حلقه(43)
روايه (منقووله)🖤
#اليوم_الاسود
.
.
أحبك بأنانية كبيرة فلا أريدك ان تتحدث مع غيري ولا أن تمزح مع غيري هذة انا بتملكي وغيرتي المجنونة ❤
.
.
صبيت وخشيت مطبخ نسمع في صوت فل جنان طلعت ونشوف
انا شفت محمود مع هاجر وهاجر حطه يدها علي راْسه ومقربه منا واجد بكل نبحت فيهم ومنصدمه شافني محمود حود يد هاجر وجاني وجه دم
محمود؛هاجر جت عشان راسي ينزف كانت تشوف فيا
انا؛باه
وقربت دفيت هاجر وجيت قدّامه انا
هاجر؛محمود
وقربت منا بتحط يدها من جديد وقاحه بعد هكي مافيش ونمسك يدها ونطيحها الها بقوتي
انا؛خلاص خشي جوا سيبيني مع راجلي لو سمحتي
هاجر؛اه يدي كنك انتي را تكوني فهمتي غلط
محمود مسكني من كتفي وخولت من جنبه
محمود؛رهف والله مداير عركه وهاجر
انا؛اس مافهمتهش شي غلط وراجلي وعرفته ممكن تخشي جوا توا انتي
هاجر بحت فيا عندها عين بتقرب منا من جديد جيت غُطيت علي محمود
انا؛لو سمحتي خشي
هاجر؛عليك تخلف
وبرمت وخشت بحتت فيه
محمود؛والله الله متعارك وهيا شافتني جتني تجري قالتي نشوفك كنك
انا؛ماتحكيش معايا
محمود؛والله فهمتي غلط .....
وخشيت وسيبته شلت لميه للعميمه وقعمزت غصه فيا نبي نعيط نبي تهزب نبي نفش غلي نبي نبكي مقربه منا كنها تبي تبوسه مقرب واجد ولي قهرتني هوا ساكت
اعميمه)رهف
انا؛ها
اعميمه؛شن رايگ يوم جمعه نعدو مع بَعضُنَا
انا؛باه
هاجر؛سن صار في محمود يا رهف كويس
انا؛مدخلكش بيه
اعميمه؛كنك
وكلهن بحتن فيا
ميرا؛كنه محمود
مريم؛كنه
هاجر؛مضروب ورأسه دم وكنت نشوف فيه وشافتنا رهف شكلها زعلت
ميرا؛كيف وين
وصبت وصبت مريم وهاجر طبعا
انا؛كويس مافي شي وطلع لشارع
اعميمه؛سؤ بعيد كنه ولدي
انا؛نبي نركب مرضت شويه
اعميمه؛عدي شوفي راجلك
انا؛كنت عندا كويس
صبيت وركبت فوق وهنا طلعن يسألن علي محمود من كثر الغصه لي فيا نسيت حتي ضربت محمود ونار شايطه فيا كيف يسكتلها كيف منسجم معاها اكيده يحبها اكيده حن للماضي اكيده حنلها قعمزت نبكي قربها منا جنني صبيت سلحت دبشي ولبست توته وجيت رقدت نبيش نشوف وجها بكل مضايقه منا درت روحي راقده اصلا عارفه لو حكالي حنسامحه وونا اصلا كنت مضايقه سمعت باب شقه درت روحي راقده خش لدار شافني راقده قعد ينوض فيا
محمود؛رهف نوضي عارفك واعيه أقسمً بالله مافي حاجه بينا وفاهمه غلط
مابيتش نرد
محمود؛رهف حبيبي والله مافيش شي بينا ازح كيف اختي
ونسمع كلمه هذً ونبرم عليه
انا؛شنو شنو زي اختك خواتك اثنين ميرا ومريم بس خاطيها ماعندكش خوات انت مش محترمني مصبي مع حبيبتك القديم ولاصق فيها بكل ثقه وانا نملح صاح نملح مش مدايرلي قدر افرض شافتك اعميمه معقوله نا ولا شي عندك لدرجه هذي تشوف فيها ولاصق فيها وانت منسجم شفتكً انا ساكت هايم حنّيت للماضي تبيها اهو تبي تطلق خودها مهم تزعلش حظرتك
محمود مسك يدي
محمود؛معش تقوليها ليا دوه هذي فاهمه اين حنّيت ازح قتلك شافتني جت تجري والله الا هبله تفكري هكي
انا؛فرصتها بيش تلصق فيك
محمود؛رهف عيب دوه هذي هيا متزوجه وعندها عيال
انا؛وتبي نطلق عادي عندك فرصه
محمود؛ررررررهف ..... معش تحكي هكي بلا استفزازك قتلك مافي شي ولا انتي دوري فل حس
انا برمت وجي ورديت رقدت
انا؛أوكي مش انا مستفزه مش أنا ندور فل حس تمام باه طفي ضي بنرقد
محمود؛نوضي احكي معايا تي ..... انتي فاهمه غلط مش هامك درت عركه كل لي هامك ليش نوقف معاها مش خايفه عليا
مابيتش نرد عليه وغمضت اعيوني
محمود؛نحكي انا
انا مانبيش نرد
صبا من جنبي
محمود؛تمام خليك علي جوك هضا
وطلع مابيتش نطلع ورآه ولا نجي سوره وبكل برود درت روحي راقده ونا اصلا واعيه صورتها وهيا مقربه بين عيوني راجيته ماجش رقد جنبي قعدت واعيه ونفكر لين رقدت
ساعه 9
نقالي يرن شفته ليث
انا؛الو
ليث؛راقده
انا؛اها
ليث؛شن جو راجلك
انا؛كويس
ليث؛امس دار مشكله بدون سبب
انا؛هوا ومن
ليث؛هوا ومحمود ولد خالي جِبْرِيل
انا؛شنو محمود قصدك متعارك مع محمود
ليث؛سمع محمود وهوا يسال عليكي هجم عليه عطاه طريحه سمحه الله مسحلي كبدي درت روحي نحز
.
انا نفكر حي عليا متعارك مع محمود عشاني ثاني مره هذي عارفه محمود مش حسيبه فحاله
.
ليث؛محمود ولد خالي جاي شورك منابشك راجلك ضربه ضربه متاع فشت غل متاع حد منابش مراته
انا؛نتلاقو نحكو فيه موضوع هضا
ليث؛انا خايف محمود يشكي فيه وهذي ثاني مره قالي
انا؛حي عليا ربي يستر بعدك محمود حقير احقر منا ماشفتش مايبش يهنيني يا ليث محمود ولد عمي قهرني يحكي عليا للراجلي
ليث؛حي علي امه شن حاكي عليكي عارفه لو نحسابها هكي كنت طحت فيه حتي انا
انا؛يستر الله حسك خوفتني
ليث؛متخافيش حي علي امه حي مني
انا؛خلاص فكنا منا
ليث؛أمشي شوفي راجلك
وخش عليا محمود
انا؛باه خلاص نتلاقو
ليث؛تم تشاو وماعليكي فيه
انا؛ان شاء الله خير سلام
سكرت منا وبحتت في محمود صبيت من سريري
انا؛كنت نكلم في ليث واهو نقال
مديته له وكنت بنطلع مسك يدي
طبعا كنت حاسه روحي اني غلطت فيه بس نكابر نبي نديرلاً هكي عشان معش يقرب منها بكل
محمود؛نبي نحكي معاك
انا؛نبي نخش للحمام
محمود؛باه
خشيت حمام وطلعت صليت و غيرت لبستي وكنت حابه نقهرن لبست شورت اسود وبدي حمر كت مرفوع فوق ومكيجت ودرت شعري قرن فوق وطلعت كاين مداير قهوه ونا نسكافيه ويراجي فيا قعد يبحت فيا وساكت مسكين وجيت قعمزت جنبه
محمود؛درتلك نسكافيه
انا:شكرا
محمود؛رهف
انا؛انت ومن تعركت
محمود؛ليش تسالي وانتي عارفه مش ليث قالك
انا؛ليش ضربته افرض يشكي فيك
محمود؛هوا راجل يشكي
انا؛بس هوا حقير وحيديرهاا
محمود؛خليه يشكي اهم شي ضربته
انا؛محمود فوته قصه اها اسنين
محمود؛رهف معش تجيب سيرتها قصه هذي فوتي أمها خير لك وليا انا لم نذكرها نقعد بنموت والله كل ماحنشوفه نضربه ونضوبه وخاطري نقتله
انا؛محمود فوته عشاني شفت ليش مانبيش نحكي خليه في ربي فوق
محمود؛مع ربي بنأخذ حقك ومش هذي حدها ومش ضربه بس حيشوف
انا؛ورأس محمود فكنا من مشاكل فوته انا سكتت عشان مايصرنش مشاكل
محمود؛انا كل مانذكر ان شافكً ننجن يا رهف والله بنموت يقعد خاطري نقتله نقتله يا رهف انتي ليا وماحد يشوفك غيري حتي يدك معش نبيه يشوفها بكل حوش عمك هضا مستحيل نخليك تمشيلا لو يصر ايش طول ما الكلب هضا قاعد
انا؛وهاجر
محمود؛والله يا رهف والله فاهمه غلط اقسم بالله مافي حاجه كنت خاش هيا شفتني جتني وهذي حدها والله انتي ماليه قلبي وعيوني ودنتي حقك عليا
لو غلطت فيكي سمحيني
.
انا نبكي انت تحبها
قرب يمسحللي في دموعي
محمود؛تي زمر نقولك ماليه قلبي وعيوني ودنتي تقولي نحبها والله بعدك مستحيل نحب انتي حاضري ومستقبلي وماضيي نسيته خلاص هاجر ماضي وانا نسيته انتي كل شي انا وقت اخترت اخترتك انتي لي نبي نكمل معاها حياتي وتكون ام عيالي
.
انا قربت اضبطته
انا؛تحبّني يعني
محمود؛لالا
انا بحتت فيه
محمود؛نَـعٓـشَـقِـــگـ❤
انا نزلت بسته
انا؛نحبــگ
محمود:عارفه خاطري نقعد معاكي
انا؛حي صاح عندي محاضره بس مش حنمشي هيا انت صبي عدي مستشفي
محمود؛تلزي فيا
انا؛هيا عاد
محمود؛باهي بوسه
انا؛فيش هيا عاد وقت
محمود؛تم
انا؛شن ندير غداء
محمود؛طاجين
انا؛باه جيبيلي بطاطه
محمود؛تم سلام
نزل محمود ولميت طاوله وقَعَدت نضم فل حوش يدق باب نحسابه سيف
انا؛أمتي روحت انت
لبست ماليه صلاه وطلعت فتحت باب انصدمت
هاجر؛خير
انا؛خير
هاجر؛كنت نحكي مع محمود قالي رهف تبي بطاطه
انا؛اها
هاجر؛جبتلكً من لوطه
انا؛شكرًا
هاجر؛نبي ميه
انا؛خشي
هيا خشت سكرت باب وحولت ماليه صلاه بلعاني قعدت تبحت فيا
انا؛تعالي خشي تفضلي
هاجر مصدومه فلبستي كنت نقهر فيها حولت ماليه الصلاة بيش نردلها نفس ماقهرتني نقهرها
هاجر؛شكرًا
انا؛عفوا متفرجه عليه حوشي
هاجر؛اه لالا
انا؛تعالي
خششتها للدار مقعد ولدار نومي كانت حايسه يعني سريرها بس
هاجر؛حلو حوش
انا؛تسلمي
هاجر؛شكرًا
طلعت هاجر وسكَّرت وراها الباب
وخشيت نضم فداري وكملتها ودرت الغداء وبخرت الحوش وقعمزت ع نت
.
.
عند ليث
ليث؛مرام متصدعليش راسي خوكي غالط فيها
مرام؛وانت وين تندري ان محمود غلط فيها
ليث؛رهف قالتلي
مرام؛كسره فيده
ليث؛خلاص ازح قتلك خوكي هوا الغالط يستاهل
مرام؛باه انت معاه يعني
ليث؛انا مع الحق ماتنفخيهنش ليا
مرام؛يعني انا نفاخ
ليث؛تي مش هكي
مرام؛اوكي تمام
ليث؛خوكي النم هضا كل ماتحكيلي عليه نتعاركو ازح نم هضا
مرام؛ليث احترم نفسك هضا خويا ولي يغلط فيه يغلط فيا
ليث؛خوكي مش كيفك
مرام؛اوكي وقت تحترم خويا رِن عليا
وسكَّرت فوجه
ليث تي زكري ازح كل مانجيبو سيرته نتكوها ازح وطلع برا
.
.
عند جيهان
انس؛هيا انا برا
جيهان؛هيا باه
اميره؛جا
جيهان؛اها جا يا قلبي نتلاقو
اميره؛متعاركه معاه
جيهان؛هههه ناريته ماخشش
اميره؛اها خوكي بارد
جيهان؛هههه بينك بينه
اميره؛خلاص حبي نتلاقو خير مايهزبك
جيهان؛اها صاح باي
اميره؛بآيات
طلعت مديت وجي شفت سياره انس مشتيلها
جيهان؛خير
انس؛خير
جيهان؛كنه راقيلك
انس؛اميره جوا
جيهان؛اها جوا زعلانه اليوم وشكلا في بينكم طبيخه
انس؛باهي شن جوك مع يوسف
جيهان؛حمد الله
انس؛متريحه
جيهان؛اها حمد الله
انس؛وين نشيلك حوشنا
جيهان؛اها حوشنا يوسف مطول اليوم
انس؛تم امي مكسده بروحها
جيهان؛حرك روحك وجيبها البنت
انس؛ان شاء الله خير
حيهان؛باهي شن جو كافي
انس؛تمام خطرها سمعتي محمود ولد عمك محصل طريحه
جيهان؛الله احسن بستاهل سلم يده لي غطاها له
انس؛محمود راجل رهف ضاربه بس نعرفش ليش عمي جِبْرِيل ماخلش يدير محضر عشان عمي محمد
جيهان؛الله قصدك محمود هوا لي ضاربه يستاهل صحه له
انس؛حرام عليكي شن مدايرلك توا
جيهان؛حقير هك نحبش من عند ربي
انس؛عيب عليكي جا شورك توا
جيهان؛باه خلاص توا خليني نرن ع رهف
انس؛وسعي بالك ازح طول هكي
حيهان يرن اسكت ردت
انا؛الو
جيهان؛الو حبي
انا؛كيف حالك وحال يوسف
جيهان؛حمد الله شن جوكم انتم
انا؛كويسه الحمد الله
جيهان؛صحه له محمود راجلك سمعت ان ضارب محمود ولد عمي
انا؛اها با جيهان نعليا ضاربه قتلا ليش قالي ليث كاين يحكي عليكي راجلك زقب عليه
جيهان؛با حنه كبده دم عاد صدق فيه هضا ربع من حقك كلب
انا؛بس خايفه علي محمود
جيهان؛فصذك حبس لالا تخافيش يا حنه انس قالي يبي يفتح محضر عمي جِبْرِيل ماخلهش
انا؛الله يبشرك الحمد الله كنت شايله حملها والله
جيهان؛توا مع انس في سياره ماشيه للهلي نتلاقو ونحكو
انا؛باه حبي تمام
جيهان؛تشاو
انا؛باي
سكرت منها ودسيت نقال
انس؛ليش تعاركو
حيهان؛نعرفش قالتي رقت نتلاقو نقولك
انس؛باه انزلي هيا وجك حتي وانتي متزوجه شيل جيب
جيهان؛أوكان خيتي نا
انس؛لا بنت جيران انزلي ازح
جيهان؛باه
ونزلت خشيت دقيت باب فتحتلي ماما وفرحت بيا
ماما؛خيرات كيف حالك وحال راجلك وعمتك
جيهان؛كويسين كلهم وأنتم وين بابا
ماما؛حمد الله بخير جوا
جيهان؛نمشي نسلم عليه
عديت سلمت عليه وهلي فرحانين بيا هدرزت مع ماما وجت أروي وبنتها ورابحه كابره تهبل وهدرزنا ودرنا جو وضحك وجا يوسف ساعه 6:23 لبست وطلعتلا وروحت للحوش وخشينا علي امه
يوسف؛خير
امه؛خيرات
جيهان؛خير اعميمه كيف حالك
امه؛خير كويسه وانتم
جيهان؛حمد الله
يوسف؛تمام تو نجي انا
امه؛وين كنتي من صبح ربي طالعه
جيهان؛عندي جامعه وكنت عند هلي
امه؛يا خيتي نعرف لي تبي تقراء مانزوجش كل صبح لامه روحك وطابعه
جيهان؛نصيب
امه؛باهي يتقعدي طول ليوم برا حوشك لا تغدي راجلك لا تندري عليه
جيهان؛اعميمه بس يوسف اليوم ماسك لعند ال6 هضا ليش مشيت عند هلي لو يُوَسف يروح بدري كنت قعدت
امه؛يا خيتي هابا مأني عارفه كناين توا
وصال؛خير
جيهان؛خيرات
وصال؛كنك زعلانه
جيهان؛ليش بنزعل جوي تمام
امه؛وليش يتزعل كلام حق وجاع
جيهان؛لا اعميمه عادي مش زعلانه منك خودي راحتك
وصال؛شن في
جيهان؛موضوع عادي بيني وبين اعميمه
امه؛لا ماهً عادي كنايني مقعمزات في حوش انتي بس لي غير
وصال؛فرقت طلعونا قرايتنا كملناها عند هلنا
امه؛يوسف لو ماخذاكي راهو أنبت في رأسك انخله قعد لا يأكل لا يشرب وقت سيبنيه
حيهان؛هههه يحبني الحب هضا وانا ماسيبتش كنت معاه فكل شي مهم هيا تصبحو علي خير
امه؛وين ماشيه مازال يدري
جيهان؛بدري من عمرك اعميمه تبي حاجه
امه؛نبكي طيبه وتصوني راجلك وتغذيه
جيهان؛صيانته راجلي وحمد الله مش منقصه شي عليه
وصال؛ياهي مقالت شي امي كنك هكي
جيهان؛خشي بالخير حبيبي وانا ماقلتش شي تصيحو علي خير
وركبت وما غمتلي بكل طبعا يُوَسف ماكنش معايا وقت امه هزبتني خشيت للشقتي وخشيت لداري طول بدلت دبشي ولبست توته وكانت ماعنديش نيه فشي مقهورة من امه الكلبه ولا مرات خوه الحقيره هذي كان خاطري نزقب عليها نرنها طريحه وقَعَدت نراجي في يوسف
.
.
.
عندي انا
كنت راقده ونراجي في محمود يجي طول رِن عليا
انا؛ايوه وينك
محمود؛الو اهو جاي في طريق جعان بكل
انا؛خلاص تو نسخن الغداء
محمود؛تبي حاجه وانا جاي
انا؛جيبلي معاك سلاطه
محمود؛تم
سكرت منا وصبيت سخنت الغداء ولميت شعري وتيته ع طاوله وجا فتح باب
محمود؛رهف
انا؛نعم
وجيته
محمود؛خير
انا؛خير
محمود؛امسكي نخش حمام ونجي
انا؛باه هات
خذيتها منا ومشيت درتها بسرعه وحطيتها ع طاوله وقعمزت طلع وجا قعمز جنبي وبدا يأكل
محمود؛شن جو
انا؛تمام
محمود؛كنك نحس فيكي لاويه وجك
انا؛هاجر جبتلي البطاطه
محمود؛اها نزلت نشوف فيهن قتلهن بنجيب رهف بطاطه قالتلي هاجر عندنا وتو نركبها الها
انا:اها باه ركنها ماتعدي عند هلها
محمود؛نعرفش بس قالت قاعده مع خواتي تغير في جو
انا؛وراجلها وبن يجي ياخذها
محمود؛مانيش عارف ومدخنيش بيها وماعندك ليش حاطيها فراسك
انا؛وامها ماسكه أعيالها لو تروح عند هلها خير
محمود؛رهف حبيبي فوتيها ماتهمنيش انتي همي كله
انا؛ياهي شن جو عيادة
محمود؛تمام كيف روحت انا ويوسف
انا؛اها
محمود؛ميرا تبي سوق
انا؛اها تبي تشيلها
محمود؛اها البسي بيش تعدي معانا
انا؛لا تو نقعد
محمود؛لالا عدي معايا نبي نوريكي كم حاجه
انا؛محمود فكني ميرا مَش متقبلتني ومانحبنيش اصلا حتكشخ عليا
محمود؛مش شورك بيها
انا؛حطني عند هلي خير ليا يومين شفتشً بابا
محمود؛باه براحتك
انا؛صحه
محمود؛سلمك وتسلم يدك حبيبي
انا؛سلمك
صبيت نلم في طاوله وضميتها وبرمت ع حوش وبخرته طلعت لقيت محمود راقد جيت نوضته
انا؛حبيبي هيا نوض وقت ساعه 7
محمود؛هيا به
صبا وخش حمام ونا خشيت حمام لي برا وتوضيت وطلعت صليت انا وياه المغرب ولبست وهوا لَبْس وطلعنا نزل محمود دق عليهن
محمود؛هيا
ميرا؛هي هي
وبحت فيا كشخت
نزلنا سياره نراجو فيهن شفت هاجر وميرا جيات نار شاطت فيا ركبت
هاجر؛خير
نحنا؛خير
هاجر؛ماشيه معانا
انا؛لا عند هلي
وولع سياره محمود
ونا قعدت نفكر فعينها هيا تمشي وانا لا مع راجلي نار الغيره شاطت طلعت نقالي ودرت روحي نزن علي بابا
انا؛الو بابا كيف حال
انا؛باهي حمد الله حتي انا
انا؛وين قاعدين
انا؛صاح قبل كنت بنجيكم خساره
انا؛باه تمام اوكي تبي حاجه
انا؛باه بابي تمام سلام
محمود بحت فيا
محمود؛مش قاعدين
انا؛اها مش قاعدين
محمود؛من اول قتلك امشي معانا في حاجات بنوريهن لك
وسمعت ميرا قالت اووف بصوت عالي بس فتتها مهم هاجر ماتعدليش معاه بروحهم وصلنا عند محلات ملابس نزلت ميرا وهاجر وقَعَدت مع محمود ولع سياره وعديت انا وياه للمحل متاع ارواب
محمود؛انزلي
انا؛وبن
محمود؛هيا حبيبي
نزلت انا وياه وخشينا للمحل
انا؛هي من جدك جايبني هنا
محمود؛أسس هيا بس نبي نشرف كم واحد عليكي
انا؛بس راحل
محمود مسك يدي وعدينا اختارلي كم روب والونهن حلوه وسلكنا وطلعنا
محمود؛نبي نشوفهن عليكي وبلا حشم
انا؛باهي خلينا نمشو ناخذو حاجات للحوش
محمود؛باه
ركبنا سياره عدينا للسوبر ماركت ونزلنا خذينا حاجات ناقصات وحاجات للخواته ووصلنا عند محلات لي نزلنا فيهن ميرا ورن عليها محمود
ميرا؛تعال نبيك
محمود؛هيا انزلي
انا؛خليني فسياره
محمود؛لالا مانخليكش بروحك انزلي
نزلت انا وياه ومشينا للمحل خشينا وشفت ميرا وأخذه كم شكاره وجا محمود خلصهن وكنا بنطلعو محمود مسك يدي
محمود؛تعالي
هاجر وميرا طول بحتن فيا وردن خشن معانا محمود شالني عند الدبش
محمود؛شوفي بالك خاطرك فحاجه
انا؛لا نبيش شي توا عندي حاليا
محمود؛لا انا عجبتني هذي خوديها
انا قعدت نبحت فيها بلوزه لونها قهريه فل اسود
محمود؛شن رايك
انا؛حلوه
ميرا؛هيا
محمود؛عدن سياره ولا شرفي مكان اخر ولا راجن
ميرا؛اوف
محمود؛كم رقمك
انا؛38
محمود؛معليش نزلي 38
صاحب محل؛تمام تخشي تقيسي
محمود؛لا تو نشوفوها فل حوش
صاحب محل؛بس لو ماحتش مانرذش
محمود؛ماجتش نعزقها مهم هبا بس
نزلها ليا وسلكنا حقها وطلعنا ركبنا سياره وعدينا لعند حوش حطينا ميرا وهاجر وعدينا عند بابا
محمود؛هيا انزلي
نزلت ودفيت عليهم فتحولي الباب
انا؛خيرررر
بايا؛خيرات كيف حالك وجا يسلم عليا
انا؛كويسه وانتم
بابا؛بخير
محمود؛خير شن جو يا عمي
بابا؛كويس والله شن جوك انت
محمود؛تمام شن جو العمل
بابا؛كساد قاعدين
محمود؛شكلك كنت في الحوش
بابا؛اها ماطلعتش بكل اليوم
محمود بحت فيا
انا؛نحسابك بتطلعو
بابا؛لا وين نطلعو مكسد
محمود؛اها باهي
انا؛وين اسماء
بابا؛صايره عركه عندهم حا خوها خذاها
انا:نديرلك حاجه
بابا؛خشي دريلنا قهوه
انا؛حاضر
خشيت وبابا قعمز مع محمود يهدرزو وانا درت قهوه وحطيت بشكوط وطلعتها الهما
بابا؛انا اصلا كنت نبي نجيك عليه موضوع هضا
محمود؛والله يا عمي موضوع بيني وبينه وهوا رقاها ليا
بابا:بس مَش درجه تضربه قالولي مش حنشكو عليه عشانك بس
محمود؛حصل خير
بابا؛محمود نعرفك عاقل انا بلاش منا جو هضا
محمود؛ان شاء الله خير يا عمي
انا؛امسكو
بابا؛باهي شن جوك
انا؛تمام
بابا؛شن جو جامعه
انا؛تمام
محمود:عمي بنسالك علي واحد يشتغل معاك نبي منه مصلحه
بابا؛شن اسمه
وقعدو يهدرزو ونا مره مره نهدرز ودرتلهم عشاء وروحنا
نزل محمود الحاجات وخش علي هله ونا ركبت خشيت حمام حشاكن وطلعت صليت العشاء وصبيت حولت دبشي ولبست الروب لي يبيني نلبسه وطلقت شعري وسقمت مكياجي وجا طبعا كل مايخش الحوش يضبحلي
محمود؛رهف رهف
انا؛نعم
وطلعتلا قعد يبحت فيا سيب حاجات وجاني
محمود؛تهبلي
انا؛من يومي حبيبي
محمود؛امّم صار هلك مش قاعدين يا غيوره
انا؛ههههه اها مش قاعدين
محمود؛نموت فيكي وانتي تغاري
انا؛ههههههه
محمود بحت فيا
محمود؛تي عارفه جاي عليكي حلو بكل بكل
وقرب عليا ونا نورخ لين وصلت ع ساس وغطه عليا بجسمه وباسني فمي وباسني آخراً فرقبتي ويهمسلي
محمود؛تهبلي بكل عارفه انك سمحه
انا؛امّم عارفه
محمود؛وعارفه انك هبلتيني
انا؛امّم عارفه
محمود باسني فمي وقعد يبوس فيا بقوه
محمود؛عارفه اني نحبك
انا؛لا
محمود؛تو نعرفك شمرني وخش بيا للدار وحطني ع سرير وجا فوقي
محمود؛مش عارفه يعني
انا؛اها
محمود؛تو نعرفك كيف نحبك
انا؛هههه خلاص عارفه
محمود؛لالا انا حلفت نعرفك
نزل يده وحطها ورآ ظهري ومسك شعري يشم فيه
محمود؛محلاكي ومحلاه عطرك نعشقك
انا؛نحبك
ونزل فمه يبوس فيا فمي بقوه ورقبتي ونفسه عليا ويهدرزلي نحبك رهوفتي بحت في شامتي
محمود؛نعشقها والموقع متاعها سمح بكل
انا؛عاحبنك
محمود؛اَي حاجه فيكي تعجبني
ونزل يبوس فيا
ووووو🙈🤭
.
نضت صبيت من سرير ونا حاسه بيطني خشيت ادوشت وطلعت ومحمود راقد نحس فبطني توجع فيا قعدت ساكته وقعمزت ماقدرتش نرقد مر وقت ونا حالتي زادت بطني وجع بديت نبكي وصبيت عديت عند محمود نوض فيه
انا؛محمود ونهز فيه محمود نوض محمود صبي اه
محمود برم عليا
محمود؛كنك
وشافني نبكي
محمود؛كنك شن فيكي في حد جا شورك كلهم كويسين شن فيكي
انا؛كويسين بس انا مش كويسه
محمود نط بسرعه ومسك يدي
محمود؛شن فيكي احكي
انا؛اه بطني نعرفش كني من مبدري حاسه روحي بنموت من وجع ونبكي
محمود بحت فيا وشافني
محمود؛رهف انتي تنزفي
انا؛كني ليش ونبكي اه محمود مش قادره بطني نبي مموت
محمود؛ارقدي بس خليني نشوف ماتوترينش
رقدت وانا نبكي
محمود؛حبيبي اسكتي بس متخافيش
انا كنت نبكي وبحت فيا
محمود؛رهف امتي كاين موعدها تأخرت عليكي يعني
انا؛اه ممكن اسبوع
محمود؛صبي بسرعه البسي
انا؛مش قادره محمود
محمود؛رهف نصبيكي والبسي حبيبي شدي روحك بسرعه
انا؛شن فيا بنموت
محمود؛اسكتي فكيني منها دوره هذي
وجا صباني وخشيت لبست وهوا لبس وشمرني ونزلني وانا نبكي وحطني في سياره وشالني وانا معش نندري بشي رقدت
محمود؛رهف ماترقديش نوضي رهف
نسمع فيه بس مش قادره نرد عليه ذايبه محمود يحرك فيا
محمود؛حبيبي نوضي ماترقديش رهف نوضي
انا راقده
محمود وصلت عند مستشفي نزلت رهف بسرعه كانت فاقده الوعي وطول خشيت بيها جن ورأيا الممرضات وخشيت بيها نجري في دار
#يتبع
للكاتبة؛فافو بوقرين
رايكن يهمني ❤🙈
