وجدتكي ملجئي💜

part2

وبخبر موت اكرم انكسر قلب عاصم💔اللي يعتبر في بوه حياته كلها وانور اللي طول عمره مايخاف من شي لانه بوه وراه ونادية اللي خسرت رفيق دربها وسندها وميرا ودارين اللي حب بوهم وضحكته اللي مافيش زيه
---------------
بعد الجنازة رجعو انور وعاصم للحوش وين مالقو امهم منهارة ودارين حابسة روحها في غرفتها وميرا تحاول تواسي امها وهيا محتاجه مواساة .
انور اتجه لغرفته واختار انه ينعزل زي دارين 😔وعاصم قعد جنب امه شوية وبعدها ركب لدارين يحاول يقويها ويطلعها من الحاله اللي يا فيها
عاصم بعد طق الباب :دارين ممكن ندخل
داري:لو سمحت عاصم نبي نقعد بروحي شوية
عاصم:لا انا نبي نقعد معاك خش لغرفه قعمز جنب دارين وخداها في حضنه ويمسح على شعرها حبيبتي الموت حق علينا وكلنا ليها
دارين:بس انا نحب بابا مش رح نعرف نعيش بدونه
عاصم:غلط الكلام هدا رح تعرفي وتستمر حياتك لانه ربي عطانا نعمة النسيان واللي بدونها كان كل شخص خسر حد عزيز عليه قعد للابد يبكي عليه ياروحي بابا كان تعبان هلبا ربي ريحه من عذابه والمه ورفعه لمكان احسن من الدنيا هدي فااحنا توا ماعلينا الا ندعوله بالرحمه ونكونو كيف ماربانا "اكرم"
دارين مسحت دموعها وابتسمت لخوها وهزت راسها بالموافقة
عاصم باس على راسها وقالها :ايوا هكا نبيك وتوا انزلي مع امك واختك توا لازم نكونو جنب بعض
دارين:تمام شوية وننزل
طلع عاصم وهوا كل حصونه اتهدمت وهنا قرر ينعزل هوا بنفسه اتجه لغرفته وسكرها اطلق العنان لدموعه والم قلبه اللي خسر اليوم اعز شخص عنده واهم احبابه واغلاهم 💔💔
---------------
نبعدو على جو الحزن ونشوفو بطلتنا
في احدى المدن الليبية حوش متواضع قعدين عيلة مع بعض يهدرزو
سارة:محمد ياهم اعطيني هاتفي نبيه ليا يومين ماحكيت مع انور نسأله على بوه
محمد بهزوة:اياه هالانور اللي صارعتنا بيه نا مافهمتش شن هالصحبة اللي جمعتكم والصدفة خو خونا 😂
سارة:مابردك مهو ياغبي لما سافرت نقرا غادي بابا وصى عليا عمو اكرم ومرة تعرفت على انور عنده ومنه بدينا صحبه هلبا هوا اعز اصحابي ومن الاهم في حياتي💚
على طلعت اماني من المطبخ ضحكت بهزوة وقالت :والله اللي يشوفك ياسارة يشك في وضعك معاه 😏
سارة:ريحي روحك اماني رايك مايهمنيش
---------------
ملاحظه"اماني تكون بنت خالة عاصم وسارة متخرجه من معهد عالي وهمها تكسب قلب عاصم وتتزوجه وتعيش بفلوسة حاولت اكثر من مرة تتواصل معاه عالنت بس ديما فايتها 👊"
"سارة صح بنت خالة عاصم بس علاقتها بيه اقل من سطحية وشايفين بعض مرة او مرتين بس وصداقتها مع انور ولا مرة جابت صدفة انها تتقابل مع عاصم"
----------------
نزت اريج من غرفتها شادة هاتفها والنت وتضحك :ماتعرفوش تسكتو انتي وياه 24ساعه عراك تقول ضراير
محمد:مادخلكش انتي سوسة هذي نصي وهدا مش عراك هدي معزة ولا سوسة
سارة:غير كان تبطلها هدي سوسة يمشي كل شي تمام 😒
محمد:هاك هاتفك وملحي انا طالع ومتعشي برا مادورونيش سلام
نزلت ريناد :ملل يابنات هي نديرو شي نغيرو جونا خيركم هكا والله الحوش كسد بعد نرجس كانت كل شوي بعياطها تغير في الجو 😅😅
سارة:اسكتي بالله مرتاحين هاليومين من اختك
اماني:وخيرها نرجوسة مش عاجباتك😒
سارة:فكيني منك انتي التانية احرف منها حقا وين عمر ولين ماسمعتش دوشتهم!
ريناد:قعدين مع بوهم قلناله نرجس سافرت قال نخليهم معاي
--------------
مع اذان المغرب البنات مكسدين في الجنان ومعاهم مفيدة رن هاتف سارة مكالمه مسنجر قامت هاتفها وشافت لاستغراب :دكتوركمال ان شالله خير مش عادته يتصل
اريج:بهي ردي ولا ماتبيش
سارة فتحت الخط :اهلين دكتور كمال كيف الحال
كمال:مرحب سارة الحمد لله بخير اسف عالاتصال في الوقت هدا
سارة:ولا يهمك دكتور ان شالله خير
كمال:والله للاسف انا بنقولك خبر حزين عمي اكرم توفى
سارة بصدمة:عمو اكرم مات 😨😨
كمال:ايه والله وزي ماتعرفي هوا رفض العلاج وليه ايام تعبان وامس توفى قلت اكيد ماعندكش علم اتصلت نخبرك عالاقل تحكي مع انور
سارة:اكيد شكرا دكتور انا رح نجي قريب
انتهت المكالمةبينهم سارة تبكي قربت منها اريج وحضنتها:سرو حبي ادعيلة بالرحمه
سارة:ربي يرحمه كان غالي عليا هلبا
اريج:امين يارب هدا علاش عليا ماتردش على اتصالاتي
سارة روحت وطول مشت لبوها في غرفته طقت عالباب وخشت:بابا فاضي شوي
حسن :تعالي بنتي خيرك
سارة تبكي :بابا عمو اكرم توفى امس 😭
حسن:لاحول ولا قوة الا بالله ربي يرحمه 😞
سارة:بابا انا نبي نمشي نعزيهم مش معقولة نكلمهم بالهاتف انت عارف جميل عمو اكرم عليا
حسن:ايه يابنتي صح حتى انا كان نلقى نمشي نعزي ولاده بس تأشيرة تعطلنا
سارة:بابا نسيت انا معاي جنسية نقدر نحطك مرافق معي ونسافرو بسرعه
حسن:خلاص مالا امت نتوكلو
سارة:بعد غدوة
حسن تمام
-------------
ملاحظه"سارة كانت طالبة متوفقه وممتازة في دراستها ولانه بوها يحبها هلبا ومربيها صح وافق انا تقرا في تركيا لما حصلت منحه ولانه صحبة قديمه مع اكرم فاوصاه عليها وتلاقت مع انور بالصدفه لما كانت عند اكرم "
"سارة قاريه طب جراحه وبعدها قلب وحضرت ماستر واكرم بمعارفه قدر يحصللها عالجنسية باش تقعد براحتها وبعد تخرجت رجعت ليبيا وفتحلها بوها عيادتها الخاصة
---------------
في تركيا
نزل عاصم من غرفته قعمز مع امه خواته بس لاحظ عليا ونرجس مش موجودات سأل الشغالة وقتله انهم طلعو لفندق تعصب واتصل بعليا اول مافتحت الخط:انتم كيف تطلعو من غير علمي وين تحسابو روحكم مافيش زفت تسألوه😡
عليا بدموع:والله هدي نرجس ياعاصم قتلي انه خالتي نادية رح تلزنا لانه بابا مات واصرت نطلعو لفندق
عاصم:توا تبعتيلي اسم الفندق وترجعو مع السواق احسن مايصير شي مايعجب حد وسكر الخط
بعد ساعه كانو عليا ونرجس في حوش بوهم نزل عاصم وهوا متعصب عالاخر ووقف قدامهم:مانبيش نكثر دوة هدا الحوش لبوك انتي وياها مافيش طلوع منه لحد ترجعو ليبيا فاهمين
عليا:فاهمين
نرجس:بس امك توا
عاصم بعياط:فاهمين😤😡
نرجس بخوف:اوك فاهمين
فات اليوم عادي سارة تحاول تكلم انور بس مايردش عليها عاصم يفكر في وصية بوه وكيف رح يسيب امه وخواته وكيف رح يرجع ليبياوكيف بيقابل خوته و ردة فعلهم على رجوع خوهم الكبير💔
---------------
نادية دموعها ماوقفوش وتفكر كيف رح تكمل بدون اولادها وهل تتنازل وتنفذ وصية راجلها او تكون انانية وتمنعهم يرجعوا بلادهم واذكرت  Flash back
في يوم كانت ناديه واكرم مقعمزين في الشركه  بعدما اكرم حكالها على قراره انه عاصم وانور يرجعو ليبيا وعاصم يكون جنب خوته لانهم محتاجينه ووصاها انها تدعمهم يسافرو     end back
بعد 5ايام وصلت سارة تركيا مع بوها واتجهو لحوش اكرم رنو الجرس ودخلو عزو نادية وحسن قعد مع عاصم اما سارة اتجهت لغرفة انور قبل ماينزل عاصم
خبطت عالباب مرة واتنين بس لا رد خشت للغرفة لقتها مظلمة وباردة شبحت للبلكونة شافت انور مقعمز عالكرسي والدخان في يده ساند راسه عالكرسي
سارة بقلب تقطع على منظره وعارفه انه مايضعفش قدام حد:انور💔
قام راسه وابتسم بالم:اخيرا جيتي ياسارة انور موجوع
نزلو دماعها 😭 ومشت قعمزت جنبه وشدت يده بقوة :ربي يصبركم على فراقه
انور حط راسه على كتفها وضاغط على ايدها ودموعه ماوقفوش بدون ولا كلمه
"وكأنه الحكي ماكان يفيد قلوبهم اللي حكت وشكت وفهمو بعض"
بعد وقت حست بهدوء انور شافتله راقد فيقاته وخش لغرفته كمل نومه لانه تاعب 😞
نزلت سارة للمطبخ تبي تشرب تلفتت شافت شخص طول بعرض لابس تيشرت اسود نص كم وريحة دخانه عبت المكان بعد تفكير قعدت تذكر انه اكيد ولد خالتها وقالت:عظم الله اجرك
تلفت عاصم بعد سمع الصوت وشافلها وفي فمه الدخان بس استغرب شي صار اول ماتلفت .....يتبع