حلقه (50)
روايه (منقووله)🖤
#اليوم_الاسود
.
.
أنا لستُ بخير، هُناك شيء يخنقني بالداخل ودموع تقِف على طرف عيّني، حتى دقات قلبي تُؤلمني جداً.
.
.
قعدت فمكاني وماعنديش نيه لا نصبي ندوش ولا نصلي استغفر الله وصقعانه ونشوف في دنيا سوده وبس قعدت فمكاني ونبكي عدا عليا يوم اسود جا ثاني يوم نضت نشوف لي دنيا طلام مش قادره نصبي حاسه روحي مدهكله بكل تعبانه نار فيا تحرق كل مانذكر هاجر ومحمود ننكلب كرهته بكل خش عليا وقعد يبحت
محمود؛صقع ليش رقدتي هكي
انا برمت وجي ومانبيش نبحت فيه
محمود؛نوضي ادوشي والبسي حاجه دفي روحك
انا ساكته قرب مني مسكت بطانيه
محمود؛شن لقطه لي درتيها
انا ساكته
محمود؛رهف صبي
مانبيش نرد عليه
محمود؛صبي دفي روحك
نبيش نرد
محمود؛نحكي انا ......
انا؛خطاني سيبني خليني ان شاء الله تموت شن مالك بيا انت خطاني بس ليش جيت وجك مانبيش نشوفه كرهتك بكل
محمود؛باهي صبي
انا؛مش مصبيه
محمود؛صبي خيرلك
انا؛مش مصبيه خليني واطلع
محمود؛ مش حنطلع لين تصبي قدامي
انا؛بدّيت نبكي والله حنصبي خليني بس سادني همً أرجوك خليني فحالي
محمود؛نطلع ونرد نشوفك هكي اقسم بالله نديرلك شي انتي ماتبيهش
انا نبحت فيه بحقد قعدت نكره زي كرهي للمحمود ولد عمي نشوف فيه شيطان طلع صبيت سكرت باب بل مفتاح وخشيت حمام ادوشت وطلعت صليت ورديت رقدت نسمع في باب يدق
محمود؛افتحي والله نكسره
صبيت فتحت ورديت رقدت
محمود؛هيا صبي كولي حاجه
انا؛نبيش
محمود جا قرب مني ومسك يدي بقوه وصباني ونا نضرب فيه ع يده
محمود؛انتي قعدتي كل حاجه غصب يعني ولا كيف
سمعت كلمه غصب وجت صوره هاجر قعدت نبكي بحراره
انا؛ليش درت فيا هكي
محمود؛سمحيني والله ماكنت نبي نقربك شفتني انتي من قبل نفوت فيكي بس امس
انا؛هنت عليك تخوني شن درتلك انا
محمود؛والله ماخنتك انتي مش فاهمه قصه ورحمه امي
انا؛ارجوك خليني نمشي للهلي
محمود؛مافيش انتي مكانك هنا
انا؛بس عقلي مشوش
محمود؛حترضي وتعرفي اني ماخنتكش
انا؛ليش قعدت قاسي عليا خليني نعدي ارجوك سيبني نمشي يوم بس وحنرد
محمود؛كذابه مش حتردي عارفك انا
انا؛والله نرد خليني نعدي بس
محمود جا اضبطني
محمود؛والله كرهت روحي ومش متحمل دمعه نشوفها فيعنك والله ماخنتك
معش نحس بحنان بخطته ولا نبيه كاره كل شي دفيته وبدت
محمود؛ليش تبعدي عليا
انا؛انت حنتني
محمود؛والله ماخنتك ورحمه امي
انا؛ورحمه امك خليني نمشي تعبانه انا
محمود؛نعانيكي ونحطك فعيوني
انا؛ههههه عيونكً لي كأنن ييحتنً فصدرً هاجر عيونك لي خانني
محمود؛ ...... كيف تفهمي انتي ..... كيف نعاود كلامي حلفتلك ....خلاص
انا؛سيبني نعدي للهلي ومانبيش منك شي
محمود؛هلك مافيش فاهمه مافيش
انا؛نبكي لا لا نبي بابا
محمود؛هيا كولي
انا؛نبيش
محمود؛كولي
انا؛مانبيش انا مانبيش خلاص خليني فحالي
محمود؛كولي
انا نبكي
اتا؛خلاص سادك قهر فيا مانبيش
محمود؛اسكتي .... معش تبكي ليش تبكي
انا؛نبيش ناكل
محمود؛اسف حقك عليا صبي
انا؛نبيش
محمود؛تي ... صبا وفتح فمي وحطلي خبره وحبته
انا قريب نغصيت كلبتها ودموعي ينزلن مني وقف
محمود قعد يوكل فيا كليت شويه وحولت
محمود؛رهف
اتا؛الأفضل معش تحكي معايا
محمود؛تم
صبيت خشيت دار وقَعَدت ع الحال هضا ايّام ومانحكيش معاه بكل ونا مقهورة ونار شايطه فيا وماشفتش بابا ولا نزلتلهم لوطه كنت مقعمزه دق باب دار نحسابه محموًد
خشت عليا
.
جيهان:رهوفتي وينك كنك مختفيه
وجت تسلم عليا ننا نضبط فيها
انا؛بالي جيتي
جيهان؛وينك ليش مختفيه هكي
انا بديت نحكي ونبكي وجيهان تواسي فيا
جيهان:رهف هوا راجلك ليش ماخلتيه برضاكي
انا؛كارهته مش طايقه قربه ولا طايقه نقعد في الحوش. كلمي بابا خليه يجيني
جيهان؛نقدرش محمود حلفني قالي ان باتك جا لعند هنا وقاله رهف مقفل ومحمود قاله قاعده كُويسه راقده
انا؛حقير هضا جيهان والله ماني متحملته احكي للبابا
جيهان؛أسفه رهف تحملي
انا نبكي
جيهان؛اس حبيبتي انتي ليش قعدتي هكي بِسْم الله
انا؛نعرفش كرهته بكل نشرف فيه شيطان نشوف في وجه يخوف
جيهان؛انتي في حد ركبلك
انا؛مافيش حد يركبلي بكل
جيهان؛غريبه واكله حاجه غريبه
انا:شنو بناكل يا من عربي لوطه يا هلي با عندي
جيهان؛باهي عندنا امتحان
انا:امتي هوا
جيهان؛اسبوع جاي
انا؛اه ياربي تعبت والله
جبهان:رهف انتي ماكنتش هكي وبعدين مرات يكون كلام محمود صح وهاجر تكذب
انا؛خليه نشبع بيه انا معش نبيه محمود
جيهان؛هي شن تقولي انتي نجنيتي رسمي
انا؛لا نا تعبت بكل بكل فا حنسيبها لها واسعه من بديت عمري نعاني من اسماء وفِي نص عمري محمود ولد عمنا وأخر عمري محمود راجلي اسم الخقير هض احقر اسم مر عليا
جيهان؛لا انتي مش طبيعه
انا؛احكي للبابا خليه يجيني
جيهان؛ان شاء الله خير
انا؛شوفي حالتي شوفيني كيف شوفي وجي شوقي لبستي منبدلش ولا حتي صلاه نصلي
جيهان؛معقوله رهف انتي قعدتي هكي
انا؛كرهت كل حاجه
جيهان؛صبي معايا
انا؛مش قادره
جبهان؛لا صبي
ومسكت يدي وصبتني
انا؛ليش صبتيني
جيهان؛خشي ادوشي وخلي باب مردود وحنطلعلك لبسه
انا؛ماعنديش نيه صقعانه
جيهان؛رهف عاد هيا
دفتني للحمام
جيهان؛ادوشي ريحي عظامك
وطلعتلها توته وملابس داخليه
جبهان؛رهف كويسه
انا؛اها عطيني ستياني
جيهان؛امسكي
عطتني ولبست وطلعت
انا؛صقعانه توتي وين
جيهان؛هاكي
لبست وجيت قعمزت كدتلي شعري واستشوراته ليا وقَعَدت تحكيلي
جيهان؛رهف انتي تغلطي قاعده محمود راجلك وكويس ليش كرهتيه وأنا شاكه ان كلبه هاجر هيا ورا موضوع
انا؛لا شفتهم بعيوني
جيهان:باهي ماتبكيش ساد عيونك متنفخات هكي
انا؛نبي نرقد
جيهان؛لا كولي قبل ونديرلك سحلب
انا؛والله ماعندي نيه
جيهان؛عشان خاطري
انا؛باه
طلعت جيهان للمطبخ ودرتلي سندوتش وسحلب عارفني نحبه وقعمزت ناكل
جيهان؛صحه
انا؛سلمك شكرًا تعبتك معايا
جيهان؛تعبك راحه
انا؛مش قادره نقاوم نبي نرقد
جبهان؛خلاص تغطي وارقدي
غطيتها ورقدت ونا طلعت ضميت مطبخ والحوش نعرف رهف وقت تصير معاها حاجه تكملها نوم ومستحيل تصبي هاجر الحقير حنوريها كملت ضم لبست ويشاحي ورنيت علي يوسف قالي لوطه مع محمود هيا انزلي نزلت وطلعت برا شفت واحد من عيون باين ان صايع يبحت فيا بنظرات صايعه طلعت لهما
محمود؛هل شنو وضعها
جيهان؛ادبالك منها مازالت مسكره رأسها تمشي للعمي
محمود؛منوره تعبتك معانا وفِي عيوني
جيهان؛وموضوع هاجر
محمود؛ورحمه امي رهف فاهمه غلط
جيهان؛ادبالك منها
محمود؛نم
يوسف؛اوكي تبي حاجه
محمود؛سلامتك
جا ليث
ليث؛اوي وينك مختفي
محمود؛قاعد
ليث؛بنت خالي كيف حالها
محمود؛تمام
ليث؛نقالها مقفل
محمود؛اها حارب
ليث؛سلملي عليها
محمود؛باه وجك
ليث؛وين ماشي
محمود؛راكب
ليث؛حظوظ دنيا صقع وماعندي حد يدفعيني
محمود؛تي روح نبي انت يا وبره
ليث؛كنك يا راجل
محمود؛تكينها تكهً
ليث؛لا حول الله تي عادي رطبها حترطب
محمود؛ان شاء الله خير
ليث؛تم عدي رطب
محمود؛هههه باه وجك
وركبت خشيت عليهن
مريم؛وينهي رهف معش نزلت
محمود؛مريضه
مريم؛صاح انت لي لازيتها هاجر
محمود؛اها انا فكينا من أمها ازح
مريم؛ليش باهي قالتها ليا وهيا تبكي
محمود؛فاسده هذي خربت أمها انتي مش عارفه شي مهم تبي حاجه
مريم؛ليش شن دارت
محمود؛بعدين نحكيلك مهم تبي حاجه
مريم؛سلامتك
ركبت فوق فتحت باب شفت حوش مضموم خشيت لدار لقيتها مقترحه مش مسكرتها فرحت خشيت شفتها راقده ع سرير جبت رقدت وراها ونشم في شعرها وحبيت رقبتها مرايف علبها بكل نحبها وصارت قصه خربت أمها بكل كنت نتمناه زي زمان تبرم عليا وتحبني وتكرس فصدري برمت عليا ودفتني وصبت من جنبي
انا؛ماتقربش مني كيف تبي تفهمها هذي
محمود؛ليش رهف
انا؛منبيكش كنك انت عندكش كرامه قتلك معش نبيك اطلقني خليني نمشي عند هلي
محمود وخر وصبا وكاين بيطلع
انا؛انت مش راجل تغتصبني ومش راجل تخون فيا مع بنت عمك ومتزوجه ومش راجل مستقوي عليا ماكملتش كلامي الا
ويضربني كف
محمود:راجل غصبن عنك ولو نسمع كلامك هضا نوريك شي انتي ماعمرك شفتيه مني
وبرم طلع وسيبني مابكيتش بس زدت كرهته صبيت ندور فنقالي اي حاجه فتحت باب مسكر بل مفتاح قعدت نبرم وجيت فدار مقعد قعدت
.
عند محمود نزلت رقيلي
فيصل؛وين ماشي
محمود؛شن نبي
فيصل؛تعال تعدو نكسدو
محمود؛فكنا يل راحل
فيصل؛غير هبا فيها جو راهو
محمود؛باه
عديت مع فيصل
.
عند جيهان
يوسف؛كنهم متعاركين
جيهان؛اها
يوسف؛شن سببها
جيهان؛نعرفش قالتلي متعاركين
يوسف؛باهي تعالي جنبي
جيهان؛نبدل ونجيك صقع مش جو ندوش
يوسف؛ههههههه ندفيكيً وادوشي بكرا
جيهان؛هههههه باه نلبس
لبست وبخيت عطر وطلعتلا
يوسف؛تعالي جنبي
جيت جنبه في سرير
يوسف؛مش مرايفه عليا
جيهان؛اكيده حبيبي
يوسف قرب يبوس فيا
وووو
.
.
.
عند محمود روحت للحوش ركبت فوق طول فتحت باب وخشيت لدار لقيتها مش فيها قعدت ندور لقيتها بي دار لاخرا راقده منظرها يهبل اغراني ونا كنت مرايف عليها جيت نبوس فيها نحبك رهف نحبك هيا ناضت طول شفتني نبوس بدت تبكي
.
انا كنت راقده ونحس بنفس عليا فتحت عيوني شفته يبوس فيا ويقولي نحبك وشميت بنه نكرها خطرت عليا طول يوم الاسود محمود سكران
،
انا؛انت سكران
محمود؛والله نحبك
انا؛ماتلمسنيش وانت هكي ارجوك
محمود؛نبيكي نحبك
انا؛محمود وانت هكي لا نكرها نكرها بنه هذي لي فيك
محمود؛وانا نحب بنه هذي لي فيكي
ويشم فيا ويبوس فرقبتي
انا؛محمود مَش حنقدر عليك فوتني
محمود؛نحبك
حاطه يدي علي بطنه وندف فيه عارفه ان مَش حنقدر عليه وجعتني روحي قعدت هكي قعدت بجوه امتي مايبي يجيني كرهته وكرهت روحي وكل شي نبكي ونبكي منقهره علي كل شي مقهورة مافيش فيدي شي الا اني نبكي ونزيد نكرها خلطت عندي وقَعَدت نشوف في يوم الاسود محمود بنته شينه ونفسي ع قدي يارب ارحمني معش قادره نتحمل المٌعنه هذي كلها
ووووو
فتحت عيوني شفته راقد جنبي كنت تعبانه نفسيا وجسديا وحاط يده عليا ماقدرتش نصبي لو صبيت ينوض ونا نبي نسرق نقالي كريت سرواله وقَعَدت ندور فنقالي لقيته ولعته ونبحت فيه خايفه ينوض دزيتً رساله للبابا
انا؛بابا انا ومحمود في بينا مشاكل وأجده تعال خودني نراجي فيك
.
كانت ساعه 6 فجر دفيت يده وصبيت خشيت حمام وطلعت لبست ولبست ويشاحي ونراجي فيه يجيني قعدت فداري نراجي وجنبي نقالي رنيت عليه ماردش صبيت فتحت باب بشويه بل مفتاح ونزلت لوطه في جنان وكان ظلام ومطر تمطر وصقع صقعت وقَعَدت فتركينه رنيت علي بابا
بابا؛في طريق انا كنك شن في
انا؛بعدين نحكيلك
بابل؛باه
مر وقت وجاني بابا رِن عليا طلعتلا ركبت معاه
بابا:انتي كويسه
انا؛اها
بابا؛كنك انتي وياه
انا؛في مشاكل بينا نبي نبعد فتره عليه
بابا؛غلط فيكي
انا؛لا يعني معش تبيني نجيك في حوش
بابا؛لا معقوله تنوري بس بنعرف كنكم
انا؛اهو
بابا؛شكلا سي كبير لي خلتيني نجيك في هل وقت
انا؛لا
بابا؛احكي كنكم
انا؛ماكنا شي
بابا؛راجلك عارف
انا؛اها قتلا
بابا؛باه ان شاء الله خير
وصلنا ونزلت خشيت حوش وسلمت علي اسماء وقعدو يسالو فبا ونا نرد مافي شي شويه مشاكل وركبت فوق لداري ايّام كنت معززه مكرمه وسكرتها وجيت علي سريري بكيت لين خلاص ورقدت نضت نسمع في صوت محمود
ركبتلي خديجه دق علي بابي فاحتلها
خديجه؛يبيكي لوطه
انا؛تمام
حولت ايشاربي وسقمت شعري شفت رقبتي خريطه رديت ليست ويشاحي ونزلت شفت محمود عيونه عليا ومعصب بكل ووجه حمر وعروق رقبته بينات ويفنص قرب مني يجري مسك يدي
محمود؛كيف تطلعي من غير ماتقولي من سمحلك
فكيت يدي منا
انا؛كلمت بابا وجا خذاني عادي مش حد براني
بابا؛رهف شن في بينكم من مشاكل
انا؛احكي با محمود
محمود؛مافي شي هيا رهف روحي معايا
انا؛من قالك نبي نروح معاك طبعا لا
محمود؛رهف هيا
بابا؛رهف تبي تروحي معاه
انا؛لا وفتره هذي نبيش نشوفه بكل يفوتني
بايا؛ليش وصلت بينكم هكي
محمود؛تعاند يا عمي
انا؛محمود روح انا مش حنروح معاك برمت
بابا؛خلاص محمود خليها لراحتها
محمود؛بس نبيها انا مراتي
بابا؛وهيا توا ماتبيش
محمود؛برم عليا ويبحت
محمود؛متاكده با رهف
انا؛اها متاكده
طلع محمود وطبق باب بل قوه بحت فبا بابا
بابا؛ليش هكي شن صار بينكم لي توصل هكي
انا؛مافي شي انا تعبانه بنركب نرقد تبو حلجه
بابا؛عارفك انا وقت ارقدي معناها مزعلك زعله قويه احكي
انا؛خلاص عدي للعمل
بابا؛انتي كويسه
انا؛اها حمد الله
ركبت فوق وخشيت فتشت دولابي وطلعت منا توته وجيت رقدت
.
.
عند جيهان
كان يوسف في بلكوني وانا في حمام
طلعت من حمام نبي يوسف قربت ونسمع فيه يقول
يوسف؛يعني شنو يا دكتور في علاج
يوسف؛حتي انا دكتور وشفت الأوراق مافيش أمل منهن بس كنت نبي نتأكد
يوسف؛مراتي هيا اها
يوسف؛ان شاء الله شكرًا دكتور
يوسف؛والله مازالنا نحنا قريب نطقو سنه
يوسف؛هيا كانت تبيهن التحاليل وقتلها مافيكي شي
يوسف؛اها هيا حبيبتي لي خذيتها
يوسف؛اكيده نبيش نزعلها
يوسف؛سلمك دكتورنا وهيا علي ربي وانا مش فاقد الأمل
يوسف؛تم ان شاء الله خير اوكي منور تعبتك سكر وقَعَدت يبحت في شارع
.
انصدمت بعد لي سمعته بعني انا مافيش أمل نحمل انا عقيمه يعني العيب فيا ويوسف ساكت يعني يوسف دسها عليا خشيت لدار قبل مايشوفني قعمزت ع سرير وبديت نبكي صدمه كبيره كانت ليا يارتني ماعرفتً ويوسف داسها يحبني لدرجه هذي شن ندير توا كيف بيصير حرت وألف فكره جت فبالي تقوله اني عرفت ولا نسكت سعدني يا ربي عرفت ليش فتره لي فاتت كان زعلان يعني شال الهم بروحه فتح باب وخش عليا طول مسحت دموعي
يوسف؛كنك هنا وين الغداء
انا؛تو نصبي هي
صبيت مسك يدي
يوسف؛كنك فيكي حاجه
انا؛لا شي
يوسف؛كنتي تبكي انتي
انا؛لا بس بس
يوسف؛بس شنو كنك حبيبي
انا؛شي نحبك وبس
يوسف؛باهي هيا صبي خلينا نتغدو ونطلعو ندهورو
انا؛هيا حاضر
صبيت ونحس فروحي حاميه وكان جو صفع بس حميت دموعي حبستهن نبي نبكي نبي نعيط قدرتش تطلع من فمي كنت خايفه يعرف اني عرفت معش يديرلي حاسب كنت خايفه يتزوج عليا نفس ماقالت امه نحط في غداء وشيرتي مذهوبه لدرجه حرقت روحي
انا؛اه نعن امه ناقصه انت وقَعَدت نبكي ونعيط جاني يوسف
يوسف؛كنك شن جاك
انا؛تحرقت يدي
يوسف؛هاتيها نشوفها
انا قعدت نبكي نبي اي شي نبكي عليه
يوسف؛جيهان مش مستحق الموضوع بكاء ساهله
انا؛انت مانعرفش نار لي فيا طبعا لي مش فيك ساهله
يوسف؛عليش هضا كله
انا خذيت حاجات وطلعتهن وسيبته جوا طلع
يوسف؛تي كنك ازح
انا؛يدي نحرقت
يوسف؛وووه ينعليا موعرها واعره بكل
انا بحتت فيه
يوسف؛تريحتي بعد قتلك هكي مش ساهله بيش ماتعيطيلش
انا؛ههههه سامط
يوسف؛نجك ليا ايوه ضحكه سمحه تعالي خلينا ناكلو جعان بكل
انا؛قعمز نجيب خبزه ونجي
ماكنتش نبي نكدها عليه جبت خبزه وجيت قعمزت وهوا يهدرز ونا فعالم ثاني شن ندير وهوا يحكي
يوسف؛كنك ماتاكلي
انا؛حمد الله شبعت
يوسف؛شن كليتي بيش تشبعي
انا؛كنت وأكله قبلها سندوتش
يوسف؛باهي صحه نخش نتريح شويه ونطلع للمستشفي
انا؛باه مربوحه
صبا ونا صبيت لميت طاوله وبنفسيتي ادمرت يعد لي سمعته نلم ونغسل قعدت نبكي علي زماني لي حيضيع لعند امتي حيقعد ساكت حيجي يوم يعايرني ويقولي منك اه ااااه
.
.
عندي انا
كنت راقده نصت جوي شين
تهرب إلى النوم من تلك الأفكار المُزعجة وتستيقظ بعد ساعه لتجد أن الشعور تضاعف إلى درجةٍ كبيرة.😥😓
نزلت برا في جنان وقَعَدت نبرم حايره ليش صار هكي بينا نفكر ونفكر ونبرم ونبرم علي كبر الجنان نسمع في جرس باب يرن مشيت فتحت شفته محمود قلبي قعد يدق ووخرت وهوا خش يبحت فيا فنفسي التبحيته نفس نظره لي نكرها
محمودج؛شن جوك عمي جوا نبيه كنك معفنه هكي طلقتي عارفه حتي وانتي معفنه جسمك مازالت غاويه
انا برمت خشيت بسرعه وسكَّرت باب
جواني
محمودج؛مازالتي تخافي مني تي افتحي يا مسكينه جاي نعتذر من بأتك مش لامسك جربت حبس يا را نم بكل راجلك وين مسيبك بروحك ماشعفش شكلا
.
انا ورا باب نسمع في كلامه الحقير ونبكي ذكرت كيف قعد يضرب فيا علي بطني ذكرت كل شي دار فيا معش عرفت دموعي علي من نزلهن هم ورا هم ورا هم ركبت لداري سكرتها بل مفتاح وقَعَدت فبها نبكي وجعي كل ساعه يكبر ويكبر قديش بنتحمل ياربي قديش ارحمني يا ربي سادني
ومازال يدق بعدها اختفاء صوت بحتت من روشن شفته عدا تريحت شويه وقَعَدت علي سريري عنديش ماندير رقدت نضت علي دقه الباب
بابا؛افتحي
صبيت فتحت
بابا؛وينك ليا ساعه ندق كنك مسكره
انا؛شي تبي حاجه
بابا؛تعالي تعشي حتي غداء ماليتي
انا؛بابا وللله ماعندي نيه خلوني براحتي
بابا؛سلم بنتي تعالي
انا؛والله مانبي خليني ارجوك
بابا؛عشان خاطري
انا؛باه هيا
طلعت معاه نزلت شفت اسماء كيف تبحت قيا
اسماء؛ليش هضا كله لو بديري هكي عشانه كنتي قعدتي عندا
بابا؛سكري عليه موضوع مش وقته
قعمزت كليت بدون نيه وصبيت
بابل؛اقعدي مازال
انا؛لا خلاص بنركب
ركبت للدار ورقدت من جديد نرقد بيش نهرب من واقع لي انا قيه نوم راحه ليا لو نقعد واعيه حتيكي وحنتنكد نومي خير
احب النوم فحياتي تميل الى الانهيارعندما اكون مستيقظا
عند محمود
مريم؛وين رهف شفتها ليوم
محمود؛عند هلها
مريم؛ليش
محمود؛شي ماسك ليوم قالتلي نبي نعدي عند هلي
مريم؛اها وانا معناها نكلم ميرا
محمود؛ديري جوك
مريم؛باه امتي طالع
محمود؛توا تبي حاجه
ميرا؛سلامتك
طلع محمود مريم كلمه ميرا وجتها وحت هاجر
ميرا؛وين رهف
مريم؛عند هلها
ميرا؛ليش
مريم؛قالي عشان ماسك
ميرا؛باهي صبي دريلي عشا
مريم؛باه شن تبي
ميرا؛اَي شي
مريم؛باه وصبت
هاجر؛زعما عدت حرجانه
ميرا؛انً شاء الله ادعي
هاجر؛بدون ماندعي رهف موضوعها منتهي حتشوفيها كيف حتبقا
ميرا؛احسن ربي يزيدها وانتي امتي تطلقي
هاجر؛رفعت عليه قاضيه قريب
ميرا؛تمام اشتغليً علي روحك وردي محمود لك
هاجر؛بس لازني الكلب
ميرا؛ردي غصبن عنا غبيه استغلي مشيتها الكلبه هذي وتعالي مكانها
هاجر؛صاح كلامك عارفه لي درته لها يخليها تكره حتي روحها وتهملها
ميرا؛صحه لكي هيا ديما تشرف فروحه علينا بلبسها المركات ولا مكياجها لي عمره ماسح تستاهل نبيها الها خاطري نمشي نشمت فيها ونضحك عليها
هاجر؛هههههههه قريب يا خبي ماعليكي نتمكن قبل وبعدها نوريها
ميرا؛شطووووره برافو تي تهبلي
.
.
كل وحده فينا عندها هم اكبر من لاخرا وكل وحده فينا قاعده فعالمها والهم واجد غير مقسم ماحد متريح لعند امتي حيدوم الحال هضا
#يتبع
رايكن يهمني
للكاتبه: فافو بوقرين
