حلقه(49)
رواية (منقووله)🖤
#اليوم_الاسود
.
.
.
يبش يحكي معايا وطلعت هدرزت معاهن وخشيت بنرقد لقيته راقده ع صالون بحتت فيه وسيبته جيت رقدت ع سرير ساعه9 نضت نسمع فيه يقول
.
محمود؛قهوه نبي
هاجر؛حاضر هي
.
طلعت انا للحمام حشاكن وبعدها طلعت سقمت شعري وطلعتلهم
انا؛صباح الخير
هاجر؛صباح نور
انا؛حودي تو ندير قهوه
هاجر؛خلاص طابت
انا؛باه هاتي تو نشيلها له
فكيت منها فنجان وصبيتلا قهوه وشلتها له
انا؛مافيش داعي تطلب من حد شي طول مانا قاعده
محمود؛الله غالب مراتي راقده
انا؛مراتك لو نوضتها كانت حتنوض رآنا عندي محاضره
محمود:ساعه كم
انا؛توا 10
محمود؛بدلي هيا ورأيا موضوع
انا؛باه
ركبت فرق لشقتي فتحتها خشيت لداري طلعت لبستي جاكه ورديه وبنطلون امريكي ولفيت شعري ولبست ويشاحي اسود وكندره وشنطه سود وبخيت عطري ومكيجت شويه ونزلت شفت يبحت فيا وبعدها
محمود؛اركبي غيري لبستك
انا؛طويله بس
محمود؛غيريها لونها مش لايق
انا؛ماعنديش جاكه غيرها
محمود؛اركبي البسي شي ثاني
انا؛مش مآشيه تريح هي
محمود؛انتي حره
استفزني وقهرني ركبت فرق وغيرت ولبسه توته وحسيت روحي نعسانه جيت رقدت رِن نقال
اتا؛نعم
محمود؛هيا
انا؛مش ماشيه قتلك
محمود؛هيا يا رهف غيري الخرا وتعالي بلا عناد قرايتك هذي
انا؛ان شاء الله نسقط مش حنمشي
محمود؛اوكي نراجي فيكي ماتنزليش والله أسبوع هضا كله مانشيلكً
وسكر صبيت بحتت من روشن شفته يراجي غيرت ولبست بشتا لونها دمي وتحتها بلوزه بيج طويله وبنطلون اسود ولبست ويشاح بيج في الاسود ودمي وكندره وشنطه سود وبخيت عطري ونزلت شفته يكشخ وطلعت انا وياه وركبنا سياره ويكشخ عليا
.
.
.
عند جيهان
نضت صبح خشيت حمام وطلعت صليت وتيت الفطور وناض يوسف فطرنا
جيهان؛ نتيجتي امتي
يوسف؛ مازال
جيهات؛ان شاء الله خير
يوسف؛ان شاء الله حبيبي هيا وتي روحك
جيهان؛حاضر باه
صبيت خشيت لبست جاكه كحليه ومكيجت شويه وبخيت عطري وطلعت
نزلت شفت يوسف عند امه خشيت عليها
انا؛صباح الخير اعمبمه
امه؛صباح خير وين
انا؛عندي محاضره
امه؛هابا باه
يوسف؛اوكي تبي حاجه
امه؛لي قتلك عليه درته
يوسف؛اها تم ياامي
ومسك يدي وطلعت انا وياه
انا:شن تبي اعمبمه
يوسف؛شي هيا وقت
وطلعنا وطول طريق ساكت وصلت للجامعه وشفت محمود ورهف
.
انا وصلنا شفت جيهان ويوسف نزلت من سياره وجا يوسف سلم علينا وجيهان
جيهان؛صباح الخير
محمود؛صباح نور شن جوكم
انا؛صباح الورد
جيهان؛حمد الله وانتم
محمود؛ميه ميه
يوسف؛خلاص خشن
خشينا نحنا ونهدرزو وعدو هما
جيهان؛كنه جوك
انا؛من سامط هضا
جيهان:شن قي احكي
انا؛امس وووو
جيهان؛اكيده غار يا هبله واسمعي انا نفس قصتك يا حنه
انا؛ههههه شاطره صحه لكي
جيهان؛ومازلت عند قراري يا هيا ياانا
انا؛لا عاد شغله هضا
جيهان؛مش شوري نا هوا حر الاختيار
انا؛هبله هيا صبي أستاذ جا
صبينا وخشينا محاضره حاضرنا وطلعنا روحت انا وهيا روحت ركبت لشقتي بدلت لبست توتي ولميت حوشي وكان جو صقع بخرت وجيت رقدت مر وقت ونضت علي صوت باب طلعت نشوف
انا؛من
سيف؛افتحي
فتحت
انا؛خير يا حلو
سيف؛خير يا الدبه قالتك مريم انزلي تغدي
انا؛ماعنديش نيه قولي محمود وين
سيف؛لوطه يأكل
انا؛مع من
سيف؛مريم واحمد وهاجر وخالد وفيصل
اتا؛كلهم مع بعضهم
سيف؛اها
انا؛استنا تو ننزل
خشيت لبست استرتش وفوقه بلوزه وتحتها بدي ولبست ويشاحي ونزلت انا وسيف
سيف؛دبه جت
جيت خشيت مطبخ شفتهن حطات الغداء رز مبوخ بحت فيا محمود وكأنو مقعمزين كلهم
هاجر؛تعالي هيا نراجو فيكي
محمود فنص فيا
محمود؛لالا رهف ماتحبش الرز مبوخ
انا بحتت فيه بستغراب هوا عارف اني نحبه وصبا من ع طاوله وبحت فيا
محمود؛تغدو انتو صحه انا كليت هيا رهف
فيصل؛كمل مازال ماشبعتش
محمود؛لا صحه
مريم؛بالك جت خاطرك فيه يا رهف
انا؛لا صحه نحبش
خالد؛سيف جيبلي ميه
مسك يدي وركبني فوق
انا؛ليش ركبتني جعانه نا
محمود؛كيف تنزلي هكي واخرا تبي اقعمزي تأكلي معاهم مافيش فاهم وكالً معاهم مافيش
بحتت فيه
انا؛انت مش واثق فيا يعني
محمود؛رهف انا واثق فيكي اكثر من روحي بس نقدرش نخليكي تقعمزي جنبهم نغار والله تقتلني الغيره
انا؛باهي اصلا انا ماعنديش نيه اولا وثانيه نشوفك مقعمز جنب هاجر حتي انا ياويلك تمام
محمود؛نطلبلك حاجه
انا؛لا مانبيش
محمود؛زعلتي
انا؛لا نعسانه بس
خشيت لدار وسيبته برا خش ورأيا خذا دبشه وطلع بدل
محمود؛عندي مستشفي تبي حاجه
انا؛لا سلامتك
محمود؛تم اوكي
طلع بدل وخش دار بخ عطره ونزل وانا صبيت نطلع فدبشي شتاء صقعت يكل
وقَعَدت نقربش فل داو وطلعت دبشي وطبقته وطبقت دبشي الصيفي ودسيته ولَم كملت دبش ضميت داري وطلعت ضميت الحوش ودرت كيكه وونزلت لوطه
انا؛خير
هاجر؛خير
مريم؛اهلن شن جوك توا
انا؛نمام وانتي
مريم؛حمد الله شن ديرتينا
انا؛كيكه بكريم شنتايل
مريم؛نخش ندير نسكافيه وونذقوها
عطيتها الها وهيا خشت وقَعَدت مقعمزه انا وهاجر
هاجر؛شن جوك توا كويسه بعد رميتي
انا؛اها حمد الله
هاجر؛شنو مازالتي
انا؛ع شن قصدك
هاجر؛لا شي باهي
انا؛وين سيف
هاجر؛برا كاين يقرا وطلع يلعب هوا وحمودي
انا؛اها؛
ومع وقت جت مريم وجايبه سفره
مريم؛تفضلي
انا؛شكرًا
مريم؛خودي
هاجر؛شكرًا
قعمزنا ناكلو
مريم؛سلم يدكً تهبل بكل
انا؛سلمك صحتين
قعدت نهدرز مع مريم ومر وقت جا محمود
محمود؛رهف هنا
انا؛نعم
محمود؛نبيكي فوق
اتا؛جايتك
ركب محمود وركبت نا ورآه
محمود؛نبي نخش ندوش وتيلي دبشي
انا؛باه
خش محمود ونيتلا دبش وحطيتهن له فم باب
انا؛نبي ننزل
محمود؛خليكي ننزلو مع بَعضُنَا
خشيت مطبخ شربت ميه طلعت لقيته طالع
محمود؛نبي عشاء
انا؛شنو نديرلك
محمود؛دحي وجبنه
انا؛باه
خشيت درتلا عشاء وطلعته له
محمود؛شكرًا قعمزي كولي
انا؛صحه كيف وأكله نبيش
محمود؛باه
قعد محمود يأكل وانا في دار نكلم فبابا سكرت منا وطلعت جنبه
محمود؛ماعندك ليش ناازله نرقدو هنا
انا؛باه تمام نخش نغير معناها
خشيت بدلت وجيت رقدت وجا محمود جنبي رقد ونضت ثاني يوم بدلت وعديت جامعه ومر شهر ونفس حال جوي انا ومحمود نفس ماهوا ومافيش جديد كنت نقراء عندي متحانً جزئ رِن نقالي
جيهان؛ها حبي فاهمه
انا؛اها فاهمه شويه كنك
جيهان؛مافهمتهش ولا قدرت نحفظ شنً ندير
انا؛تعالي نفهمك انا محمود مش فأعد
جيهان؛ولا يوسف قاعد نعرفش شن ندير توا قصه بكل
انا؛صلي العصر وديري نسكافيه وتعوذي من شيطان وحاولي انك تقري
جيهان؛ان شاء الله اها خطرها تحليل كويسات ومافيهن شي مسأله وقت
انا؛لولولوليي طيب فيكي يا حنه
جيهان؛سلمك حبي خلاص خليني نقراء
انا؛سلام
قعدت نقرا وصبيت درت نسكافيه لروحي وقَعَدت نقرا وجا العشاء كملت قرآيتي وصبيت خشيت مطبخ وجا محمود
محمود؛رهف
انا؛نعم في مطبخ
خش وجايب معاه شكاير
محمود؛امسكي هذينا لي قتيلي عليهن
انا؛تمام سلمك جايب
محمود:وين غالبسه السمح
انا؛عيونك حلوات
طلع محمود وحطيت العشاء تعشينا وضميت مطبخ وخشيت حمام حشاكن وطلعت صليت العشاء وخشيت لدار شفته قاعده
محمود؛تعالي جنبي
جيت جنبه
محمود؛مش ساد حرمتيني منك واجد وكل مانقرب منك تبعديني
انا؛انت عارف
محمود؛اها عارف بس توا كملت وعارف انها كملت منك من كم اسبوع فات مش سريب هيا
جا محمود قرب مني وحط يده علي ظهري من لوطه
انا؛نبيش صقعانه
محمود؛ندفيكيً
انا؛محمود عاد خليني نرقد بكرا عندي امتحان مانبيش قتلكً خطاني
محمود؛تي ...... تم حنوريكي عليه جوك هضا
و برم وجه وفاتني وانا رقدت كنت كارهه قربه مني نبيهش يقرب من بعد عرس ميرا ونا رافضه قربه ونبعد فيه بكل طرق رقدت نا وهوا قعد واعي وطلع برا
.
.
عند جيهان
كملت الحوسه العشاء وجيت جنب يوسف
جيهان؛كنك لكي كم يوم زعلان ومش متريح
يوسف؛لا جو تمام عمل بس
جيهان؛حبيبي متاكد مافيك شي
يوسف؛ جو تمام
جيهان؛باهي امك تبيك مبدري شفتها
يوسف؛اها كنت عندها
جيهان؛باهي كنها شن تبي
يوسف؛شي تسال قالتي ماشفتكش اليوم
جيهان؛اها باهي بنخش نرقد تبي حاجه
يوسف؛لا منوره
جيهان؛هيا صبي معايا أرقد صقع هنا
يوسف؛مش جايني نوم
جيهان؛امّم خطرها شن صار في ممرضه
يوسف؛ماهو فتلك والله حولت
جيهان؛باهي كنك تحلف كنت بنتاكد بس
يوسف؛وتاكدتي
جيهان؛اها تاكدت
وجيت جنبه ع صالون ورقدت علي صدره
يوسف؛نحبك
جيهان؛نحبك اكثر حبيبي
.
أنتَِّ راحه عُمري و أنتَّ حَبِيب لحْظتَي الحُلوه و المُره ❤
.
.
عندي انا
ساعه 6 نضت خشيت حمام وصليت فجر وصبح وطلعت نراجع في قرايتي ومع ساعه 8 ناض محمود بحت فيا
انا؛صباح خير نديرلك فطور
محمود؛مانبيش كملي قرايتك
انا؛كملت خلاص تو نصبي نديرلك قهوه ع اقل
صبا محمود وخش الحمام وفاتني كنت عارفه روحي مزعلته صبيت درت قهوه وشاي وحطيت كعك وقعمزت ع طاوله نراجي فيه
طلع ضبحتلا
انا؛تعال اشرب
محمود؛قتلك مانبيش كيف تفهمي انتي ازح
انا؛باه
صبيت وشربت ونضت مكيجت وبدلت لبسه قبوطي اسود طويل وهوا بدل ونزل ونا بخيت عطري ونزلت ورآه شفت خش عندهن
.
محمود؛تبي حاجه
مريم؛لا سلامتك
محمود؛هيا نشيلك ولا نرد عليكي
مريم؛لا ماعنديش ليوم
خشبت انا
انا؛صباح الخير
مريم؛صباح نور
محمود؛تم
وطلع
مريم؛كنه جوكم مش تمام
انا؛لا عادي هوا رقيله من امس نعرفش ليش
مريم؛وقت تروحي تعالي احكيلي عارفه ان في شي
انا؛هههه باه حاضر باي
طلعت وركبت سياره وهوا بارم وجه وصلت حطني في جامعه وأول مره ماينزلش معايا خشيت للقاعتي طول وقعمزت قدام جيهان وجا الامتحان وخليت وكنت بنطلع شفت جيهان مقعمزه وبصدفه لي يشرف محمد
انا؛أستاذ محمد ممكن ناخذ منها بنينه بنينتي كملت
محمد؛تمام
برمت عليها
انا؛ها شن خليتي
جيهان؛سوال بس
انا؛خليكي تطلعيش بكل
خذيت بنينه وبرمت ومر وقت وبدت القاعه تفضا ومعش في حد الا نا وجيهان ومحمد ودكتور اخر
محمد؛خلاص عدي نقالك يرن حنقعد معاهن اصلا وقت عدا
دكتور مرعي؛منور تم
طلع دكتور
محمد؛نشوف فيكن حيسات وفطنت لرهف توشوشلك شن تبي بسرعه يا جيهان
جيهان؛هههه
انا؛عادي نعطيها سؤال بس
محمد؛بسرعه
برمت عليها وعطيتها السوال وكملت
انا؛شكرًا
جيهان؛شكرًا بكل محمد
محمد؛عفوا هيا قبل مايجي حد
طلعت انا ويها
جيهان؛نعليا منك نجك ليا
انا؛هههه وليا
جيهان؛هيا نطلعو
كنّا بنطلعو
جاني محمد رهف وجيهان طبعت
انا؛نعم
محمد؛وانتي خليتي كويس
انا؛أها شكرًا
محمد؛ادللي في اَي وقت
انا؛شكرًا
حط يده عليا
محمد؛تبي اَي شي تعالي
انا بعدت
انا؛تمام
وطلعت مشيت لجيهان وقَعَدنا نهدرزو
جيهان؛كنه محمد
انا؛شي يسال ع متحانً
جيهان؛واضح ان يحبك
انا؛اس فكينا عاد متزوجه نا
جيهان؛باه سكتت شن جوك مع محمود
اتا؛كرهته مانبيهش يقرب مني تخيلي كل مره نديرلا فسبله بيش مايقربش وآلله حاسه روحه نعرفش كيف
جيهان؛هي مصح وجك راجلك يا حنه هضا بلا جو حرام عليكي
انا؛عارفه بس شن ندير
جيهان؛معش تبعديه جاكي عاطيه
انا؛باه
جيهان؛نفس ماقتلكً هيا حبي تشاو يوسف برا
انا؛باي
عدت جيهان وجاني وعدينا بعدها محمود درس علي مستشفي
انا؛ليش درست هنا في حاجه
محمود؛انزلي
انا؛ليش
محمود؛انزلي
نزل هوا ونزلت انا ومسك يدي وخشينا جوا للقسم متاعه وحطني في دار
محمود؛خليكي هنا ادبالك تطلعي
وطلع وجاني
محمود؛مش تبي تؤام
انا؛اها
محمود؛هيا رهف اسلحي جاكتك وتعالي هنا
شاورلي علي سرير وسلحت قبوطي وجيته رقدتي ع سرير
انا؛شن اسمها الابره
محمود؛هذي أبره تفجير يقولولها الايبره هذي تقسم البويضه لي كم قسم عشان حيوان المنوي يُغصب بويضتين او اكثر علي حسب عشان تحملي بتوأم فهمتي
انا؛اها فهمت بس خايفه وين بتحطها هذي
محمود؛ههههه في عينك هيا رهف ارقدي وتحملي مش انتي تبي
انا؛حي عليا بس
محمود حط يده علي كتوفي ورقدني
.
.
.
عند ليث
ليث؛نعم ياامي
اعميمه؛نعال ركب الغداء للخوك
ليث؛عليش وكنها ماطيب
اعميمه؛غير بلا طولت لسانك وركبه
ليث؛مش مركبه خليه بنزل كلب ياخذه
وقعد يضبح
غيث؛كنك
ليث؛انزل خود الغداء
غيث؛ركبه ليا
ليث؛مش شوري
وخش جوا
اعميمه؛طيح سعدك عيب
ليث؛عيب لا شي وبجو ياامي حتي انا نبي نتزوج ونبي بنت خوكي مراتي
اعميمه؛هي من بنت خوي رهف ازوجت
ليث؛توا شن دخل رهف
اعميمه؛وجيهان ازوجت
ليث؛امي بجو انا داس عليكي راهو انا نحبها و نبيها جيهان وهيا تحبّني وقالتلي تبي تطلق ونتزوجو
اعميمه مصدومه وقعمزت
اعميمه؛هي طيح سعدك ونخرتك تبي مراه متزوجه طيح سعدك تحكي معاها يا ضايع امشي دا مش تبي جيهان
غيث؛وين الغداء
اعميمه؛تعال اسمع خوكً يبي مراه متزوجه ينعليا وعارف من الكاينه قول من لكل لا هي
غيث؛عنحد متزوجه خليه يهدرز
ليث؛واو ياامي عليك جو دراما ازح نبصر توا بنت متزوجه وواخذ راجلها علي علاقه كيف تجي بس
غيث؛علي من تحكو
اعميمه؛خزي يا حفير رعشت امك عدي من يلا وجي
ليث؛هههههه خلاص انت درق وجك
غيث؛راكب حتي انا
خذا الغداء وركب
ليث؛امي بجد شن رايك في مرام نبيها ياامي لقني ناويها نبي متزوج خلاص
اعميمه؛اكيده ونا تلقاء خير من بنت خوي
ليث؛انا شارط عليها تسكن معاكي ووافقت هيا
اعميمه؛لا ليش لبنيه تسكنها معايا تشوف ميرا بروحها حتوجعها نفسها معايا لالا ابني وازوجها
ليث؛نحنا متفقين ولو ماتبيش مش حنتزوج ولو هيا مارضتش تسكن معاكي ماكنتش حنتزوجها يعني هيا بنت خوكي وراضيه مش دار نديرلهاً جناح مهم معاكي مش حنسيبك
اعميمه؛بس حرام الينت صغيره وتقعد معايا وتعاني لا اهو اركب ابني فوق خوكً وانزل في اَي وقت
ليث؛لا انا قلت معاكي يعني معاكي يابلاش بكل ومرام موافقه وانا مرافق نبو موافقتك بس ولا ماتبينش معاكي يا حاجه
اعميمه؛لا والله لو بوودي نبيكم كلكم معايا بس صغيره
ليث؛هيا موافقه انتي شنو
اعميمه؛خلاص بإذنها مرافقه هيا ونا موافقه وأبدي من اسبوع جاي دير لي تبيه
ليث باس فوق رأسها
ليث؛ربي يخليكي ليا ياست الحبايب مهم رضاكي
اعميمه؛ربي يخليك ليت راضيه كلم خوكً وخلّينا ناقشوه وخليه يجي يتغداء
محمد؛جيت شن تبو تحكيلي
اعميمه؛قعمزو نحطلكم ونجي
ليث رِن نقاله
ليث؛تو نجيك نرد ع المدام
،
ليث؛الو
مرام؛اهلن كيف حالك
ليث؛تمام وانتي
مرام؛تمام وينك انت
ليث؛في الحوش كنك تبي حاجه
مرام؛لا نحسابك برا قبل بنقولك تعال في جامعه
ليث؛لا والله حبي لو قلتيلي قبلها بساعه كنت جيتك
مرام؛خلاص حبيبي عدي جا دكتور
ليث؛تم حبي
سكر منها وعدا جنب محمد يحكيلا
.
.
عندي انا
روحت من مستشفي ووركبت فوق طول
محمود؛شنو توا
انا؛نحس بس مش كيف مبدري
محمود؛خلاص تريحي
انا؛باه طفي ضي
طفا ضي وخش للمطبخ ونزل مر وقت ونا راقده نضت ساعه 5 جنبي محمود راقد صبيت خشبت حمام حشاكن وتوضيت وصليت ظهر والعصر وخشيت دار ناض محمود
انا؛نديرلك حاجه تأكلها
محمود؛مانبيش
انا؛فهوه
محمود؛تي قتلك مانبيش منك شي فوتيني فاهمه مش كان شلتك مبدري معناها جونا تمام فوتيني اطلعي من راسي ودفني بيده وطلع
معدلتش عليه ونزلت ورآه لوطه خش ونا خشيت ورآه
مريم؛خير تعالي كيف حطيت النسكافيه وكيكه درتها تهبل
انا؛حي بعدك خاطري فحاجه حلو
شفت محمود خش مطبخ وفيها هاجر خشيت ورآه شفت يحكي معاها بحتت فيه بتفنيصه
محمود؛خلاص تبيني نشيلك عادي
هاجر؛الله ياريت
انا؛وين تشيلها
محمود؛خلاص انا طالع
قهرتني لقطه لي دارها ليا قدامها
هاجر؛باه
انا؛وين بتمشي
هاجر؛للمدرسة حمودي
انا؛امتي
هاجر؛بكرا في صبح
انا؛والله ومالقيتش غير راجلي عدي خلي راجلك يشيلك لمدرسه حمودي مش جايه تحكي وتسهوكي مع راجل متزوج وشيلني ولا خلي خوكي
وطلعت وسيبتها
.
مريم؛تعالي داري نوركي لي شريته
خشيت معاها توري فيا فدبشها
انا؛خيالي بكل
مريم؛وين ليوم مانزلتوش بكل شن ديرو يا ضايعين
انا؛ههههه اصبري شفت هاجر جوا في مطبخ سكرت باب وجبتها
مريم؛كنك
انا؛عارفه من يوم رميت ومحمود معش لمسني بكل عارفه كرهت قربه مني
مريم؛هي وليش
انا؛نعرفش
مريم؛لا يا حنه يشوف لغيرك وهما اصلا تفكيرهم كله فيها
انا؛صدقني بس محمود مش هكي نعرفه نا وقت اتزوجنا وتوفت اعميمه ماقربتيش بكل الا بعد اربعين امك ممكن أو اكثر يعني مش كيفهم بس والله مانعرف كني
مريم؛واو من جدك تحكي
انا؛والله
مريم؛نسمع ان مايقدروش يصبرو وصبر
انا؛والله ومني انا كنت نبعد فيه
مريم؛لا معناها يحبك جدياتً خويا
اتا؛ههههه بدون شك عارفته
هاجر فتحت الباب هيا تعالن شن ديرن
مريم؛شي نوري فيها
طلعت انا وباها وقعمزنا شربنا نسكافيه وهدرزنا
مريم؛بكرا ميرا جايه زياره
انا؛باهي
مريم؛بيش تنزلي
انا؛ان شاء الله اكيده
هاجر؛ههههه بعدك تحبك ميرا
انا؛اها نفس حبي لك
مريم؛باهي عندك جامعه
اتا؛لا ماعنديش
مريم؛اها احسن
وخش علينا محمود
محمود؛خير
مريم؛خيرات خش تعال نديرلك حاجه
محمود؛دريلي سندوتش جعان بكل
انا؛خليكي تو نصبي نديرلا صبيت خشيت مطبخ وخش هوا ورأيا طلعت طاجين وكنت نبي ندير دحي لصق فيا من لاورا وقالي فوذني
محمود؛دريه مش حناكله كوليه انتي عارفه اَي حاجه منك مانبيهش اليوم يكون ايش ان شاء الله
خشت علينا هاجر وهرا قريب مني بكل
هاجر؛احم نبي ميه
محمود؛تعالي كنت نقوللها مانبيش دحي
انا بحتت فيه وهاجر مابتش تطلع تقول بلعاني
محمود؛دريلي تن يا هاجر
هاجر؛خاضر
طلع محمود وهيا عدت طلع في تن وبدت تفتح في الخبره جيت فكيتها منها
انا؛تو نديرلا
وفعلا درتلا نص وحطيت كاشكين هريسه هوا مايحبهش
انا؛امسكي عطيه له نشرب ميه
فرحت طبعا وخذاته مني وطلعت
ونا طلعت وراها
هاجر؛هاك
محمود؛شكرًا
طلعت انا وقعمزت نبحت فيه ومحمود يأكل ولَم كمل
انا؛صحه حبيبي اعجبك حطيتلكش هريسه وأجده عرفتك ماتحبهش
محمود بحت فيا
محمود؛كيف ما هاجر دارته
هاجر؛لا رهف قالتلي خنديرلا انا
بحت فيا ويفنص صبيت جيت جنبه
انا؛صحتين
محمود؛تعاندي فيا انتي
انا؛مهم كليت حاجه مني ليوم
محمود؛انا راكب تبن حاجه
مريم؛سلامتك
انا؛تصبحو علي خير
مريم؛وانتم بخير
ركب هوا وركبت نا وراها طلع من حمام وخش رقد في دار مقعد وخشيت انا بدلت ولبست توتي وطلعت رقدت فسريري
ساعه 9:55 نضت قعدت فسريري فتحت نت وقَعَدت نتفرج عليه بعدها صبيت خشيت حمام حشاكن وطلعت صليت وطلعت برا لقيته مش قاعد لميت حوسه دار وخشيت ضميت داري ودرت شاي وقعمزت نفطر كملت صبيت غسلت ماعين ولميت مطبخ وبدين ندير فعداء وكملت خشيت دوشت ولبست توته وقعمزت نستشور فشعري ومر وقت شفت ساعه لقيتها 3 ومحمود ماجش قعدت مقعمزه خذيت سندوتش من لي درته لهما لوطه شاورمه كليته وقعمزت ع نت مر وقت وصبيت خشيت حمام ونسمع فهرجه لوطه عرفت انها جت طلعت صليت و خشيت بديت نمكيح ولبست قفطان كاتيفه كم و طويل وضابط علي جسمي لونه دمي ولبست طاقمي وبخيت عطري وسقمت شعري طلقته ولبست بوتي اسود ونزلت خشيت لقيتش حد في وسط الحوش حطيته في مطبخ السندوتشات وطلعت حولت ايشاربي وسقمت شعري وخشيت عليهن في صاله
انا؛خير وعديت نسلم علي عماته وميرا
وحيت قعمزت صبت مريم وهاجر وصبيت نا وراهن وبدينا نديرو في العزومه
مريم؛قفطانك حلو
انا؛عيونك حلوات
هاجر؛هيا مريم سقع
وروحن كنت نغسل في الماعين وحوش فاضي مافيش الا ميرا وهاجر مريم عدت
.
عندهن
هاجر؛امس كنت نسمع فيها تحكي لمريم ان بعد رميتها معش حبت محمود يقرب منها يعني مفعول صار منا
ميرا؛حمد الله ان شاء الله نفتكو منها بكل انتي توا فرصتك اقريها استغلي ضعف محمود وقربي منا وخليها تشوفكم استغلي فرصتك انا نكرها متمنيه يطلقها نكرها يارب يطلقها
هاجر؛مهم مفعول بدا وخلي باقي شوري
ميرا؛اكيده مازال في شي اتجاهك ومحمود حيضعف
هاجر؛ان شاء الله
ميرا؛حنقولك شن حنديرو توا مهمً مريم لازيتها لك
هاجر؛احكي
.
عندي انا طلعت من مطبخ وعرفتهم في دار ركبت فوق كنت نبي نسلح دبشي ترن عليا ميرا
ميرا؛الو
انا؛ايوه
ميرا؛انتي وبن
انا؛فوق
ميرا؛ممكن دريلي قهوه ماعندناش نحنا
انا؛حاضر باه
.
ميرا؛اهو حدير اصبري توا نرن علي محمود وسمعت صوته
ميرا؛خشي بسرعه في دار اهو جا خشت هاجر تجري
وخش محمود
ميرا؛تبكي بالي جيت تعال بسرعه ا لحق شوف هاجر
محمود؛كنها شن في
ميرا؛تبكي نعرفش بسرعه خش في دار
خش محمود وشافها راقده وتبكي
محمود؛كنك شن تحسي
هاجر؛نبي نموت نموت اه
.
ميرا خذت دبشها ولبست ويشاحها وطلعت وردت الباب ونزلت عند غيث
غيث؛وينك من ليا ساعه نراجي
ميرا؛كنت نبي محمود هيا خلينا نروحو
.
عندي انا كملت فهوه خذيتها ونزلت لوطه شفت باب مردود وخشيت هدؤ مافيش حد خشيت ندور وكنت نبي نطلع نسمع
.
هاجر؛نموت نموت اه مش حنقدر
محمود؛قولي بس وين
مسكت يده وحطنها علي صدرها وهياً راقده ولبسه بدّي ضابط ورقبتها مهلعه
هاجر؛هنا
محمود؛هاجر انتي تبصري معقوله
هاجر تبكي
هاجر؛نبصرش نحبكً انا ومستعده ندير اَي شي تبيه وبعدين انت فاقد شي هضا مراتك قدامك ومش قادر تلمسها
محمود؛مش شورك انتي انا القاضي لي جيت نشوف فيك
صبا محمود وهيا صبت قربت منا بكل لصقت فيه وحطت يدها علي صدرها
.
انا سمعت صوت من لدار وقربت شفت صدمه انصدمت تمنيت موت ولا نشوف لقطه هذي قلبي يدق بقوه
شفت محمود وعلي صدره هاجر برم شافني وشفت منظر صدرها عريانه
محمود جا مسك يدي
محمود؛رهف والله الله قالولي مريضه وخشيت نشوف فيها
انا نبكي
انا؛انا لي شفته جد
هاجر؛أسفه بس ضعفنا ليام حبنا
ضربها كف
محمود؛اسكتي يا نعن .... انتي بلا كذب يا ساقطه
هاجر؛اضربني عشان وحده مش مقدرتكً ولا عطيتك حقك عادي جا شكالي وفِي لحظه ضعف وقرب مني وو
انا؛اسكتييييييييي ونبكي
محمود؛والله ماصارت انتي تعرفي
انا؛انت كذاب تكذب عليا ونعيط
هاجر؛أسفه بس
انا مصبيه فمكاني ونبكي نبكي فيا شي تكسر اصعب حاجه انا شفتها انكسرت نبكي وبس نبكي نبي نقتله نبي نضربه نبي نكسره محمود دف هاجر ومسك يدي وقعد يكر فيا وركبني وانا نبكي فتح باب شقه وخششني جوا وسكر باب وبرم عليا جا مسكني
محمود؛وتربه امي ماصارت حاجه ورحمه امي مافي حاجه هيا تكذب والله تبي طيح بينا
فكيت روحي منا زدت كرهته مش متحمله منا شي
محمود؛رهفً اسمعيني بس
انا نبكي
انا؛ليش يا محمود شن درتلك انا ليش شن قصرت معاك شن الغلط لي درته ليش يا محمود ليش
محمود؛والله مافي حاجه رهف صدقنيني
انا؛ولي شفته شنو ليش وجعتلي قلبي ليش كسرته ليا لبش كفيتني هكي ليش شن ذنبي كملت عمري ونا نعاني والله تعبت منك سادني
محمود قرب مني ومسك يدي
انا فكيتها
انا؛ معش تحلم بيا انت لي اخترت
وخشيت جوا مسكت نقالي جا فكه مني
اتا؛نبكي هاته نبي نكلم بابا هاته خليك اشبع بيها حبها وصيغ براحتك
محمود؛......... كيف تفهمي انتي ..... قتلكً مافي شي تبيش تصدقي امي ...ليش يا...
انا؛خليني نكلم بابا
محمود؛مافيش والله مانك طالعه عارفه لو تموتي طلوع من هنا مافيش
انا؛نبكي طلع وسكر باب بل مفتاح وعدا وانا قعمزت الف فكره وفكره فواسي ونبكي حسّيت روحي نكسرت هزمتنيً قدرت تهزمني حسّيت بقلبي دهشت من بكاء معش قدرت نتنفس صبيت فتحت شنطي وطلعت البخاخه نبخ ونبكي مش قادره نستوعب لم ذكرت ان حكالها علي شي خصوصي بينا زدت نقهرت زدت تحرقت مش مكتوبلي نفرح بكل كملتها ونا نبي بحرقه مر عليا وقت طويل وانا ماحسيتش بيه الوقت كنت نحس بساعه تمشي بثانيه قلبي تعبت من كل شي حتي راجلي ماعندي فيه حظ خاين حقير ربي يلعنهم حسبي الله فيه قعدت نحرق ونحرق ودار مظلمه مش حاسه بل وقت ولا قادره نرقد نار فيا شفت دنيا ظلمت ونسمع فصوت مطر ورعد قوي نسمع فيها ونحسب عليه مع وقت رقدت مر وقت
ساعه 5 عشيه نضت بحتت لقيتها ظلام مابيتش نصبي وقَعَدت فمكاني لا صليت لا خشيت حمام لا شي نحرق وخلاص ونقالي خذاه مني ومسكر عليا باب بل مفتاح أذكرت لي صار ورديت نبكي مازالت بين غيرني كيف متضبطته وكيف صدرها باين ودنيا ظلام زاد حالي تعطب رديت رقدت
نضت شفت يده فوق شعري انا حطيت يدي عليه ونزلت يده صبيت قعمزت
انا؛نبي حوش هلي
محمود؛مافيش
انا؛لا في نبي هلي انا
محمود؛قلت مافيش مشي ولا طلوع من الحوش
انا؛نبكي كيف هذي مش انت اخترت خلاص يبقا خليني نعدي
محمود؛والله مانبدلك لوً ايش والله نحبك واختياري معروف انتي
انا؛انت كذاب انا شفتك ليش تكذب عليا
محمود؛....... معش تقولي كذاب .......
انا نبكي وجا جنبي حط يده علي فخذتي
انا؛حووود يدك مش طاقيه لمسه منك نكرهك انا
صبيت مسك يدي وطيحني ع سرير وجا فوقي
محمود؛كيف مش طايقتيني ليش مش طايقه
انا؛حود اها مش طايقتك بكل نكرهك ولا نخليك تقرب مني عدي للحقيره لي احترتها
محمود؛مش محود عارفه توا جيتي فخاطري وففطانك تعبني
نبكي انا وقت يبيني يجي
انا؛حود انا مش بجوك ووقت تبي تجي حود نفسي حود مش قادره نتنفس
محمود؛بس نا وقت مانبي نجي ونأخذ لي نبيه وتبي ولا ماتبيش
انا؛قعدت نبكي وهوا يبحت فبا مش راضيه انا مش وقته اصلا انا كرهتك نحبكش مانحبكش سيبني والله مانبي كاره قربك انت حقير كاره كل سي منك خليني نمشي للهلي
محمود؛نحبك ولا عمري خنتك
نزل راْسه عليا وقعد يبوس فيا بقوه ويجنون بوس أرياف بوس حد مشتاق انا نبكي ومش طايقته وندف فيه بيدي
انا؛محمود مدريلش هكي
محمود؛انتي خلتيني ندير هكي كم ليا يا رهف وعارفك بعد لي شفتيه مش حترضي
انا؛نبكي انت عارف اني مش راضيه سيبني
محمود؛مش مسيبك نبيكي مسك يدي ونزل راْسه يبوس فيا بقوه بجنون بوس غريب معش قدرت نتحكم فيه نبكي بس مش متحمله قربه نبكي عشان قرب مني نحس فيه حد غريب
ووووو
صبا وقعد يبحت فيا كيف نبكي وجا غطاني
محمود؛انتي خلتيني ندير هكي
انا؛نكرهك والله ونبكي والله نكرهك اطلع برا والله نكرهك الله
محمود؛سمحيني
انا؛اطلع
طلع وسكر الباب ورآه وقَعَدت نبكي قلبي يوجع فيا كرهته تمنيته يموت وقتها نعرفش ليش كل الكره هضا اتجاه ماكناش محمود لي حبيته وخلطت عندي معش عرفت علي شن نبكي اغتصاب زوجي ولا خونت زوجي
💔
#يتبع
