حلقه(12) من
روايه
#اليوم_الاسود
انا:😲😲
جيهان:😵😵
اسماء:كنكن متنحات ولا فرحتن بطلعتي لا يا حنه اهو جيتكن رديت للحوشي
انا:باه للحوشنا قصدك
اسماء:درتن غداء
انا:بابي بيجيب من برا
اسماء:رهف
انا:نعم😒
اسماء:قتلك باتك قالك حاجه عليا
انا:حاجه زي شنو
اسماء:شي خلاص
انا:قصدك مش بابي لي جابك اها جيتي بروحك
اسماء:اها بروحي رديت للحوشي
انا:جيجي
جيهان:نعم
انا:نركبو
جيهان:باه
ونحنا بنركبو جا بابا
بايا:كبيدتي
انا:نعم بابي
بابا:تعالن وين مشيات جبته الغداء
انا:باه وجيته خذيته منا وقعمزت حطيته
بابا:شن تحبي يا جيهان
جيهان:عادي اي حاجه
انا:نبي شاورمه
وقعدنا ناكلو
انا:بابا
بابا:نعم
اتا:اسماء جت
بابا:حود سندوتش من جابها
انا:نعرفش
بابا:باه كملن هيا
بابا عقد حواجبه ومابش يخشلها في دار وتغدينا طلعت
اسماء:وانا نبي
انا:كملن للاسف
اسماء:باه وجت جنب بابا قعمزت
اسماء:محمد كيف حالك
بابا:كويس
وصبا بابا وصبينا نحنا للمطبخ لمينا حاجات وركبنا فوق قعدنا نقرو مع بعضنا جا ليل وروحت جيهان جاها انس كنت بنرقد جاني بابا
بابا:رهف
انا:نعم
بابا:نبي نحكي معاكي في موضوع
انا:نعم تفضل
بابا:صبي شوفي لدروج في حد ولا لا وسكري باب دارك
انا:حاضر باه طلعت بحتتت لقيتش حد طلعت راسي شفت باب دارها مسكر خشيت للداري وسكرتها
انا:كنك بابا شغلتني نعم
بابا:قعمزي هنا واسمعيني
انا:نعم
بابا:اسمعي انتي عندي بدنيا وبنت وحده وانا شافت معاملت اسماء لكي لو متت شن حدير فيكي حتعذبك
انا:بعيد عنا ليش تحكي هكي بعد عمر طويل
بابا:كلنا ميتين مهم بابا حبيبي نبي نقولك ان سجلت الحوش باسمك كيف ماتعرفي ان ماعندكش خو لو متت ومش كاتبلك الحوش خوتي حيورثو فيه واسماء كذالك انا
انا:جيت ضبطته نبيش شي غير تقعد طيب وربي يطولي في عمرك ويخليك ليا معش تحكي هكي
بابا:نخافيش الاعمار بيد الله انا نحكيلك بيش يكون عندك فكره وموضوع هضا يبقا بينا نبيش ولا مخلوق يعلم بيه وحتي نبي نخذلك سياره تبقا لكي وبي اسمك ايام جايه
انا:ربي يطولي في عمرك كنك تحكي هكي بابي حبيبي نموت بعدك انا وقعدت نبكي
بابا:هههه جا اضبطني هبله انتي انا نحكيلك بيش تكوني عارفه كل شي وماتخليش حد يكسرك خليكي قويه سلم بنتي
انا:طالمه انت معايا انا حنقعد كويسه وبسته تبيني نديرلك حليب وشاهي خاطري فيه مع كعك
بابا:باه انزلي وتيهن علي ماجيتك نبيهن في لجنان باهي
انا:حاضرين باه نزلت لوطه درت حليب وشاهي مانبيش نفكر في كلام بابا كنت خايفه اني نفقده بكيت بعدها مسحت دموعي وقلت انا نوسوس وتيت الحليب وشاهي شفته طلع لجنان وجتني اسماء في مطبخ
اسماء:رهف
انا:برمت عليها نعم 😣
اسماء:عادي تحسبيني معاكم جو بيني وبين باتك مازال مكهرب
انا:باه قدرتش نقوللها لا وهيا تحسب فيا ع الغداء مهم بابا متريح معاها مش مهم انا وقلت لو صار ايش بيني وبينها مش حنخلي بابا يعلمها هوا بروحه مريض نبيش نزعله زدت كبايه للاسماء وطلعت برا لجنان
بابا:صحيتي سلم بنتي
انا:سلمك
اسماء:شكرا
انا:عفوا
وشربت معاهم
اسماء:رهف
انا:نعم
اسماء:تزعليش مني ع كلام لي يموتها
انا:لا عادي لحظت غضب
اسماء:محمد شوف اهو رهف سمحتني حتي انت خلاص سمحني
بابا:يصير خير مهم معش تجي شورها
اسماء:حاضر مهم انت ارضا عليا بس وراس حبيبي
انا وجهي اسلخ تحشمت بكل ونزلت وجي
بابا فنص فيها اسماء ضحت عادي
انا:باهي انا توا بنركب نرقد تبو حاجه
بابا:سلامتك عندك محاظره بكرا
انا:لا معش عندي بنبدا نقرا متحاناتي من الاثنين يبدن
بابا:ربي يوفقك
انا:ان شاء الله وجيت بسته وركبت فوق رقدت ووعيت ثاني يوم فطرت قعدت نقرا ومشا اسبوع ونا ع الحال وجيهان نفسي معش كلمت يوسف واجد وكملنا امتحاناتنا وعزمتنا اميرة علي عيد ميلادها وانا نازاله
اسماء:وين ماشي
انا:عندي عيد ميلاد صحبتي
اسماء:كسبس من توا ماشيه ساعه 4
انا:لا ماشيه عند جيهان نلبوس غادي ويشيلنا أنس
اسماء:باه
وطلعت ركبت في سيارة وبابا شالني ودقيت عليهم فتحتلي اروي ركبت للجيهان لقيتها مدايره شعرها وتراجي فيا
انا:هيا دريلي شعري 4 ونص توا شن بتلبسي قالتلي ان عيد ميلاد كبير مدايرته وسن خدتيلها
جيهان:تست كامل خدتلها وانتي
انا:ساعه وعطر
جيهان:باهي اسلحي خليني نديرلك شعرك
انا:به وحولت ويشاحي ودراتيلي شعري ومكيجت روج وكحل ومسكرا وبودره ورسمت عيني ودرت روج دمي طلت شعري ومسكته من فوق وجيهان مكيجت ورسمت عينها ولبست قفطان قصير رصاصي فل ازرق مخربش ولبست سندل ازرق وطلقت شعرها وانا لبست قونه دميه قصيرة وباوزه توب بيضه وكعبه دمي ولبسنا عباياتنا ونزلنا شالنا انس ولم ونزلنا دقينا باب
اميرة:اهلين نورتيني تفضلنا
انا:نوى نورك كل سنه وانتي طيبه وبستها
جيهان:كبرتي خلاص لي من دادك بعيالهن كل سنه وانتي طيبه وبستها عطتها هديتها
انا:امسكي مني حتي انا
اميرة:تنطبق عليكي حتي انتي يا جيهان كلام هضا تسلمن ليش متعبات اروحكن خشنا
نحنا:نبو حمام
اميرة:اهو عل اليسار خشينا جو حولنا عباياتنا وطلعنا خاشينا للصاله
اميرة:ماما اهن هذينا هنا رهف وجيهان
امها:مشاء الله وسلمت علينا
امها:كم مواليدك انتي
انا:انا يااعميمه
امها:اها انتي
انا:من96 كبر اميرة
امها:مشاء الله رببي يحفظك عجبتيني
انا:😊تسلمي كلك ذوق
اميرة:باهي شن جوكن
نحنا:تمام
اميرة تصدقن اني خايفه من نتيجه
جيهان:حتي انا
انا ساكته
اميرة:وانتي يا رهف
انا:لا حمد الله واثقه من نجاحي
جيهان:انتي يا عبد الواثق اشر من سكتت بعدها
اميرة؛من منو كملي
انا:ههههه عارفتها تقصد يوسف
جيهان:قفطانك حلو
انا:صاح حتى انا عجبني
اميرة:حتي انتن والله تهبلن شوفن طاقم هضا هوا لي جابه ليا
جيهان:حلو راقي
انا:يجنن نحب بساطه
ااميرة:نجيه ليا حبيبي
سندس:خير من فيكن رهف
انا:انا ليش تسالي
سندس:مشاء الله صدقت ماما شكلك عحبتيها واميرة ديما تقول عليكي محترمه وكويسه انتي وجيهان يعني حطناكي في قائمه
انا:هههه احرجتوني انتم اليوم انتي
اميرة:هههه وجها انحمر هذي اختي سندس م92 متزوجه من سنتين متزوجه وعندها وليد خالودي
انا:مشاء الله ربي يخليه لكي
جيهان:تشرفنا بيكي
سندس:شرف ليا لي تعرفت علي بنات كيفكن
انا:تسلمي
اميرة:بنات تو نجيكن نشوف بافي وعدت قعمزت انا وجيهان ولمحت وحده كني نعرفها
انا:هيا والله تقريبا هيا
جيهان:منهي
انا:ميرا اخت محمود
جيهان:حقيرة لي طيحاتك 😡
انا:اها هيا 😕
جيهان؛والله نرد حقك تعالي معايا
انا:وين
جييهان:تعالي بس ومشيت معاها صبينا قدام ميرا
جيهان:معليش شويا وطيحتها طاف
ميرا:اه عطك عما وكسره تشوفيش انتي يا قليلة الذوق
جيهان:هههههههههه منظرك يضحك بس بجد سوري شفتكش هههههه وبنات يضحكن جت صبتها اختها مريم
ميرا:مرض عما وشافتني قعدتت مركزه زين وانا نضحك
انا:اها انتي ميرا صاح
ميرا:مثقل دمك
انا:شن درتلك توا انا هههه بس منظرك يطربق ضحك
مريم:شفاتني جتني رهف خير
انا:اهلين ميمي كيف حالك
مريم:تمام مشاء الله وين ع البسه سمحه
انا:عيونك سمحات ميرا تكشخ عليا
جيهان:عرفينا
انا:هذي جيجي بنت عمو وهدي مريم اخن ميرا لي طاحت
جيهان:ههههه صح سبحان الله فرق
ميرا:هزت جيهان من كتقها وقالتلها مردوده لك وللرهف
جيهان:بنقولك خطرها انا بلعاني طيحتك نردك نفس تطيحت رهف في مطعم وضحكت هههههه
ميرا:مرض وسخه
جيهان:مش اوسخ منك يا غيورة
ميرا؛من اشكالكن مثلا ينغار تو نوريكن وعدت
اميرة:هيا تعالن نطفو شمعه ومشينا معاها طفينا شمعه وفعمزنا ناكلو شويا هيا
انا:شن تعرف ميرا زعمك
جيهان:اكيده صحبتها
انا:خاطري نسالها علي
جيهان:اووووو بدينا علي محمود صح
انا:لا من قالك يعني نسالها شن تعرف ميرا
جيهان:باه صدقتك
انا:باردة اسمعي بنحط صونيه في مطبخ ونرن ع بابا هنا هرجه مش حنسمعه
جيهان:باه وبل مره حطوني في طريقكم
انا:حاضر
مشيت للمطبخ نحط في صونيه وينطلع فم باب صاله بنكلم
سندس:ليش ماكليتي
انا:لا والله كليت كل شي حلو تسلم الايادي
سندس:سلمك تبي حاجه
انا:نبي نكلم بابا وهنا هرجه وفيش تغطيه
سندس:مازال بدري
انا:لا واللهي خلاص
سندس:معناها تعاوديها
انا:ان شاء الله
سندس:مهم اطلعي من باب مطبخ وكلمي
انا:بس
سندس:نخافيش خوتي مايجوش توا وماحد قاعد وانتي علي سريع
انا:باه وطلعت وكنتش لبسه شي يسترني
قعدت نرن نرن
بايا:الو
انا:بابا تعال روح بينا
بابا:رهف نسمعش فيكي اطلعي في تغطيه
انا:قدمت تسمع فيا
بايا:نعم
انا:تعال روح بينا باهي
بابا:نعرفش الحوش
انا:خلي انس يعطيك الوصف
بايا:باه نص ساعه ونجيكن توا عندي موضوع
انا:باه وسكرت عليه وجيت بنخش ليقت باب مسكر متاع مطبخ ومعش عرفت كيف ندير جيت من باب متاه حوش لقيت شباب انا خفت وخرت حي عليا شن درت في عمري ياربي سعادني مش ناقصني هم بدن دموعي ينزلو ونترعاش ياربي سعادني ياربي كون معايا ونرن علي جيهان تردش حي عليا وقعدت نخبط وندق وماحد يسمع وشميت بنه دخان قربت من بابا وقعدت خايفه وطاحت حاجه دارت صوت
شاب:اوو في قطوسه هنا شكلا وقرب
انا:قعدت نبكي يارب كون معاي يارتني سترت روحي وقرب مني
شاب:بسم الله بسم الله زعمك انس ولا جن انتي انتي
وانا خايفه وبارمه وجي وساكته مسكني من لورا من ظهري
شاب:بسم الله نحكي انا لو جن محلاكي بجد حنقعد نحب لجنون كلهن لو نفسك
انا:قعدت نشهق
شاب:شكلك انس اسفه والله ماعش عرفت شي سمحيني ماتبكيش وبرمني
انا:لما بحتت فيه انصدمت انت
شاب:انتي رهف شن ديري هنا وكيف هكي طالعه
انا:نبكي محمود سعدني ارجوك طلعت نكلم في بابا سكر باب
محمود:يبحت في عيوني وفي شكلي ومتنح اسس باه اسكتي بس تو نكلمك حد يقتحه لكي
انا:باهي غمض عيونك
محمود:تبيني نشوف جمال هضا كله ونسكر عيوني هبل انا
انا:لا انت حقير هيا غمض عيونك وجو كاين صقع بكل شن دير انت هنا
محمود:غمضت ها حوشنا فوق انتي شن ديري
انا:معزمه علي عيد ميلاد
محمود:اها اميره
اتا:اها ونرعش
محمود:كنك ترعشي
اتا:هيي تشوف فيا غمض انا قتلك نبكي انت بارد عمض عما فيهن
محمود:اشش وقرب مني انتي صقعانه صح
انا:اه بكل هيا كلمهم خليني نخش
محمود:بحت في عيوني وقرب مني اضبطني تهبلي بكل
انا استكيت وكان حضنه دافي بكل واول مره نكتشف ان محمود سمح طويل وعريض وعيونه لصغار وملامحه هاديه دفيته حود انت مصح وجك
محمود؛احم اسفه مهم توا وسمع صوت عيال عمه محمود انت هنا وجاين شوره محمود حطني وراه وقعد يعطيلهم
محمود:اها هنا بس ماتجوش مريم سكر بابا عليها وقاعده يدون عبايه
خالد:اها ياه يارتني نشوفها نموت فيها فرخه مريم بس هيا معنده ووخر
فيصل:اسكت يا را يسمعك اخته عاد
انا:محمود هيا خليهم يفتحو
محمود:تصدقي نتمناش انك تعدي من جنيي
انا:باه هيا
محمود:رن علي مريم تردش
انا:حي عليا شن ندير انت شبعت صح غمض عيونك عاد
محمود:توا انتي بعقلك نغمض عيوني تي اه وخلاص
انا:دا ان شاء الله هضا كله ومتزوج
محمود:ههههه متزوج
رنت عليا جيهان
انا:😢يا كلبه وينك افتحيلي باب جمدت
جيهان:باب شنو
انا:متاع مطبخ بسرعه
خالد جا مقابل ومحمود دفني وراه
خالد:وينك يا راجل شكينا فيه موضوع اختك
محمود:تو نجيكم هيا حود من قدامي
حود خالد ومحمود مشا وراه بعدها بحت فيا
محمود:ربي يحفظك ردبالك من روحك وبخري روحك ومعش تطلعي من اي مكان انتي حاجه غاليه وغمزلي
انا مستكه قعدت وجتني
جيهان:كنك انتي ودفتني
انا:ها اها دا نرن عليكي ساعه ليش ماتردي جمدت
جيهان:نسمعش فيه كنت صارلك شي
انا:لا تمام
خشينا جوا ولقيت ميرا تضحكلي
ميرا:وين كنتي وغمزتلي
انا:عبرتهاش ومشيت مع جيهان قعمزت شن معني كلامها ميرا زعمك هيا لي سكرت باب عليا ديرها نذله هذي حمد الله ياربي ماصارلي شي جتني ميرا
ميرا:نبيكي
انا:نعم
ميرا:اعجبك الجو مع محمود
انا:كيف
ميرا:نوركي الكيف كيف فتحت نقالها شوفي
انا:انصدمت ليش انتي حقيره انا مدرتلك شي
ميرا:امممم مانحبش من يلعب معاي شن رايك ندزهن للمحمد
انا:انتي وحده نذله والله
ميرا:اممم ع فكره ربي يحبك
انا:كيف
ميرا:انا لي سكرت باب عليكي وتمنايتك طيحي في فيصل السكار بيش يدير فيكي ما يبي ونشوف خشمك لوطه👇 بس ربي يحبك طحتي في محمود الراجل ياريته كاين متاع ينات وسكار وخذا لي يبيه
انا:انتي حقيره اصلا والله غالب ولي يعحيك دريه اممم ع فكره رسايلك لي مع غيث عندي يعني دزي للمحمد ندز للخوكي محمود
ميرا:انتي وحده حقيره نكرهك انا نكرهك ياربي تموتي وصورك عند باتك اخرا وكانت صورة وانا محمود مظبطني ولاخر لم قرب من
انا:تمام نفس شي رسايلك عند خوكي
ميرا:تفووو ودفتني طحت
انا:اه حقيرة هذ كسره
جيهان:جتني كنك
انا:نبكي كني شي اشمريني
حيهان:احكي
انا:باه وصبتني ع كرسي وحكيتلها
جيهان:حي علي امها ياربي طيح بين يدي نديرها قديد كلبه والله نوريها هيا لي بدت وبعدها بحتت فيا تضبيط طول يا رهف😉
انا:اسكتي انتي لاخرا والله هوا لي قرب
جيهان:وانتي استسلمتي شن شعورك
اتا:بحتت فيها واذكرت ان كان شعوري سمح بكل ماخفتش منا لم قرب ولم حظني حسيت كانه انا في امان عمريش حسيته شعور هضا حتي مع محمود ولد عمي بعدها قتلها شي فيش احساس
جيهان:صدقتك بس كيف جبتيهن رسايل غيث والحقيرة هذكي
انا:برمت وجي هكي وهكي لقيتش حد وميرا ركبت فوق للحوشهم كذبت عليها😅 بس كنت حاسه اصلا ان في بينهم شي
جيهان:بستني نجك ليا اول مره ديري حاجه صح
رن نقالي وقالي بابا برا ودعنا اميرة وطلعنا وصلنا جيهان طول للحوشنا رقدت ع سرير ونفكر فلي صار قعدت منسجمه بكل بعدها رقدت
.
.
.
جيهان:حبيبي بنسالك
يوسف:نعم عيوناتي
جيهان:مش حكيتلك علي محمود وان عاجبته رهف
يوسف:اها باهي
جيهان:بنسالك متزوج هوا وعندا وليد اسمه سيف
يوسف:اوووو سيف وين طقيتن فيه انتن عيل من لاخير يهبل ليش تسالي
جيهان:بحزن يعني متزوج😭😭علي رهف متقرب منها وحسيته يبيها بس
يوسف:.....
جيهان:الله غالب حظها مسكينه
#يتبع
للكاتبه
fafu Bogrein
