حلقه(16)
روايه(منقوووله)🖤
#اليوم_الاسود
محمود:مسك يدي اهدي كنك ترعشي انا نبيش منك شي غير نسمع جوابك ولو ماتبيش براحتك
انا:محمود
محمود:عيونه
جيهان:هيا رهف عمو يضبح
انا:باه خذيت شنطي ومشيت وكاين عقلي معاه
محمود مش وقتها بكل تهبل😍لقني طحت بوجي
سيف:هيا يا را
محمود:شنو كلام هضا وبعدين معش تنابشها رهف
سيف:دبه قصدك
محمود:اها فوتها
.
جيهان:اووي انتي كلبه احكي
انا:مش بابا قال هيا
جيهان:اها بس اسماء قالت خاطري في حلوه قطن مشو مهم اركبي واحكيلي قبل لا يجو
انا:باه اسمعي مبدري رن عليا محمود ووو.......
جيهان:صح حتي انا نسيت نقولك ان مش متزوج بس والله مافضيتش شفتي حوسه العرس
انا:عارفه
جيهان:انتي شن رايك
انا:مش عارفه
جيهان:عاطي فرصه للروحك ومحمود عجبني انا واضح عليه ان ولد ناس وشفتي كم مره اجتمعتو بالك خير لكي ادبالك تلطي ساد ايمن سمح لي رفضتي وتوا خاطب ولا ايوب لي مافي حاجه مادارها وقلتي لا سادك وغيري طبعك لي فات مات ومحمود هوا لي باعك ومش كلهم زيه صح ولد عمك ودمه من دمك بس مش كل حد من دمك كويس ولو فكر هكي معناها كلهم نفسه مرات مش من دمك وخير من لي من دمك عارفه انك مره قلتي ماحصلتش خير من ولد عمي بنحصل من غريب وانا نقولك اها تحصلي اهو يوسف مش قريبي بس شفتي كيف مدلعني بلاش يوسف يا ستي نورهان شفتي شن حصلت من سفيان وكيف معيشها صح قطعاتنا بس لم تحصل فرصه تسال محمود انسيه تفكريش فلي داره حقير وربي يردها له كما تدين تدان
بابا:طولنا
انا:كنت نسمع في كل حرف تقولي فيه ومع كل حرف ينزلن دموعي بعدها جا بابا مسحت دموعي لا طولتوش
جيهان:لا عادي فهمتي كبيدتي
انا:فهمت
اسماء:برمت علينا انضر فيش يخططن
وركبو وعدينا للحوش عمي جبريل حطينا جيهان وكان عقلي في كلامها هل صح ام غلط وصلنا ونزلت ركبت طول بدلت ورقدت نفكر في كلام جيهان لي مانعست مع ساعه 1 رن
محمود:خير فكرتي
انا:ايش
محمود:راقده جايك نوم وانا نراجي فيكي ترني
انا:بصوت نعاس مع دلع 😉نعست والله
محمود:نعليا باهي نوضي صحصحي بيش نتفاهمو
انا:احكي مصحصحه انا
محمود:تي اين مصحصحه بتعبيني انتي نوضي هيا
انا:باه اصبر
محمود:بنقعد ع خط
انا:باه نزلت شربت ميه وغسلت وجي وركب
شمرت نقال وقعدت نسمع في صوت انفاسه بعدها
انا:نعععم😑
محمود:ايوة هكي تمام فكرتي
انا:مازال
محمود؛بس نبي قرارك توا
انا:بس نعرفش وخشت جيهان انتظار اشويا بس جيجي خشت انتظار خليك ع خط
محمود😡باه
انا:نعم
جيهان:تكلمي في محمود
انا:اها
جيهان:تقولي لا نهارك تقعدي جنب وجه اسماء عاطي فرصه لروحك ووافقي سلم رهف انتي مازالتي صغيره ترفضيش جربي ولو ماتريجتيش فوتيه
اتا::باه حاضر
جيهان:تشاو نشوف اوسيفه
انا:باي وسكرت مني
محمود:ايوة مكثر دوتكن
انا:اخر طولنش والله
محمود:فكرتي
انا:
.
.
.
يوسف:قصقصتي تمام انتي متريحه توا
جيهان:ههههه اها متريحه نبيها تطلع من لي هيا فيه شكلا محمود كويس وتريحتله
يوسف:والله راجل
جيهان:صاحبك طايح بوجه
يوسف:تستاهل رهف بنت اصليه
جيهان:عارفتها 😍
يوسف:حكيت للامي
جيهان:😨شنو حكيت
يوسف:قتلها
يوسف:امي نبيكي في موضوع
امه:نعم يا سيفو
يوسف:امي في بنت عجبتني ونبيها
امه:حمد الله لي سمعت هل كلمه منك يا سيفو طيب فيا
وصال:نعرفوها نحنا (وصال مرات خوه ياسر مواليد 88 وراجلها 82 )
يوسف:اها جيهان اخت صاحبي
اسيل؛نعرفها جويجه تهبل انا موافقه(اخت يوسف مال92
وصال:😒ربي يهنيك
يوسف:وتو روحكم بيش نشلكم الها
حنان:ربي يهنك انا مانعرفها بنت مهم راحه (مرت خوه جابر )
نعرفكم علي عيله يوسف
خوه الكبير ياسر مواليد ال82 ومراته وصال م ال86 عندها بنت
خوه جابر م ال84 ومراته حنان ال88 عندهم ولدين
خوه يوسف جلال ال85توفا في حادث كاين قريب من يوسف بكل
بعدها يوسف ال87
ياسمين م 88 ومتزوجه وعندها بنت وولد
واسيل:اخر عنقود م92
وبات يوسف:صالح متوفي
يوسف:تسلمو مهم انا ياامي قتلك
جيهان:يعني انت ليا
يوسف:باذن الله لك نحبك
.
.
.
عندي انا
انا:اها فكرت
محمود:شنو
انا:قلت لا
محمود:ليش شن شفتي مني نتعرفو
انا:ههههه نبصر موافقه خلينا نتعرفو توا
محمود:موافق مهم سمعت كلمه موافقه
انا:تمام تبي تعرف شي عليا
محمود:كل شي عارفه
انا:امم ومن وين عرفت خطرها
محمود:سر لعند ماتقعدي تحبيني نقولك
انا:هههه باه
محمود:تهبل الضحكه دوم
انا:😊😊سلمك
محمود:انا عندي 3خوات ميسون اختي كبيره مواليد ال84 متوفيه راجلها اسمه احمد مواليد ال80 متوفي توفو في حادث سيارة وعندهم سيف وانا لي نربي فيه مواليد ال2009 وبعدها انا مواليد ال86 وبعدها ميرا ويعدها مريم
انا:ربي يرحمها ويخليلك خواتك وامك
محمود:تسلمي ويخليكي ليا😍
انا:طبعا عارف ماعنديش خوات لا وخوت
محمود:عارف ان امك متوفيه الله يرحمها وعايش مع باتك ومراته
انا:اها صح
محمود:وجيهان اقرب وحده لكي
انا:اها😕صح
محمود:عارفك سمحه
انا:اكيده😎
محمود:ثقه ولا غرور
انا:ثقه
محمود:اصبري نعم
سيف:في شنو دير
محمود:شي كنك تبي حاجه
سيف:بترقد معاك
محمود:باه
سيف:تعرفه بنت دبه
انا:😠😠كنه يقولي دبه توا انا دبه
محمود:هههههه احلي دبه كنها يا سيف
سيف:يا را بارده تلعب وهيا ديه وكبيره
محمود:ههههه كنك معاها انت
سيف:انا حبيتهش يا را
محمود:باه معش تقول يا را خيرلك
سيف:باه بس هيا طرف را😍
محمود:من
سيف:بنت دبه
انا:😁😍
محمود:انت تعرف توا شن معناها طرف
سيف:تي من مايعرف يا را معناها سمحه ومززا وفمها
انا:😱😱هضا خش علي فمي
محمود:ضربه سكر فمك شن كلام هضا من معلمك هكي تعاودها نكويك بدخان
سيف:تي باه يا را نسمع في ليث يقول فيه
انا:كشف بيك يا ليث
محمود:معش تقعمز مع لكبار
سيف:يا را احسن واحد ليث يدهور فيا ويشريلي في شكولاطه
انا:ههههههه شكلك بخيل
محمود:لا والله ماصارت بس هوا مايشبعش
سيف:انت تكلم زي ليث وانا كني
محمود:ارقد ولا اطلع
سيف:مش حنسمعك احكي
محمود:هههههههه خطير فرخ هضا
انا:بكل والله
محمود:اركح
انا:نعسانه انا وانت شوف سيف
محمود:والله تصدقي مانتمناش انك تسكري
انا:نعسانه بس كما هضا حكيت معاك
محمود:تم تصبحي علي خير
انا:وانت بخير
سكرت منا وكنت فرحانه رقدت ونا نفكر فيه نضت مع ساعه 6 خشيت حمام حشاكم وتوضيت وطلعت صليت فجر ونزلت لوطه درت حليب وشاي وكعك فطرت في جنان وركبت فتحت نت ولقيت محمود دازلي طلب قبلته شويا وهكي دزلي رساله
محمود:واعيه
انا:لا راقده من حلم نحكي معاك
محمود:ههههه شن موعيكي
انا:شي بروحي وصليت فجر وانت كيف وعيت
محمود:كيف خشيت للحوش ومارقدتش اصلا كنت في المستشفي عندي حاله ولاده مستعجله
انا:اها باهي ربي يعاونك
محمود:سلمك
انا:خلاص امشي تريح وبدل دبشك
محمود:باه نتلاقو
اتا:ان شاء الله
وركبت فوق رديت رقدت وونضت ع ساعه 1 خشيت توضيت وصليت ظهر ونزلت لقيتهم مش قاعدين كلعاده اسماء ردت تدرس وبابا في عمل قعدت مكسده بروحي لين ماجا بابا فتح باب
بابا:رهف تعالي
انا:هي وطلعت برا شفت سيارتي كان لونها حمر انا فرحانه واخيرا وجيت ضبطته تهبل بكل ربي يخليك ليا بابا حبيبي الله كل مانكسد نطلع نحبك
بابا:باسني ويخليك ليا راهو سياره باسمك وامسكي رخصتك
انا:شكرا بابا حبيبي
بابا:اسمعي في ظهر قبل ساعه 2ونص تكوني هن وفي عشيه قبل ساعه8 تكوني هن فاهمه
انا:فاهمه حاضر به
بابا:سلم بنتي عجباتك
انا:بكل تهبل عادي نطلع بعدين
بابا:باه بس بروحك في عشيه حاليا لا في وقت جامعه بس عادي
انا: وفي عشيه من ناخذ
بابا:اسماء
انا جيت قربت من وذنه
انا:ساد في حوش قدام وجي حتي برا
بابا:ههههههههه ام لسان انتي باهي امشي للعمتك خوديها دهوريه هيا بروحها ماعندها حد
انا:😍😍باه بسته شكرا يااحلي بابا ركبت نجري فوق رنيت علي عميمه وقتلها ووافقت وجيهان طبعا بس قالتلي اروي ديرتلهم زياره تغديت وقعمزت مكيجت ولبست بلوزة قصيرة سوده وبنطلون واسع اسود بل ابيض وكويش ابيض وويشاح دمي وشنطه دميه وطلعت وصلت بيبت كم تبيبه طلعلي ليث
ليث:اووو ع الحركات والجو وين وين
انا:هههه شفت سمحه
ليث:شفت اها تهبل انزلي نجربها
انا:باه نزلت وخشيت جوا لعميمه خير
عميمه:خيرات
انا:بستها وينك يا عميمتي ليا ساعه نبيب
عميمه؛والله مافطنت هيا
انا:اها هيا
طلعت انا وياها وجا ليث درس
ليث:👍مشاء الله عليها سمحه تبيديها بل هناء
انا:سلمك امتي ماتبيها هيا لك
اعميمه:مشاء الله عليك سيارة تهبل
ليث:عارفك ماتقصريش امي اركبي شويا بس نبي رهف
اعميمه😤ووه من اسراركم
انا:كنك
ليث:مرام معصيه بكل معايا
انا:من اي ناحبه
ليث:تبيش تقولي نحبك
انا:هههههه وسع بالك مالكمش اسبوعين
ليث:بجو نبي نسمعها منها
انا:عاد اهدا مش من اول اسبوع وخليها بجوها
ليث:باه وجك فيش منك فايده
انا:هههه باه طلعت وركبت سيارة وطلعت كنت نهدرز مع عميمه رن نقالي شفته محمود فته قعد يرن لين مارديت
انا:ايوة جيجي
محمود:كنتي في شارعنا صح
انا:اها صاح ليش
محمود:سيارة من هذي
انا:سيارتي
محمود:قصدك درتي سيارة
انا:اها اليوم كيف جتني
محمود:مبروك بس نحبش مراء لتسوق
انا:يصير خير توا جنبي عميمه نكلمك بعدين
محمود:تم
سكرت منا ومشينا ندهورو نزلت عميمه خذت كم لبسه وانا خذيت بلوزة وشورت وبدي متاعت حوش يهبلن عميمه كانت تتفرج جيتها
انا:اعميمتي وقت
اعميمه:باه هي وطلعنا روحت بيها ومسكتني وقالتلي ليث يروح بيكي نزلت معاها وطيبنا عشاء جا غيث لم شافني قالب وجه
عميمه:توا نجي نصلي
انا:باه
وخش غيث للمطبخ
انا:خير
ليث:لي يشوف وجك بيشوف خير يستر الله
انا بحتت فيه وسكت وجعتني كلمته انا مادرتلا شي بس زمطتها وسكتت
غيث:قرب مني فوتي ميرا فاهمه
انا:فهمت قصده باه وكنت بنطلع مسكني من يدي بلقوة وردني مكاني تسمعي فيا
انا:خفت منا منظره كاين يخوف باهي حود معش نقربها
غيث:عندك عين تهددي وانتي تصيعي مه محمود
انا:نصيع مع عينك تحسابني نفسكم حود يدك بنطلع
ليث:قعد يعيط صقعع عليكي ميرا مش كيفك والله حلال توا نقول للخالي يرد يربيكي طبعا تربيتي برا وبلا ام شنو بيطلع منك
انا لم سمعته قال بلا ام وجعتني نفسي وقعدت نبكي
انا:باه بارك الله فيك ممكن تحود
غيث:سمعتي ميرا خط حمر
انا:كنت نبكي معقولة هضا
انا:سيب يدي انا مدرتش شي هيا استفزتني .غيث: كنت نراجي فيكي واهو جيتي لعندي ميرا مالكش علاقه بيها فاهمه ميرا خط حمر
انا:سبحان الله كيف كنت توا خلاتك تسمع في كلامها انت بوذينه وبعدها بوم عطاني كف لين طحت منا ووذني قعدت تزن
غيث:يعيط احسن منك يا ساقطه والله نوريكي عند خالي ودف كراعي بكراعه
انا قعدت نبكي من جدي كلامه ليا وضربته اه يدي صبيت خذيت شنطي ولبسة ويشاحي وطلعت طول لسياره شفت محمود يرن طول رديت كنت نبي حد نحكيله
محمود:كنك طالعه هكي من بيروح بيكي
انا:😭حد بروحي
محمود:كنه صوتك
انا:انفجرت وقعدت نبكي محمود ليش هكي حياتي نفرحش بكل
محمود:كنك تبكي احكي كنك في حد لمسك رهف احكي
انا:شي بس بنروح
محمود:رهف احكي في حد قرب منك
انا:لا ونبكي
محمود:ليش تبكي
انا:شي
مجمود:انزلي من سياره
انا:نقدرش خلاص بنروح
محمود:انا قلت انزلي
انا:محمود حد يشوفنا خليني نروح
محمود:انزلي قلت انا
انا:لا خلاص بنروح سلام سكرت خط
محمود:جا شوري ودقلي ع قواز انزلي قلت
انا:فتحته محمود انت تبي تفصحني امشي
محمود:انزلي انا قلت
انا:شن منظري شن بيقولو ناس
محمود:مافيش حد انزلي معايا فتح باب ومسكني من يدي وشالني للحوشهم وخششني للجنان من لورا
محمود:بحتي فيا في حد لمسك
انا:لا
محمود:ارفعي راسك
انا:نبكي محمود خطاني كنك انتي خطاني معش تحكي معاي خطاني
محمود رفعلي وجي وشاف في علامه وخر الوشاح وشاف اثر كف
محمود:من لي ضاربك
انا:حد حود بنطلع
محمود:من ضاربك
انا؛حد بنطلع
محمود:ورحمه امك من ضارب
انا:قعدت نبكي اه يا ماما تعذبت بدونك ربي كتبلي شقا والهم كنه حظي هكي يا محمود كنه وقعدت نكبي محمود قرب مني ومسك يدي
محمود:من لي مد يده عليكي نقطاعها وراسك تقوليلي من ورحمه امك
انا:نبكي غيث
محمود: فنص عيونه وليش يمدها يده هل ف.. ولد.. ماهوش راجل ليش مدها يده ليش احكي
انا:نعرفش نبي نروح
محمود:رهف ليش مدها
انا كنت خايفه نحكيله لي صار يقتل اخته ونكون انا سببها سكتت وبس
انا:نعرفش حود
محمود:مسكلي يدي
انا:اه تمسكنيش حود يدك
محمود ليش خايفه مني رفع يدي وشاف علامه يده قعد يعيط والله نوريه والله اندمه عليها قرب منك
انا كنت ساكته ونبكي
محمود:قرب منك احكي متخافيش مافيش راجل يقربك وانتي معايا احكي انا كنت ساكته ونبكي وبس بعدها فجاء قرب مني بكل وضبطني بكل قوه وقعد يهمسلي ونفسه في رقبتي متخافيش انا خوكي قبل مانكون حبيبك في حد قرب منك اما انا كنت في عالم ثاني من كلامه ورجولته حسيت بل امان لم ضبطني قعدت نرعش وخايفه نفسه فرقبتي وفي نفس وقت حسيت بشعور غريب واول مره نحسه وتمنيت مانبعد من حضنه بكل زدت بكيت
