حلقه (53)
رواية (منقووله)🖤
#اليوم_الاسود
للكاتبة؛فافو بوقرين
.
.
.
بـداخلي أنـت උـتۍ وإꪆטּ لـ۾ تڪن مـ۶ـي دائمـاً وأبـداً تسڪن بـي وڪأنڪك زهـرة ؏ـتيقـه بجـو୭ف ڪتـاب.🤦🏽♀💘💘
.
.
.
رقدنا ومر وقت نضنا ودرنا نسكافيه ونهدرزو وجو حلو نوعا ما لين ماسمعنا صوت الباب صبت مريم تفتح
.
كنت مقعمزه خشت علينا هاجر شفتها قلبي دق وهيا كشخت عليا
هاجر؛خير
انا؛خير
مريم؛رهف نزلت بايته عندي قالت
هاجر؛حي تونسنا
انا؛انتي بايته هنا
هاجر؛اها وميرا جايه حتي
مريم؛الله صاح عليك جو
.
انا تعقدت بكل اوف عليك قصه ونكد ياريتني عديت للهلي خير وخشوً عيالها يتعايطو وجت ميرا صبن يسلمن وصبيت انا
انا؛خير وسلمت
ميرا؛خير امتي روحتي
انا؛من كم يوم
ميرا؛وكنكم متعاركين
انا؛لا عادي
هاجر؛شن جوه محمود
انا؛كويس
هاجر؛وتوا شن جوكم
انا؛كويسين
هاجر؛مافيش حاجه في طريق
انا؛لا مازال
مريم؛تي مسكين خوي تخيلي من يوم رميتها وهوا معش قرب منها بكل
شفت فرحه فعيون هاجر وميرا وبحتن فبعضهن وردن بحتن فيا
هاجر؛هيييي كيف صابر بس
ميرا؛بالك معش يحبك
مريم؛نعرفوش تعالي احكيلي علي غيث
عدن قعدن يهدرزن مع بعصهن وسيبني بكل مريم كانت خايفه وماتبيش تجي جنبي عشان مايشكوش فينا صبيت
مريم؛وين
انا؛بنركب خلاص
هاجر؛خليكي اقعدي
انا؛لا خلاص
ميرا؛خلاص باي
بحتت فيهن وركبت شفت ساعه 8 فعمزت تفرجت ع تلفزيون وقَعَدت مقعمزه مر وقت وصبيت خشيت حمام وطلعت راعشه نبكي رنيت علي محمود كانت ساعه 10
محمود؛كنك تبكي شن في
انا؛محمود
محمود؛شن في يا رهف
انا؛نزل مني دم تعالي بسرعه
محمود؛متخافيش خليكي فمكانك اني جاي
انا؛باه حي عليا خايفه والله مادرتش شي والله ليش
محمود؛حبيبي متخافيش قوليلي بس دم واجد
انا؛لا مش واجد
محمود؛باهي اسكتي متخافيش البسي بس علي ماجيتك
انا؛باه
محمود؛متخافيش باهي
انا؛باه
محمود؛اهو انا نزلت توا جايك
انا؛باه
محمود؛اسكتي
محمود؛هيا صبي البسي
انا؛خايفه
محمود؛متخافيش ان شاء الله خير
انا؛نبيه ولدي يا محمود
محمود؛ماتبكيش رهف حاضر وتي روحك بس
انا؛باه اوكي
محمود؛نحبك
سكرت منا صبيت ونا نبكي لبست عبايتي علي توتي ورن عليا
محمود؛ها سنو كويسه
انا؛نعرفش
محمود؛خلاص قريب نوصل فيكي
انا؛باه
محمود؛رهف ماتنزليش انا حنجي نزلك
انا؛بس يا محمود
محمود؛زي ماقتلك هيا اوكي توا
سكر عليا ونا قعدت مقعمزه نبكي كان همي كله اني مانفقدش ولدي وبس وفجاء نفتح الباب وجاني يجري شافني نبكي نزل عليا مسح دموعي وباسني
محمود؛نحبك
انا؛هيا محمود
شمرني
انا؛وناس وهلك
محمود؛ماحد دخله
وطلعنا من شقه سكر باب بكراعه ونزل بيا تطلع هاجر وميرا ومريم يشوفنا
هاجر؛شنو خبر هضا
مريم؛كنها رهف
محمود؛رهف ن
انا؛ماكني شي كراعي بس
محمود بحت فيا انا فنصت فيه
ميرا؛اووف عليك جو قديم
هاجر؛قصدك طروح قدمه
محمود فاتهم ونزل بيا وشافنا ولد عمه وما متحشمه بكل وهوا مش معدل حطني قي سياره وعدا بيا وطول طريق يقولي متخافيش رنت عليا مريم
مريم؛كنك يا رهف
انا؛نبكي نزل مني دم خايفه با مريم نفقده نبيه والله
مريم؛لالا بعيد سؤ ان شاء الله خير يا رهف تفألي خير محمود شن قالك
انا؛مازال ماشافنيش
محمود؛خلاص سكري وهيا
انا؛اوكي
سكرت منها ونزل محمود ونزلني وطول ركبنا ع الانصاصير وخشينا دار وقعد يكشف عليا
محمود؛متخافيش عطيتك أبره تثبيت ومعش تحركي واجد
انا؛يعني ولدي مازال فبطني
محمود؛ههههههه اها يا عمري خوافه
انا؛حمد الله باهي نصلي عادي
محمود؛ادوشي وردي صلي عطيتك أبره شهر هضا ماتصبيش بكل ومن حمام للدار نوم فاهمه
انا؛باه حمد الله
محمود؛عارفك خوافه مش حنخليكي تروحي بروحك وحالقي معايا
انا؛بس نضايق منها المستشفي
محمود؛وانا مش حنخليكي تروحي بروحك وعارفك خوافه خليكي ليوم هنا
انا؛باه بس انا
محمود؛شنو تبي
انا؛جعانه بكل
محمود؛هههه شنو خاطرك
انا؛في شاورمه وعصير برتقال مسقع
محمود؛خاضر من عيوني
صبا محمود طلع وسكر عليا الباب وعدا ومر وقت ونا فمكاني خايفه ونفكر نفتح لباب وخش عليا
محمود؛طولت
انا؛مش واجد
محمود؛جبتلكً لي تبيه
انا؛شكرًا
فتح لشكاره وقعمز جنبي وغطاني سندوتشي وبديت ناكل بكل حب كنت جعانه بكل وهوا يأكل ويبحت قيا
محمود؛تبي حاجه اخرا
انا؛لا سلامتك
كملنا وكالً ومسحت يدي وصبا بيطلع مسكت فيده
انا؛محمود خليك معايا نخاف بروحي
محمود؛من قالك بنسيبك بنسرفهم ونجيكي
انا؛لالا تسيبنيش
محمود؛باهي حاضر وسعيلي
انا؛جنبي
محمود:ها ترضيها نرقد ع لوطا في صقع هضا
انا وسعتلا وجا جنبي رقد
حسّيت بدقه فقلبي حسّيت قلبي رد يدقله من جديد وجه فوجي ويبحت فيااا حط يده علي ظهري وقربني له ونزل راْسه يشم فرقبتي ونفسه عليا
محمود؛والله مرايف عليكي والله نحبك ردي رهف لي حبيتها نحبك را افهميها هذي نحبك مافيش حد ياخذ مكانك انتي ماليه قلبي وعيوني
.
كنت نسمع فيه وساكته باسلي رقبتي ويده من ورا ظهري واضلطني له ماحبيتش نبعده وقَعَدت نفس مانا نفكر ونفكر شن حيصير فيا بعدها قللي
محمود؛رهف
انا؛همم
محمود؛انتي مش قائله انك حامل
انا بحتت فيه
انا؛محمود ماتقولهاش للحد
محمود يبحت فعيوني وساكت
محمود؛عارفه ان نظرتك هذي مرايف عليها عيونك هذينا لي هبلني مرايف عليهن شريره انتي
انا؛باهي. ماتقولش
محمود؛ليش
انا؛هكي مش توا
محمود؛باهي تم
قعد يبحت فعيوني نزلت راسي شمره ليا بيده وباسني في فمي
انا؛محمود مستشفي عاد
محمود؛اسسس
عمض عيونه وناعمضتهن قعدت نفكر لين رقدت
.
.
.
عند جيهان
صبيت من جنبه خشيت ادوشت وطلعت ندور لقيت توته حلوه لونها وردي لبستها وصليت وطلعت نتفرج من الروشن نسمع فيه يقربش عارفته ناض كنت مصبيه فمكاني خش ادرش وطلعلي كنت مصبيه نتفرج علي منظر يهبل الطبيعه جا مسكني من لاورا
يوسف؛صباح الخير
انا؛صباح نور حبيبي
يوسف؛عجبك الجو
انا؛اَي مكان فيه انت انا حيعجبني
يوسف؛ريحتك تهبل وجايه عليكي حلوه
انا؛عيونك الحلوات حبيبي
يوسف؛نحبك هيا البسي بيش ننزلو نفطرو
انا;شويه بس
صبيت بدلت ومكيجت ونزلنا فطرنا وادهورنا ووو
.
.
عند ليث
ليث؛خلاص ياامي نهايه السنه نديرو فرح
اعميمه؛خلاص توكل
ليث؛واخيرا ازح
محمد؛تحشمً علي وجك
اعميمه؛مستعجل علي ها زيزه
ليث؛نبيها تونسي انا بيش نتهناء عليكي أسبوعين الجايات يكمل الجناح ونجيب دار نوم وخلاص تم
اعميمه؛ان شاء الله بهناك وانت امتي يااحميده تفرحو بيك
محمد:مازال انا
اعميمه؛قولي لي تبيها وانا حاضر
محمد؛لي نبيها متزوجه وعدت فحالها
اعميمه؛شوف غيرها باهي سلم وليدي خليني نطلع عرسك مع خوكً نفرح بيك
محمد؛ان شاء الله خير ياامي
اعميمه؛فكر وقولي خيرلك نتريح عليك وشقتك واتيه سلم وليدي
محمد؛يصير خير هيا جعان
اعميمه:اهو مصبيه كلمو حوكم مراته مش قاعده
ليث؛احسن حاجه ازح لقنها ثقيله ازح شد حويل رهف كيف متحملتها
اعميمه؛اسكت عيب
ليث؛تو نجي حطي علي ماجئت
محمد؛يبي يطمن عليها
ليث؛مش شورك
طلع ليث ورن علي مرام ماتردش وبعدها ردت
ليث؛كنك ماتردي
مرام؛كنت جنب محمود
ليث؛باه وكان خطيبتي رآك
مرام؛بأهي عارفه
ليث؛ع مهم بكرا امي تبي نجيكم
مرام؛مرحبتين بيها
ليث؛بتحدد العرس
مرام؛والله
ليث :والله هانت خلاص
مرام؛حمد للله
ليث؛تبقي مراتي وووو تي انحبك ازح
مرام؛نجك ليا حبيبي
ليث؛خلاص حبي
مرام؛باهي امتي فرحنا
ليث؛بكرا تقوله امي
مرام؛بنراجي لعند بكرا
ليث؛راجي اها راجيتي واجد
مرام؛باهي نحبك
ليث؛تي باهي نموت فيكي
مرام؛نحكو بعدين حبيبي بابا يبيني
ليث؛تم تبي شي
مرام؛سلامتك
ليث؛اوكي
وسكر منها وطلع برا يهدرز مع محمد
.
.
عندي انا لم نضت لبسه عبايتي وروح بيا محمود وخشينا علي لوطه
مريم؛شن جو يدك
انا؛تمام
هاجر؛وين كنتو هضا كله يدك
محمود؛شن دخلك انتي
ميرا؛نحنا انشغلنا عليكم انت ماتردش وهيا ماتردش مشكله بنسالو بس
انا؛نقالي فوق
محمود؛رهف
هاجر؛كنها يدها مش
محمود؛مش انفصعت بس
ميرا؛لاباس
محمود:شنو الغداء
مريم؛كسكسي
هاجر؛تو نحطلكً
انا؛ماتعبيش روحك مدايره غداء
هاجر؛كيف مدايره وانتي كنتي برا
انا؛في من امس واصلا محمود مايحبش
هاجر؛يحبه محمود من يومه
محمود؛لا معش نحبه هيا
ميرا؛خليكم
محمود؛لا رهف لازم تريح
هاجر؛هضا كله تريح وقصه عشان يدها
محمود؛لا عشان حامل
انا بحتت فيه بخوف وهاجر وميرا انصدمن وقعدن يبحتن فبا بحقد
ميرا؛كيف حامل
محمود؛عنجد كيف حامل حلوه هذي
هاجر؛اها كيف مراتك قالت إنك معش لمستها
محمود؛شن دخل امك انتي شي بيني وبين مراتي مادكيش خشمك فيه
هاجر؛فرحان انت والله اعلم مراتك من منو حامل مسيبتك شهرين تذاوح وفرحان
انا انصدمت وكنت بنقرب نضربها يقرب منها محمود ويضربها كف لين وجها انبرم ووذنها تزن قعدت انا نبحت ومصدومه وميرا جت دفتني ودفت محمود
ميرا؛اعوذو بالله منك يا وجه خراب اول ماجيتي بل مشاكل حسبي الله حقيره ان شاء الله تموتي
.
قعدت نرعش وقلبي يدق
محمود؛سكري فمك خير انتي لاخرا خيرلك ايوه
مريم؛معقوله كلام لي قلتيه غلطانه انتي يا هاجر
وهاجر تبكي ودنيا احسن معش عرفت ماندير فعدت نبكي ونرعش وقلبي يدق مسك محمود يد وكنا بنركبو
.
هاجر؛والله انت مانك راجل ضامن ان ولدك
محمود يفك يدي ويجري عليها ويضربها كف مره ثانيه
محمود؛يا.... راجل وغصبن عنك يا نعن ...تي انتي ماتجيش في ظفر رهف يا كلبه يا فاسده تي عدي نبي لو عندك راجل يلمك را ما هضا حالك ولو تفكري تلمسي رهف والله نوريكي مش راجل شن شكلها يا ......... يا نعن برك بكل
ميرا؛اسكت اسكت خلاص تفو عليكم الحقيره لي فرحان بيها كله بسببها التافها حسبي الله فيها خزي
مريم؛ميرا رهف مادخلهاش تي هاجر مدايره سحر للرهف رهف كرهت راجلها بسببها شن تحكي انتي تستاهل كل شر هاجر وحده ساقطه ومحمود مش لكي
.
محمود بأمن علامات الصدمة فوجه وقعد يبحت فيا وهاجر وميرا بحتن في بعصهن ووجهن تغير ونا راسي يوجع فيا حسّيت دنيا دور وكلام ومشاكل وراسي
.
محمود؛تي شن تحكي انتي ....
مريم؛محمود مراتك مسحوره وكله من هاجر كره مراتك منها كلبه هذً
هاجر؛كذابه ورزيني في عيال مافي منها
محمود؛هاجر كلام مريم جد
هاجر؛كذذذابات خزي تبلن عليا
ميرا؛اسكتي بلا كذب كنك انتي موقفه مع الحقيره هذي
محمود؛رهف كلام جد لي سمعته
.
انا قعدت خايفه وساكته ومحمود ماسك كتفي
محمود؛حبيبي كلام لي سمعته صاح قولي بس والله نخربها الها احكي
.
انا مش قادره نحكي خايفه وراسي يبرم وطحت علي محمود محمود مسكني وقَعَد يعيط
محمود؛اقسم بالله نوري امك ياهاجر لو مراتي يصيرلها شي ولا كلام لي سمعته يطلع صح انتي عارفه كويسه انا شن حندير وشمرني ركبني فوق وهاجر وميرا يدعن
هاجر؛تبكي ان شاء الله تموت الحقيره هذي
ميرا ضربت مريم كف
ميرا؛هاجر بنت عمك بنت عمك تحكي عليها ليش
مريم؛نحكي عليها لانها ظالمه عارفه يا ميرا لو تعطيل انتي معاها مش حنسامحك لأنك انتي اذيتي إنسان ومحمود يحبها تحبن ولا تكرهن محمود يحبها مراته يحبها وانتي يا هاجر لي خسرتيه من زماااان وقت ازوجتي وجبتي محمود مش لكي اقتنعي انتي لي بعتيه فوتيهم حرام عليكي
وخشت وطربقت الباب
.
.
عندي انا
محمود شمرني وركب بيا فوف حطنب ع سرير وجابلي عصير وميه نضت
محمود؛كويسه
انا؛اها
محمود؛رهف كلام لي قالته مريم جد
انا؛نعرفش
محمود؛احكي يا رهف عشان نوقفها
انا نبكي
انا؛خايفه علي ولدي محمود اكثر حاجه خايفه عليها متمسكه بيه خايفه تصيرله حاجه والله نموت ساد لي عدو مني
محمود؛متخافيش انا معاكي بس انتي قوليلي كلام لي سمعته صاح
انا؛نعرفش بس انا شاكه فيها
محمود؛احكيلي كيف يارهف احكي من اول
انا؛لي صار وووو
محمود؛يعني انتي ماشيه شيخ وانا مانعلمش بشي
انا؛محمود والله انا ماكنت نعلم جيهان هيا لي قالتلي
محمود؛انا تيس وفاسد نعرفش مراتي شن صاير فيها انا اخر من يعلم يا.... نتي كنك انتي كنك كيف درتي هكي وانا شنو انا شنو ...
انا نبكي ومنظره يخوف
انا؛محمود متخافونيش بنظراتك هذينا والله انت فاهم غلظ
محمود؛تي انتي معبرتيني راجل ومآسيه من ورأيا ...
انا؛مامشيتش انا والله
محمود؛سكري فمك
طلع وسكر باب بل قوه ونزل ونا نرعش فمكاني عليك يوم ياربي انا ديما بي يلاحقني اليوم الاسود هضا ياربي ارحمني وخليني نتريح مره بس تعبت انا تعبت تعبت خلاص معش فيا حيل قعدت فمكاني نبكي بطني توجع فيا كرعيا مش حاسه بيهن قلبي يدق بقوته ونسمع في هرجه لوطه وحسيت روحي انا جد سباب المشاكل قلبي يدق بقوته مخنوقه بكل معش عندي قدره للتحمل خلاص تعبت
.
.
.
عند جيهان
روحنا من سوسه وجونا سمح ونضحكو ونحنا راكبين نشوفو اسيل ووصال ع دروج ويبكن
يوسف؛شن في كنك
اسيل؛ماما
يوسف؛كنها امي
اسيل؛اااه
يوسف:احكي اززح امي كنها
اسيل؛تعبت علينا وخذاوها للمستشفي
يوسف؛مستشفي سنو
اسيل؛الألماني
نزل يوسف يجري ونا جيت جنبها
انا؛كنها شن صارلها
اسيل؛تبكي اااه ماما
وصال خذت اسيل وخشن وكنت نبي نخش سكرت فوجي الباب بحتت في باب وقَعَدت ندق بقوتي
وصال؛اوف كنك
انا؛ليش سكرتي الباب عليا
وصال؛شفتك
انا دفيتها وخشيت حوا
انا؛اخر مره لو تعوديها نوريكي فاهمه مش لو سكتتلك معناها تركبي فرقي ايوه
وجيت قعمزن جنب اسيل ونسأل فيها
انا:كنها اعميمه
اسيل؛كنّا مقعمزين وفجاء طاحت علينا
وتبكي
انا؛ان شاء الله خير والله متخافي باْذن الله كويسه
اسيل؛ان شاء الله باربي
وصال؛اووف
انا بحتت فيها وكشخت وبرمت علي اسيل نحكي معاها
.
.
.
عندي انا
هدت الهرجه معش سمعت شي وقعدت نراجي في محمود ماجاش نعست رقدت نضت ثاني يوم صبيت خشيت حمام دوشت وطلعت صليت وفطرت ودرت غداء وقعمزت نراجي فيه ومرو ساعات وبرضو ماجش كنت مقعمزه دق الباب
انا؛منو
هاجر؛افتحي نبي نحكي معاكي كلمه
.
انا خفت وقَعَدت متردده نفتحلها خايفه كنت
.
.
.
عند جيهان
طولو ركبت فوق بدلت لقيت روحي راقده نضت ثاني يوم بدلت وفطرت ونزلت لوطه ولقيتهم حايسين خشيت شفت اعميمه مروحه وكلهم ملتمين عليها ونسمع فيهم يحكو
.
اعميمه؛يوسف ليوم روحت بس مرات مره جايه مرات نمشي معش نروح
يوسف؛بعيد سؤ ياامي كنك انتي
اعميمه؛أزوج وريحني سلم وليدي خليني نموت ونا راضيه عليك ومتريحه فرحني بزواجك
يوسف؛ياامي انا متريح معاها
اعميمه؛نبي نتريح نبي نشوف عيالك لو تبي راضاي أزوج
انا؛......
.
.
عند ليث
في العشيه شال اعميمه عند عيت عمو جِبْرِيل ونزلت خشت سلمت علبهم ووو
ليث؛حبيبي اطلعي مرايف عليكي
مرام؛نقدرش امك عيب نسيبها
ليث؛تعالي بس عسريع وراس حبيبي
مرام؛باهي هي
طلعت وكانت لبسه بلوزه صوف زيتيه وسعرها مطلوق طلعت فتحت الباب
ليث؛نحبك
مرام؛تعال خش جوا في صاله الرجاله
خش ليث ومرام وراه يبرم عليا ليث يدفها في تركينه ويقعد يبوس فيها عرفنها ومرام استجابت معاه وقَعَدت تبوس فيه ليث زار عليها ويبوس فيها
شويه مرام بعدت
ليث؛تهبلي نحبك نحبك نحبك
مرام متحشمه
ليث؛اححح نعليا منك نموت فيكي عارفه تي ااااه امتي بس
مرام؛خلاص هيا اطلع
ليث قرب منها ورقدها ع صالون ونزل عليها يبوس
مرام كان اجمل شعور نحسه فحياتي وقلبي يدق بقوته
مرام؛ليث رقبتي حود
ليث؛مش قادر
مرام؛حود حبيبي يشفوني
ليث؛نحبك
مرام؛حتي انا بس عشاني حبيبي حود
ليث؛مش قادر نسيبك والله
مرام دقاته وصبت تسقم فروحها
مرام؛هيا اطلع بسرعه
ليث قرب بأسها اخرا مرام دقاته خلاص حبيبي
ليث؛اطلعي بسرعه وحق ربي نزقب عليكي نخليكي مراتي رسمي
مرام خافت وطلعت تسقم فروحها يرا
دزتله مسج
مرام؛نحبك حبيبي
ليث؛نموت فيكي وراس امي نحبك هي عطرك ماتغيرهش بكل نبيه يوم الزفه نحبك
مرام؛ههههه حاضر نحبك موت قلبي
ليث؛طلعت انا عدي شور امي خير ماتقول كنتي ماتبينش
مرام؛نبي ولدها فااكيده نبيها ونحبها اعميمتي حتي هيا
ليث؛نعليا منك افطني لجسمك رايحه ناقصه نحبش بنت لي مافيهاش🤭🤫😉
مرام؛تو نسمن عندك
ليث؛اححح منك غير تعالي بس
مرام؛خلاص حبيبي بندير قهوه
ليث؛نحبك يا متعبتيني
مرام؛نحبك
أنا ؏ـلۍ يقيـꪆטּ بأني
أملڪك أجمل උـظ لأنڪك بقربـي.
#يتبع
للكاتبة؛فافو بوقرين
بنات طبعا كالعاده أسفه ع تاخير والله الله ظروفي سمحني والله مهم تعجبك رايكن يهمني وشكرا
