حلقه(35)
روايه(منقووله)🖤
#اليوم_الاسود
.
.
#الرجولة هو أن تفي بوعدك للانثى التي وثقت بك واحبتك...💙❤
.
.
بديت نطلع انا وياها مره مره نشرو حاجاتنا ومره نقرو وجن ايام امتحاناتنا وبدينا نمتحنو والحمد الله جونا تمام وكملنا امتحاناتنا علي خير انا كنت مقعمزه مع اعميمه تشوفلي فدبشي وانا كنت نكتب فلي شريته وشن ناقصني رِن عليا محمود
اعميمه؛تي ردي من
انا؛اعميمه هضا محمود ورديت
محمود؛3شهور وتقعدي جنبي خلاص يعني
انا؛ههههه خيرات كيف حالك
محمود؛تي مافيش أحسن من حالي
انا:اها مع اعميمه قاعدهً ديرلي فدبش
محمود؛هههههه باهي نحبك خلاص بتقعدي مرت دكتور محمود
انا؛اها شفت دنيا
محمود؛احلي دنيا لي جمعتني بيكي تي نحبك شنو كملتي المطبخ
انا؛مازالن الكهربيات
محمود؛شن تبي لونهن
انا؛وردي ومطبخ دولابها اسود نبيه
محمود؛غلايا مطبخ يركب أسبوع جاي ونفس مااخترتي
انا؛تمام بكل والحمام شنو
محمود؛بيج نفس مافتلك شن بتركبي انتي
انا؛حنركب قهري
محمود:ودار النوم بنخذها علي ذوقي
انا؛شن نركبلها باهي
محمود؛ابيض
انا؛باه
محمود؛والصالون
انا؛اخترت صالون عجبني بكل رمادي ومخداته صفر مهم حيعجبك
محمود؛تمام بكل حبيبي عارف ذوقك بس فرشه شنو
انا؛نمشي نشوف ونحجز وانت نأخذها
محمود؛تمام حبيبي خلاص فكينا منً الحوش توا
انا؛خطرها والطاولة شنو جبتها
محمود؛بيج في قهري
انا؛تمام حنركب فرشه قهويه
محمود؛تمام بكل
محمود؛مرايف عليكي يا شينه حرمتني منك
انا؛الله غالب انت عارف الظروف قرايه كنت ونطلع ونروح تعبانه
محمود؛عارف والله خلاص مش حنتريح لين مانحطك جنبي انحبك
انا؛هههه باهي خلاص تمام نحكو بعدين قاعدهً ندير فدبشي مع اعميمه
محمود؛باه حبيبي لم تفضي رني
انا؛حاضر باه
محمود؛نحبك
انا؛سلام
سكرت منا ونا طاايررررره فووق فرحتي مش عطيتها للحد وجيت نكمل معاها فدبش طبعا انا وياها بس
.
.
.
عند جيهان
يوسف؛باهي شن ناقصك
جيهان؛مازال بس مشيت واجد فمطبخ
يوسف؛مهم ادبشكً ونبي حاجات قصار جيهان؛بلا سخافه
يوسف؛ههههه باهي حبيبي مطبخ درتها نفس ماطلبتي موڤ
جيهان؛تمام بكل حبيبي حني انا ركبت علي الموڤ اصلا
يوسف؛تمام وشن ركبتي للحمام
جيهان؛حمر
يوسف؛تمام يمشي مع لبيض فل اسود
جيهان؛اها عارفه حبيبي انا مانجيبش صالون يعني
يوسف؛فيش داعي
جيهان؛خليني ندير زي رهف تقسماتها مع محمود هيا صالون وهوا فرشه والستارة
يوسف؛لي تبيه يصير
جيهان؛اموووواه حبيبي نا يا ناس
يوسف؛نبي آخراً
جيهان؛اموووواه امووووواه
يوسف؛تي بنطيح فيكي بوس اموووواه حبيبي اموووواه انحبك حبيبي
وقَعَدت تهدرز معاه وأما جيهان فا كانت نفس فرحتي وأكثر وأخيرا بتأخذ حب حياتها
،
،
.
عند ليث
مرام؛ونحنا امتي دورنا
ليث؛اصبري عليا وحاضر
مرام؛صابره يا عمري
ليث؛نحبك يا صبوره انتي
مرام؛تحبّني واحد
ليث؛لقني تعبت انا خلاص لوً تلقا نتزوجك توا وتبقي ليا
مرام؛هيا تعال وانا موافقه
ليث؛اححح نعليا منك انتي تستاهلي بوسه في فمك علي موافقه هذي
مرام؛فكنا عاد
ليث؛هههه باه شن جو الامتخانات
مرام؛كويسات اهو
ليث؛نجي نقريكي
مرام؛علي أساس فاهم بيش تقربني
ليث؛أي ناخذ كم بوسه ونفهك كيف تتعاملي مع الحبيب
مرام؛سامط انت
ليث؛زديني ملح
مرام؛بلاش حناطهً
ليث؛باه خلاص نكد
مرام؛هههههه انا
ليث؛لا أمي
مرام؛خلاص
ليث؛بعد ايش
سيف؛بعد ماطاب الرز
مرام؛هههههههه مازال ماطاب
ليث؛لقنك منور يا طيري
سيف؛نعحبك ياللقدر
مرام؛ليث وينك
ليث؛زعلانً انا
سيف؛أرقص عرياان 💃🏼
ليث؛أسس يا فرخ امشي للمحمود
مرام؛ههههههههه
سيف؛تلز فيا انت يا برو عيب منك
ليث؛لقنا عيب حققك عليا
مرام؛ههههههه صاح عيب
سيف؛اشريلي شكولاطهً نسامحك
ليث؛تم
سيف؛خلاص كمل جوك يا برو وغمزلا 😉
ليث؛هههههه غضيب الفرخ هضا
مرام؛هههه بكل من وين متعلم بس
ليث؛تربيتي
مرام؛كنت شاكه والله
ليث؛هههههه مش عاجبك
مرام؛ماقلتش شي توا انا
ليث؛هههه باهي عارف مهم تعالي نقولك حاجه قربي
مرام؛قربت نعم
ليث؛ااااااااااامواه انحبك
مرام؛ونا نحبك ❤
.
.
.
عندي انا كملت انا واعميمه الدبش ونزلت درت قهوه وطلعتها الها فل لجنان وقعدنا نهدرزو
اعميمه؛رهف
انا؛نعم اعميمتي
اعميمه؛يعلم ربي انك كيف بنيتي وأكثر
انا؛عارفه نجك ليا
اعميمه؛يعني في اَي وقت تبيني كلميني انا مامتك والحلو في عرسك والسلاطات شوري وقبل عرسكً بشهر حنلقيني جنبك
انا صبيت اظبطتها من لاورا وهيا مقعمزه
انا؛نجك ليا اعميمتي الغاليه الحلوه بس تعبيش روحك
اعميمه؛تعبك راحه يا عيون عمتك انتي
انا؛شن رايك نطلعو عند حلواني نجيب حاجه حلوه مع فهوه ونجي نحبش نشرب نسكافيه بروحه واهو الحلواني لاصق فيا
اعميمه؛لو خاطرك عدي بسرعه وتعالي
انا؛وانتي
اعميمه؛خليني نكمل عقاب حوسه لي فوق
انا؛لالا تقربيهش تو نجي نساعدك
اعميمه؛باه امشي بسرعه
انا؛هي
ركبت لبست عباتي وايشاربي ونزلت
انا؛طالعه مش حنطول
اعميمه؛باه طريقك بيضه
ركبت سياره خليتها تسخ شويه وعديت طول الحلواني نزلت خذيت تورته وركبت بسرعه ووصلت لعند حوش درست سيارتي ونزلت فتحت الباب
انا؛اعميمه انا جيت
اعميمه؛أني فوق تعالي
انا؛نسخن القهوه ونجي
اعميمه؛باه
خشيت سخنت القهوه ونسكافيهي وقصيتها وركبت فوق شربنا وكملنا عقاب دبش وجا ليل وروحت وانا فوق فداري نسلك فشعري وصليت
وجيت رقدت علي سرير وكلمت محمود وهدرزت معاه وجا ثاني يوم نضت من صبح صليت ونزلت فطرت وركبت بدلت ومكيجت وخذيت افلوس من بابا نزلت سخنت سيارتي وعديت عند اعميمه وجيهان وعمتي صالحه ومشينا للمحل ماعين نكملو فعقاب دبشنا وشبه انا وجيهان نفس الحاجات ألون بس يختلف ومشينا للمحل أرواب ونزلت انا وياها واعميمه وعمتي صالحه عدن محل لي جنبنا متاع التحف
جيهان)شن رأيك تاخذو منا
انا؛مانحبهنش لي هكي
جيهان؛بلا طروح هيا ناخذلك شن لونه
انا؛عادي
جيهان؛نفس لوني
انا؛باه خودي
جيهان؛تعالي نشرو شورت وماليه
انا؛ايوه هذينا نحبهن خليني نا نحتار
جيهان؛ونا شوري الارواب
انا؛ههههه ايوه هيا
مشينا خذينا كم لبسه وشرينا عرم ارواب وملابس داخليه
جيهان؛هذينا افتكينا منهن نحطوهن بروحهن باهي
انا؛باه
جيهان؛الروب الاسود عندي تذكريه
انا؛طبعا يجنن احلي روب
جيهان؛خلاص تو نجيبلك متاعك تحطيه امعاهن
انا؛تمام بكل هيا وقت نروحو
جيهان؛روحي معانا
انا؛اعميمه تبيني قالت عشان نطلعو فل عشيه آخراً
جيهان؛باه
انا؛روحي معانا بيش نطلعو
جيهان؛نجك ليا والله لولاكي راهو حاجتي ماجت الا بعد ايش
انا؛ادللي يا عمري اَي شي تبيه انا مجوده
جيهان؛ربي يخليكي ليا تسلمي عيوني انتي خيتي الي ماجبتهاش امي بس جابها عمي هههه
انا؛هههههه حناطه لا هيا
طلعنا ورحت بيهن وعديت لحوش اعميمه ونزلت انا وجيهان واعميمه سلحنا ويشحاتنا وخشينا مطبخ مع اعميمه وجا وقت غداء
ليث؛اووو العرايس عندنا خير ان شاء الله
جيهان؛خير باْذن الله ولا تبينا نروحو
ليث؛تي تنورن والله
انا؛منوره بيك وجا سلم علينا
غيث؛سلام عليكم
نحنا؛وعليكم سلام
جا سلم علي جيهان وفاتتني درت روحي عادي بكل وقَعَدت نأكل بغصه ودمعتي علي طرف عيني وجا وقت بنطلعو كنت نشرب فميه خش غيث
غيث؛اوووف
انا؛خش انا طالعه
فاتني وخش وانا طلعت فسيارتي ونراجي في اعميمه جا محمود مقابلني ويضحكلي ويشاورلي رنيت عليه
محمود؛انحبك
انا؛ههههه وين طالع
محمود؛ماشي للمحل نشوف فعقاب المطبخ
انا؛اها ربي يعاونك وانا قتلك انبدري بنكمل ادبشي
محمود؛اها حبيبي ادبالك من روحك
وطلعت اعميمه وسكَّرت علي محمود وعديت للمحلات شرينا كم حاجه ورحت بيهن جيت فم باب حوشنا نزلت دبش وكلمت خديجه ركبت معايا وسلحت دبشي وطول خشيت صليت ورقدت من تعب ومرو أيام وشهور وجا يوم رفتي فصبح
ساعه 8:00 نضت وقَعَدت فسريري أذكرت كل حاجه تكليماتي للمحمود ورقدي انا وجيهان وضحكنا وبكانا سريري الصغير شاهد علي كل بكيه وكل ضحكه وكل تهدريزه مع محمود وجيهان اكثر اثنين موقفين معايا وقَعَدت نبكي سمعت هرجتهم لوطه صبيت خشيت حمام وصليت الصبح وقلبي يدق يدق ومتلخبطه بكل نزلت لوطه
جيهان؛صباح خير عروستنا
اعميمه؛خير بنور العين تعالي افطري ليث يراجي بيش يشيلك للكوافير
انا؛صباح نور
اسماء؛خلاص يا رهف بتعدي وتسيبيني بروحي مع من نتناقر
انا قعدت ساكته خش بابا
بابا؛ها يا كبيدتي كبرتي وبتسيبي باتك بروحه نوض فصبح مانلقاكيش من لي يجي ينوضني ويعطيني اميه من ينوضني فل صبح بدري ويقولي نفطرو فل لجنان قوليلي من ودموعه أنزلنا
انا جئته اضبطته وقَعَدت نبكي وجيهان تبكي معايا
ليث؛خلاص عاد عروستنا بتفرح مش تبكي حتيجيك ديما يا خالي ماتخافش
انا؛والله حنجيك كل يوم بابي
بابا؛ربي يهنيكي يا كيبدتي
ليث؛خلاص سيبها تفطر وتمشي للجامعه متاعها
بابا بحت فيا ومسلحي ادموعي
بابا؛خلاص معش تبكي وربي ينهيكي ولو غلط فيكي في يوم انا قاعد تجيني طول
انا؛اكيده حاضر
بابا؛هيا امشي وتي روحك
انا؛نبيك انت تخششني
بابا؛اكيده حاضر هيا نا طالع تبي شي
انا؛سلامتك
وطلع بابا وانا قعمزت نفطر
اعميمه؛وانا مقابلتك امتي ماتكسدي تعاليلي كيف قبل كيف تالي
انا؛ان شاء الله
كملت فطوري وركبت فوق نزلت دبشي وعديت انا وجيهان للكوافير ودرت حمام بخاري وقعمزت ديرلي فشعري وتمكيج فيا ومر الوقت صبيت نلبس في ڤيلوي ومعايا جيهان
جيهان؛مشاء الله والله اكبر مكياجك خيال وطالع سمحه ربي يحفظك من العين قول هو الله احد مشاء لله
انا؛تسلمي يعني نعجبه
جيهان؛بدون شك تهبلي
جا ليث
ليث؛من سمحه هذي
انا؛حناطه لا
ليث؛الله اكبر طرف طالعه
انا؛سلمك
مشيت لاحوشنا ولقيت اعميمه تراجي فيا وقَعَدت تزغرط
اعميمه؛مشاءًالله الله اكبر علي بنيتي تهبلي قمر قمر وقَعَدت تبكي وجت تسلم عليا
جيهان؛اعميمه عاد نبوهاش تبكي مكياج
انا؛تسلمي اعميمتي مهم عاجبتك
خشيت لبست فيلوي قلتها نلبسه فل حوش خير وطلعت قعدت يزغرتن ويقولو مشاء الله وانا فعالم اخر خايفه وفرحانة وقلبي يدق شعوري متلخبط بكل مهم جو الزفيات وركبت معاهم ومعايا اعميمه وزفوني للقاعه نزلت
جيهان؛متخافش من شي خشي واثقه
انا؛باه وجا بابا
بابا؛اله اكبر عليكي ربي يحفظك وقراء عليا المعوذات وبسته وخششني
بدن اسماءالله الحسنه وخشيت عليهن وكنت متوترة كلهم يبحتو فيا وقعمزت وجت مصوارتيه تصور فيا انا وبابا وبعدها طلع وجت اعميمه وجيهان ومرام وباقي بنات صورن معايا وفرقه وبنات يرقصن ودنيا شايلبه ونا بروحي قاعدهً فعالمي وجيهان
ماسيبتنيش بكل وهيا جنبي مر وقت جت خشت محمود جتني جيهان تجري نزلتلي الطرحه ونزلت وانا هنا قلبي بدا يدق يدق لدرجه لي جنبي يسمع دقاته ونشرف في كراعين جني صبيت شمرلي الطرحه وقالي مشاء الله وباسني فوق راسي وصبا جنبي يبحت فيا وانا وين وين تلقوني قربه مني وعطره وسماحته بجد اناازوجته يعني جد هوا زوجي وحبيبي ماسك يدي ويقولي
محمود؛رهف كنك خايفه خليكي عاديه
انا:لا عادي
محمود؛طالعه حلوه بكل ربي يحفظك خفت عليكي من الغين حتي من روحي
انا؛ويحفظك
محمود؛انحبك
مصوراتيه؛هيا معليش وقعدنا نصورو ومحمود يضحك ويبحت فيا وجت أمه سلمت عليها وميرا ومريم وسيف صورو معانا ونزلو وبعدها مشينا قصينا التورته
محمود؛خلينا نرقصو قبل لانطلعو انا مجهز كل شي
انا؛باه بس متحشمه
محمود؛تحشميش انا معاكي حبيبي هيا مسك يدي وحطو أغنيه اليله رايحن علي بيتنا وَيَا ربي يكمل فرحتنا ورقصنا وبنات يتعايطن
محمود؛أمي بنطلع
امه؛هيا صبي
صبينا وحطو أغنيه يارا
ودّوني علي بيت حبيبي
طلعت انا وياه وجت ورأيا جيهان
جيهان؛اطلقي روحك وبلاش خوف خليكي عاديه
انا؛ان شاء الله
جيهان؛بكرا نجوكي
انا؛باه
لبستني جيهان البرنوس وطلعت ركبني محمود سياره وهوا ليسوق وطلعنا وفِي طريق أصحابه معانا وتبيب وضرب وهما يجرو ومحمود يجري
ووصلنا للشقه نزلني ونزلت امعاه ركبت وقلبي يدق كني هاربه معاه شعور غريب بكل جاني محمود مسك يدي انا رعشت
محمود؛أهدي بنوريكي الحوش تعالي
قعد يوري فيا فل شقه وجينا عند دار النوم
محمود؛وهذي دارنا رهف بنطلب منك طلب اَي شي يصير بينا من حب ومن عركه اَي شي مايطلعش برا حوشنا
انا؛حاضر باه
محمود؛تعالي نصلو
صليت انا وياه
محمود؛خشي خودي راحتك
انا؛باه صبيت نكركر فل ڤيلو وخشيت للدار اول شي درته سلحته وحولت الطرحه وقَعَدت مقعمزه نفكر شن حيصير كيف بندير شعور الخوف قوا عندي وبديت نبكي قعدت مقعمزه قرب نص ساعه ومش لبسه شي غير ملابسي الداخليه ومقعمزه نفكر فجاء باب يدق
محمود؛رهف انتي كويسه
انا؛اها
محمود؛تبي حاجه
انا؛نبيش شي
فطن الصوتي في نبره بكاء
محمود:رهف تبكي انتي كنك اطلعي يا خوافه مش حنجي شورك وعد لين ماانتي تبي والله
انا؛جد تحكي ولا تضحك عليا قول والله
محمود؛ههههههه جد والله الله اطلعي ازح جعان
انا؛شويةً بس
صبيت نقلب فدبش وكنت متحشمه كيف بنلبس قصير لبست قفطان حوش طويل وفوق جاكه ومسحت مكياجي ودرت روج ورسمت عيني وفكيت تسريحتي وبخيت عطري وفتحت باب
لقيته مصبي جنبه
محمود؛هههه هيا ناكلو يا خوافه
مسك يدي ومشيت معاه وتا ميته حشم منا قعمزنا ع طاوله وحطلي عشاء وهوا يأكل ونا نأكل بطشه يدوبه من كثر الحشم ونيتي مسدوده اصلا
محمود؛كولي رهف متحشميش مني
انا؛مش متحشمه بس نبيش عنديش نيه
محمود؛باهي تبي اميه ولا عصير
انا؛انا اميه
صبا جبلي ميه وهوا عصير
وقعمز جنبي
محمود؛شن درتي اليوم تعبتي
انا؛بكل تعبت يوم متعب بكل لو نلقا نرقد راقده سمحه نريح اعضامي من الأسبوع المتعب
محمود؛باهي هيا صبي نرقدو
ومدلي يده مست فيها وصبيت معاه خشينا جوا لدار
محمود؛رهف لو ماتبينش نرقد جنبك نطلع عادي
انا؛لا خليك
محمود؛حاسك حايسه فروحك وخايفه اطلقي روحك متخافش مني كنك انتي
انا؛باه حاضر
جا قعمز جنبي ومسكلي يدي
محمود؛رهوفتي انتي توا مرتي وحبيبتي وامي وأختي ودنيتي اول ماشفتك طول تمنيت تكوني ليا شفت فيكي الاحترام والطيبه وشخصيتك وسماحتك طيرتيلي عقلي من اول يوم ونا ذايب فيكي طحت بوجي تي نحبك وبنسبه لموضوع لي فراسك متخافيش مش حيصير منا الا لم تكوني راضيه
انا:نعرفش شن نقولك
محمود؛ماتقولي شي
انا؛خليك جنبي ديما محمود انا واثقه فيك وعارفه انك حتعوضني علي كل شي
محمود؛ثقتك فمحلها حبيبي
انا؛وانا وعد مني حنصونك لين مانموت
محمود؛بعيد السؤ عليكي فيا ولا فيكي
انا؛بنطلب منك طلب
محمود؛اطلبي عيوني لك
انا؛بابا اهم شي بنسبه ليا مانبيش نسيبه بكل ممكن تشلني لبابا كل يوم أو يوم بعد يوم حتي ساعه مهم نشوفه
محمود؛اكيده حاضر باتك هضا
اسمعيني حبيبي سياره فكيني منها انا نشيلك ونجيبك وين ماتبي وعهد عليا نوفرلك كل شي تبيه ونشيلك لي اَي مكان تبيه أو اها مش مسموحلك تركبي مع اَي راجل غيري خاطئ باتك باهي حبيبي اتفقنا
انا؛تمام اتفقنا
محمود؛عيونك عالم جمال. بروحهن نحبك
انا تحشمت وطبست راسي
كنت نحكي معاه وهوا مقعمز جنبي وماسك يدي ويبحت فعيوني قربلي وباسني فخدي تخذرت جسمي رعش كله مع بعضه وجا رقد ومسك يدي جابني له ورقدني علي صدره لم كرني عندا خفت بس بعدها حطني فصدره وقَعَدت نسمع فدقات قلبه وماسك يدي ومبسوط وانا رقدت عنده ومتريحه
محمود؛نوم عرافي
محمود
مش مصدق رهف ليا عارفها خايفه مني بس وعدت روحي مش حنلمسها لين ماهيا تكون راضيه اووو من عيونها عالم عيونها مليانات خوف واحترام خجلها مني برائتها وجها ملامحها نعشقها
مسكت يدها دارت بس هدت بعدها و حكتلها عرم كلام كنت اسعد واحد فعالم كنت فرحان من قربها مني حتي لو ماصار شي بينا انا راضي مهم قريبه مني رقدت ودفيتها ليا ورقدت فحظني وأخيرا اللحظه لي كنت نستا فيها
رهف مســـتقبليِ ❤
أمتلگتـ شخص يعادل الجميع حرفيآ
گــل شي لـهـ نهايه بقلــبي الا حبه
وَاللَّهُ ما يـــينتــهي❤
في حوشنا
ليث؛غير تعالي بس طشه
مرام؛جيتك نعم
ليث؛وين سماحه هذي قفطان من لاخير طرف ازح زرقت عليكي مبدري
مرام؛انا ديما سمحه ههههه من قالك شوفني
ليث:شفتك وتم عشان انا حبيبك بس سمحه اححح منك بوسه بس ومسك يدها ومرام توخر فوجها
مرام؛امشي ملح لا
ليث؛ورأس حبيبي والله فخدك
مرام؛لا أطلقني تعال ازوجني وبوسني براحتك
ليث حمق ودفها ع ساس ومرام قلبها يدق
ليث؛تي تو نجي ازح نلعبش انا شاريكي ازح ومسك يدها ونزل بأسها
مرام؛حود يا سخيف ودفاته
ليث؛لم نقولك بوسه معناها تعطيني براضاكي خير مانخذها غصب فاهمه وبعدين نحبك يا هبله تي والله نحبك وانا راجل وقد كلمتي بس تهبلي عارفه من لاخير قفطان وأخيرا شفته عليكي
مرام؛ليث معش تبوسني فاهم انت اصلا لو كنت خايف عليا ماكنتش تقرب مني
ليث؛مرام ازح بستك فخدك مش قصه هيا انا نحبك ونضعف معاكي والله نحبك معقوله تخافي مني
مرام؛باه اوكي حود بنخش
وخشت
جيهان؛بس كنك
مرام؛كني شي
جيهان؛رايفتً علي رهف
مرام؛حتي انا مدايره جو فحوش
جيهان؛بكل حبيبتي يا خيه
.
.
.
نضت نسمع فصوت اعياط و لقيت روحي راقده جنبه وشعري وحالتي وحشه صبيت سقمت روحي وجيت جنبه بنرقد صوت العياط زاد وسمعت حد يخبط بل قوه علي باب شقتي ماض محمود راعش
محمود؛بِسْم الله شن في
انا؛نعرفش
صبا محمود يجري وفتح الباب
نسمع في ميرا
ميرا؛محمود الحقنا بسرعه
سمعت باب الشقه أسكر ونسمع فيهن يعيطن انشغلت وقَعَدت فمكاني معرفتش شن ندير
#يتبع
أسفه واجد واجد بكل علي تاخير يا بنات بس والله بعذري وماكنش عندي نت اعذرني وامتحاني كاين امس وكنت نقرا وجبولي سؤال ندمت علي قريته كله مهم نبي رايكن يهمني ورني تعلقات بيش نزل حلقه الخميس وأنتن طيبات وشكرا لكن ❤
