روايه(منقووله)
#اليوم_الاسود
وركبت فوق حسيت روحي بطني توجع وحالتي حاله رقدت ساعه 6 وعيت وحاسه روحي خلاص طبعا بطني نزلت ندور في دواء ومالقيتش مسكن ركبت لقيت نقالي يرن رديت
انا:الو
محمد:اهلين رهف
انا:خيرات
محمد:شن جوك توا
انا:تما بخير
محمد:تبيكي امي
انا:هاته هي
اعميمه امينه :خير رهوفتي
انا:خيرات عميتي لكي وحشه
اعميمه:اين وحشه وانتي ماتجي للعمتك بكل معقوله لا تكلمي عمتك لا دوريها لا شي
انا:اسفه عميمه عندك الحق والله ماني فاضيه
اعميمه:لا يا حنه زعلانه منك خسارة مانك بنتي ومربيتك علي ايدايا
انا:صاح عميمه عندك حق والله اسالي حتي محمد كيف قرايتنا والله
اعميمه:عارفه ربي يوفقك
انا:موحشتيني اعميمتي
اعميمه:حتي انتي واجد تعالي بكرا عازمتك
انا:حاضر تو نجيكي بس بكرا خطرها عيد ميلاد جيجي نقدرش نخلوها بعد بكرا
اعميمه:لا يا حنه هو بكرا خميس وبعدها جمعه عطله تعالي اقعدي يوم عندي حوش حوشك انتي مانك برانيه
انا:حاضر باه نقول للبابا
اعميمه:محمد شوري بكرا نخلي محمد ولدي يجيبك بعد يكمل العيد ميلاد باهي
انا:حاضر باه اتفقنا
اعميمه:ايوة سلم بنتي وبوك بكرا نرن عليه
انا:تمام عميمتي
اعميمه:املا توا بسلامه
انا:اوكي سلام نتلاقو
وسكرت من اعميمه ونضت نوتي مع ان تعبانه ومش وقت بيات نحبش نبات وقت تكون عليا بس عيب ووتيت قفطاني متاع بكرا ولبسه وتوته ولبسه بكرا ورقدت نضت مع ساعه 7 وحالتي حاله بطني توجع وعيت خشيت حمام(حشاكن)وطلعت رنيت علي جيهان
انا:صباح خير
حيهان:هممم شن تبي
انا:راقده مصح وجك نوضي عندنا محاظره
جيهان:منيش ماشيه بترقد
انا:عينك نوضي هيا انا لي مريضه نضت لان اخر محاظرة
جيهان:اووف به خلاص سكري
انا:اصبري جبيلي معاكي كوتفان عندناش نحنا
جيهان:باه اوكي
وسكرت منها صبيت لبست لبستي بنطلون اسود وجاكه امركيه قصيره تحت فخدتي مهم وويشاح مخربش وكندره ووشنطه زرق وبخيت عطري ومكيجت مسكرا وروج وشويت احمر خدود ونزلت لقيتهم يفطرو ومعاهم سهي 😣
انا:صباح خير
بابا:صباح نور بنور عيوني
انا:وجيت بسته شن جو اليوم
بابا:بخير قعمزي افطري
انا:عنديش نيه
بابا:غير هي تعالي
انا؛والله ماخاطري انت كمل بيش تشيلني للجامعه عطيني المفتاح نسخنها
بابا:باه حاضر خشي دار خوديه
انا:لا
اسماء:سهي خشي جبيه الهاا بسرعه ونفنص فيا
بابا:رهف خشي جيبي مفتاح بروحك قعمزي يا سهي افطري وفنص في اسماء
انا:لا نبيش خلي سهي
بابا:انا قلت خشي دار باتك هذي من ايش خايفه
انا:باه واسماء تكشخ خشيت بسرعه وطلعت لجنان ركبت للسياره ونسخن فيها وطلع بابا
بابا:رهف كنك مريضه
انا:اها شوي
بابا:باهي ليش ماشيه
انا:اخر محاظرة ماه
بابا:باه تبي شي هاكي فلوس مرات تنقصك حاجه
انا:باه
ووصلت للجامعه وقعمزت بروحي نراحي في جيهان جاني محمد
محمد:صباح خير
انا:صباح نور
محمد:كنك مريضه
انا:اها شوي
محمد:ليش جيني باهي
انا:اخر محاظره بعدها امتحاناا
محمد:باهي تبي حاجه
انا:سلامتك
محمود:صباح خير وعمزلي
محمد:صباح نور هيا محمود وعدو
وفعمزت نراجي رنيت عليها ردتش بدت محاظرة وخشيتلها وفي نصها جت جيهان
الاستاذ:مازال بدري يا طالبه
جيهان:اسفه استاذ صارلي شويت ظروف ممكن نخش
استاذ:خشي بسرعه
جيهان:صباح حب
انا:صباح نور كنك طولتي
جيهان:كيف وعيت وامس لعند صبح مع يوسف
انا:باه وكملت محاظرتنا وطلعنا
انا:جبتيلي كتوفان بنموت
جيهان:يييي وحق ربي نسيتك هي
انا:مسخه دا قريب نموت
محمد:كنك ليش بتموتي
انا:لا شي
جيهان:سنها توجع فيها تتبي دواء نسيت نجييه الها
محمد:دواء شنو
جيهان:كوتفان
انا:عادي ونا مروحه ناخذه هيا عندنا محاظره
جيهان:هي
انا:سلام محمد
محمد:سلام
انا:توا من قالك احكي عطك دا يا حيوانه
جيهان:تي عادي علي اساس بيفهمها هيا بس
انا:تافها
جيهان:طلعتلي😝 لسانها اصلا عادي
جاها الاستاذ لمبدري خشت للمحاظرته متاخر
استاذ خليل: ههههه
جيهان:وجها انحمر خير استاذ
استاذ:خير اخر مره طولي فاهمه مره جايه فيش خشوش
جيهان:باه حاضر بس هيا هذي اصلا اخر محاظرة😆
استاذ:😅ههههه اها صح نسيت
انا:نستاذون منك استاذنا عندنا محاظره
استاذ:اذنك معك سلام
جيهان:مثقل دمه
انا:حرام عليكي كويس
جيهان:فرقت كوسته بارده هيا انتي
انا:باه هي وخشينا للمحاظرة وفي نصها دق باب
استاذ:تفضل
محمد:خير استاذ فيصل كيف حال
استاذ:بخير كيف حالك انت استاذ محمد
محمد:بخير
انا وجيهان:نبحتو في بعصنا شن يبي هصا؟؟
محمد:معليش استاذ نبي رهف دقيقه
استاذ:باه تمام رهف اطلعي
انا:باه زعمك كنه محمد
جيهان:حي عليكي شن مدايره
انا:درتش شي والله وطلعت
انا:نعم محمد
محمد:شن جو توا
انا:تمام
محمد:باه امسكي
انا:شنو بحتت لقيتها اميه وكوتفان
انا:ليش متعب روحك
محمد:مافيهاش تعب خوديهن
انا:شكررا محمد تعبت روحك
محمد:يهمك شي خوديه قبل لا تخشي
انا:باه وخذيته وشربت اميه وعطيته له شكرا
محمد:شن نبي فيهن خليهن عندك شوي هك جا محمود
انا:لا خليهن عندك خلاص انا
محمد رن عليه نقال قالي شويه بس
انا:باه
محمود:خليهن عندك نحنا ماتوجعش فينا سنا وغمزلي بعدها ضحك
انا قريب متت حقير
انا؛مدخلكش نحكيش معاك حود من حداه وجي
محمود:حتي وانتي تهزبي فيا تهبلي يا سمحه
انا:جقير تفو
محمود:ليش الغلط توا
انا:هك بجوي وعديت وسيبته
انا:محمد انا خاشه
محمد:باه
وخشيت طبعا كلهم يبحتو يحسبو في شي بينا
جيهان:كنه
انا:جابلي دواء
حيهان:حي حي وترقص في حواجبها
انا:صكريلي فمك بطني وجوي مش لك
وكملت محاظرة وطلعنا
جيهان:كنه رقيلك بس خلاص معش نبصر
انا؛من حيوان الكلب لي اسمه محمود
جيهان:😲شن دار كنه
انا:كنت مع محمد ووو...
جيهان:ههههه فاهم جو
انا:هضا حيوان مش ناقصه انا ورن نقالي بابا برا نتلاقو
جيهان:باه سلام وبستني وطلعت
بابا:ها شن جوك توا
انا:تمام
بابا:عمتك رنت عليا
انا:اها عارفه امس قالتها ليا
بابا:مهم قتلها توا نجيبها لكي اسرت ان محمد يجيبك
انا:اها
بابا:خلاص وتي روحك تو ياخذك من غادي
انا:باه
ووصلنا ركبت فوق لداري رقدت شويا ووعيت ساعه4 وخشيت حمام وطلعت نمكيج مكيجت مكياج اوفر ولبست قفطاني كاين اسود طويل وايديه اطول ومن لورا ظهر عريان ولبست كعبي ونزلت شنطتي ودبشي لي بنبات بيه ودقيت عليهم دار وبابا قالي هي اصيري بس نلبس طلعت سخنت سيارة وجا بابا ووصلت دقيت فتحلي انس
انس:خير شن جو
انا:تمام وانت
انس:تمام خشي انا طالع نجيب فلي تبيه جيهان قوليها لها
انا:باه
جيهان:قرده جيتي
انا:لا مازال
جيهان:هههههه مشاء الله تهبلي شن هل سماحه هذي
انا:انتي لي تهبلي بقفطان الحب يجنن كاين لونه زيتي وايديه كم نزلات وقصير ولبسه عليه سندل احمر وطالقه شعرها وطالعه تهبل
جيهان:حويته مبدري كنتي قرده وتوا وردة
انا:هههههه حقيره حتي انتي هك كنت وسلحت عبايتي وركبت ونا نركب خش انس وشافني بس نا شفتش وجاته جيهان
انس:اوووو عليك طرف كان نحسبها بهل سماحه راهو طيحنها طرف
جيهان:طرف عينك نزل عيونك يا قليل ادب انت كيف خوها
انس:من قالها
جيهان:ضرباته اطلع برا بنات جيات
انس:وحي عليكي انتي كنك اسمحتن هكي بس رهف من لاخير اطلع طول
جيهان:اطلع يا حيوان والله نكلملك ماما
انس:باه طالع
وطلع انس وانا فوق رن نقالي لقيته
يوسف:خير
انا:خيرات
يوسف:شن جو
انا:تمام وانت
يوسف:تمام نبي منك خدمه
انا:ادلل شن تبي
يوسف:اول شي نبي ندزلك اغنيه ع واتس اب توا حطيها للجيهان ووقوليلها انها مني
انا:حاااضر باه وكلب ثاني
يوسف:نبي خشمها ملبز بل كريمه وتصوريها ليا ودزيهن بدون ماتعلم
انا:حاضر باه
يوسف:منورة رهف صحيتي
انا:ولو يهمك شي وخشت جيهان هاده ع باب
جيهان:في من تكلمي يا حقيره
يوسف:تقوليلهاش
انا:هضا هصا تي محمد
جيهان:اوووو هههه طحنا ملا
انا:باه خلاص محمد نتلاقو
يوسف:هههه تم
وبعدها نزلنا لوطه وجت اروي سلمت عليا بعدها دق باب جيهان رهف امشي افتحي
انا:باهي عطيني لبست صلاة
جيهان:جوا قاعده
خشيت لبستها وطلعت نفتح فل باب
انا:خير كيف حالك
ملاك:حمد الله كيف حالك انتي كنه مانشوفوش فيكي بكل(ملاك بنت عمي جبريل لي مواليد94 حكيتلكم عليها اول حلقه)
انا:والله قرايه وضغط
ملاك:ربي يوفقك
وخشينا جوا
ملاك:خيرر جيهان كيف حالك
جيهان:اهلن حمد الله كيف حال عمو جبريل وامك
ملاك:حمد الله كويسين قاعدين
جيهان:باهي حمد الله دوم
انا:جيجي تعالي تبيكي اروي
جيهان:اني جايه ملاك خودي راحتك
ملاك:تمام نبي نصبي نحود عبايتي
انا:هاتيها حناخذها منك
ملاك:شكرا
انا:عفوا شن جو قرايتك
ملاك:تمام واعره هندسه مقطعه روحي قرايه
انا:ربي يعونك نفس حال كنها ماجت مرام
ملاك:بكرا عندها متحان
انا:ربي يوفقها
ملاك:اجمعين
مروة:خير يا بنات
انا:اهلن
ملاك:خير
مروة:خالتي ملاك هنا
ملاك: خالتي نحبهاش اكبر منك بسنتين
مروة:اكبر بسنتين وانتي خالتي اخت ماما فتحيه
ملاك:مبرد دمك يا رهف احسن حاجه ماعندكش اخت
انا:بلعكس الاخت حاجه حلوة
ملاك:بس مش تكون اكبر منك بواجد وتجيبلك شحوطه نفس مروة
انا:ههههه غير تسلم مروة
مروة:نجك ليا رهوفي تهبلي بس كنك ضاعفه
انا:هههه الله غالب قرايه
مروة:ربي يعاونك
انا:اجمعين وجن باقي بناات واميره صحبتنا ووتينا طاوله وكلمتهن يجن ودرنا عيد ميلاد
هابي باردي هابي باردي نطت مروة كان يوم اسود يوم ماقيتي
انا:ههه حرام عليكي احلا يوم
وجت جيهان طفت شمعه جيتها انا كل سنه وانتي طيب غلايا نحبك موت وقصينا التورته ولبزتها وصورتها كم صورة وجن بنات عايدن عليها وكل وحده عطتها هديتها الا نا مازالت
انا:قلبي اسمعي الاغنيه هذي وركزي فيها
حيهان:باه
وعلقتها الها وكلنا انسجمنا وخاصتن جيهان
موسقي بعدها بدت 🎶🎶🎶🎶🎶🎶
[♡عم تسالي شو بدي منك بدي ولا يوم ابعد عنك اوعك اتخيبيلي ظني وانا بعمري مابخيب ظنك تذكري انتي وعدتيني ظلي حدك مواجه عيني لو لحظه بتغيبي عني ميت العادي بتلقيني
الوعد وعد نحنا لبعض ممنوع زعل وممنوع البعد
ممنوع حدا حاكيكي كلمه ممنوع لغيري تبتسمي من من سالك شو اسمك بتقليله انك ع اسمي
انا روحي الك خلقاني وانتي بدمي مشياني
انا وانتي عن بعضنا مافينا نبعد ثواني
الوعد وعد نحنا لبعض ممنوع الزعل وممنوع البعد♡]
جيهان قعدت تبكي
انا:ليش تبكي
جيهان:من يوسف صاح
انا:ههه عرفتيها انها منا اها من هوا وهوا لي مبدري كان يكلم فيا مش محمد
جيهان:نموت فيه
انا:والله يحبك يوسف ادبالك تودريه من بين يدك مستحيل تلقي كيفه ونسف حبه
جيهان:اضبطتني مستحيل نسيبه نحبه انا ❤
انا:وحتي هوا يموت فيكي وسيبتها ركبت فوق نزلت هديتها وعطيتها الها
انا:هاكي
جيهان:باه وفتحتها كانت فيها سلسلتين فضه وحده فلب ولاخرا مفتاح وكندرة كانت خطرها فيها هيا وشنطتها خذيتهن الها
جيهان:اللله رهوفتي احلي هذيه يا خيه نحبك يجننن بكل
انا:ونا نموت فيك امسكي هذي لكي وهذي ليا انا خذيت المفتاخ وهيا القلب تسلحبهش فاهمه
جيهان:اكيده مستحيل تهبللل بكل ولبستها ولبستتي
وطبعا روحن البنات وقعدت انا وياها بنرقرمو رن محمد
انا:ايوة محمد
محمد:الو رهف لو كملتي نجيكي ولا مازال
انا:لا خلاص تعالي
محمد:به وتي روحك
جيهان:كنه محمد شن قصته وعليش بيروح بيكي وعمي وين
انا:توا نحكيلك يموتها.....
جيهان:نغير حو وتفتكي من اسماء
انا:مش غير هيا نوض نلبس
لبست عبايتي وكعبي ورن عليا محمد قالي برا طلعتله وو....
#يتبع
للكاتبة
fafu Bogrien
