حلقه (24 )
روايه (منقوووله)🖤
#اليوم_الاسود
.
.
..
.
.
• 🎶🎶؏ـلـى زآويـة آلـصمـت ، تـرحـل بـنـا عــقولـنـا آلـى أمـاڪـن لآ ؏ـنـوآن لـۿﮧ 🎶💜🎼
.
.
.
سهي:تبكي. صح يحب مرام
انا:اها يحبها وانتي فوتي مش لك
سهي؛حقير كذب عليا والله نوريه الحقير
انا:باه وريه ممكن تطلعي بنرقد
سهي:انتي معاه يا حقيرة
انا:سهي اطلعي من راسي فاهمه
سهي:دفتني وطلعت ان شاء الله تموتو
انا:وانتي معانا دا
بدلت دبشي وصليت مغرب وعشاء وجيت في سرير رنيت علي محمود ورد
محمود:ايوا
انا:الو خير
محمود:خيرات شن جو
انا:تمام وانت
محمود:تمام بسماع صوتك
انا:سلمك
محمود:شن جو صحتك
انا:تمام حمد الله
محمود:جامعه
انا:تمان بكرا عندي جامعه من ساعه 9
محمود:تمام من بيشبلك
انا:نعرفش ممكن نخلي جيهان تكي عليا ولا نمشي بروحي بسيارتي
محمود:ادبالك من روحك وكان تفوتي لسواقه خير
انا:نقدرش بابا في صبح عمله ومش فاضي بكل
محمود:مهم من جامعه للحوش
انا:اكيده 😑
محمود:نبيكي في موضوع
انا:نعم
محمود:
.
.
.
عند جيهان روحت مني وكانت طالعه تبي حمام تسمع في انس يقول
انس:باتي جيهان جاني فيها صاحبي وولد محترم وانا عطيته عارف من اسامه ال..
عمي:اسامه ال يموتها
انس:اها هوا والله راجل محترم وعاقل م ال83 ويشتغل مهندس نفط وقالي طالب يد اختك جاني من باب شن رايك
عمي:عندي مانقول فيه شاب محترم
انس:نخلوهم يجو يا باتي شن رايك والله كويس شوف جانا من باب مش زي كلب لاخر
عمي:سكرنا ع موضوع شوف اختك
انس:تي يا باتي اختي صغيرة مش عارفه مصلحتها انت باتها وانا خوها ومصلحتها فيه
عمي؛خلاص خليهم يتفضلو لو اختك ماعجبوهش العرب ولا قالت لا موضوع يسكر
انس:تم يا حويج
.
عند جيهان كانت تسمع فيهم وتبكي ولم كملو خشت تجري لدار وقعدت تبكي مستحيل انا بنتزوج خاطي يوسف مستحيل حبيبي مستحيل نتزوج خاطيه مستحيل ااااه حسبي الله ونعمه الوكيل فيك ياانس ربي يقهرك اااااه ياربي شن درت في دنتي اااه يا ربي تعذب فيا انت ليش ياربي ااااه خلوني فحالي مانبيش نتزوج اااااه مليت منهم حبس وهم ونقالي كسره ليا كسر يده وتوا جاي بيزوجني شن درت من عار انا ااااه تعبت تعبت ربي يفكني من شرك ياانس ساد فرقتني علي حبيبي ساد تبي تزوجني فوقها ااااه وقعدت نبكي ونشهق مليت ونسمع في باب يدق
بابا:جيهان كنك افتحي كنك
انا:ماكني شي خلونيييي في حالي خطااوني
بابا:افتحي
انا:مش حنفنح خلوني في حالي
انس:تعال يا باتي هذي حاله خليها يروحها
بابا:بس خايف دير شي
انس:لالا تخافش جتها حاله غير تعال وكره وعدا هوا وياه
.
.
.
عند ليث لم روح منا قعد يرن علي مرام ومرام ماتردش عليه
ليث:تي زمري توا بتنكدها عليك قصه بس واللهي ماني متنكد خذيت بوسه نتمناء فيها ليا وين اححح خليني نابشها
دزلها رساله
(كنك ماتردي ها نرن عليكي من مبدري ردي نسيت كل شي صار ردي بلا جو )
قعد يراجي فيها ماردتش
ليث:عليك قصه تي والله ماني منكدها ع روحي خليني نذكر امبدري ونرقد شكلي بنخش ندير طروح بنات الله اليوم احلي يوم فيحياتي ههههه وانا نقول ليش يكتبن فيها خزي صيعات يحصلن في بوسات زعمك حبيبتي تكتبها طلع بيشرب سمع غيث
غيث:خلاص ليام هذينا نحكي للامي تجي تخطبك
غيث:خلاص حبيبي شن قلنا انتي متاعي وعد ليام هذينا وانتي ارفضي لي جايك
غيث:ههههه وتي روحك والبسي حاجه صح
غيث:واللهي ماني عارف شن عرفك انتي
غيث:نعرفش بس ليث يحبش يصاحب جوا من العيلة ومرام مش له اصلا
غيث:فكينا منهم توا يحبو يكرهو دخنش مهم خليني فيكي توا وين ع طرحه ل مبدري والدلع ذبت انا
ليث:شن دخل امها اللل.. هذي حتي انا نحكي للامي قبله 🤔 زعما نحكيلها بكرا بس انا زعمك قراري صح صاح نحبها بس واتي اني نتزوج ونتحمل مسؤوليه وقعد يفكر طول ليل
.
.
.
عندي
انا:قولي شن هوا موضوع
محمود:اسمعي
يدق باب
انا:واطيت صوتي محمود باب داري يدق نشوف من ونرن عليك
محمود:تم
وسكرت منا صبيت فتحت طلع بابا
انا:خير خش تعال
بابا:شن ديري راقده ولا شن
انا؛كنت نصلي😅
بابا:تمام شن جوك
انا:تمام وانت
بابا:تمام رهف
انا:نعم
بابا:سمحيني ي بابا غلطت فيكي واجد
جيت اضبطته
انا:طبعا مسامحتك وبعدين انت بابي يحق لك اي شي
بابا:ربي يخليكي ليا بنيتي العاقله امسكي
بحتت لقيته مفتاح سيارتي
انا:واخيرا شكرا
بابا:بكرا نوضي عدي للجامعتك
انا:حاضرين
بابا:امسكي عارف ليا فترة منقص عليكي خودي هذينا شوفي شن ناقصك
انا:شكرا بابا حبيبي
بابا:عفوا رهوفتي غاليه
انا:ارقد معايا ليوم خير من مربوعه طالمه سهي ترقد مع اختها
بابا:لالا انضايقك
انا:لا طبعا فيش مضايقك وبل مره تنوضني في صبح نفطرو ونطلعو مع بعضنا
بابا:باهي خلاص ظهري من صالون خلاص
انا:هههه ارقد علي سريري ونا نحط لفراش
بابا:لااا ظهرك
انا:يوم مش حياثر هيا
بابا:باه تمام
انا:خلاص ارقد ولا تبي حاجه
بابا:لا سلامتك طفي ضي وتعالي هدرزيلي
انا:باه
طرحت فراشي وجيت نهدرزلا صبيت ع روشن دزيت رساله للمحمود
( محمود بابا هوا لي دق وقاعد راقد معاي نقدرش نرن عليك تصبح علي خير )
رد عليا
( عليك قصه وكنه مايرقد مع مراته ولا لازاته )
انا
( ههههههههه اختها معاها )
رد عليا
( بعدك والله مرايف عليكي هي وكنت نبي نهدرزالك )
انا
( هههههه ليوم بس وبكرا نهدرزو لين تمل مني )
محمود
( ينعليا منك انتي ماينملش منك يا سمحه)
انا
( بكرا عندك عيادة ؟؟)
محمود
( اها عليك قصه مش وقتها )
انا
( تمام )
محمود
( انتي ساعه كم عندك بكرا جامعه )
انا
( عندي ساعه 10)
محمود
( نبي نشوفك حتي انا 9 )
انا
( وامتي وكيف )
محمود
( تو نجي في شارعكم ونوصلك بل مره )
انا
( باه نتلاقو تصبح علي خير )
محمود
( وانتي بخير أ❤حب❤ك يااغلي شي )
انا
( 😊😊)
وجيت رقدت ونا فرحانه
😪😪😪😪😪
طلعت شمس ساعه 7:30 نضت قبل حتي بابا فرحانه هل عشان بنشوف محمود ولا عشان بنمشي جامعتي بسيارتي خشيت حمام (حشاكم) وطلعت صليت ونزلت درت فطور ليا ولبابا وجت ساعه 8 ركبت نوضته
انا:بابي صباح خير
بابا:صباح نور ساعه كم
انا:8
بابا: حي عليا تاخرت
انا:مازال بدري نوض هيا
ناض خش حمام ونزل لبس دبشه وجا فعمز يفطر معايا ونحنا نفطرو
اسماء:صباح خير حمادي
بابا:صباح نور قعمزي افطري
اسماء:وينك امس لقتكش في مربوعه
انا:اها راقد معايا ظهره من صالون وحرام بابي
اسماء:كيف أصحبتو 😡
انا:ليش نحنا امتي تعاركنا اصلا شيطانه وخشت بينا وبعدين هضا بابيي وانا بنته الوحيده 😋
بابا:اسماء لو بتفطري قعمزي عندك ليش موقفه
اسماء:سمعت شن قالت بنتك
بابا:صبح باهي وانا مستعجل
انا:صحه بابا وصبيت تبي حاجه
بابا:لا سلامتك
ركبت فوق لقيتها تسعه و طلعت مكياجي ومكيجت تمكيجه سمحه درت كريم اساس واحمر خدود ومسكرا وطلعت كحل من نهايه عيني ودرت روج بيج داكن وقعدت نلبس لبست بنطلون كحلي وعليه بدي طويل ابيض وجاكه كحلي في ابيض وويشاح كحلي وكويش ابيض وشنطه بيضه وبخيت عطري ودرت كريمه ليدي وحطيت نظاراتي وخذيت نقالي لقيت رنات من محمود قلت نخش سيارة نكلمه ونزلت لقيت بابا طالع وكنت بنطلع
اسماء:وين يا طير
انا:مش شورك
اسماء:لبسه ومفتلكه ومكياج ع صبح وعطر ناازل قبلك لوين لوين اخر مره نسالك ومن بيشيلك
انا:وحنعاود نقولك مش شورك بسيارتي وقعدت نهزلها في مفااتيحي يلا باي وطلعت ركبت سيارتي سخنتها وطلعت رنيت عليه
انا:صباح الخير
محمود:صباح الورد لي احلي وردة
انا:😊😊
محمود:وينك انا في نهايه شارع
انا:اها شفتك شويا بس بننزل ناخذ مناديل وميه
محمود:خليكي في سيارتك تو نجيبلك انا
اتا:لالا محمود هضا شارعنا افرض بابا يكون راد يبي حاجه يشوفك
محمود:تم انزلي
انا:باه سلام
سكرت منا وسقمت روحي ودرست سيارتي ونزلت خشيت محل
صاحب محل:صباح خير
انا:صباح خير ممكن تعطيني ميه ومناديل وشكولاطه كتكاات 2 وكندر 2 لو سمحت
صاحب محل:حاضر
وانفتح الباب شميت بنة العطر مش غريبه عليا برمت عليه شفته جت عيني في عينه قعد يبحت فيا وانا نبحت شفت لبسته تهبل ولحيته السودة ونظاراته لي حاطهن فوق كاين جنتل بكل معني كلمه كنت متنحه فيها وبعدها فنص 😒 فيا
صاحب محل:تفضل يا شاب
محمود:شكرا نبي شكولاطات نوعلي
وقرب مني امسكي هذي
انا:شن هذي
محمود:خوديها بس قبل لا يجي واستني في حاجه اخرا وجا راجل
صاحب محل قعد يسقد في محمود قبل مني
انا:ممكن تقولي كم ونخلص ونطلع
صاحب محل:شوية بس ويبحت فيا انا نزلت عيوني
محمود:خليك معايا توا
انا؛هيا
صاحب محل:باهي
محمود:شوف الابله ونا كم بسرعه
صاحب محل: حسابك ياابله ...
انا طلعتهن له محمود مسك يدي ونزلها وعطاه هوا
محمود:امسك هاك
انا:محمود بس
صاحب محل: انت مازال
محمود:عارف مازال نزل عيونك خطيبتي
صاحب محل:بحت فيا سامحنا
وخلصهن محمود وعطاني شكارتي وشكارة اخرا وطلعت بثلاث اكياس وكان فضول بيقتلتي شن في في اول شكارة زعما وقالي اطلعي طلعت وركبت سيارتي رنيت عليه
انا:ليش توا مافيش داعي اصلا عندي فلوس حمد الله
محمود:عارف عندك بلا طولت لسانك صبح وبعدين مش لكي للجيهان وخطرها تعالي هنا
انا:نعم
محمود:شنو لي في وجك هضا امسحيه يا رهف معقولة
اتا:شنو حاجه بسيطه
محمود:بسيطه عينك امسحي راهو والله مانخليكي تمشي
انا:باه ومسحت الكحل لي طالع وخففت من روج وطلعت بسارتي وهوا ورايا وع خط معايا ووصلت جامعه نزلت
ودورت جيهان ما لقيتهاش وينهي كلبه رنيت علي اعميمه صالحه قالتلي راقده مش جايه اوووف عليك سنه شينه علينا كنا نحنا هكي بقينا وخشيت محاظرتي وحظرتها وطلعت هدرزت مع اميرة شفت ساعه لقيتها 1 واو من 10 لل 1 خلاص بنروح لقيت
اميرة:روحي خلاص نا نراجي
انا:من تراجي
اميرة:في فيصل
انا:هيا نوصلك ماشيه بنشوف اعميمه اصلا
اميرة:صح نجك ليا خليني نرن عليهم
انا:باه
رنت عليهم وقالتلي هيا طلعت انا وياها وشكولاطات لي شريتهن للجيهان عطيتهن الها وشربت اميه طبها شكارة محمود ماشفتهاش مازال وخاطري نعرف شن فيها وتكيت علي محل خذيت للاعميمه عصير وشكولاطه وبشكوط نوعتلها وركبت وصلتها فم حوشهم ونشوف سيف
انا:خير ي حلو
سيف:دبه وجاني يجري مرايف عليكي
انا:واللهي انا اكثر شوف شن جبتلك امسك عطيته شكولاطات
سيف:توا فكيني من شكولاطه وبحت فيا عمزلي😉 وين ع طرحه من لاخير
انا:ههههه عاجباتك تعال خش معاي جوا خير مايشوفنا ليث يهزبنا
وخشيت لقيت ليث في لجنان
انا:خير
ليث:خير شن جو وشن جابك امس كنا عندكم ازح حلك رايفتي
انا:بارد مدخلكش وخشيت جوا
لعميمه
انا:صباح خير
اعميمه:خيرات بي بنيتي
اتا:شن جوك
اعميمه:تمام ليش متعبه روحك
انا:غير كوليهن كلهن لكي رايحه ناقصه راهو
اعميمه:حي علي دبه قالتها
انا:هههههه وقعدت نهدرز معاها ورن عليا بابا قتلا في طريق طلعت لقيت محمود وسيف وليث
سيف:يا دبه
انا:نعم
سيف:اركبي تو نلحقك
محمود:تعال هنا شن تبي عند بنت فيش مشي
سيف:يا را خليني هيا صحبتي وعدا يجري جاني ركبلي
انا:نعم شن تبي
سيف:بوسه
انا:ههههه وكاين محمود وليث مقابلين وبسته
سيف:توا دوري وباسني بل قوة
انا:هههه سفطتلي شدوقي
.
.
.
ليث:بحت فينا ههههه مسخ هضا علي شان بوسه عدالها حي حي شوف معش سيبها
محمود:تي فرخ ال... شن جو لي يدير فيه هضا تي الللوسخ ويعطيلا هيا يا سيف تعال
نزل وعدالهم وطلعت ووصلت فم حوشنا نزلت وماعرفتش كيف ندير في شكارة محمود دسيتها تحت كرسي لين مايعدن بعدين سمعتهن يبن يطلعن وخشيت عليهم لقيتهن يتغدن بيتزا وشندوتشات من برا جيت حبيت بابا و بردت وجي وقعمزت
اسماء:ماحسبناكش
انا:تو نجي ناخذ بيتزا نغسل يدي بس غسلت يدي وجيت جنبهن ناكل ههه اكيده يقولن بسم شفت سهي جنبها ثلاث سندوتشات
انا:سهي مشاء الله بتاكليهن هنا ثلاثه وين بتحطيهن بس
بابا بحت فيا وضحك
سهي:لالا مش متاعي اسماء هاكي
اسماء:لا سادني واحد نبيش صحه
سهي:هاك يا محمد
بابا:لا كليت صحه بعدين انتي لي طلبتي قلتي نبي ثلاثه
سهي:لالالا نبيش
انا:هاتيه تو ناكله انا (وانا درت هضا كله بيش ناكله منها كنت جعانه بكل 😅)
كليت وغسلت يدي وركبت فوق حولت دبشي ولبست توتي ودرت زيت لوز لشعري بيش نخش ندوش بعدها رقدت بزيتي بكل 😅 نضت لقيت دنيا ظلام طول ولعت ضي وجيت جنب نقالي شفت رنات من محمود رنيت علي اعميمه صالحه ماردتش عليا خشيت ادوشت وطلعت رنيت علي محمود
محمود:متاكد اكيده راقده
انا:ههههه اها كنت راقده
محمود:خميرة نوم انتي عارفك
انا:يييه صاح بننزل نشوفو شن جبتلي سكر هيا وخطرها ليش متعب روحك
محمود:هضا كله ماشفتيش تعبك راحه
اتا:ماهو قدرتش نزلهن قدام اسماء وبابا توا طلعو اكيده ننزل نجيبهن ولبست ملايه صلاة
محمود:باه هيا خليني ع خط
انا:باه علقت سماعاتي وحطيت نقال في صدري ونزلت شفت حوش فاضي
محمود:ها شن
انا:وضع امان فيش حد
فتحت باب حوش وطلعت فتخت سيارة وجبتهن وركبت لداري فوق
انا:توا نبي نفتحها زعما شنو
محمود:افتحي وشوفي
فتحت شفت سلسله متاعت متاع ميزان العدل وبشتا تهبل بكل لونها قهوي عمريش لبسته لون هضا
انا:تهبل سلسله يا محمود تجنننن بكل بكل كنت ندور فيها والله تهبل وحتي بشتا تجنن شكرا بارك الله فيك تعبت روحك ليش خطرها
محمود:حاجه بسيطه عجبتني خذيتهن لك
انا:تسلم واللهي يهبلن بكل يجنن عجبني واجد بكللل شمرا
محمود:مهم عجبانك وفكينا من رسميات شكرا ما شكرا
اتا:باه حاضر بس ضروري نشكرك اصلا
محمود:رهف
انا:نعم
محمود:شامه لي في رقبتك دوختني يومها ربي يحفظك
انا:تحشمت وخشيت في روحي ووجي انحمر سكتت
محمود فهم عليا غير موضوع طول
محمود:سيف مرقيها ليا يبوس فيكي ومش معقب جهد
انا:ههههه خليه صغير يهبل هوا ربي يحفظه
محمود:ويحفظك ليا 😶
انا:سلمك
وقعد يهدرز معايا
.
.
.
عند جيهان
راقده وكل ماتذكر يوسف تقعد تبكي وماصبتش بكل وهيا راقده دق باب دارها خشت امها
عمتي صالحه: كنك يا بنيتي
جيهان:كني شي مريضه بس كان جوي شين وزادته ليا ماما لم قالني
ماما:اسمعي بكرا بيجو العرب بيخطبو
انا:نعم نعم ومن قال انا موافقه من قالها
ماما:عارفينك مش موافقه بس ناس بيجو وشوفيه بالك تتريحيله
انا:قلت مانبيش نشوف حد
ماما:انتي شوفيهم بكرا جاين لو قلتي لا خوكي مش حيطلعك من راسه وقصه يوسف حتثبت عليكي وصبيت طالعه انا
انا:نبكي ماما عطيني نقالك نرن علي رهف والله
ماما:امسكي وطلعت
انا قعدت نبكي ونرن عليها انتظار بعدها ردت رنت عليا
جيهان:الو رهف
انا:ايو جيجي شن جوك ووينك اليوم
جيهان:نبكي قعدت
انا:كنك كنك
جيهان:رهف في ناس جيين يخطبو فيا بكرا كيف ندير
انا:كيف فهميني كيف ناس ومن
جيهان:قعدت نبكي وحكيتلها كل شي
انا:قعدت نبكي معاها الحقير خوكي هضا دا مسخ خزي عليه باهي اسمعي دير نفس ماقالت امك اطلعيلهم وقولي مانبيش ولا ماتريحتش اي شي مهم ماتوافيقش
جيهان:مستحيل نوافق بس لعند امتي بنهرب من كل حد يجيني انس بيدمرني كنه هوا هكي مليت منا ومن حياتي
انا:اسكتي بس ماتبكيش سادك هم والله انشاءالله خير انتي اطلعي وقولي مش متريحه او مانبيش وعمي مستحيل يغصبك
جيهان:ان شاء الله خير
انا:وسعي بالك يا قلبي عارفه ان كلامي مش حيهون عليكي بس هضا لي نقدر عليه
جيهان:عارفتك مش عارفه الهم هضا كله وين كان مدسوسلي
انا:حتفرج مابعد الذيق الا الفرج
جيهان:ان شاء الله اهو نم انس جا تصدقي لم سمعته امس تمنيت روحي نموت ولا نسمع كلامه حاقده عليه بكل حقير كرهته كل يوم يزيد في حقاارته
انا:بارد هضا سخيف مهم توا انتي تزعليش روحك واجد وانشاءالله خير
جيهان:امين حبي تريحت بعد حكيتلك
انا:عيوني لككك وفرحك فرحي وزعلك زعلي وياربي تفرج عليكي
جيهان:امين واجمعين اهو حسه قرب سلام
انا:سلامات
.
كان وجعني حالة جيهان وقعدت نقول شن صارلها لي نزل عليها هم هضا كله رقدت ونضت ع فجر خشيت توضيت وصليت الفجر وقعدت ندعي للجيهان ولليوسف كنت نحب علاقتهم واحلي علاقه جتهم عين طرشقنهم ودعيت لروحي ورديت رقدت وماكنش عندي جامعه ووعيت ساعه 12 رنيت علي بابا وقتلا بنعدي لميت شعري فوق ومكيجت ولبسه قونه ليكرا سودة وبلوزة بيضه بل اسود وفوقها بلوفر اسود وويشاح ديمي وكندرتي وشنطي دميات ونزلت شربت حليب وشاي وطلعت طول عديتلهم وفتح باب انس
انس:خير
انا:خير
انس:نعم
انا؛مش جايتك
وخشيت جوا سلمت علي اعميمه صالحه واروي
انا:شن جو راجلك
اروي:تمام وانتي
انا:تمام جيهان فوق
اروي:اها اركبيلها وزيدي اقنعيها
ركبت فتحت باب
جيهان:اوووف قلت بنبدل
انا:تبينش حتي انا
جيهان:هييي وجت ضبطتني
انا:شن جوك
جيهان:مش تمام يا رهف نبي يوسف نبي نشوفه نبي نعارف حاله شن جوه يوسف
انا:كويس اطمني والله في اسبوع لي مامشيتش فيه للجامعه قعد يرن ويسال عليكي ونطمن فيه
جيهان:اااااااااااااااااه قلبي يوجع فيا بكل
انا:خطيت يدي علي شعرها اسسس ان شاء الله خير
وقعدت نهدي فيها
وجت العشيه والعرب جو وكانت امه واخواته الاثنين ومرت خوه وجيهان كانت مضايقه وتبكي جيتها وخليتها تسكت وطلعت عليهم وقالبه وجها وشكلا عجبتهم ومع مغرب روحت
.
.
شفت بابا وبعدها رقيت فوق بدلت دبشي وهدرزت مع محمود وكنت مقهورة علي جيهان
.
ومر اسبوع ورا اسبوع ولا جديد يذكر الا
جيهان كل يوم نفس حالها تبكي ومره تجي للجامعه ومره لا قعد وجها باهت وناقصه بكل وهموم دنيا شيلتهن وعمي عاجبهم العرب ووافق وسال عمتي صالحه وقالت جيهان موافقه وجيهان تحساب باتها غصبها وكلا من انس طبعا زادت حالة جيهان في ناقص غاب يوسف وضحكتها وطيشها وفرحتها غابت امعه
.
ويوسف كاين حالته مش احسن من جيهان حتي هوا من شغل للحوش وكل يوم جيهان في عقله وقعد يرقد طول بدون مايطول كاين يحب سهر عشان جيهان فيه وهدرزتهم وضحكهم وحبهم حتي عاركتهم عمرها ماطولت بس توا له شهور مفارق جيهان
💔 💔💔💔💔💔💔💔💔💔💔
الحب صعب والاصعب الفراق الشوق الحنين للماضي يمرن ايام و ليالي بدون حبيبك لي تراجي في اليل يجي بس عشانه عشان تهدرزي معاه يقعد جزء من يومك وحبه كل ما له يكبر مره قالولي ان مافيش حب بس انا نقول طبعا في حب والحب بطول العشرة لو طالت وقعد امعاك حيسمااا حب لان تحملك في جميع حالاتك وماملش منك 4 اسنين عمر بنادم ياما صار فيهن من حب ومن زعل ومن حزن ومن فرح ومن شوق ومن اشتياق ومن ضحك ومن بكاء بس كان جزء المسيطر ولاكبر في علاقتهم
❤❤❤❤الح❤ب❤❤❤❤
الحب لي بينهم حب سنين وحب عشرة جيهان اول ماوعت لقت يوسف وطول حباته افهمت يوسف شن يحب وشن يكره وعرفت طبعه ويوسف ربه جيهان علي يده وعلمها كل شي وفهمها وعرف طبعها وعارفها تنحب وبنت محترمه
