ZAFIRA: The Princess of Wizards| COMPLETED ✔

Chapter 28: Gate of Intelligence

Kinabukasan nang hapon ay agad na nasimula ang pag-eensayo niya.

"Magsimula na tayo apo."

Simula ngayon ang kaniyang lolo na ang magiging guro niya. Iyon din daw ang dahilan kung bakit ito bumalik sa palasyo.

Sinabi niya na rin sa mga magulang Isabella ang pagbisita nito sa kaniya. Tinanong pa siya kung nasaan si Isabella pero hindi naman niya alam dahil walangg binanggit ang kaibigan. Naaawa nga siya sa mga magulang nito dahil kitang kita niya ang lungkot sa mga ito.

Nakausap niya na rin si Gregory at nalaman niya na si Isabella pala ang gusto nito. Natotorpe lang daw at hindi makapagtapat. Sumasakit na lang ang ulo niya sa buhay pag-ibig ng mga kaibigan niya.

Pero sa ngayon kailangan niya munang mag-ensayo para makontrol niya ng maayos ang kahapangyarihan niya.

Naroon sila sa lugar na maramaing dragon. Dragons' Paradise daw ang tawag sa lugar dahil doon nakukuha ng ibang wizards ang mga dragon nila.

Sang-ayon naman siya dahil mukha ngang Paraiso ang lugar. Dito rin nagtapat si Aiden sa kaniya. Hindi niya tuloy maiwasang mamula kapag naaalala niya iyon. Kinikilig kasi siya.

"Hoy! Bata ka bakit ka namumula diyan?!"

"Ah--eh.. W-wala po."

Pasimple niyang tinampal ang pisngi. Ano ba yan, Zafira. Training ngayon, training.

"O siya, ang training na ito ay hindi kagaya ng pinagawa sa iyo ng iyong ama. Masyasdo ka niyang minadali. Kumbaga nagsisimula ka pa lang bigla siyang humakbang ng ilang hakbang kaya hindi mo nakuha ng ayos. Kaya ituturo ko sa 'yo ang lahat ng unit-unti. Ngayon ay kailangan mong magmeditate. Hanapin mo ang iyong sentro at sabihin mo ito ...Connecting to the divine that connect all things."

"Lo, hindi ko po ba tatanggalin ang kwintas?" Naalala niya kasi na pinatanggal iyon ng kaniyang ama sa kaniya.

"Hindi na, samakatwid mas kailangan mo yan upang makontrol ang apat na elemento."

Sinunod niya ang sinabi nito at nagsimulang magmeditate.

Nang tingin niya'y ayos na, sinabi niya ang katagang "Connecting to the divine that connect all things."

Bigla siyang lumiwanag at parang naramdaman niya ang pagdaloy ng nadagdag na enerhiya sa kaniyang katawan.

"Naramdaman mo na ba ang enerhiya?"

"Opo, lolo."

"Ang ibig sabihin niyan ay binabasbasan ka ng mga Diyos ng apat na elemento."

"Ganun po pala iyon."

"Ngayon naman para sa elemento ng lupa. Earth, earth is the container of all the elements. Imagine your body, it is a container, it is a structure. Pakiramdaman mo ang lupa at imbitahin mo na magtrabaho kasama ka, na maging isa kayo."

Inisip niya iyong mabuti. Kinakausap ko ang lupa at sinabi ang mga sinabi ni lolo. Pagmulat ng kaniyang mata nasa isang lugar na siya na tanging bato at lupa lamang ang nasa paligid. Walang kahit anomang nabubuhay ang naroon.

Ang ipinagtataka niya ay mauroong malaking gate na naroon at nasisiguro niyang may bagay siya na makukuha sa kabilang dulo.

Akmang papasok na siya ng may biglang lumabas na higanteng baton a hugis tao.

"Sino ka?" Tanong ng higanting bato.

"Ako si Zafira ang prinsesa ng kaharian ng Aether."

"Bakit ka nandito?"

"Kailangan kong makontrol ang lahat ng elemento at ang kauna-unahan ay ang lupa. Kaya eto ako ngayon sa harap ng gate na ito."