حلقه (25)
روايه (منقوووله)🖤
#اليوم_الاسود
للكاتبة فافو بوقرين
.
.
.
.
.
.
.
لي قلب امفارق محبوبه
يكابر عالجرح الي فيه
ماسك دمعاته بهذوبة
يحساب البعد اينسيه
ثاريت النسيان اكذوبه
ماغالي ينسي غاليه
.
.
.
عند جيهان طلعت بلبستها وبدون ويشاح ومشيت لدار لي في جنان نراجي فيه قعدت مقعمزة ونبكي و خايفه في نفس وقت مرن دقائق ويوسف جا
.
انا كنت مصبيه ونبكي ونراجي فيه حسيته طول وبعدها شفته خاش عليا كاين ظلام بس شفته مش يوسف لي نعرفه كنه هكي قعدت نبحت فيه وعيوني طول دمعن ناقص وباهت ووجه باين عليه سؤ الحياة
.
يوسف زقبت من سور وكراعي تعوجت وجيت نجري خشيت عندها كاين ظلام بس شفتها كانت رقيقه بكل وتبكي مش حبيبتي لي حبيتها كانت طول وقت تضحك ووجها ناير توا شفت بنت عكس بنت لي حبيتها ذابله وتبكي بحرقه كان خاطري نحطها في حضني تبكي عليا ونسكتها بس الله غالب ولم شافتني قعدت تبكي وساكته وتبحت فيا
.
انا:يوسف
يوسف:شن تبي مني ليش بعتيني طلعي روحك من راسي مش قادر ننساكي وانتي عايشه حياتك ومخطوبه وعرسك الله اعلم امتي ليش شن درتلك بيش ديري فيا هكي تبعيني
انا:والله مابعتك واللهي نحبك والله ماني راضيه عليه ولا موافقه والله غصبوني عليه حبيبي اهو جيبتك خطرت بروحي بس بيش نثبتلك حبي والله نموت فيك
يوسف:انتي كذابه وخيانه خنتيني ليش عطيتك كل حبي ليش تخوننيني وبحتت في رقبتها شفتها لبسه سلسلتي قربت منها وحطيت يدي عليها وكنت نبي نكرها
يوسف:ليش لبستيها هذي ليش وانتي بعتيني وانتي تخوني فيا وتبي تزوجي غيري ليش وكنت نبي نكرها
انا شفت قرب مني وحط يده ع سلسله ويبي يقطعها ليا مسكت يده وقعدت نبكب
انا:يوسف لا ارجوك ماتقطعاهش نبيها خليها ليا اخر شي منك قي ريحتك نبيها في رقبتي نزل يدك تقطعاهش ليا وااللهي ماخنتك ولا حنخونك والله حتي تكليم مانكلمش فيه والله ماشفته ولا نعرفه صدقني مستحيل نخونك انت حبيبي والله وونزل يده وقعد يقولي نبيكي ليا انا قربت له واضبطته وقعدت نبكي عليه حط يده علي شعري ويقولي
.
يوسف:انتي ليا فاهمه مش حنخلي راجل يلمسك فاهمه انتي ليا
انا:وانا وعدتك يا نكون لك يا نموت مستحيل نخلي غيرك يلمسني
يوسف:بس انتي حتزوجي وتسيبيني مش حتبقي ليا وعدك عدا
انا:مستحيل
وبعدت من عليه
يوسف:نحبك
انا:واللهي نعشقك شن درنا يا يوسف بيش يصير فينا هكي انهرت بكاء حبيبي تسيبنش نحبك حبيبي نموت فيك واللهي مغصوبه واللهي غصب عني
يوسف قرب مني حطني في حضنه وقعدت نبكي عليه ريحت عطره ودموعه ينزلن عليا زدت نبكي نارر فيا ناار
يوسف:اشش شن نديرو انا نبيكي وشاريكي دزيت عمي كم مره وخوكي ال.. يلز فيه شن ندير واللهي نحبك عارفه بعد غبتي عليا غابت ضحكتي وراحتي وروحي انتي روحي انتي حياتي والله بدونك مافي حياة
انا:قعدت نرعش ونبكي
يوسف:كنك ترعشي والله مالمسك انتي اختي وحبيبتي وكل شي
انا:يوسف مش خايفه منك بس صقعانه بكل
يوسف:حبيبي كنك
.
انا لم حطني علي صدره ارتخيت وحسيت دقات قلبي زادن ونسمع في دقات قلبه بل قوة لين قرسب يخترقن وذني قعدت نبكي ونرعش بعدها حسيت دنيا ظلمت للاخر
يوسف:يخبط فيا نوضي حبيبي نوضي نوضي كنك مسامحك عارفه مغصوبه نوضي وقعد يخبط ماوعيتش شن ندير توا انا شن ندير
رن علي رهف
انا:نعم
يوسف:تعالي بسرعه ومعاكي ميه وسكر جيهان طاحت
انا:شنو سكرت عليه وخشيت نجري للمطبخ درت ميه وسكر بسرعه وطلعتلهم شفت ماحد قاعد طلعت خشيت نجري
انا:كنها انت شن درتلها
يوسف:سكري فمك وهاتي لميه
جيهان حبيبي اشربي وقعد يشرب فيها افطنت هيا اشويه
يوسف مسكها حضنها حبيبي
يوسف:كنك شن صارلك انتي كويسه
جيهان مغمضه عيونها وترعش وقالت بصوت يادوبه طالع
جيهان:كويسه بس صقعانه بكل
انا:انتي كويسه متاكده
جيهان:اه كويسه يوسف روح
يوسف:بس
انا:خلاص روح را يجي انس
يوسف:مش مروح لين مانطمن عليها
جيهان؛واللهي كويسه روح يوسف تخافش عليا
يوسف:متاكده
جيهان:والله حبيبي روح
يوسف:باه بس رهف طمنيني
انا:باه عدي بس
وطلع يوسف
جيهان:رهف غطيني صقعانه
انا:بشنو فيش شي نوضي معاي
جيهان:مش قادره هيا بسرعه
انا سلحت جاكتي وغطيتها وقعدت بكتي وبحتت في روحي لقيت روحي طالعه بدون ويشاح لليوسف
انا:نجيبلك شي ونجي
انا طلعت وكنت ماشيه للمطبخ ونشوف محمود جاي هاد عليا وقرب مني وضربني كف
.
اه كف قوي بكل لين وذني قعدت تززن من قوة الكف دموعي طول انزلن
نسمع فيه يعيط عليا وعيونه حمر خفت منا شن شاف
محمود:يانعن .... تيييي مع يوسف يا رهف تخونيني وتخوني بنت عمك اتفووو عليك مع يوسف شن درتلك مش متربيه ومش ساتره روحك طالعه بصدرك تي اتفو ودايره روحك بنت محترمه ياا.. ودفني ع ساس انتي وحده.... تي ليش ... حبيتك انا كان قتيلي فوتني را فتك ليش ليش تعلقيني بيكي وتكسريني ليش .... حبيتك ازف وطلعتي للاسف مش بنت ناس خزي اتفووووووو وعدا
.
انا كنت نبكي كف محمود مازال يزن فوذني وزادها اخرا كلامه ليا كل كلمه يقولي فيها يكسرلي في قللبي وزاد اخرا يتفل عليا ويلعن ويسب فيا لعنت حظي مليون مره عدا لم شفته عدا لحقته مسكته من يده ماكنتش نبي نخسره رغم كل كلمه قالها ليا سات بحقي وبشرفي بس كنت نبي نثبتله عكس كلامه مشيت نجري وراه ومسكت يده
.
محمود:اطلقي يدي
انا:تبكشت وقعدت نكر فيه معايا وهوا يعيط شن تبي مني لم وصلنا لعند الدار قالي شي تمنيت روحي نموت ولا نسمعه منا محمود يقولي هكي
محمود:ههههه جيبتني لعند هنا بيش نسكت يعني دوري توا
.
اناكلام لي.قاله ليا كله فته بس لم سمعت كلمته هذي انكلبت نعرفش كيف جتني الجراء وضربته كف و قعدت نعيط ونضرب فيه محمود يمسك في يدي مش خيال معاكي دور هضا هيا خشي ودفني جوا دار وهوا ورايا وبحت فيا بنظرة متاع حد مكسور من حبيبته برم شاف جيهان مرميه متغطيه وتبكي بحت فيا ع طول قعدت نبكي
انا: شفت شن كنت ندير مع يوسف شفت جيهان مرميه صقعانه سلحت جاكتي وغطيتها مافيش شي نغطيها بيه قدرتش نسيبها يوسف طلع من هنا وانا خطيتها من هن شفت شن كنت ندير كلامك مدمرني محمود ودفيته لو سمحت مش توا شفت شن كنت ندير جوا فا توا اطلع ولو سمحت رقمك معش بنشوفه لو سمحت خطاني كنت بنوريك انا شنو بس اشرف منك شفت انا شنو يلا برا
محمود يبحت فيا وساكت وحاس بندم
محمود:اسف والله لم شفت يوسف طالع وانتي وراه انجنيت نحسا
انا:لو سمحت اطلع
محمود:سمحيني رهف والله فهمتك غلط سمحيني والله
انا:اطلع يجي حد يشوفك يفهمنا غلط ويحسايني هههه شن قتلي انت مش محترمه ومش بنت ناس صاح عيطت عليه اطلع برا
برم وطلع وقعدت نبكي
مشيت خشيت جوا كلمت مرام ولبسه جاكه وجينا خذينا جيهان وطول ركبناها وحطيناها في سريرها وغطيناها رن يوسف وطمنته وقعدت جنبها
انا:انتي انزلي لوطه تو نلحقك
مرام:باه ونزلت
مسكت روحي نبيش نبكي مش حنبكي سااد بكاء وخشيت حمام ولحقتها
انا:من غسلهن الماعين
مرام:مروة
انا:تو نسيق مطبخ
مرام:باه وانا نرد الماعين
قعدت ترد في الماعين ونا نسيق في مطبخ وعقلي فلي صار ودموعي مره مره ينزلن بس مانبيش دموعي ينزلن
ليث:بس بس
انا كنت سارحه ونفكر
مرام:خير
ليث:كنها رهف
مرام:نعرفش شوفها
ليث قرب مني وحط يده ع ظهري انا رعشت وبرمت عليه طول
ليث:كنك بسم الله
انا:😣انت
ليث:كنك وكنه وجك حمر في حد قاربك
انا:ماحد وينك مختفي
ليث:انتي لي اختفيتي
انا:اها تلاهيت قرايه
ليث:باهي جوك مش عاجبني وعارفك حتقولي شي
انا:هههههه لا مش شي اليوم كلنا بيتات هنا 😉وحتي مرام وامك شن رايك تبات
ليث:😍اهم حاجه حبيبتي بايته طبعا موافق
انا:هههههه
مرام:😊😊اها بايته
ليث:نغليا من حبي نا هاتي بوسه
انا:فنصت عيوني تهات عينك اطلع نبي نشف معش تخش شباب ممنوع
مرام وجها انحمر وطبست راسها
ليث:هههههه نجيلي المتحشم انا تي باهي يا نم انتي طالع كنت نبي ميه
انا:هاك واطلع تحرج في بنت بارد خزي
ليث:ههههه غمزلي وشوشلي في وذنب افطني شن نديرلها
انا:ههههه
ليث؛مرام 😍
مرام:نعم تبي شي
ليث:شن رايك نخلوهم يرقدو ونرقدو مع بعضنا وفي حضني عارفك تخافي من ظلام😉
مرام:تي بارد انت اقعد فيها وطلعت
انا:هههههههههه سخيف خزي
ليث:شن رايك احرجتها صاح
انا:هههههه سخيف هيا وجك بنشف
ليث:تي باهي ازززح طالع وطلع
انا:مرام تعالي
مرام:مش خاشه فكيني منا
انا:ههههههه والله الله طلع خشي كملي الماعين بيش نركبو نشوفو جيجي
مرام:باه وخشت
كملت تنشيف ومرام رد ماعين وركبنا فوق لقيناها راقده وشفت رنات من محمود ورسائل مشفتهنش حتي شوف وشفت مكالمات من يوسف رنيت عليه وطمنته خشيت حمام (حشاكن)توضيت وصليت ولبسة توتي سودة وطويله ومرام بدلت توتها وجيهان راقده نوضتها وبدلت دبشها وقتلها انزلي معانا غيري جو وحسيت نفسيتها احسن بواجد من قبل نزلت معانا وشفناهم في جنان قاعدين ليث وانس وعمتي امينه وعمتي صالحه وعمي علي واروي يهدزو جينا قعمزنا معاهم
ليث:طولتن
انا:نصلو مش كيف لي مايصليش😋
ليث:حي علي امه حسيته دوس ليا
انا:هههههه لالا طبعا قصدك تصليش
ليث:لالا نصلي بس يوم جمعه بس😅
نحنا:ههههههههه
وقعدو يهدرزو وجيهان وانا كل وحده في عالم كنت سارحه وكلام محمود يبرم في راسي و ليث مسك نقاله ودز رساله للمرام( شن رايك نصبو نخشو جوا )
مرام شفتها بحتت فيه وطبست تكتبلا
( لا ليش نخشو هنا جو حلو )
ليث
( ههههه باه )
دزلي رساله ليا انا
ليث
( رهف دزي مرام جوا اطلبي منها اي شي مهم دزيها وراس خيتي غاليه )
انا كان نقال في صدري وهز صبيت وعديت لاورا نحسابه يوسف طلعته وقريتها قعدت نضحك
انا
( ليش سييب بنت يا بارد )
ليث
( تي كنك صبيتي ازح ولا تحسابيه الحب )
انا
( مش شورك ودور من يقوللها صبي )
ليث
( اسف خلاص حتي لو الحب عادي مهم هيا )
شفتها ودسيته وجيت قعمزت
ليث:باهي يا رهف
اتا:ايوة وهضا الباهي😋
ليث:كنها جيهان مش معانا بكل وع صامت 😁
انا:هههه دخلكش بيها
جيهان:مش جوك
ليث:له له شكلا موضوع ساخن وشميت فيه ريحه
انا:اسس يلا شمك خير مانديرش لي تبيه
ليث:ههههه سكتت مهم هيا انهي موضوعنا
انس:بلا جو الغاز واحكو مسقم
انا:مدخلكش انت
ليث:مش شورك انت
اعميمه امينه:كبسبس يا بتي كنكم نطيتو فيه
انس:مش عارف انا
اعميمه:رهف نوضي جيبيلي ميه
انا:حاضر مرام نوضي انتي وجبيلي معاها
مرام:باه وصبت
انا غمزت لليث
ليث:نصبي نشرب وصبا خش المطبخ وشافها مصبيه ع الحوض وتغسل قرب منها ومسكها من لاورا مرام نطت وبرمت عليه جا وجها قريب من ليث واجد
مرام:اوف منك بعد من عليا يخش حد
ليث:شفتي كيف خليتك تخشي وزريتك انا يموتها ماشبعتش منك
مرام:خافت وبعدت ووجها لالا نبي لا كنك انت شفت هكي تخوف فيا خليني نطلع يشوفنا حد
ليث: قعد يسمع في قلبها يدق وكيف خايفه منا ومبعده وجعاته قاللها باهي وحود من عليها
مرام طلعت تجري وليث قعد جوا
مرام عطتني لميه وللعميمه وجت توشوشلي وحكتلي لي صار
مرام:زعمك زعل
انا:مصح وجه تعدليش عليه خليه يزعل
مرام:بس بس جيهان اووي
جيهان:كنك
مرام:مش معانا بكل
انا:خليها حالتها يعلم بيها ربي
جيهان:ايوة فوتوني
مرام:امتي تخش امك وبانك وعمتي وخوكي واختك
حيهان:ليش؟؟
انا:تبي جو يفضالها هيا وليث
مرام:بزبط
قعدنا نهدرزو وجت ساعه 1 درنا سحور وياكلو ووكلت جيهان بل غصب وصبينا درنا ماعين وطلعنا بعدها كلهم خشو ارقدو الا نحنا بنات وانس وليث
انس :كساد كساد نلبو صراحه
كلنا:باه
ليث برمها وجت عليا وع جيهان انا نسالها
انا:هههه عنديش سوال الها كل شي نعرفه عليها
ليث:زمري ولفها
جت علي ليث وانس
ليث:مكبد ياانوسي
انس:ههههه مش غير مكبد خليها ساكته
ليث:ههههه مايطلع منك ولفها
جت عليا وعلس مرام
مرام:طالمه حكو ع الحب شن مميزات لي تبيهن يكونن فيه
انا:امممم مهم يكون ولد ناس وراجل ويهتم بيا ويخاف عليا ويصوني ويحبني ويفهمني ويوثق فيا
ليث:وين نلقوه لكي انقرضو هضيما يا جوليت وبرمها حت علي مرام وليث
مرام:عمرك حبيت من قلبك
ليث:توا قاعد انحب حبيت وحده سمحه بكل وبنت اصليه وخوافه وحشوميه ومحترمه وهيا اول بنت واخر بنت نقولو حبها اندفن في قلبي
انا:واوو علي روميو
انس:قطعتنا يا را كلام طالع من قلبك الها تقول مقعمزه حنبنا هيا ولا تكون داير تسجيل لها بس
انا:ههههههههه
ليث:فيكمش جو انا طايح بوجي فيها مش حتحسو بيا وبرمها جت علي جيهان وانس
جيهان:طول سالته شن درتلك بيش ديريلي هكي
انا فهمتها طول
انس:عشان خايف عليكي
جيهان:انت دمرتني
ليث:كنكم
انس:فكك منها مهم هيا
وليث لفها جت عليا ع انس
انس:ليش تحبي تردي عليا وتستفزي فيا
انا:لان كلامك يستتحق الرد
ليث:هههههه كلامك واتي لزح وين تلقي فيه بس ولفها جت جيهان وليث
جيهان:كم مره حبيت ولا كلمت
ليث:هههههه تولعي في نار هكي
مرام:هيا جاوب
ليث:مكلم نص بنات ليبيا ع قد شعر راسي وراسك يا جيهان بس توا حبيبتي معبيه عيني ومعش كلمت من اول ماكلمتها
انس:هههه صدقتك
ولفها جت ليث وعليا
ليث:ليش نشوف فيكي وواضح انك مضايقه بس تضحكي وتمشي في جو
انا:الله غالب هكي انا نحبش نحكي نحبش نوري للحد ضعفي واني نبكي بس والله انت اكثر حد شاف دموعي
جيهان:وانا
انا:ههههه انتي روحي كل شي تعرفيه
ليث:غاليه غليا يا بنت خالي ربي يحفظك
انا:ويحفظك
وقعدنا نهدرزو وخش انس رقد وجت مرام جنب ليث وانا وجيهان في جيه بروحنا نهدرزو
.
جيهان:احكيلي كنه محمود فهمتش مبدري كنت دايخه
انا:ااااه تو نقولك ......
.
.
.
عند ليث ومرام
مرام:زعلت مني علي مبدري في مطبخ
ليث:مرام بنفهمك شي يموتها ضعفت بس وبستك واللهي نيتي مش سودة وناويكي بل حلال يعني تمسكيهاش ليا وتخافي مني انا مستحيل نضرك نحبك راهو افهميها وانتي قبل ماتكوني حبيبتي بنت خالي ومستحيل نضرك خلي كلام هضا في عقلك
مرام:عارفه ليش توا تحكيلي فيه
ليث:بيش تزيدي تفهمي اني ناويكي حلالي
مرام:أنحبك 😍
ليث:اخخخ منك وانا نحبك واجد بكل قلبي كله لك بروحك
مرام:لدرجه هذي تحبني؟؟
ليث:تقريبا واكثر مش واثقه في كلامي
مرام:لا واثقه بس بنتاكد
ليث:أنحبك أنحبك
مرام:انحبك موت
ليث:حبي بنسالك
مرام:همم
ليث: لو قتلك نتزوجو بش بشرط
مرام:لي هوا ؟
ليث:تسكني مع امي في دار وحده توافقي
مرام:بحتت فيه طبعا نوافق
ليث:متاكده مش تمشي فيا
مرام:والله وراسك وراسي متاكده ونقبل نسكن مع اعميمه
ليث:باسها علي خدها نجك ليا فرحتيني بكل تخيلي غيث قالي لي تبيها مستحيل توافق تسكن مع امك بنات كلهن حيرفضن
مرام:مسكت يده بس انا مش كيف اي بنت واكيده موافقه عميمه هذي قبل ماتكون حبيبي ومستعده حتي نطيبلها ونضملها واي شي تبيه من عيوني وانت برضو حبيبي عيوني لك وللعميمه
ليث كان مصدوم من كلامها بانت اكبر من سنها وزاد احترمها وكبرت في عينه ضغط علي يدها
ليث:هكي بتخليني نعشقك عشق تهبلي انتي والله فرحتيني حبييتي والله اي شي تبيه قبل ماتطلبيه يكون عندك
مرام:نبيك انت ديما جنبي وفاهمني
ليث:نحبببك يا فرخه طلعتي قدعه وبنت اصل ينعليا منك عارفه رربي يحبني عشان تعرفت عليكي
مرام:هههههه ويموت فيا عشان عرفتك ليث نعترفلك بشي
ليث:اعترفي يا قلبي
مرام:انت عارف انو انا نحبك ومن نحنا صغار بكل كنت ديما نشوف فيك فارس احلامي رجولتك مع حناطتك مع عصبيتك مع غيرتك ديما نتمنا نكون حبيبتك ونوصل لي قلبك شوف سبحان اللله ليث الصايع حبني لي كان حلمي تحقق
ليث:حي علي امه تحكي جد انتي
مرام:وحق ربي هي
ليث؛بحت فيها وحط يده ورا ظهرها ولصقها فيه وانا لك ومش حنسيبك نوعدك
مرام:تذكر من لم كنا صغار ضربت محمود عشان ضربني
ليث:نذكر عارفه وقت نشوقك نفرح مش عارف زعما حب جتي انا
مرام:اكيده اصلا انا ننحب
ليث؛هههههه اخخخخ منك بس تعبي فيا انتي صوتك هضا وقربك مني يخلني ضعيف قدامك
مرام:..
ليث:ههههه خطرها تذكريها شور عزيز نريد نهد
مرام:اوووف مسكتها ليا كنك
ليث:هههه شوفي مادلك شواربي ردون هد بس اهو بوسي
مرام:ليث يا سامط تو نصبي
ليث🙄هههه خليكي نبصر
