حلقه(6)
روايه
#اليوم_الاسود
لبست عبايتي وكعبي ورن عليا محمد قالي برا طلعتله
انا:خير
محمد:خيرات شن حو عيد ميلاد
انا:تمام يهبل
محمد:باهي غيرتو جو
انا:اها وكنت متحشمه من محمد اول مره نركب معاه بروحنا
محمد؛ههههه كنك متحشمه
انا:ههه لا عنجد متحشمه عادي
محمد:سنك شن جوها توا
انا:سني كنها
محمد:كيف؟ كنها مش توج فيكي
انا:اها هههههه صح نسيت 😅
محمد:هههه عقلك مش معاك ملا
انا:في متحانات قربن خلاص
محمد:ربي يوفقك تبي شي قوليلي
انا:سلامتك ورن بابا
انا:الو بابي
بابا:شن جو
انا:تمام
بابا:جاكي محمد
انا:اها جاني في طريق
بابا:باه سلميلي علي عمتك
انا:حاضر يوصل ونسمع في صوت اسماء
اسماء؛اختك هذي حوشها مليان رجاله ليش طالقها رهف
بابا:خلاص رهوفي تصبحي ع خير
انا:وانت بخير
محمد؛كنه خالي
انا:يسال بس
محمد:كنك قلبتي وجك قالك حاجه
انا:لا بابا عمرش زعالني بس اسماء هذي ربي يهديهاا
محمد:الاحسن انك تفوتيها
انا:هيا هذ لي ندير فيها وسكتنا لين ماخشينا شارعهم ودرس علي حوش قريب بكل من حوشهم
انا:ليش وقفت هنا
محمد:بناخذ دسكات من صاحبي
انا:باه وطلع محمود
محمود:اووو حمادينا وبحت فيا
محمد:شن جو
محمود:تمام هاك هذينا
محمد:منور
ومحمود يبحت في وجي لي معبا مكياج يارتني غطيته قلت
محمد:محمود اوووي خلاص وجك انحطها ونجيك
محمود:هههه باه
وحطني محمد فم باب
انا:محمد ممكن تنزلي هذينا خايفه عبايتي تفتح
محمد:حاضر باه ونزل نزلي دبشي وخشيت جوا لقيت اعميمه تراجي فيا
انا:بس بس انا جيت
اعميمه:رهوفتي وحتني تجري وحشتيني يا حبيبت اعميمتك لكي وحشه
انا:انتي اكثر والله
اعميمه:معش طولي الغيبه وحشتينا كلنا ولا نستي ان هضا حوشك الثاني امتي ماتبي تعالينا
انا:اكيده اعميمه من عيوني وقعدت تضبط وتبوس فيا لين ماطلع
ليث:اوووي رهففف عاش من شافك يا كلبه وانتي نفس هلال العيد نشوفش فيكي بكل
انا:مديتلا يدي تسلم كيف حالك انت
ليث:تمام التمام وانتي
انا:تمام بكل بشوفتكم وطلع غيث طبعا ليث وغيث تؤام بس مختلفين م90 حكيتلكم عليهم وماعندهاش بنات وراجل عمتي متوفي
غيث:رهف بارده عندنا شن خطرها غريبه بكل
انا:ههههه قلت نجي نشوف غيث سامط شن جوه
غيث:تمام بشوفتك يا كبيده
انا:هههه بارد انت مرن سنين ومازالت متذكرها
غيث:ملا شنو بننساها
ليث:باه وجك يا غيث نبي رهف بروحها
انا:نعم ليوثي
غيث:ياامي تعالي شوفي ليث انضر شن يبي في رهف
انا:بارد دخلكش مهم نعم ليث
ليث:تعالي خشي للدار جيتي وجابك ربي في موضوع نبيكي تحليه ليا
انا:شنو
ليث:وراس امي كنت بنكلمك هي بس حمد الله جيتي مهم بنقولك ان تعاركت مع ايه وشافتني مع بنت في جامعه اليوم
انا:هييي معقوله يا ليث
ليث:والله هيا فهمتني غلط
انا:باهي شن المطلوب مني توا
ليث:تو نقولك
.
.
.
.
عند جيهان لم روحت انا رن عليها يوسف
يوسف:حبيبتي سنه حلوة عليكي وربي يخليكي ليا دووم وتبقي ام عيال
جيهان:سيفو حبيبي ويخليك ليا نموت فيك انا عحبتني الاغنيه تهبل يا عيون ووعد عمري مانكون لغيرك
يوسف:ولا حتكوني نحبك
جيهان:حتي نا
يوسف:قفطان جاي عليكي حلو بكل تهبلي يا عمري
جيهان:هيي كيف شفته
يوسف:ههه مهم شفتك بيه وحتي وانتي ملبزه تورته تجنني اخخخ منك حبيتي سمحه
جهيان:هيي رهف الحيوانه والله نوريها
يوسف:دخلهش هيا مني انا
جيهان:انا اليوم فرحانه بكل الاغنيه فرحتني واجد لدرجه نعرفش كيف نعبر والله سيفو مستحيل نلقا نفسك ونفس حبك
يوسف:جيهان انا نعشقك فتتها مرحله الحب
جيهان:يوسف
يوسف:نعم
جيهان:امؤؤؤؤؤاه نحبك
يوسف؛الله اكبر عاوديها
جيهان:هههه بلا سماطه خلاص
يوسف:هههههه ياهي توا دوري انا ونشوفو بوست من احلي
جيهان:هههههه اكيده انا
يوسف:اممممممممووووووووووووووااااااااه😙 نموت فيكي وفي حبك امتي تبقي ليا بس
جيهان داخت من بوسه هههه شعور يهبل راهو😆😅
جيهان:حتي نا بصوت ذايب
يوسف:ههههه خلاص عارف روحي احرجتك احم مهم توا نبي نشوفك
جيهان:امتي
يوسف:يوم سبت بنجي للجامعه
جيهان:باه وعياده متاعك
يوسف:تو ناخذ اذن مهم بنشوفك انا
جيهان:حاضر حبيبي باه
وقعدو يهدرزو
.
.
.
عندي انا
ليث:نبيكي توا ترني عليها وتقوليلها انا بنت خال ليث وماعنديش خوت قتلا امشي للصحبتي جيبلي شيتات وليث يحبك
انا:باه خاضر هات رقمها ورنيت كم مره ردتش دزتلها ردي يا اايه شوي رنيت عليها ردت
انا:سلام عليكم
ايه:وعليكم سلام من؟
انا:انا رهف بنت خال ليث
ايه:اها اهلين كيف حالك
انا:تمام بخير وانتي
ايه:حمد الله
انا:طبعا ليث خويا متربين مع بعضنا بيش يكون عندك علم
ايه:اها عارفه يحكيلي عليكي
انا:انا ماعنديش خوت وكونه ان ليث اقرب حد ليا دزيته للصحبتي يجيبلي شيتاتي يعني انتي فاهمه غلط
ايه:بس انا شفته وهوا يضحك معاها
انا:اها صحبتي هذي قرييه مني واجد وتعرغ ليث وبعدين هيا مخطوبه واكبر منا انا نبيش تسير مشكله بسببي
ايه:طالمه موضوع هكي معناها يصير خير
انا:ايوة عشان خاطري راهو ليث ديما يحكيلي عليكي ويحبك
ايه:تسلمي ووالله مايصير الا لي تبيه وشكرا ع رنتك تعبانكي معانا
انا:لا عادي ولا يهمك
ايه:معليش بنسالك انتي مواليد كم
انا:م94 وانتي
ايه:95 تشرفت بمعرفتك رهف وقدرك عالي عندي
انا:تسلمي كلك ذوق هيا نعطلش عليكي سلام
ايه:سلمك اوكي تشاو
ليث:منورة يا بنت خالي نصبيلك في فرحك
انا:ليث بنت محترمه تخسرهاش عشان عقاب بنات مش محترمات
ليث:والله الله انا نحبها بس بنت هذي صار معاها موضوع وخليته الها هيا جت شفتني معاها وحاب ربي انها من قانون اذكرتك طول
انا:في اي وقت يهمك شي مهم بنت تخسرهاش
ليث:حاضر في عيوني
مهم طلعت قلت لعميمه بنبدل قالتي خشي دارلي بيش ترقدي معايا ونهدرزو قتلها به وخشيت سلحت عبايتي وبارمه خش
محمد روحت ولقيت امي في مطبخ جيت خشيت دارها بيش ناخذ منها فلوسي وفتحت باب بشويا شفت وحده سمحه يكل وظهرها ابيض وشعرها الناعم نازل عليها وتبي تفتح سوستها انا معش فطنت لروحي قعدت متنح فيها بعدها فطنت لروحي تلخيطت بكل وطلعت نجري قبل ماتشوفتي شفت امي جايتني
اعميمه:محمد ان شاء الله بس ماخشيتش دار
محمد:لا ماخشبتش كنك ليش
اعميمه:رهف جوا تبدل فتلها خشي داري ونبيها ترقد جنبي
محمد:اها باه وقعد موقف مقابل دار
اعميمه:نمشي نشوف طبيخت الدحي تبي نحطلك
محمد:لا نبيش وعدت اعميمه جاي ليث يجري بيخش دار
محمد:ليث تعال هنا
ليث:كنك
محمد:تخشش دار شن تبي
ليث:نبي جاكتي امس امي حدتتها وقاعده فوق طاوله الحداده
محمد:رهف جوا تبدل لم تكمل خش برم عليه ليث
ليث:وانت 😒شن عرفك
محمد:امي قالتلي
ليث:كنت بتخش حتي انت قصدك
محمد:في علقه خشيت وصار لي صار)اها بس امي قالتلي
ليث:باه تعال نتعشو عندك ليش واقف هنا
محمد:باه وعده امعه
انا كملت لبسي لبست تيشرت طويل لونه سماوي واسترتش اسود وخشيت حمام دار اعميمه في حمام جوا وطلعت لميت دبشي وشعري درتلا كوبه فوق ولبست سباطي وطلعت
اعميمه:اهي رهف تعالي تعشي
انا:مانبيش يااعميمه
اعميمه:هيا عشان خاطري تعالي
انا:حاضر جيت وقعمزت حنب محمد حسيته تقول متحشم مني وكليت فم
اعميمه:كولي يا رهف
غيث:بالك متحشمه
انا:لا والله مش متحشمه بس ماعنديش نيه
ليث:شن رايكم بكرا نتغدو برا
غيث:انا ماشي مع اصحابي شوف محمد
ليث:وانت يا محمد محمد اوووي
محمد:كنكم
ليث:شن رايك
محمد:في شن
ليث:مش معانا خونا انضر مع منو طاير عقلك
محمد:سكر فمك احكي شن
اعميمه:انا موافقه
محمد:علي شن بس
اعميمه:بكرا نمشو نتغدو في مطعم
محمد:بالي ذكرتيني حتي محمود قالي شن رايك بكرا نمشو مع بعضنا للمطعم
اعميمه:خلاص قول باه
غيث:قصدك عيت عمي حسن بيمشو معانا
محمد:اها محمود من امس قالي نمشو مع يعضنا ونا قتلا نشوف امي ونسيت نقولك
اعميمه:املا قولا اموافقين رهف عادي انتي ولا تتحشمي
انا:نعرفش هوا انا نتحشم بس عادي
اعميمه:عندهم بنات وبناتهم كويسات تتعرفي حتي عليهم
انا:باه تمام نمشو
اعيميمه:ايوة تغيري حتي جوك سلم بنتي
غيث:حتي انا بنعدي اصحابي اكيده يكذبو
ليث:بحت فيه وضحك ليش غيرت رايك خليك علي قرارك
غيث:انت دخلكش
محمد:تم نصبي نكلم محمود وصبا من جنبنا
انا صبيت نلم فل طاوله وصبت اعميمه وليث يلمو معايا
انا:لالا معقولة انا قاعده وانتي تغسليهن طول ماانا قاعده ماتقربيش شي
اعميمه:لالا نعنجد هذ حيدي تو نديرها امشي تريحي
انا:ورلس بابا ماهي صايره
غيث:بدينا في جو لا انا وامي ترد لا انا وفي نهايه بكل يغسلهن ليث 😆
ليث:شن تشوف فيا يا كلب
غيث:عادي ماانت تساعد في امي يا ليوثه
ليث:اكيده نساعدها امي بروحها حرام لو عندي اخت ماكنت نساعدها
انا:طول عمرك حنون ماتغيرتش بكل
غيث:وانا شرير
انا:اها ليث من يومه حنون مع اعميمه انت لي تهزا عليه مكانته عند ربي خير منك
اعميمه:ايوة ليث ربي يربحه ديما مساعدني حتي محمد لكن غيث
غيث:باه منورة ياامي وانتي يا رهف اقعدو فيها هي انا المكار وربي يحطني في جهنم باهي
انا:هههههه كنه زعل هوا
ليث:فوتيه
اعميمه:ديما هك
وغسلت ماعين ورديتهن
اعميمه:هيا رهف خشي خلينا نهدرزو
انا:تو نجيكي امشي للدار تريحي علي ماجينك نسيق مطيخ بس ليث كب منا الشاي
اعميمه:باه ماطوليش
انا:باه وطجيت فيها اميه ونبي نسيقها وبم نطيح
انا:اهه معن شكله سباط حيوان نسيت ان يزلحق خش عليا محمد
محمد:كنك يا رهف
انا؛سباطي يزلحق تزحلقت
محمد:قرب مني باهي تو نصبيكي وجا يصبي فيا مسكني من ظهري وقعد يبحت فيا زين
محمد:عين بس
انا:هههه من منو زعمك عادي نامنش بيها العين
محمد:نحكي جد عين
انا:باهب من منو زعمك ؟
محمد:مني انا
انا:هيي تعطي بنت خالك عين
محمد:قرب من جنب وذني وقالي من جمالك
انا:توترت احم باه خلاص اطلع بنسيق انا
محمد:به اسلحي سباطك وخشي سيقي
انا:اها اكيده وطلع محمد ونا مصدومه بعدها قلت عادي غير نا عقلي مسوس وكملتها وطلعت لقيت محمد يبحت فيا ويبتسم ضحكتلا وجيت بنخش
محمد:رهف
انا:نعم
محمد:قولي للمي قالك محمود حتي امي موافقه وبكرا نوضي بدري
انا:باه تصبح علي خير
خشيت جوا لقيت اعميمه راقده جيت جنبها ورقدت جا صبح ووعت اعميمه توتي فروحها والفطور وفي كم حاجه ونا راقده
اعميمه:صباح خير حمادي
محمد:صباح نور
ليث:خير
اعميمه:خير
غيث:قالب وجها نبي فطور انا
اعميمه:واتي اصبر بس تنوض رهف نفطرو مع بعضنا
غيث:نخش نوضها ونجي
محمد:بصوت عالي لا تنوضهاش
غيث:بسم الله كنك
محمد:هك تخشش تقربهاش
غيث:طول ماهيا عندنا زمان كنت نا لي نوض فيها
محمد:يختلف وقت وقتها كنتو صغار توا انتم كبار
ليث:وانت شن حامي رزك مدخلكش رهف طول عمرها كيف اختنا عمرنش فكرنا فيها غلط الا اذا انت عندك راي ثاني
محمد:شن قصدك انت يا...
ليث:قصدي شي فوته يا غيث وخش نوضها
محمد:لا
اعميمه:ستر يا محمد كنك خوتك هضيما ورهف كيف خيتهم مربيتها ع يدي ومن يومها اختكم
محمد:بارم وجها وزعلان انا قلت لا
غيث:تي برا روح وخشلي غيث يهز فيا نووضي نوضي
غيث:نوضي مزالتي نفس ماانتي نوم عشقك ورش عليا ميه
انا:بسم الله بسم الله نضت نرعش حي عليا بنموت
غيث:ههههههه لالا ماحتي متي كيف جن نوضي بنفطرو امي قالت مافيش لين تنوض رهف
انا:اممم باه حود خليني نوض يا سخيف كسره في يدك
غيث:كسره فيكي يا مشفشفه عليك منظر ننصحك بعدين مع راجلك نوضي قبله ونضمي شعرك خير ماينفجع
انا:كذاب انت خزي
غيث:هههه باه هيا وقت بنعدو
انا:باه غيث طلع وانا وصبيت خشيت ااحمام (حشاكن) ولميت شعري وطلعتلهم
انا:صباح خير
هما:صباخ نور
غيث:حمد الله لي وعيتي هيا امي بناكل
انا:ووه منك كان وكلتيه يااعميمه وفكتينا من حسه
ليث:هههههه
وصبيت انا واعميمه نوتو في فطور ع طاوله وجينا قعمزنا نفطرو شفت محمد عاقد حواجبه
ليث:رهف تركبي معايا باهي
انا:اكيده
ليث:عارفه اصليه
غيث:حتي انا بنركب معاكم
ليث:لا عدي مع محمد
انا:اها صاح اصلا نبي قدام انا
محمد:مدخنيش بيه
غيث:سيارتي خاربه ونبي نمشي مع ليث
ليث:لالالا رهف بس
انا:غيث كنك بارد نبي نركب من قدام انا ولو انت معانا مش حتخليني
غيث:لا يالك بنخليكي توا انتي ترضيها لنفسك مطنبرة قدام وانا لورا
اتا:انننن بارد
ليث:هههه رهوفتي تركبي انتي من قدام وهوا لاورا لو يبي يمشي
اعميمه:يا غبث امشي معانا واركب من قدام اسكت بس
غيث:ايووة
محمد:معناها انتي ياامي امشي مع ليث
اعميمه:لا سيارته عاليه نبي معاك
محمد متعقد وانا خشيت للمطبخ
ليث:محمد شن قصتك انت كنك نكسي طروح هذينا درهنش عليا وماشي انا وياها بروحنا هي وطلع وسيبه
اعميمه؛محمد لو تسمعك رهف تزعل عيب سلم وليدي محمد طلع وغيث طلع عندي انا انا خشيت درت كيكه بشكولاطه بسرعه اعميمه قالتلي بندير حاجه حلوة قتلها تو تدير انا وطلعتها خليتها تبرد بيش نحطلها الشكلاطه بعدها خشيت للدار نمكيج درت مسكرا وبودره وروج ترابي واحمر خدود ترابي ولبست جاكه قصيرة شويا فوق ركبه لونها سماوي وبنطلون اسود وكندره ورديه وويشاح وردي طلعت
اعميمه: شكلها تهبل الكيكه يا رهف
انا:صاح عيونك سماح هيا اعميمه خشي بدلي اعميمه:هي تو نجي انا نخش نبدل
انا:باه وخشيت للمطبخ ندير في شكولاطه للكيكه جا ورايا محمد
محمد:رهف
انا:برمت عليه نعم
محمد:بحت في وجي كنك مكثره مكياح
انا:تهيالك مش مكثره
محمد:لبستك كنها قصيره
انا:بس مش قصيره
محمد:جايبه معاكي غيرها
انا:ورافعه حاجبي عليه لا
ليث:حي ع طرحه مشاءالله نبخرك طرف يا بنت خالي
انا:احرجتني
محمد.....
انا😟😟
ليث....👊
#يتبع
لكاتبه fafuBogrien
نبي تعلقات حلوات مش تم وكملي نكتبلكن ليل كله نبي حق اتعبي ولو نلقا تفاعل حلقه7 قاعده نكتب فيها حنزلها
