترك اختي لا تخليني اجن عليك والله اندمك البنيه مريضه شرايد منها
ورد : ( سحبت من مرتضى التلفون ) عقيل لا تلوم مرتضى اني رحتله
عقيل : ورد دخيل الله لا سوين بيه هيج
ورد : عقيل انتهت المشكله .... تونا عقدنا اني ومرتضى متكدر تمنعني عنه تزوجنا خلاص
عقيل : رجعي ورد لخاطر الله رجعي مااكدر اتركج يم مرتضى
ورد : اسفه عقيل صرت مااعرف مو كانك ذاك اخوي من ترجع نفس ماعرفتك ذيج الساعه ارجعلك ( سديت التلفون وكعدت ابجي )
مرتضى : ليش تبجين يا روحي
ورد :مهما صار بينا يضل عقيل اخوي 😢 كسر كلبي وهوه يتوسل بيه ارجع 😢 جنا كلب ع كلب شلون صرنا هيج
مرتضى : ( خليت راسها ع صدري ) شششش لا تبجين يا روحي اكيد راح يفهمج عقيل بيوم من الايام وترجعون نفس ماجنتوا انطيه فرصه يراجع نفسه
ورد : اتمنى 😿
مرتضى : من يصير عندي دوام راح اخابر واحد من اخواني يجي يمج مراح اتركج وحدج لتخافين
ورد : اوووك ( ردت اكوم جان يرجعني لحضنه )
مرتضى : خليج اريد اشتم عطرج ماشبعت منه
ورد : ههه حبيبي ( قبلني ع راسي )
مرتضى : لو ادري بالبصره بيها كل هلجمال جان عفت بغداد من زمااان
ورد : ههههه يا جمال انت احلا مني
مرتضى : بعيوني انتي احلا ما خلق ربي خلق واخلاق
ورد : ( انداريت عليه مقبلته بخده ) الله لا يحرمني منك
مرتضى : ع بختج عيديها
ورد : لصير طماع
مرتضى : لخاطري
ورد : ( تقربت منه اريد اقبله ع خده جان يندار عليه فوكعت القبله بشفته ... ترجعت و وجهي محمر خجل ) ليييش 🙈
مرتضى : ضلن بنفسي 😆
ورد : ( كمت من يمه ) خل اجهز الغده جعت
