وجدتكي ملجئي💜

part17

Part17
........:عيونها💓وطلعت من وراه حضنها عاصم
الكل انصدمو وفيه اللي بيموت😅
عاصم:هاشن رايكم في مرتي الحلوة
اريج:يابارد انت وياها وقفتو قلوبنا 😒
سارة تضحك:علاش وين مشي تفكيرك اني بنخلي وحدا غيري تاخده هه مستحيل😇
عاصم:شنو مفيدة شن رايك في كنتك🤣
مفيدة:خزي ياباسل محلاها احلى كنه
نرجس بتموت لانه خطتها فشلت
ريناد:امتى رجعتو لبعض
عاصم:لينا شهر مع بعض
"اي شهر زي ماقريتو خيركم انصدمتو😂اكيد تبو تعرفو كيف تعالو نرجعو قبل شهر ونحكيلكم"
Flash back
تذكرو لما كانو عالبحر وعاصم تأسفلها
سارة:عاصم ارجوك
عاصم خبط عالدومان:لا سارة لا مش رح نسمحلك تبعدي تاني انتي مش عارفه يوم طحتي بين يديا شن صار فيا قلبي هذا وقف وحط ايدها على قلبه هذا خاف لاول مرة خاف يفقدك وعيونه دمعوا وواطى راسه💔
سارة حطت ايدها على خده :لالا بالله عليك ماتبكيش نبيش نشوف دموعك نبيك ديما قوي ديما حبيبي
عاصم:حبيبك يموت لو تبعدي عليه
سارة:وانا مش رح نبعد
عاصم:اوعديني
سارة:وعد جبدها عاصم بقوة وباسها بوسه حد مشتاق حد خاف يفقد حبيبه
عاصم:نموت فيك وحضنها
سارة:وانا نحبك💓 قعدو عالحال هدا فترة
سارة:حبيبي نطلب منك طلب بس اوعدني توافق
عاصم:معناها عارفتني بنرفض
سارة:مانبيش حد يعرف انه رجعنا
عاصم:لا وبتلبسي خاتم توا
سارة:ارجوك حبي وشدت ايده
عاصم:اوف عارفتني نقدرش نردك بس علاش
سارة:تو نقولك في وقتها وتوا وين بنرقد انا
عاصم:في حوشنا ياقلبي
سارة:وانت في دارك
عاصم:تي كيف نخليك بروحك 😁
سارة:لالا عادي انت معاي لا ولا حطني في العيادة
عاصم:بهي خلاص بروحك  end back
اريج:شهر يا ظالمين نتعذبوا على خاطركم
عاصم:معليشي هدا طلب اميرتي
مفيدة:ري يهنيكم ياوليدي وامتى العرس
عاصم:بعد اسبوعين
اريج:كييف😰لا شويه عالاقل شهر
عاصم:لا والله معاد مستني هما اسبوعين بس بنمشو بعد يومين لتركيا نتزوجو ومروحين العرس هنا
مفيدة:بهي ربي يقدم اللي فيه الخير
طلعو عاصم وسارة برا:نحبك عندك علم وقرب منها
سارة بعدت:حبيبي خلاص عاد خديت عالوضع انت
عاصم بضحك:ايه وحتى انتي خودي عليه معاش بعيد العرس نديرو بروفات😉
سارة:ياسخيف انور بيسافر معانا
عاصم:ايه اكيد بهي بوسة وحدا يا شريرة
سارة:لا انا بنروح هيا باي ومشت ركبت سبارتها وطلعت
بعد يومين سافرو لتركيا وصلو ومشو لحوش اهل عاصم استقبلتهم نادية:اهلا وسهلا حمدا لله على سلامتكم
عاصم حضن امه:استحشتك ياست الكل
نادية:وانا ايضا بني كيف صحتك
عاصم:كويس امي
نادية:كيف حالك ايتها العروس
سارة:الحمد لله ياخالتي
نادية:ناديني امي من الان انتي مثل ابنتي
انور:تي شنو انا ماعنديش حصه يا ندوش ولا كيف
ناديه بضحك:تعالى الي ايها المشاكس وحضناته نزلت دارين سلمت علي خوتها وقعمزت جنب عاصم وماكلمتش سارة بكل عاصم لاحظ بس مايبيش يضايقها
عاصم:امي ياريت تكلمي العيلة وتعزميهم كلهم غدوة عالعشا يتعرفو على سارة لانه مانبوش نقعدو هلبا هنا باش تمشو معانا انتي ودارين
نادية:حسنا بني كما تريد
دارين:انا مانبيش
عاصم:مش بكيفك امك ماشيه وحتى انتي
دارين وقفت ركبت لغرفتها طايرتلها
عاصم:خيرها هدي
نادية:لا اعلم
عاصم:سارة نوضي ارتاحي شويه بعدين بنطلعو نكملو اجرائات الزواج
سارة تمام وصلتها الشغاله لغرفة دوشت ورقدت وكذلك عاصم
في ليبيا عند نرجس
اماني تبكي:كيف بنديرو توا هي اهو رجعو لبعض بعد تخطيط كله
نرجس:اسكتي تو نفكرولهم في فكرة
اماني:فكرة شنو بالله عليك مزال اقل من اسبوعين
نرجس بضحكه:نعرف واحد رح يخرب العرس
اماني:منو هذا
نرجس:تو نقولك غير خليني ندور على ايميله ورقمه
فاقو عاصم وسارة وطلعو كملو اجرائاتهم وقعمزو في مطعم
عاصم:نموت فيك انا
سارة:حقا
عاصم:مش مصدقه تو نثبتلك بعد ايام
سارة:قليل ادب
عاصم:سنة الحياة ياقلبي
سارة:حقا عاصم بنسالك
عاصم:اسألي ياروح عاصم
سارة:لما كنت في العيادة انت جيتني
عاصم ضحك:كيف جيتك انا اللي رفعتك اصلا
سارة:لا مش قصدي هكا بس انا شفت حاجات وحسيتها مش خيال يعني
عاصم:شن شفتي اني نهدرزلك ونبوس فيك 😅
سارة:انت شن ... حي قصدك حق مش حلم
عاصم:ايه حق مش حلم هديكا الليله قعدت معاك وشبعت فيك ولما بديتي تفيقي طلعت
سارة:اممم بهي
عاصم:تو بتحكيلي قصة الثعلب
سارة:علاش تبي تعرفها
عاصم:مش مرتي نبي نعرف كل شي حتى انا بنحكيلك
سارة:بهي زمان لما كنت في تركيا سنة اولى فيه دكتور يديرلنا امتحان وتاني يوم بجي يطلع الطلبه اللي غشو كلنا استغربنا كيف عرفهم وهوا مايراقبش والقاعات بدون كاميرات انا فضولي خلاني نقعد نفتش وراه وفي يوم كنت مقعمزة في الشجرة فوق هوا قعمز عالكرسي تحتها وفتح لابتوبه طلع يخترق في حساباتنا ويعرف من الدردشه من غش ومن جاوب بمجهوده  واجهته ومقابل سكوتي طلبت منه يعلمني اصول الهاكر والاختراق وافق وبديت نمشيله في مكتب برا انا وانور لانه ماعنديش فيه ثقه وبعد سنة بديت معلمه واخترقت كل اجهزته هوا طارتله وقلي انتي ثعلب تاخدي وتنكري وطلب نقله من الجامعه ومن يومها خوك يقولي ثعلب
عاصم يضحك:لا ثعلب حق
بهي بنحكيلك على خطيبتي السابقه
سارة:نعم خطيبة منو ياروحي 😡
عاصم:سلمها اللي تغار هدا زمان بوي وعمي اتفقو انه عاصم لديمه من لما صغار وكبرنا عالاساس هدا انا ماكنتش نحس تجاها باي مشاعر بس هيا تقولي نحبك لكن عاشت حياتها بالطول والعرض مع الشباب وصلت حتى حاجات غلط في غلط وفي يوم جاني اتصال انها في شقه مع واحد في الاول ماصدقتش بس  لما اتصلت بيها ولقيتها مقفل مشيت للمكان شفتها معاه روحت وقلت للعيلة تنسو فكرة اني نتزوجها نهائي قلبت الدنيا ودارت العار وحالفه لو نتزوج غيرها تقتل روحها
سارة:مريضه هدي حبيبي خاطري نشوفها
عاصم:روح حبيبك انتي هيا نروحو تاخرنا
ثاني يوم طلعو للمحكمه تزوجو
عاصم باس راس سارة:الله يباركلي فيك ياقلبي عقبال يتسكر علينا باب 😅
سارة ضرباته:خزي يابارد  نحبك وحضناته وروحو يجهزو روحهم للعشا في الليل سارة متوترة وخايفه من ردة فعل عيلة عاصم وديمه لانها تبيه وتحبه طق الباب وخش عاصم لابس بدلة ازرق كحلي وطالع خيال ناعليا انا يا ضياع قلبي😅:كملتي اميرتي
سارة متوترة:ايه
عاصم:تخافيش
سارة:بهي بلكي ماحبونيش
عاصم قرب منها:شن رايك انا نحبك بدل الكل وباسها هيا نطلعو خير مايصير كلام تاني
سارة شدت يده:خليك جنبي ماتبعدش بكل
نزلو والعيون كلها على سارة عرفها على عيلته اللي هما
عمه كريم متزوج وعنده "اركان،ايهم،ديمه"ليهم دور بسيط في الحلقات الجايه
عمة وحدا مش متزوجه
وعم ثاني عايش بعيد عالعيلة
سارة لاصقه في عاصم وانور يسهوك عالكل وديمه ماحولتش عيونها من على سارة وعاصم فايت الكل وهايم مع سارة 😅
عاصم:شنو حبيبي خيرك
سارة:امتى بيتم العشا هدا انا انخنقت
عاصم باس ايدها:خلاص ياروحي شوية ونطلعو بهي
عمته:اذا ياعاصم الن تخبرنا بسبب زواجك من هذه الفتاة
عاصم:احبها عمتي هدا السبب
عمته:الحب وحده لايكفي الزواج يجب ان يبني على اشياء اهم الحب مجرد شعور لا اكثر
عاصم:لا يهمني
ديمه:ومن اي مزرعه التقطها
عاصم بيرد سارة ضغطت على ايده وابتسمت لديمه:اظن انك لم تتعرفي بي جيدا انا سارة حسن دكتورة جراحه عامه وقلب ولدي ماستر ايضا وكلها من تركيا يا عزيزتي 😉
ديمه انصدمت انها تتكلم تركي بطلاقه:لايهم
سارة:طبعا يهم والاهم انني تزوجت عاصم حبيبي
ديمه طارتلها وطلعت برا
سارة ضحكت وقالت لعاصم:حبيبي هيا نطلعو خلاص انا
عاصم:هيا يا روحي ووقفو نعتذر نحن تعبنا اليوم تصبحون على خير وطلعو
سارة شادة في يده:بس انا مش نعسانه
عاصم:ومن قال بنرقدو انا نوزع فيهم بس نركبو نكسدو في بلكونه داري
سارة:هيا ركبو وقعدو سهرانين لوقت متاخر عاصم يحكيلها على حياته في تركيا وسارة تحكي على جامعتها وصحبتها بانور
ثاني يوم الصبح فاقت سارة ومشت لعاصم
سارة:عصومي هيا بيبي فيق
عاصم:ااحلى صبح على صوتك وناض اقعدي هنا ندوش عالسريع وننزلو مع بعض
سارة تمام قعدت تستنى فيه لين طلع وكيف بينزلو سمعو صوت حد يعيط بقوة :انزلي يا ولد اكرم.....يتبع