حلقه ( 55 ) والاخيرة
روايه (منقووله)🖤
#اليوم_الاسود
.
.
لَــيتگ تُـدرگـ يا قِطـعة الـٰقَلب❤
بأن داخـليِ عَـالم گبير لا يسگنه إلا
شَـخص واحدُ أسَــمهُ أنَٰـــت ❤
.
.
انا؛بطني زرني عليها مش حيسيبني والله
جيهان؛الحقير لي مش راجل
محمود؛رهف
انا؛محمود
محمود جاني يجري
محمود؛كنك
جيهان؛طاحت
انا؛هضا وين خطرلك تسال عليا هضا وين جيت فبالك
محمود؛رهف شن في كنك هكي
انا؛مافي شي سيبني بس كمل عقاب جوك
نزل عليا يشمر فيا
انا؛سيبني
جيهان؛رهف خليه يشمرك
انا؛مانبيش يفوتني وسيبني له أسابيع هضا وين خطرت فباله مازال بدري يا محمود
محمود؛اسكتي بلا طولت لسانك وحتعرفي كل شي
وشمرني
محمود؛كيف طحتي
جيهان؛علي بطنها طاحت شوفها
محمود خششني للحوش ورفع ماليتي وجيهان تحشمت طلعت برا قعد يحط فيده ويشوف
محمود؛مافيكي شي
انا؛باهي تمام
محمود؛رهف انا كانن عندي مواضيع
انا؛خلاص طالمه مواضيعك اهم مني ليش جيتني
محمود؛معش قدرت بدونك
انا؛بجوك يعني
محمود؛لا مش بجوي
انا؛محمود عدي اربح
محمود؛رهف ازح تي كنك انتي
انا؛ماكني شي
محمود؛باهي تمام اوكي
وصبا برم وطلع جتني جيهان تحري
جيهان؛ها يا كلبه تبي طيري الراجل
انا؛خليه يطير
جيهان؛ليوم خطبت يوسف
انا؛شنو
جيهان؛هههه والله خطبت حبيبي اليوم وانتي لازي راجلك باهي خليه يتبخر منك
انا؛ربي يصبرك
جيهان؛لا عادي جوي حلو جايه نكسد معاكي نبي نطلع طلعيني
انا كانت بطني توجع فيا ومش قادره نصبي بس قلت حرام
انا؛من عيوني
جيهان؛لالا خلاص أذكرت انتي طحتيً
انا؛لا عادي تو نعدو
جيهان؛لا مانبيش نمشي
انا؛باهي براحتك
جيهان؛باهي
انا؛جيهان حبيبتي
جيهان؛انا مانيش زعلانه راهو عادي
انا؛باه هيا نركبو
جيهان؛لا خلينا برا في جنان اسماء وين
انا؛عدت
جيهان؛احسن ملا فكه منها
انا؛باهي نحنا هيا نعدو
جيهان؛لا نبيش انا
انا؛باه
قعدت مقعمزه جنبها و نبحت فيها وهيا في عالم ثاني وجعتني بكل منظرها وكيف سارحه حاسه انها دمعتها علي طرف عينها قعدت ساكته ونا برضو عرفتش شن ندير معاها نبيها تبكي بس مابكتش
انا؛جيهان
ماتردش
انا؛جيجي
جيهان؛ها
انا؛من قالك خطبت يوسف ليوم
جيهان؛انس
انا؛باهي
جيهان؛ليوم بيخطب ي رهف ليوم
انا؛الله غالب
صبت جيهان وقَعَدت تبرم وتبرم ومن هنا بدت الماساء قعدت تبحت فيا وتبرم من جديد تبحت في روشن وبدت تبكي وتعيط وتخبط فروحها شفتها انصدمت انا صبيت ومش قادره نمشي وهيا تعيط
جيهان؛ااااااااه معش نقدر نتحمّل ااااااااااه بنموت ي ربي تعبت واااااعره ينعليا ي رهف تخيلي يجيب عليا مراه حبيبي عدا ي رهف عدا حب حياتي عدا ي رهف
.
وصلت فيها قعدت نمسك في يدها
انا؛اهدي جيهان مش هكي
جيهان؛شنو نهدا نار ي رهف موعرهااا
انا؛أهدي عشان خاطري والله يوسف يحبك
جيهان؛نبي نموت ي رهف وووووه
انا؛يعيد السؤ بس انتي غبيه كله منك من قالك سيبها لهم واسعه
جيهان؛امه كلبه هذي امه اهم مني امه امه
انا؛حتي لو كانت امه مفروض كنتي تقعدي علي قلبهم
جن قعمزت جيهان وتهز في كراعيها وتبكي وأتخبط فيهن
انا؛عشاني وقفي والله ماني قادره نوقفك
جيهان؛رهف خليني ي رهف بالك ناري تطفا
انا؛ربي يصبرك
قعمزت مقابلتها وهيا نفس شي تبكي وتخبط وجعتني بكل بس مافيش فيدي حيله
جيهان؛خلاص يوسف مات عندي
انا؛شن تحكي انتي
جيهان؛خلاص انا نبي نطلق مستحيل نقعد معاه وهوا متزوج ثانيه شن نقول للصحباتي ي رهف شن نقول للبنات خوالي شن نقول للناس راجلي ازوج وانت مازالت حتي سنتين ماطقيت نبي نموت ي رهف بنموت والله والله
انا؛الله غالب انتي مفروض قعدتي علي قلبهم
جيهان؛اااااه
رِن تلفون جيهان مسكته لقيته رقم
انا؛رقم
جيهان؛مش وقت نرد علي حد فوتي
انا؛باه
جيهان حايسه وتبكي ورقم يرن و شويه جت رساله
اتا:رساله جاتك
جيهان؛والله ماعندي نبه للحد غير اني نموت بس خسرت حب حياتي شفتي كبف عندت عليه اااااااه
اتا؛أسس خلاص سادك بكاء
جيهان؛ياريتني متتت ولا شفته ليوم هضا يوسف حبيبي يتزوج عليا انا وياه حاربنا دنيا لي وقفت ضدنا يتزوج علّيا
