حلقه(51)
رواية (منقووله)🖤
#اليوم_الاسود
.
.
مُتناقضه..نبيك ونهرب منك، نشتاقلك في الصباح وأشتمك في مساءً، أحبّك لكنني أكرهك.🖤💔
.
.
ساعه 4:00
في حاجه نوضتني قعدت نبحت اول مره فحياتي نخاف من داري كانت ظلام بكل وكأنه شي جنبي خفت بدرجه كبيره بدرجه لا توصف نشوف في شي نبكي شن لي نشوف فيه انا خايفه مش قادرهً نصبيً مع من نمشيً نرقد طول جا فبالي محمود قعدت نبكي وينك كنت جنبي بس ليش كرهته قربك فتحت نقالي ونبحت فصورته ونبكي سكرت نقال وخايفه اعوذو بالله نغمض في عيوني قعدت وولعت فلاش نقالي وقَعَدت واعيه وخايفه مره نبكي ومره نسكت لينً طلع الضي اطمنت رقدت ومرو أيام ومحمود يجيني بس انا ماننزلش جا يوم امتحاني كنت قبلها قاريه طشه يدوبه وصبيت عشان جيهان اصرت عليا لبست ومامكيجتش
بابا؛رهف عدي بسارتك
انا؛بس
بايا؛ردي حياتك يا بنتي حياه ماتوقفش علي حد شوفي روحك كيف بقيتي مش بنتي لي نعرفها هذي نوضي علي روحك حياه مش راجل
انا؛وين مفتاح
بابا؛فمكانه خوديه واطلعي وخودي دبشً ولا اَي حاجه تغدي ولا افطري برا
انا؛باه تمام
بابا؛وجك كنه اصفر
انا؛شي اكيده من نوم
بابا؛كنك مش مدايره لي ديرو فيهن هنا
انا؛هههه عنديش نيه
بابا؛تمام اربحي
انا؛باه باي
طلعت فتحتها ركبت فيها ليا رمان عليها سيبت حوشنا وسياريتي عشانه اه ياربي خليتها تسخن ومشيت لعند جامعه درستها ونزلت طول للقاعه جت جنبي جيهان هدرزت حسّيت فيها شي
انا؛شن فيكي
جيهان؛انا عقيمه
انا؛كيف شن تحكي انتي
جيهان؛والله الله ويدت تبكي
انا؛فهميني كيف
جيهان؛كنت في حمام وووووو
انا؛أسفه لاهيت ف همي نسيت نسالك بعدين رحمه الله واسعه مانفقديش الأمل مازال بدري عليكي ومازالتو اول سنه ومازالتي صغيره حياة قدامكم
جيهان؛كنه حظنا هكي يا رهف شن درنا نحنا ليش
انا نبكي معاها
انا؛حتي انا تعبانه يارتني نموت
جيهان؛انتي معقوله تبقي هكي انتي معقوله هذي رهف
انا؛نار فيا مرار دنيا ضقته معنديش نيه للشي
جيهان؛رهف ليش هكي بقيتي اع بكل
انا؛الله غالب انتي توا شن بدبر
جيهان؛حايره غامه وساكته مافي اليد حيله
انا؛ربي كريم صدقيني حنفرج متيأسيش من رحمه ربي
جيهان؛ونعمه بالله ولا انتي تيأسي ردي للراجلك وللحياتك تخليش بنت حرام تخرب حوشك
انا؛دكتور جا هيا صبي
صبت جيهان من جنبي وعطونا الأوراق قعدت نحل حليت شويه ومعش عرفت مر وقت طويل وقاعه خفت قعدت نا وجيهان
جيهان؛شن تبي
انا؛شي
دكتور؛اس انتي تعالي هنا
صبيت جيت وين مقالي قعمزت نفتح جا محمد
محمد؛دكتور حمدي يبيك حنشرف انا
دكتور؛دبالك خلي عيونك عليهن
محمد؛تم
طلع دكتور
جيهان؛ماخليتش شنو
محمد؛منً فيكن مشً حاله
جيهان؛رهف
محمد؛اطلعي انتي عشان مايشكوش فيكن
جيهان؛باه اهي ورقتي عطيها راهو مريضه مانت هضا ليش ماخلتش
محمد؛هاتي ورقتك واطلعي
جيهان؛باي رهف
انا؛عادي راهو مش فارقه معايا حتي لو ماحليتش
محمد؛كنك انتي مريضه
انا؛اها
محمد؛رهف انتي واضحً ان فيكي شي
انا؛لا تمام غير تعب
محمد؛صح سيبتي محمود
انا؛لا مافيش منها دوه هذي هوا عمل ونا نشوف فبابا
محمد؛تحبيه
انا؛اكيده مش راجلي
محمد؛ماعمركش سالتي محمود ليش تفرقت انا وياه
انا بحتت فيه صاح من قبل زواجنا ومحمد ومحمود معش يحكو
انا؛ليش كنكم
محمد؛ربي يهنيكي يا بنت خالي امسكي حلي
انا صبيت محمد مسكني
محمد؛حلي وصبي
خليت بسرعه وصبيت
محمد؛اَي حاجه تبيها انا خاضر
انا؛تسلمً وأسفه لو في يوم زعلتك وطلعت راسي مصدع بكل فتحت سياره وركبت ولعتها وبرمت طلعت ونا في طريق ولعت راديو وكنت هايمه فهمي واحد جا جنبي بسياره وينايش سكرت روشن ووصلت عند حوش خشيت عليهم لقيتهم حطيت غداء جيت قعمزت جنبهم تغديت معاهم
اسماء؛امتي بتردي للراجلك معقوله مسيبته لكي أسبوعين
انا؛قاعده فحوش بابا وأمتي مانبي حنروح وانتي مانبي نجي
وصبيت ركبت فوق حياتي بقت نفس الروتين نفس حال كل يوم نفس ليوم لي قبله معش نطلع كرهت كل شي روحي ومحمود والقرايه مرو عليا ايّام وليالي ونا نبكي مغنوقه ماعرفتش كيف نطلع خنقتي مرو شهرين وسكرنا سنه وانا مش عند محمود وفِي شهرين هذينا عرفت روحي حامل بس مش متاكده منا حملي ومابيتش نقول للحد ومحمود مازال يجيني محمود ومانطلعلش
.
اما جيهان فحياتها مش ماشيه نفس ماتبي شايل حمل الحمل ومش عارفه شن دير في حاجز بينها وبين يوسف
.
اما بنسبه لل ليث فخطب مرام رسمي
.
جا يوم تلبيسه ليث وكلمني قالي تعالي عشان تمشي معانا وجتني جيهان
جيهان؛هيا صبي اغسلي شعرك وتعالي نستشوره لكي
انا؛عنديش نيه نمشي اصلا
جيهان؛عينك صبي امشي
انا؛لا فكيني
جيهان؛هيا صبي وري الكلبه ميرا انه مش هامك محمود لو درتي هكي حتقول ضعيفه وتكسرت ووو
انا؛تقول لي تبيه انا عنديش نيه
جيهان؛لا عندك هيا يا حنه صبي
وجت تكر في يدي وصبتني خشستني للحمام وغسلتلي شعري وفعمزتني استشوراته ليا واستشورت شعرها وقعمزت مكيجتني ومكيجت روحها وطلعتلي قفطان من قفطانيني زمان لونه وردي هادي وتقصيره وكم بس صدره كله مهلع سبعه ورفعتلي شعري
وهيا لبسه قونه قصيره لونها اسود وعليها بلوزه لونها موڤ وطلقت شعرها وطلعت تهبل لبسنا عباياتنا وشالنا بابا وصلنا نزلتنا وخشينا جوا وسلمنا وجيت عند ميرا
ميرا؛بالي شفناكي وينك مختفيه
انا؛قاعده
ميرا؛وين قاعده نجي كم مره مانشوفش فيكي
انا؛اها
ميرا؛متعاركين انتم
انا؛لا من قالك متعاركين
ميرا؛في وحده تسيب حوشها شهور كساد يعني
انا؛حاجه كيف هك
ميرا؛حي راهو نزوجو خونا
انا؛ههه لو وافق زوجنا
ميرا؛ان شاء الله قريب
جت جيهان علي نزوجو خونا
جيهان؛هيا رهوفتي مهم بشويه علي روحك ادبالك
ميرا؛خير ناس يقولو
جيهان:خير هبا
عدت مع جيهان
انا؛شن قصدك بشويه
جيهان؛بلعاني فيها كلبه قهره
انا؛هههههه خلينا نركبو مع ليث خاطيه مش راكبه
جبهان؛باه
طلعنا وركبنا مع ليث وعدينا غادي ومرام كانت طالعه حلوه بكل وخش ليث لبسها دبله
ليث؛طالعه من لاخير
مرام؛شكرًا حبيبي
ليث؛خاطري نحطك في عمري ونجري بيكي
مرام؛ههههههه باهي نحبك
ليث؛تي اححح منك را نبوسك
مرام؛لالا عيب
ليث؛تعالي نصورو بروحنا
مرام؛ماما قالتلي لا خلاص اطلع
ليث؛باه نحبك
مرام؛ونا نحبك
صورو وطلع ليث وكانت تلبيسه حلوه وانا قعدت مقعمزه فحالي وماحكليتش شي جتني مرام
مرام؛رهف كنك هنا
انا؛شي غير حسبت نفسي ضاق شويه
مرام؛كنك ضاعفه
انا؛قًرايه وتفكير
مرام؛شن حوك مع محمود
انا؛تمام
مرام؛تمام باهي هيا صبي معايا
انا؛لا خليني هنا
جيهان؛شن تحكن
مرام؛شي تعالي
حيهان؛كليتي
انا؛اها
جيهان؛مشاء الله كل حاجه حلوه
مرام؛صحه حبي سلمك
انا؛اها صح تلبيسه حلوه
مرام؛نجكن ليا تسلمن يا خيه
جيهان؛حلوه طلعتي
انا؛اها تهبلي
مرام؛تسلمن أحرجتني
جبهان؛باهي
قعدن يهدرزن وصبت مرام
انا؛صقعانه نبي نروح
جيهان؛اصلا قالو هيا صلي البسي
صبيت لبست ودنيا برا ريح ومطر طلعنا روحنا علي حوش اعميمه وقعمزت جنبهن ونهدرزو علي اليوم ويوسف جا جيهان روحت جا محمود ولد عمي جايب حاجات خش وطول جت عيني في عينه صبيت طلعت من دار خشيت دار لاخرا خفته يطلع ورأيا طلعت من حوش بكل نراجي برا يجي ليث في جنان كانت مطر تمطر ونا نتبله تحتها معش قدرت نصبي طحت ع وطأ وصقعانه نبيش نخش خايفه قعدت قريب نص ساعه وماحد بندري علّيا فجاء شفت وجه مرايفه عليه من قلبي بس عقلي يرفض فيه كاره جاني يجري طبس عليا ويضبط فيا
محمود؛مرايف عليكي
.ويبحت فيا مسك يدي ومطر تمطر عليا ويبحت في عيوني مرايفه عليها تبحيته بس فيا شي يرفض فيه
محمود؛رهف كنك هكي انتي ليش برا من عقلك حتموتي هكي
انا؛محمود
محمود؛انتي ليش هنا ليش قاعده هنا كنك تحت مطر انتي ترعشي صقعانه من عقلك هنا من جدك انتي حتموتي هكي صبي معايا
انا؛لا
محمود؛رهف تعالي معابا
انا؛لا انت
محمود؛انا مازالت راجلك اقل شي حودي دبشك بس ونكلم ليث يروح بيكي وعد حتموتي هكي شوفي كيف ترعشي
انا؛صقعانه
محمود قرب شمرني وطلع بيا من حوش اعميمه
انا؛لا ناس
محمود؛انتي مش قادره تصبي أصلا
شمرني وشالني للحوش ويركب بيا ويبحت فيا ويضحك ويقولي نحبك وصلت للشقتي نزلني نزلت ع وطا مش قادره نصبي صقعانه بكل متجمده فتح باب وشمرني وخششني لدار
محمود؛رهف
انا؛هم
محمود؛نبي نبدلك باهي
انا؛لا
محمود؛تقدري بروحك
انا؛اها اطلع
محمود طلعت من جنبها ورنيت علي عمي قتلا رهف معايا وعلي ليث وقَعَدت نراجي رديت خشيت لقيتها فمكانها ودموعها ينزلن وفمها ابيض وترعش جيتها قعدت نتعنق فيها قعمزت جنبها وحولت ايشاربها حاولت تمنعني بس نزلت يدها وفتحتلها العبايه سلحتهاورميتها وحولتلها كعب وفتحت سوست القفطان كانت من لاخير ومرايف غليها وحولته من فوق نشوف فيها كيف ضاعفه وكيف باين عليها الكأبه كرهت روحي مراتي تمت هكي مهمومه نحول ونرمي ع الوطا ونلبس وقت نزلت يدي طبعا هيا مراتي ومرايف عليها فا ضعفت بكل فمها و عيونها قربت بستها في فمها حطت يدها قربت من رقبتها تميت تشم فيها معش قدرت نمسك روحي تميت نبوس فيها بحب برياف نسمع فيها تبكي بس جمالها ماقدرتش نقاومه مرررايف عليها بكل وتحط فيدها وبصىوتها زدت ضعفا قدامهاونزلت يدي نزل في قفطان مسكتها وتبكي وتحكي
انا؛انا حامل نبيهم عيال ساد لي طاحو ارجوك محمود وقف عشان عيالنا بس تبيهم ونبكي خايفه يلمسني غصب ويطيحو
.
محمود كنت مرايف عليها ونبوس فيها لم قالتلي حامل رفعت راسي وقَعَدت نبحت فيا يعني رهف حامل مني فرحت فرحه مستحيل توصف قعدت فرحان وقت بحتت فيها وجعني حالها تبكي ومبهدله صبيت لبستها وغطيتها وولعت دفايه وهبا رقدت حيت رقدت وراها نشم فشعرها وريحتها مرايف عليها نشم فيها بكل حب قربت وحطيتها فصدري مرايف للحظنها مرايف علي كل شي فيها وهيا دايخه راقده قعدت جنبها ومتضبطها بيش تدفا ورقدت
انا
نضت ساعه 7 شفته متضبطني وراقد جنبي قعدت نكح ناض يبحت قيا
محمود؛كويسه
انا:اها
محمود حط يده علي جبهتي شافني ساخنه
محمود؛انتي ساخنه بس مش واجد
صبا من جنبي ودرالي كمادات ونا نبحت فيه
محمود:رهف من امتي حامل
انا؛نعرفش
محمود؛كيف عرفتي انك حامل
انا؛معش جتني
محمود؛من امتي
انا؛من
محمود؛من اخر مره لمستك فيها
انا؛اها
محمود؛انتي حامل لكي مده بس معقوله هكي ضاعفه ليش ماتاكلي الجنين يبي غذاء وانتي هكي كيف
انا؛نبي نروح
محمود؛خليكي خلينا نردو ليامنا والله ماخنتك ويشهد عليا ربي كيف نحبك
انا؛محمود انت وعدتني تخلني نروح
محمود؛باهي تريحي وبعدها نشيلك للمستشفي نتاكدو ونحطك عند هلك
انا؛باه
طلع محمود من جنبي وبعدها جا نوضني
محمود؛هيا فطور وتيته
وجا مسكني صباني طلعني برا كليت
محمود؛كولي
انا؛ناكل
محمود؛صحتين
انا؛سلمك وصبيت
خشيت دار بديت نبدل وخش عليا محمود ونا سالحه سروال
محمود؛نبي دبشي
انا؛خش
لبست سروالي وصبيت ع مرايه لبسه ويشاحي وشفت عطوري ومكياجي ع زيانه في حاجه فقلبي تحركت برمت عليه قلبي كان يقولي اضبطيه حبيه شبعيه حب وحنان ماقدرتش في شي يمنع فيا لَبْس قدامي وجا بخ عطره وطلعت انا وياه نزلنا خش للخته وخشيت ورآه
مريم؛رهففف خير وحشتيني واحد بكل
انا؛اهلن شن حوك
مريم؛تمام بشوفتك فرحتيني والله
انا؛تسلمي ربي يفرحك بصحيحتك
محمود؛هيا مريم ورهف
مريم؛هي واتيه
طلعنا وراه وركبت من قدام وحطينا مريم في جامعه ومشينا للمستشفي وصلنا نزلت انا وياه وجا مسكلي يدي وركبنا فوق للقسم وخشيت انا وياه للدار
محمود؛تعالي قعمزي هنا
جيت قعمزت ع كرسي وخذا مني دم وخلاني في دار وطلع وبعدها جا قعمز جنبي وساكنين بعد مرو وقت صبحلا واحد طلع وغاب غاب بعدها جاني
.
محمود؛مبرؤك حبيبي انتي حامل
انا؛جدياتً
محمود؛جد باه عمري الله مبروك واخرا شهرين حامل
انا؛حمد الله
محمود؛تعالي ارقدي ع سرير نشوفو البيبي
انا بنصبي جا رفعني وحطني ع سرير ورفعلي ماليتي وحطلي جل وقعد يمشي علي بطني بشويه ويضحك
.
انا:شنو عيل ولا بنت
محمود؛ههه مش توا في خامس أو رابع
انا؛كويس
محمود؛اها مشاء الله
كمل ومسحلي بطني ونزلي ماليتي وصبيت
محمود؛نعطيكي ادويه خوديهن في موعدهن باهي
انا؛باه ان شاء الله
محمود؛رهف روحي معايا والله الحوش بلاكي شين وظلام تعالي ردي نور فيه
.
انا ساكته
محمود؛هيا نحطك في حوش هلك ونرد هنا
انا؛باه
سقمت روحي وطلعت وراه ونزلنا للسياره وروح بيا عند هلي خشيت لقيتهم
بابا؛صباح خير
انا؛صباح نور
اسماء؛ليش روحتي
انا؛كيف ليش روحت
بابا؛حوش بوها امتي ماتبي تتفضل
اسماء:قصدي يعني كانت معاه
انا؛تبو حاجه
بابا؛وين
انا؛عندي جامعه بنعدي
بابا؛باه
انا؛خلاص شيلني انت
بابا؛باه هيا
انا؛واتيه
قعد نراجي في اسماء وطلعنا حطيناها في مدرسه ونا في جامعه ونزلت خشيت محاضرتي وطلعت نا وجيهان
.
انا؛نقولك حاجه
جيهان؛شنو
انا؛حامل
جيهان؛هي كذابه ينعليا هانهار عليه ندور الف الف مبروك حبيبتي ربي يخليه لكي مشاء الله
انا؛تسلمي عقبالك
حيهان؛في كم وكيف عرفتي
انا؛حكتلكش يا حنه أمس ووووً
جيهان؛ليش يا رهف هكي حرام عليكي
انا؛والله مانعرف ليش كاره
جيهان؛باهي اسمعي كلمي عمي وتعالي معانا في حوشنا
انا؛كيف
جيهان؛نعدو لحوش هلي ليوم
انا:ليش
جيهان؛بجو هكي حالك من قبل مش عاجبني وكرهك للراجلك مش طبيعي فا سالت شيخ صاحب بابا خشيت عليه فايبر وقالي ممكن تكون مديروتلها حاجه ولَم تجي للحوش هلك كلميني نجيها وماحد حيعرف بابا وانا
انا؛بس انا فيش شي
جيهان؛باه نتاكدو اصلا حالك اععع اععع
انا؛باه نعدي بس حتشوفي مافيا شي غير علي قصه هاجر
جيهان :هاجر كذابه واكبر كذابه تبي طيح بينكم بس
انا؛ان شاء الله بكون هكي
جيهان؛هكي اطمني هيا يوسف برا
طلعت انا وياها وحطنا عند عمي وسلمه علي اعميمه صالحه
اعميمه صالحه؛وين يا رهف هل غيبه
انا؛والله تلاهي
اعميمه صالحه ؛ربي يحفظك شن جو راجلك وهلك
انا؛كويسين حمد الله
اعميمه صالحه؛باهي تمام تذكرن زمان
انا؛احلي ايّام لم كنت نروح عليكم مستحيل ننساهن بحد عمريش شفت وحده فحنك يااعميمه
اعميمه صالحه؛بنيتي انتي
جيهان؛ماما طالعه ليوم
اعميمه؛لا ليش
جيهان؛خالاتي ملتمات عدي شوفيهن
اعميمه؛لا صقع
جيهان؛باه حترن عليا خويله نقوللها ماما ماتبيش تحي
اعميمه؛باهي ترن قوليلها حنجي
حيهان؛تمام شن غداء
اعميمه صالحه؛فلفل محشي ورز ابيض
جيهان؛الله نحبه
اعمبمه؛راجلك جاي
جيهان؛لا هيا رهف نركبو
انا؛باه
ركبنا فوق بدلنا دبشنا وردينا ايّام زمان هدرزه وجو حلو وتغدينا وكلمه الشيخ وبعد الغداء جاني ونزلت في مربوعه وخش معانا عمي وقعد يسال فيا وحط يده علي راسي وقالي نقرا قرآن ولَم تحسي شي ينغصك قوليلي وين
قعد يقرا وفِي شي يسطر فيا في راسي حطيت يده علي راسي من جيه يسار وهوا زاد يقرا ونا نضايق
الشيخ؛شن اسمك
انا؛رهف
الشيخ؛يا رهف وقت قرايه القرآن في شي يضايق فيك
انا؛اها نضايق ومعش نصلي اصلا
شيخ؛نعطيكي ميه روقيه وزيت زيتون مرقي ومسك حنوريكي وين دربهم وكل ليله قبل ماترقدي وردي صلي وأقري سورة البقرة كل ليله وقولي شن يصبر معاكي خلال أسبوعين
انا؛تمام يعني فيا حاجه
الشيخ؛هوا في شي بس مش قوي يعني متخافيش باْذن الله حتشفي
انا؛تمام
وعلمني كيف ندير المسك والزيت والميه ووووو وروح وركبت مع حيهان وحققت معايا وحكيتلها
جيهان؛باهي ردي للمحمود
انا؛لا مش حنرد
جيهان؛لا ردي عند راجلك انتي حامل توا حرام عليكي لي ديري فيه
انا؛اسكتي فكينا من حرام متاعك
حيهان؛ردي يا رهف خيرلك
انا؛اسكتي وانزلي دريلي بيتزا خاطري فيها
جيهان؛هههه حاضرين بدينا نتوحمو
انا؛هههه شكلي
نزلنا درنا بيتزا وشربنا شاي وجاني بابا روحت ونحنا درسنا درس جنبنا محمود نزل وفِي يده شكاره ونا نزلت وفِي يدي حاجاتي لي من شيخ
محمود؛حير يا عمي وسلم عليه
بابا؛خيرات شن جو
محمود؛تمام وين كنتي
انا؛عند جيهان
محمود؛وفتيلي تبي تمشي
بابا؛انا شلتها
محمود؛تمام
بابا؛تعال تفضل خش
خشيت وخش ورأيا
بابا؛تعالي خشي معانا
خشيت معاهم وقعمزت محمودي مدلي شكاره فيها حاجات وسماته صغيره في الادويه
محمود؛عمي رهف حامل
بابا فرح وصبا يضبط فيا ونا متحشمه ومحمود فرحان فرحته فعيونه
بابا؛مشاء الله الف مبروك عليكم مشاء الله نقعد جد كبرت تاريتني
خشت اسماء
اسماء؛ميررروك
انا؛الله يبارك فيكيً
محمود؛بعد 7 شهور نقعد جدو
بابا؛ان شاء الله ياربي
اسماء؛تجيبي بخير وسلامته وماطيحش زي لي فاتو
بابا فنص فيها ومحمود تغير وجه ونا تعقدت منها
بايا؛عدي دريلنا عشاء
عدت وجا محمود جنبي
محمود؛ردي معاي
بابا؛رهف ردي مع راجلك اركبي لمي دبشك وعدي
انا؛باه
ركبت لميته دبشي ومشيت معاه فوق من نفسي تعشاء وبعدها روحنا وهوا فرحان بيا
محمود؛خاطرك في حاجه
انا؛شليني للجنينه
محمود؛حاضر وناخذلك حاجه
انا؛شكولاطه وبس
محمود؛من عيوني
عدينا ونزل للمحل وكبت عدينا عند جنينه ونزلت انا ياه وقعمزنا علي كراسي وهوا فرحان بيا وماسك يدي ويحب فيها
محمود؛ربي يخليكي ليا مرايفلك بكل قربك جنه والله نحبك ولا عمري خنتك انتي ماليه عيوني وقلبي وحياتي
شفت فرحه فعيونه ونا فتره لي فاتت كلها كنت حقيره معاه وحاول معايا ونا لي كنت نرفض وجعني بكل
انا؛محمود انا درت شي من وراك
محمود؛شنو
انا؛....
#يتبع
ينات شن جوكن طبعا ليوم اول يوم في جامعه وَيَا حنه عندي من ال8 لل4 وروحت رقدت ولم وعيت كملت عقابها ونزلتها لكن عارفتها مش واحد بس تعب عليا يعني راعن ظروفي جامعه وقصص وهكي وياربي تكون حلقه عحبتكن نبي رايكن فيها بجد ومن غير تم وشكرا❤
