حلقه(10)من
روايه منقووله🖤
#اليوم_الاسود
انا:جيهان قلبي يدق هوا
جيهان:وهيا تبكي اها هوا
انا:قعمزت نبكي نبيش يا جيهان نبيش نشوفه نبي نروح
جيهان:نكلمك ليث تروحي
انا:ياريت اي حد مهم نروح قبل لانشوفه
جيهان:باهي كيف ندير قعدت ترن علي ليث مايردش راهو
انا:قوليلهم ماتت مهم مانشوفاش
مرام:دق دف بنات افتحن باب
جيهان:هي شويه بس شن ندير
انا:افتحي ودروحي مريضه
جيهان:بس عمي حينفجع عليكي حرام
انا:والحل
جيهان:الحل انك تطلعي تواجي هضا دوم مش يوم ولد عمك هضا وماصيره جاي بيستقر هنا تقعديش ضعيفه انتي كنتي تقوليلي نحبش البنت الضعيفه اهو انتي اهولهن محمود خلاص انتهاء انتي قتيلي انك نستيه فا خلاص اطلعي واضحكي
انا:نبكي كيف تبيني نضحك وبنشوف لي كسرني برا نقدرش نواجهه
جيهان:جتني حطت يدها عليا رهف ماعاش لي يكسرك محمود تجربه تافها شوفي هوا عايش حياته بطول والعرض وفايتك انتي بتقعدي ضعيفه بعدين انتي حمد االله تخطيتي يوم الاسود ليش جايه توا بتوخري لالا نوضي معايا وقدمي واطلعي سلمي ولا كنه في بينكم حاجه خليكي يا جبل ماتهزك ريح وانتي مايهزكش محمود باعك وفاتك وكسرك وحذلك وكان حتي ح
انا:اسسسس خلاص اطلعي وسيبني
جيهان:مش حنطلع الا وانتي معايا لازم تواجهي وتعيشي حياتك لان محمود حيقعد هنا وريه انه مش هامك نوضي رهف عشان خاطري انتي ديما تقولي انا قويه وبعدين انتي حمد الله مرحله هذكي فتيها وطلعتي منها بتردي لورا توا هيا نوضي قدامي اغسلي وجك وهيا محمود ولا شي عندك ولد عمك فقط
انا:بس عنديش نيه نشوف وجها خايفه
جيهان:وليش بتخاف ومن من كلهم برا وانا معاكي نوضي هيا رهوفتي
انا:لا
جيهان:رهف هيا ومسكت يدي تنوض فيا
انا:باه
جيهان:خشي اغسلي وجك وتعالي نبيكي
انا:باه خشيت للحمام ورديت من نقطه البدايه جا وجاب معاه المواجع غسلت وجي وطلعت
جيهان:تعالي عندك مكياج
انا:مانبيش
جيهان:لا طبعا تبي وحنديرلك هيا قعمزي
انا:والله ماعندي نيه
جيهان:لا هيا واطلعي نفس رهف لي نعرفها بشخصيتها وماحد يقدر يطق فيها
انا:باه ومديتلها وجي دراتلي مسكرا من حديد و روج واحمر خدود وطلعتلي من نهايت عيني
انا:لا امسحيها نبيهاش
جيهان:لا انا نبيها
انا:ليش درتيها وانتي عارفه (محمود من قبل لم ندير خط من نهايت عيني يقولي عيونك سماح والخط هضا يزيدهم سماح ديما دريها)
جيهان:انا بلعاني درته لكي هيا بس سقمي ويشاحك واطلعي
انا:باه
جيهان:رهف ترعشيش تخافيش نبيكي رهف القويه
انا:باه
جيهان:هيا ومسكت في يدي وطلعنا
مـبردهـه الشعـور 😔 ههذاا الي فوقتت تكونـي فرحـآنةة بـتكلمـي شخـص
يمشـي البـرودد لَ ڥ قلـبَهه يقتـلكگ '😭💔
مرام:وهيا في مطبخ ساعتين وانتن جوا
جيهان:اها كنا نهدرزو محمود جا
مرام:جا خويا حبيبي
جيهان:وين مرايفين عليه
مرام:في صاله مع عمامي
جيهان:هيا رهف
انا ماشيه وقلبي يدق بعد سنين بنشوفه اه موعرها بعد محمود سكرت باب قلبي وطلعنا للصاله خشينا
بابا:رهف وين كنتي
محمود برم عليا طول وقعد يبحت
عمي علي:حتي انتي يا جيهان وين كنتن تعالن سلمن ع محمود
جيهان:جوا يا بابا نهدرزو
قدمت منه جيهان ومدت يدها وتكشخ خير
محمود:خير
جيهان:حمد الله علي سلامتك
بابا:تعالي يا رهف سلمي
انا:..
وجيت قربت منا شفت نظرته لها سنين ماعاد شفتها ومديت يدي وكانت ترعش وعيوني لوطه وكان واضح فيا الخوف كلهم قعدو يشوفو فينا
انا:خير
محمود:خيرات كبرتي
انا فكيت يدي ووخرت وجيت بنطلع
ليث:رهف
انا:نعم
بابا:كنك متحشمه
بابا:نعرفها رهف انا حشوميه
محمود:ماكنتش هكي من قبل بس شكلها كبرت وبدت تتحشم
عمي جبريل:تعالي سلمي عليا انا نسيتيني
انا:خير عمو نسيتكش بس تلاهيت وبسته علي خده وقعد ماسك فيا مرايف عليكي
انا:حتي انا
جيهان:هيا
انا:هي وكنت بنطلع ضبحلي صوت ليا سنين ماسمعته اسمي منا
محمود:رهف
ونا كنت مخنوقه ومع بخور وراسي يبرم بيا وشريط حياتي مع محمود مر قدامي من جديد
انا:برمت عليه بنقول نعم ونطيح بوم
بابا:صبا يجري رهف رهف كنك وجيهان تمسك فيا رهف وليث ومحمد كلهم جاوني ولم جا محمود:نشلوها للمستشفي بيرفعني جيهان عيطت عليه بعد انت بذات بعدد تمسكهاش
كلهم بحتو فيها مستغربين منها
بابا:كنها شن صارلها
جيهان:ماخذتش دواءها
بابا:عدي جبيه الها اجري
وعدت جيهان تجري تجيبلي فيه وانا طايحه شمرني ليث حطني ع صالون وكلهم طلعو ماعدا ليث
ليث:ياخالي نشيلها للمستشفي
بابا:لالا نعرفها انا مش واخذه دوها ولا واكله
جت جيهان تجري هاك عمو بابا خذاه مني وقعد يبخلي في فمي
جيهان:عرفتها انا لم تزعل يضيق نفسها
بابا:برم عليها ومن زعلاها
جيهان:حد عشان متحانات زعلانه
ليث:تو نرفعها وخلي رجاله يخشو
رفعني ليث وطلع بيا خششني جوا دار بنات وجن بنات كلهن واعميمه كنك شن صارلك كلهم خافو عليا الا اسماء مبرده بكل فتحت عيوني وشفتهن كلهن جنبي
انا:نبي نفس مش قادرة
اعميمه:طلعن كرسي برا وخلنها في جنان وولا وحده فيكن تجي شورها
جيهان:الا انا طبعا وطلعتلي كرسي وقعمزت برا
انا:نبي نروح كلميلي ليث
جيهان:وعمي
انا:تو نقولا تعبانه بنروح وانت اقعد
جيهان:باه ونروح معاكي
انا:باه
خشت جيهان عليهم
بابا:شن جوها
جيهان:كويسه تبي ليث يوصلها للحوش وانا نمشي معاها
بابا:لالا تو نروح وصبا هيا تصبحو علي خير
عمي جبريل:والله ماصارت قعمز ياراجل وبنتك كويسه وبعدين انت بروحك قلت تجيها حتي في حوش
جيهان:هيا مسره انها تروح هيا انت اقعد وليث يوصلنا ويقعد معانا لين ماتجو بابا انا مع رهف بايته اليوم
عمي علي:باه تمام عدي خليهن يا محمد
بابا:باه تم عدن
جيهان:كانت تحكي معاهم وشافت محمود طلع
.
.
.
عندي انا
كنت مقعمزة وحاسه روحي دايخه
محمود:رهف كنك ضاعفه
انا:.....
محمود:نكلم فيكي
انا:......
محمود:سمحيني رهف اسف واالله ماكان عندي عقل وقتها كنتش فاطن
انا:محمود صبي من جنبي
محمود:سمحيني جاي من برا وقلت ياربي اجمعني بيها من كثر مامرايف عليكي
انا:بديت نبكي محمود صبي
محمود:سمحيني طالب منك السماح
انا:صبيييييي
وطلعت جيهان جت تجري
جيهان:نعم شن تبي انت يراجو فيك جوا
محمود:نبيها تسمحني
جيهان:هههه تسمحك ع شنو ولا شنو صبي الله يربحك من يوم ماعرفتك وهيا ماشافت يوم تخبر بيه
محمود:كنش عقلي ف راسي
جيهان:وعقلك جا في راسك متاخر هيا نوض بنت مريضه ومش متحمله صوتك بعدين من يوم ماعرفتك يا محمود وهيا لورا يوم اسود لي عرفاتك بيه حباتك بكل حب عندها بس انت خذلتها بكلامك وووو مهم توا صبي هيا
محمود:جيهان صدقيني انا نادم والله ماكنت بعقلي
جيهان:لا كنت بعقلك بس انت حقير من يومك راد توا بتلعب من جديد هيا غادي هيا مانعيطلهم
محمود:كنك قاسيه انتي رطبي جو وخليها تسمعني (كنت نسمع فيهم ودموعي نزلن وساكته)
جيهان:هههه انت اصلا القسا يوم لي جيت كسرتها بكلامك ماكنتش قاسي انت كانت تموت فيك كسرتها ومن منو منك انت لي اكثر واحد كانت تحبه فحياتها ماكنتش قاسي وقتها كانت فرحانه بيك وبيعيد ميلادها عشان تجيها وتقوللها كلام حلو انت شن درت درت عكس بسسبك عيد ميلاده قعد يوم اسود ماكنتش قاسي انت وقتهت ولا وقت لي كنت بتق (طلع ليث سكتت جيهان)
ليث:انا نسخن سياره ونجي رهف نرفك ولا كويسه
انا:تمام
ليث:كنك تبكي
انا:شي دايخه بس هيا طولش
جيهان:اها لان انغمينا وفربت من وذن محمود ربب يغمك
ليث:هيا باه
جيهان تديرلي في ويشاحي وتصبي فيا برمت ع محمود
جيهان:ع فكره انت الخاسر وجا ليث ركبت وهيا خشت جابت شنطي وحاجاتي وطلعت وشالنا ليث للحوشنا نزلت وركبت فوق قتلها بنرقد طلعت وسييتني نرقد رقدت فعلا معش نلعلم.بشي
.
.
.
عند جيهان وليث
ليث:اسمعي انا شاك ان في حاجه بين رهف ومحمود
جيهان:فيش منا كلام هضا
ليث:لا في منا
جيهان:لا مافيش وهيالك
ليث:ليش انتي سلمتي بببرودك وهيا سلمت بحوف فطنتلها لم يدها ترعش
جيهان:وووه انت تفهمش مريضه البنت مريضه
ليث:من شنو مريضه
جيهان:مريضه وخلاص تبيني نديرلك سندوتش
ليث:باه ان شاء الله تكون مريضه بس مهم لو محمود يكون يضايق فيها قوليلي والله نكسره اسنونه
جيهان:لا يضايقش تبي ولا لا
ليث:دريلي هي انا راكبلها فوق
جيهان:باه قبل ماتجي اسماء فكنا منها
ليث:بكل يا را تنزرطش بنعرف بس كيف خالي متحملهاا
جيهان:هههههه بكل والله
وخشت مطبخ وليث ركبلي ينوض فيا
ليث؛نوضي هيا نوضي
انا:كنك
ليث:نوضي نبيكي
انا:اوف كنك بنرقد
ليث:مافيش طبعا نوضي هيا
انا:واعيه نعم احكي
ليث:مسك يدي)اسمعي انا مش حنقولك انا كيف خوكي لان انت فعلا خوكي
انا:عارفه
ليث:في شي بينك وبين محمود ولو يضايق فيكي والله نكسره وتقعد بينا
انا:لا فيش شي
ليث:متاكده
انا:اها متاكده
ليث:ليش ترعشي مبدري وواضح انك خايفه
انا:كنت حاسه روحي بندوخ هضا ليش
ليث:رهف انتي متاكده
انا:اها متاكده
ليث:باه انشاء الله وقعد يهدرزلي
.
.
.
عند جيهان دارت سندوتشات وجت بتركب رن باب فتحت لقاته محمد وعمتي
اعميمه:شن جو رهف
جيهان:تمام
محمد:وينهي
جيهان:فوق هيا وليث
محمد:وليش عندها فوق
اعميمه:هيا نركبو وركبولي
.
.
.
انا:ليث شوفني نحس فروحي ساخنه
ليث:حط يده عليا جبهتي اه شويا وقعد يقلب في يدك ويلمس في يدي خش محمد وبدا في تفنيص والهزايب وانا مش متحملته كرهته من كثر مايدخل فيا
محمد:كيف هكي يا ليث افرض جا خالي وشافك فوق عندها شن بيقول وماسك يدها انت زودتها وهيا فتحه فمها عاجيها جو عاد نعن اممكم واحد بيجي يديى خير تخلوه يغلط
ليث؛وخليه يجي خالي ويشوفنا شن فيا رهف اختي ونيتي معروفه اتجاها انت بس النقص ضاربك مش حنعيش هكي يا نقسي وانت مدخلكش بينا كم مره نفولك فيها يا محمد فوتنا ماتحطش راسك براسنا فوتنا ياراجل ازح اطلع من راسنا
وانا كنت مغمومه وزدت انغميت ووجعني كلامه
اعميمه:ديما مدايرلنا مشاكل يا محمد انزل البنت مريضه مش ناقصها شي اطلعو انتم لثنن برا
ليث:نعن جد وجك جيتك بلجيات نكدي هض
جيهان:رهف تعدليش عليه
اعميمه:انتي كويسه توا
انا:اها حمد الله
اعميمه:باهي كويس جيت نطمن عليكي خلاص تريحي وبكرا نرن عليكي نطمن
انا:سلمك اعميمتي ليش تعبتي روحك
اعميمه:تعبك راحه مهم انتي كويسه
انا:اها حمد الله وجا بابا
بابا:خير امينه انستينا
اعميمه:سلمك جيت نشوف في رهف
بابا:حوش حوشك امتي ماتجي ها رهوفتي كويسه انت توا
انا:اها حمد الله
بابا:باهي حمد الله
اعميمه:خلاص انا توا تصبحو علي خير
انا:خليكي
بابا:خليكي مازال بدري
اعميمه:لا والله بدري من عمركم جيه نشوف رهوفتي ونروح غيث يبي عشاء
بابا:باه بيش تعوديها
اعميمه:اكيده هيا توا تصيحو ع خير
انا:وانتي من خير
بابا وجيهان:وانتي بخير
ونزلت اعميمه بابا هدرز معايا طشه وطلع جيهان خشت الحمام حتني اسماء
اسماء:كيف تخششيهم وانا مش قاعده في حوشي
انا:والله نفس ماهوا حوشك حوشي واعميمه حوش خوها وليث حوش خاله
اسماء:ماه دروحك مريضه ليش تلاطعي فيا
انا:لانك مش محترمه الضيف لي يجينا مش حوشك بروحك هضا حوش بابي وبعدين ماانتي تجيبي في هلك كلهم واختك 24 ساعه تبات عندنا جت ع هلي يا بابا يا بابا
اسماء:ليش تضبحي توا احسكه
انا:فييك
اسماء:وبعدين طروح انك مريضه مت يمشنش عليا انضر شن في راسك
انا:دخلكش اطلعي برا
اسماء:مش طالعه هي دروحك مريضه وقعدت تخبط فيا من ظهري جت جيهان شافتها
جيهان:ليش يااعميمه حوديها يدك
اسماء:حي حي وانتي امتي جيتي اوووف ونا نقول من خش المطبخي دارير سندوتشات
جيهان:اها انا خشيت
اتا:يهبل سندوتشات يا روحي حوش عمك انتي ماتبي خشي(وانا اصلا ماذفتهنش نفس مهنا قعدات
اسماء:واللهي فتحتها سيباا انا عمتك تجي وعيال عمتك والله اعلم شن كنتن ديرن مع ليث اااه مشيات ع حل شعركن ومعاكن شاب انضرر
جيهان:شنو شنو قبل لا تحكي علينا مصمصي فمك نحنا صقع عليكي واشرف منك ومن عشرة زيك
انا:كنشي هذينا حركاتك لان نحنا متربيات ونعرفو ربي ونصلو في صلاتنا دور عليكي انتي لي حتي قبله ماتعرفيها وين قبل ماتحكي علينا شوفي روحك واختك
اسماء:توا شن دخل اختي وضربتني ع ظهري خزي والله مانك متربيه
انا:ااااه يدك
اسماء: وشكلا جديات ليث ههههه وسكتت وجت ضربتني كف حتي لو مانصليش نعرف ربي ومانديرش في حرام مش كيفكن
جيهان:حيي كسره في يدك
اسماء:برا من حوشي انتي كلمي خوكي يروح بيكي
انا:قعدت نبكي وضربتها ليا ااااه قعدت نعيط بابا بااياا يا بابا تعال وقعدا نبكي باباببااااا تعال يا بابا اه تعال
بايا:جا يجري شن فيكي كنك
انا:نبكي شوف اسماء شن تحكي علي بنتك وجيهان شاهده قالتلنا هابا عليكن انضر شن يدير ليث عندك ونبكي وبعدها لزت جيهان وتقولي حوشي وليش عمتك جت ونبكي قعدت فشيت غلي وانا مريضه وضبرتني كف شوف خدودي انا تعبانه انا تعيانه ااااااه يا بابا تعبانه معش بنقعد معاها تعبتلي نفسيتي وطعنت فيا انا وبنت عمي وااالللهي تعبانه وقعدت نعيط انكلبت كنت محاتجه للعيطه هذي تعبت بكل
بابا:جاني مسكني اسس سلم بنني اسكتي انتي مريضه
انا:بابا وطحت ع مخده
بابا:رهف نوضي بنيتي نوضي بنتي وقعد يعيط جيهان تبكي كله منك يا حقيره
انا:فتحت عيوني تمام يا بابا بس طلع اسماء
بابا:اسمااااء صار منا كلام
اسماء:بعد شفتني هكي خافت وزادت خافت لم شافت عيون بابا قلته بس كنت معصبه فطنتش وقت حمقه وحتي هيا
ويمشي بابا هووب يضربها كف قدامنه
بابا:هذي بنتي فاهمه هذي بنتي كم مره نمشي فيكي بيش نزعلكش ونشوف فيكي كيف تعاملي فيها ونقول بالك تتغير واول ماخذيتك قتلك ان عندي بنت ونبيكي تكوني امها بس انتي كنتي ديما مرت بوها لو مره ثانيه نسمعك مديتي يدك عليها نقطعها لكي ومازال احسابنا هيا قدامي وطلعو
جتني جيهان تبوس فيا انتي كويسه
اتا:اها
جيهان:احسن حاجه ان طلعتي كل لي في قلبك وتريحي لانها كثرتها عليكي حبي خفت عليكي لم دختي من جديد
انا: انتي زعلتي منها كويسه تخافيش عليا بنتريح بس تعبت
جيهان:لالا مش معبرتها انا اصلا مهم عندي انتي شفتي جا وجاب مشاكل معاه وجه نحس ارقدي عيوني حتي انا تعبانه نشوف يوسف ونرقد من مبدري وهوا يرن
انا:باه تسيبنيش
جيهان:لالا مش مسيبتك حنكلمه هنا قدامك
انا:باه
جيهان:نجيبلك حاجه قبل لا ترقدي
انا:سلامتك مهم تعالي ارقدي جنبي
جيهان:وسعيلي وخشت جنبي رنت علي يوسف
يوسف:وينك حبيبي
جيهان:قتلكش ان انا قاعده عند عيت عمي محمد
يوسف:ليش ماقتيلي شن قلنا في موضوع هضا
جيهان:ماهو رهف طاحت علينا داخت وروحت معاها انا
يوسف:من روح بيكن
جيهان:عمو محمد
يوسف:كنك زعلانه
جيهان:علي رهف وجعتني
يوسف:ربي يكون في عونها
جيهان:امين
يوسف:خلاص حبيبي اضحكي
جيهان:حاضر يا غلايا شن حو عيادة اليوم
يوسف:تعب مانحكيلك
جيهان:نغار من لي يجنك انا
يوسف:والله مش واحد عشان اغلبهن يمشن للدكتورة تهاني وممريضات هنا لي يكشفن انا عبارة ان نقرا تحاليلها وشن عندها وهذي عاشر مره نقولها لكي يا حبيبي
جيهان:اممم باه مهم عيونك لوطه
يوسف:واللهي عيوني مايشفوش الا فيكي
جيهان:تحبني
يوسف:من جدك تسالي فيه سؤال هضا
جيهان:اها من جدي وين جوابك
يوسف:جوابي انتي عارفتيه كويس وكل يوم نقولك فيها انا نعشقك انتي دنتي بدونك اتا ولا شي
وكيف #مابدي حبك وانتي كل #دنيتي💙✨
جيهان:امووواه واتا نموت فيك
هدزو شويا ووعينا ثاني يوم صبح
انا:جوجتي نوضي
جيهان:فوتيني بنرقد
انا:به نخش حمام ونجيكي
صبيت خشيت حمام (حشاكم) درت دوش ساخن ريحت اعضامي وطلعت لبست توتي وكديت شعري ونزلت لوطه مالقيتش اسماء ركبت فوق نوضت جيهان وخشت الحمام وطلعت لبست مني توته ونزلنا درنا فطور وفطرنا وبرمنا ع حوش طشه ورن جرس الباب مشيت بنفتح
انا:من
#يتبع
للكاتبة
fafu Bogrien
بنات شكرا لكل وحده تدعم فيا بكلامها الحلو نفس Onun lhişaml قالتلي راك تفكري تسيبنا لا خلاص حودت الفكره من راسي وعجبتني لم قالتلي نخطفك تقعدي تكتبيلي كل يوم ونا نقولك عيوني لكي عندكش مشكله وشكرا ع تعليق سمح وكا وح
