حلقه(30)
رواية(منقوووله)🖤
#اليوم_الاسود
للكاتبة فافو بوقرين
.
.
.
كالبحر انا اتحمل واصبر واتقبل الكثيرين ولكني احذرني عندما سيعصف جوي وتغضب امواجي✋
.
.
.
وهدرزت معاه وكلمت جيهان قلتها الها وفرحتلي وهدرزت معاها ومشيت ثاني يوم للجامعه وجيهان وهدرزت معاها وقتلها تعالي يوم لي بيجو وفعدنا نفكرو شن نلبسو وروحت واعميمه كلمه بابا وقالتله محمود ال يبي يخطب رهف ووليد مشاء الله عليه مربيته علي يدي وبابا وافق انهم يجو وانا كنت فرحانه بكل ومر ليوم لول وثاني يوم وجا يوم لي بيجو فيه هل محمود كنت فوق في داري نستشور في شعري وخشت عليا جيهان
انا:هههه جيجي بالي جيتي
جيهان:جيتك ملا شنو بنسيبك في يوم زي هضا واخري محمود ينغليا
انا:ههههههه وجت اضبطتني
جيهان:مبروك وربي يكمل فرحتك .
انا:الله يبارك فيكي عقبالك انتي ويوسف
جيهان؛ان شاء الله يا قلبي هاتي نديري نديره لكي شعرك
انا:امسكي وبيش تبرميلي علي وجي
جيهان:حاضر باه
وقعدت تستشورلي في شعري ونهدرزلي كاملته ليا بدت ديري في فتله ورن محمود
انا:محمود هضا
جيهان:شوفيه كنه
انا:هي الو
محمود:ايوة وينك
انا:في داري كنك
محمود:باهي ساعه كم نجييهم هلي
انا:عادي بجوك
محمود:مع ال6 كويس
انا؛كويس اها
محمود:شنو لبزتي وجك ولا مازال
انا:ههههه شوية اخري وبنبدا فيه
محمود؛تكثريش خلي امي تشوفك علي طبيعتك
انا:اكيده
محمود:واخيرا يا رهف مش مصدق
انا:ولا انا
محمود:خلاص كملي جوك
انا:باه
محمود:تبي حاجه
اتا:سلامتك
محمود:باهي انحبك
انا:هههه امم واجد (بصوت دلع😉)
محمود:ينعليا واجد بكل
جيهان:خيطتني بلا مياعه توا وهيا
انا:ههههه نجك ليا خلاص بعد تبي تجييهم ديرلي رنه
محمود:تم وسكر.
انا:ههههه كلبه خربتي جو
جيهان؛ههههه علي اساس قاطعك الجو هني روحك نعرفو بعصنا حتي كلمه انحبك حرمتيه منها
انا:نحس فلساني ثقيل علي كلمه هذي
جيهان:لا ثقيل لا شي انتي ديري في طروح وعارفتك اتحبيه
انا:باهي هيا كملي
وكملتلي وهيا بدت تلبس وانا كنت مقعمزة نمكيج خشت اعميمه
اعميمه:خير بعروستنا
انا:خيرات بي اعميمتي وصبيت نسلم عليها
اعميمه:كيف حالك
انا:حمد الله وانتي
اعميمه:بخير عرفتي تختاري ما حنك محمود هوا لي ماسك الحوش هله و كويس بكل ومحترم تستاهلي كل خير وماشي معاكي فرحت لم قالولي محمود يبي رهف طول عمري كنت نقول لو عندي بنت نعطيها للمحمود ونا عيني مغمضه
جيهان:عحبني نحس في راجل محمود ودينا نقوللها فيها ح
انا:واووو لدرجه هذي
اعميمه:واكثر والله ربي يهنيكم
انا:تسلمي ان شاء الله ربي يخليكي ليا
اعميمه:ان شاء الله هيا البسي وانزلي قريب يحو
انا:حاضر باه
جيهان:هيا كملي مكياجك
انا:باه
وطلعت اعميمه وكملت مكياجي وطلعت قفطاني لبست قفطان لونه اسود وبي جنب كتف واحد ولميت شعري لاورا ولبست كندرتي ورديه وبخيت عطري ورن عليا محمود وقالي في طريق
جيهان:الله اكبر تهبلي طالعه والله
انا: عيونك يهبلن حبيبني قتلك في طريق
جيهان:اهدي كنك خايفه
انا:كيف بنخش
جيهان:خشي عادي فيهاش علم لا ذرة
انا:لقني خايفه المسي قلبي كيف يدق
جيهان:هههه عادي شعور العروسات هضا اجمل شعور
انا:ياربي اتجربيه مع يوسف
جيهان:امين امين يارب .
انا هيا ننزلو نزلنا وسالت اعميمه
انا:اعميمه خايفه كيف نخش عليهم
اسماء:مافيهاش خوف بلا طروح بنات خشي عادي
جيهان:نحنا نسالو في اعميمه تقريبا
اعميمه:تو نقول يا رهف توا لم يجو تفتح جيهان ونستقبلوهم انا واسماء وبعدها جيهان تمد العصير وبعدها انتي تطلعي وفكيني من خشت الخوف خليكي واثقه محاميه عاد عندي مانفهمك في الثقه
انا:هههه تمام
اسماء:تعرفيه انتي يعني علاقه
جيهان:طبعا لا نحنا مش متاعت علاقات شافها ومات فيها وجا خطبها
انا:عنجد علاقه امتي اصلا نلحق ندير
اعميمه:لااا يا حنه عجباته وامه اصلا من قبل دويتلي
اسماء:وباهي اصلا بنات توا كلهن حب وعلاقه
جيهان:ورهف مش منهن البنات لي توا
اسماء:اوف نصبي نشوف خديجه وعدت
اعميمه:طيح سعدك تحشمي مابيتش نحرجك جنبها ونهزبك
انا:لااا تستاهل اصلا كما هضا تفتنها عليا
جيهان:انتي تعرفيهش سوسه هذي
اعميمه:عارفتها هضا ليش قتلها هكي لكن كثرتيها
جيهان:عادي
وبعدها رن جرس طلعت جيهان وانا خشيت المطبخ وقللبي يدق نسمع في اعميمه
.
اعميمه:اهلين اهلين نورتونا تفضلو تفضلو
اعميمه:خيرات شن حالك
اعميمه فتحيه:خير حمد الله شن حالكم انتو
اعميمه:حمد.الله هذي اسماء تعرفيها عاد
اسماء:خير وسلمت عليهن ا
اعميمه فتحيه:هذي اختي سعاد وهذي عمت محمود نجاة وسلمت اعميمه عليهن
اعميمه:انستونا تفضلو
وخشن جوا
.
جيهان:خالته شكلها واعره
انا:حي عليا من معاهن
جيهان:عمته وخالته وبنت وحده اخرا
انا:باهي
وجيهان حطت العصير وقعدنا شوية وطلعتهن عصير وشكولاطه وقعدت نستنا لين نااعميمه اتقولي اطلعي وجتني جيهان
جيهان:هيا اطلعي
انا:كويس منظري
جيهان:تجنني والله تخافيش وافردي روحك
انا:باه
وطلعت من مطبخ ومشيت للمربوعه وصبت اعميمه
اعميمه:هذي رهف خشي
انا خشيت وسلمت علي امه وعمته وبنت ولم سلمت علي خالته كرتلي شعري
خالته:مشاء الله وكرتلي شعري ونا نسلم عليها
عمته:مشاءالله طلع يعرف يختار محمود ماهو ساهل
البنت:حتي هوا دكتور نساء
اعميمه فتحيه:الحق حتي انا عحبتني من قبل وفوق هكي عمتها امينه عز مانسبنا
خالته:ايوة امينه عشرة عمر كيف خيتنا
اعميمه:تسلمن وانا قعمزت جنبهن طشه وبعدها صبيت حطيت قهوة وجيت نمد عليهن
اسماء:توا دروحك مودبه قدامهن اه لو يعلمن بس
انا:صحتين سومه
خالته:مشاء الله علاقتك بيها كويسه
انا:الحمد الله سومه ماكنهاش مرت بابا كنها خيتي كبيرة😊
اسماء:اها بكل متفاهمات حمد الله
خالته:باهي مشاء الله ربي يخيلكن للبعضكن
اسماء:سلمك يا ربي
وانا طلعت لفيت جيهان تضحك
انا:كنك
جيهان:ههههه سومه صار
انا:ههههههه
.
.
خالته:مشاء الله عجبتنا البنت وانتن عارفات ليش جايين بيش نطلبوها رسمي ووان شاء الله في بينا نصيب وانتم اسالو علينا ونحنا نسالو
اعميمه:ان شاء الله ياربي نتشرفو بيكم
عمته:وانتي لي مربيه رهف يااسماء
اسماء:اها انا وحتي عمتها الحق
اعميمه:بنيتي رهف
اعميمه فتحيه:سبحان الله مانت صغيرة وتوا كبرت وخطبتها لودي
خالته:سبحان الله ع دنيا بالك يحبو بعضهم من زمان
اعميمه فتحيه:لا يا يتي محمود كاين يقرا برا وهوا ومعمرش شافها الا توا واصلا ماتجينش رهف انا كنت نمشيلهم ونشوف فيها
خااته:اها وباهي يا حنه ربي يتممللهم ع خير
اعيميمه:ان شاء الله ياربي
.
وقعدن يهدرزن وبعدها رن محمود اطلعن
محمود:ها شن جو
امه:تمام
محمود:ها يا خالتي عجباتك
خالته:ماشي حالها مقبولة
عمته:هههه لالا عاد يا نوريه رعشتيه
محمود:هههه لا عادي عارفها طرف حبيبتي
خالته:ههههه الحق البنت احليوه وجسم وشعر طويل واسود اتقول ليش عحبتنا كلنا
بنت خاله:بس يا محمود مش صغيرة
محمود:لا تمام مناسبه بكل
البنت:اهو طلع يحبها يا عمتي فتحيه
اعميمه فتحيه:حبها توا كنشي
محمود:ههههه وكني مانحبها
خالته:معش يتحشم محمود شي
محمود:ههههههه خلاص كبرت
.
.
عندي انا نسمع في اعميمه تشكر فيهم وجيهان جاها عمي روحت وقعدت معاهن لين ماجت ليث خشيت لبسه متاعت الصلاة وطلعن
ليث:بسم الله تحجبتي عليا محمود خلاكي تتحجبي عليا خزي خزي معش نجيكم
انا:هههههه وسع بالك بس ماعاش لي خليني نتحجب علي خويا لا والله بس لبسه كت وقصير
ليث:هههههه رعشتيني قبل اللف الف الف مبروك
انا:الله يبارك فيك تسلم عقبالك
ليث:اللهم امين قولي للمي تزوحني
انا:ههههههه
اعميمه:وووه تو نزوجك اسكت بس
ليث:هههه خشي جبيلي شي ناكله
انا:حاضر وخشيت جبتلا
ليث:منورة وين البارده
انا:-هههه جوا تبدل فكنا منها
اعميمه:اسكت قول شن قالتلها امبدري قدام الصبايا قالتلها سومه
ليث كاين ياكل شرق وقعد يضحك
ليث:خزي نفاق
انا:هههههه بارد
اعميمه:هيا كول بيش نروح نشوف خوتك
ليث:هيا هي هدرزيلي شنو عجبتيهم
انا:اكيده عجبتهم
ليث:يا عبد الواثق انتي
انا:هههههههه اكيده
وقعدنا نهدرزو وبعدها روحو وركبت فوق سلحت قفطاني ولبست توتي وجيت فوق سرير وكنت فرحانه بكل تريحت للهله وكاين يوم حلو كنت مقعمزة نتفرج علي صوري رن محمود
محمود:خطيبتي السمحه كيف حالها
انا:هههه الحمد الله وانت
محمود:طاير من الفرحه واخيرا اخيرا قعدتي خطيبت محمود
انا:ههههه وانا نفسك فرحانه بكل
محمود:نجيلي حبيبي الفرحان
انا:ههه شنو قالو هلك
محمود:فوتيهم مهم راي انا
انا:ليش قصدك ماعحبتهمش
محمود:عادي مهم انا
انا:صح ليش ماعجبتهمش😔
محمود:راي مش مهم عندك
انا:اكيده يهمني رايك بس حتي هلك
محمود:هههه تي عحبتيهم وكلهم يشكرو فيكي
انا:صاح 😍😍 خزي بارد ليش ترعشني من لول
محمود:ههههه ينعليا منك في حد يقدر يقول شينه ولا ماتعجبيهش لي يقول عكس هكي غاير
انا:ههه احرجتني نجك ليا مهم عاجبه امك
محمود:امي بيطير من فرحه بيكي
انا:ربي يخليها لك ويطول في عمرها
محمود:اميين ويخليكي ليا طول العمر
انا:امين ياربي
محمود:احكيلي شن لبستي
انا:قفطان اسود
محمود:طويل ولا قصير.
انا؛😅اقصير
محمود:هههه وكنك تقولي فيها ومتحشمه
انا:ههههه انت سامط
محمود:شن رايك السامط هضا يموت فيكي موت
انا:ربي يخليك ليا
محمود:وليا يا عمري شن رايك نديرو مقابله شرعيه
انا:ليش ماهو شايفني
محمود:بنرد نشوفك وبشرط تطلعي بدون ويشاح
انا:مش داعي منها
محمود:صاح مش ضروري تو نشوفك لين ما نشبع منك
انا:هههه قصدك لين ماتمل
محمود:ومن قالك بنمل منك تي نراجي في اليوم لي تكوني فيه جنبي مش نمل
انا:هههههه تو نشوفو مش بعدين تقولي رهف عدي للهلك اقعدي يومين
محمود:اصلا مش حترقدي برا الحوش مرتي ترقدش برا دارها
انا:والله عنجد هذ عرس وحده من بنات بابا نمشيلا كم يوم حقه عاد
محمود:نشيلك علي عيني وراسي من صبح لليل ومستعد نخليكي اخر وحده تروحي وفي صبح اول وحده بس تقعدي بكم يوم لالا مافيش عنديش مراء تبات برا حوش
انا:اممم ساهل لعند بعدين
محمود:مش ساهل من توا قتلك مش دريلا نقناق الصبايا ايوة
انا:هههههههه باه ساهل
محمود:انحبك
.
.
.
عند جيهان
روحت وركبت فوق وقعدت مقعمزه مكسده جانيش نوم طلعت من دار لقيت انس مازال ماجا مشيت نجري لدار ماما لقيتهم راقدين سرقت نقالها وطلعت للدراي خشيت وسكرتها وكتبت رقم يوسف ورنيت ماردش ورنت اخرا ماردش اوف شكلا راقد قصه فتحت فيسي لقيته فاتح استغربت؟؟ كيف يبش يرد هضا دزيتلا
انا؛وينك كنك ماترد ولا مشغول في الفيس باه تمام خليك مع المشغول امعاه وسكرت النت وقفلت نقال ماما وخليته جنبي قعدت نبكي زعما حب غيري زعما كرهني عشان معش كلمته بيحكي مع غيري حب غيري ودروحه يحبني وانا الهبله لي مصدقته اصلا صدقت رهف كلهم كذابين مش متاعين حب وقعدت نبكي حي عليا بيسييني وكلمت اليل ابكاء
.
.
.
.
ليث:اها محمود صاحبي
مرام:انخطبت رسمي
ليث:اها رسمي
مرام:ماهو محمود خويا يبها
ليث:بس هيا ماتبيهش
مرام:يعني الغريب خير من خوها
ليث:ممكن يكون خير اها هيا اختاراته وهوا ميت فيها
مرام:باه ربي يهنيهم
ليث:ان شاء الله وعقبالنا
مرام:أمين
ليث:حبي فوتي رهف مش للمحمود خوكي
مرام:باهي ربي يهنيهم محمود كاين يبيها قبله وحتي أنا نحبها ونتمناها لاخويا
ليث:نصيب هيا يا حبي وربي يكمل عليهم
مرام:ان شاء الله
ليث:مرايف عليكي
مرام؛حتي أنا
ليث:شن جو جامعه
مرام؛تمام وانت الكافي
ليث:ماشي حاله
مرام:احلي حاجه الكافي فيهش بنات
ليث:هههههه بس يخطمن من جنبي
مرام:لا تقرلهاش
ليث:ههههههه قلتها بس نشوفش في حد غيرك
مرام:ههههً نجيلي حبيبي يشوفش غيري
ليث:هاتي بؤسه بيش تبقي إنتي بس
مرام:ههههههه أموره
ليث؛نعليا نااا ذبت
مرام؛ههههههه نحبك ❤
.
.
.
عندي أنا سكرتً من محمود ورقدت طول
ساعه10 نضت قعدت في مكاني مقعمزه وخشيت نشوف في القيس نتفرج جنتي رساله
محمود:صباحو الحب لي احلي حبيبيه❤
أنا؛صباح النور لي احلي نور بعيوني
محمود:بنعليا نا تي انحبك
أنا:عارفه 😍
محمود:ربي يخليكي للقلبي❤
أنا؛ويخليك ليا
محمود؛امتي وعيتي
أنا:توا مالك واحد
محمود:ماعدتشً للجامعه ومهيجه
أنا:هههههً فرحانه بخطوبتي غبت
محمود:ههههه عقبال مانفرحو بفرحنا
أنا؛ان شاء الله وين قاعد
محمود؛في العيادة
أنا؛اها باه
محمود؛تم حبيبي توا بيخشو مريضه
أنا؛باه عيونك وين
محمود:فيكي
أنا؛هههههه نجك نجك
محمود:نتلاقو تم
أنا؛تمام
وسكَّرت منا صبيت خشيت حمام حشاكم وصلت صليت الصبح ولميت شعري ونزلت لوطه فطرت وركبت ضميت داري وقعمزت نقراه
.
.
.
عند جيهان ناضت فتحت نقال أمها جتها رساله من يوسف لازم نكلمك ضروري فاتته وصبت خشت حمام وعدت للجامعه روحت رنت علي عليا
جيهان؛كنك ماجيتي
أنا؛تنبلت نجي
جيهان؛قعدت تبكي
أنا؛هي كنك
جيهان؛يوسف حقير
أنا؛كنه
جيهان؛أمس خذيت نقال ماما وووو
أنا؛باه بالك ماكنش جنبه والفيس بروحه كنك هبله إنتي
جيهان؛معش شفت شي قدامي قعدت نبكي
أنا؛غبيه إنتي درتي قصه بدون شي
جيهان؛هههه طمنتيني
أنا؛هبله مهم معش تركبي علي روحك وعليه
جيهان؛ان شاء الله خير
أنا؛ان شاء الله بيش تقري
جيهان؛مش في راسي
أنا؛غير اقري بيش ننجحو ونفتكو
جيهان؛ان شاء الله حبي خلاص أنس بارد جا
أنا؛ خلاص اول ماتحصلي فرصه رني عليه
جيهان:باه حاضر
أنا:سلام
جيهان؛سلامات
.
وسكَّرت منها وكملت عقاب قرابتي جا وقت الغداء
بابا؛رهف رهف
أنا:نعم
بابا ؛انزلي تغدي
أنا؛هي باه جايه
ونزلت لوطه بسته وجيت قعمزت جنبه وبعد كملنا غداء خديجه مش قاعدهً خشيت غسلت الماعين ضبحلي بابا
بابا؛رهف تعالي نبيكي
أنا؛باه وجيته نعم بابي
بابا؛طبعا العرب لي جوكي سالت عليهم وطلعو ناس كويسين
أنا؛باهي
بابا؛وكلهم شكروه ليا وعمتك قالت مربيته علي يدي
أنا ساكته
بابا؛ شن رأيك في الموضوع إنتي مرافقه
أنا؛لي تشوفه انت مناسب ديره
بابا؛وحتي عمك كلمني عليكي يبكي للمحمود ولده وانا حرت معش عرفت
أنا؛شنو محمود يبيني
بابا؛اها شن رأيك انا نقول ولد عمك خير من الغريب
أنا؛بس محمود ولد عمي عايش برا وانا نبيش نسيبك
بابا؛لالا يبي يستقر هنا
أنا؛مش موافقه
بابا؛كيف؟؟ ولد عمك هضاً وأولا من الغريب انا من رأي محمود ولد عمك
أنا؛بس انا مش موافقه علي محمود ولد عمي مانبيهش مانحبش نكرها لو يكون اخر راجل مش حنراضا عليه ( نعرفش كيف جاتني الجرائه هذي بس انقهرت حسّيت روحي رديت من الصفر )
بابا؛له له واو وليش هضاً كله ليش تكرهيه
أنا؛قعدت نبكي نكرها نحبش
بابا؛وخويا يزعل عادي
أنا؛خوكً يومين ويراضا لكن أنا حنقعد انعاني اسنين مانحبش ومانبيهش وانت وضميرك لو بتزوجني غصب له مش حنتريح معاه راحتي مش معاه
بابا؛راحتك مع لي جا أخطبك
أنا؛اها
بابا؛فهميني ليش ليش ماتحبيهش
أنا؛نبكي بابا كنك انا نبيهش لو تبي تدفني زوجني له
اسماء؛ماشاءالله تحكي مع باتك هكي
انا؛....
اسماء؛بالك دايره علاقه مع لي جا خطبها
بابا؛فنص عيونه صاح يا رهف
انا؛انا نبكي فيش منها دوه هذي مش ناقصتك انا
اسماء؛مافيش منها وتبكي لم حكالك علي ولد عمك هابا عليكي وحتي أمه قالته يبيها
وتبيه
بابا؛ررررررررهف شن كلام لي قالته في منا
انا؛والله ماقالته هكي واسال حتي اعميمه لا نبيه لا شي
بابا قعد يهزب ويسب وقرب مني
بابا؛رهف
انا؛ انت مش واثق فيا وتسمع منها اضربني نفس ماضربتني عشناها وكله كذب كذب اضرب هي
بابا؛شن نضربك إنتي كبيدتي وواثق فيكي وعارفك بس رقالي علي ولد عمك
انا؛بابا
بابا؛انا جاب نشرف في رأيك
اسماء؛ولد خوكً خير بدون رأي
انا؛لي تشرفه مناسب ديره
وركبت منكسرهًً ونبكي
بابا:رهف
خشيت اداري وسكرتها ردت حليهم لعدتها القديمة قعمزت فمكاني نبكي كنها حياتي هكي انا ليش مانفرحش ربي ينكدها عليك ياربي يارب فكني منا يارب ربي يبعده من عليا ربي فكني منً شره وقَعَدت نبكي ونفكر شن حيصير فيا آه يا قلبي قفلت نقالي ورقدت قعدت راقده ونضت ع الفجر فتحت نقالي جني رسائل من محمود
( وينك كأنه نقالك مقفل )
( رهف كويسه مقفل آخراً )
قريتهن وكنت بنسكر نقال رِن رديت
كم وردة نبتت ف القلب ...
كانت جذورها مكالمه ❤
محمود؛وينك كنك مقفل شغلتيني عليكي كويسه إنتي
انا؛خير كويسه اها كانش في شحن وضي طافي
محمود؛بس جيت فمً حوشكم لقيت سيارتك وضي وآلع
انا؛اها فصل عليا من فوق بس
محمود؛كنك زعلانه
انا؛مش زعلانه كنت رقدت واجد وجوي متلخبط
محمود؛متاكده
انا؛اها متاكده
محمود؛رهف فيكي شي مريضه عارف انا فيكي حاجه حد زعلك
انا؛ ماحد قتلك
محمود؛باهي جو تمام
انا؛اها وانت
محمود؛تمام بسماع صوتك
انا؛شن دير واعي
محمود؛انشغلت عليكي من القايله مقفل ومعش حصلتك جيت فم حوشكم شفت باتك طلع هوا ومراته وأنني مشً معاهم استغربت بعدها شفت سيارتك واقفه زدت خفت وطولت فم حوشكم ومعش عرفت ما ندير رنيت علي ليث
انا؛وليش رنبت عرفني نكلم فيك
محمود؛اصبري بس اهدي كنك إنتي رنيت نسال علي سيف
.
محمود؛انا برا شن جو سيف تعبك
ليث؛الالا جو تمام شن طروح اجدده تسال علي سيف عمرك مادرتها
محمود؛ماهر من صبح قلت نشوفه
ليث؛اها تم وجك
محمود؛شن سال خالك
ليث؛اها سال وقتلا فرته حقير لنم
محمود؛هههههه .... كلب
ليث؛ههههه مهم سال وقتلا عاطي وانت مغمض
محمود؛باهي وشن جو مدامتي شفتها الْيَوْمَ
ليث؛اووووو مدامتك صار تي غير اصبر بس خالي يرافق
محمود؛ههههه تي شن جوها
ليث؛كيف تاكها معاها وتسال فيا من اول عارفت فيً شي وراك عمركش سالت علي سيف
محمود؛ههههه لفتك كلب تي لا أين تكهً يا راجل نكلمش فيا نسال بس
ليث؛تي غير بلا جو علي من تكذب
محمود؛هههههه
ليث؛طروح ال..
محمود؛زمري ازحً هيا متحشمه منك تبيش حد يعلم مهم نرنً عليها نقالها مقفل منًً قائله معش ولاعته
ليث؛عبيطه متحشمه مني هههه تم نلكم خالي ونرد عليك
ودر رِن ليث
ليث؛برو راقده واكيده عندهشً شحن
محمود؛تم أصلي بكل
ليث؛وجك
.
انا؛معش تشغل بالك عليا كويسه انا نقالي ماكنش في شحن بس
محمود؛لو ماشغلتش بالي عليكي علي من شغله هبله قلبي انتي تي والله نحبك صاح ماطرلنش في علاقتنا بس والله كبدت فيكي وكأني نعرفك ليا واجد متريحه معاكي
انا؛ان شاء الله ربي يخليك ليا ومايفرقنش وانا متريحه عَل اخررر معاك
محمود؛ان شاء الله صليتي
انا؛مازال
محمود؛باهي حبيبي
انا؛خلاص انت أرقد عندك عباده ساعهً9 انا كويسه
محمود؛لقني ناعس بي نبي نشبع من صوتك
انا؛أرقد تو نحكو بعدين
محمود؛تم انحبك❤
.
سكرت من عليه وقلبي حرقني لول مره نحس روحي متلخبطه وحست الخوف سيطر علي تفكيري خشيت حمام حشاكم توضيت وصليت و فعدت ندعي نكون له وربي يبعده عليا وجيت رقدت
ساعه9 نضت خشيت حمام حشاكم وطلعت نلبس طلعت لبستي بلوره ملونه اسود في الوردي في الأبيض وبنطلون اسود وويشاح اسود وكندره ورديه وشنطة سوده وقَعَدت ونمكيج ودرت يدي كريمة وبخيت عطري ونزلت شفتهم يفطرو
بابا؛صباح الخير
انا؛صباح النور
بابا؛تعالي افطري
انا؛عنديش نسخ ووقت محاضرتي توا
بابا؛خودي نسكافيه
انا؛تَو ناخذ في الطريق سلام
وطلعت ونا في طريق رِن محمود
انا؛صباح الخير
محمود؛صباح النور والورد كيف حالك توا
انا؛تمام وانت
محمود؛تمام وين انتي شن صوت هضاً
انا؛مآشيه للجامعه نسوق
محمود؛قصدك طلعتي مش عندك ساعه10
انا؛أهو
محمود؛نبي نشوفك وقفي وين ماانتي
انا؛نقدرش
محمود؛تم جايك في للجامعه سلام
وسكر عليا حي عليا شن يبي هضاً أوووف وعديت للجامعه قعدت فم باب ونلعب بنقالي ومرت ربع ساعه كنت بارمه وسمعت باب قزاز يدق برمت ونشوف ؟؟
#يتبع
أسفه ع التأخير بس راعن ضروفي امتحاني الخميس الجاي ونقراء ورايكن يهمني ❤❤
